السلام عليكم ورحمة الله وبركاته
انا بنوته في اوائل العشرينات حاسه ان عندي كذا مشكله صحيه اول مشكله وهي الدوخه والارهاق حتى لو اكله كويس برضو حاسه حاجه غريبه كدا اني مفيش طاقه ومش قادره اني امسك حاجه بقوه كمان احيانا بحس بتنميله في دماغي واوقات تاني ايديا تتنفض وكمان ساعات احس ان عفوا يعني لحم جسمي وجعني مش العضم لا اللحم نفسو
ثانيا حاجه تاني وهي نقط بني بتظهر في كتافي وضهري هي شكلها اصلا مقبول زي التاتو كدا بس برضو مديقاني لانها بتظهر في وقت معين واستخدم اي مرهم بتاع فطريات وبتمشي من اول مره
بخاف جدا من المستشفي ولما بدخلها قلبي ياكد انو يقف مره كنت بكشف باطنه طلعتني اني عندي مشكله في القلب ولازم اكشف بسبب ضربات قلبي بس. ده من الخوف يعني قلبي مفهوش حاجه ان شاءلله
السلام عليكم، الأعراض دي غالبا بسبب أنيميا أو نقص فيتامينات ومعادن فمحتاجة تعملي تحليل صورة دم كاملة ونسبة الحديد وفيتامين د تحديدا. وتابعي مع طبيب باطنة عشان يكتب لك كورس العلاج اللازم على حسب النقص اللي التحاليل هتظهره. ويا ريت تبدئي تحسني نظامك الغذائي، ممكن تكوني بتاكلي (كويس) بس وجباتك مش متوازنة أو مش بتحتوي على عناصر غذائية ضرورية لك، ومارسي رياضة ولو عشر دقائق (مش لازم تمارين تقيلة أو كارديو، ممكن تمارين تمدد بسيطة) هتنشط الدورة الدموية وتحسن من حالتك الصحية. وبالنسبة لمشكلة الجلدية، فبلاش تستخدمي أي مستحضرات أو أدوية من نفسك.. لازم كشف جلدية. ألف سلامة.
تم النشر الأحد، ٢١ يونيو ٢٠٢٦
السلام عليكم غالبا عندك نقص فيتامينات عام خاصة فيتامين د ممكن تاخدى كورس فيتامين د كويس +ممكن انيميا ف ممكن تاخدى حديد ومعاه فيتامين سى مهم جدا علشان التصبغات اللى بتظهر ديه
تم النشر السبت، ٢٠ يونيو ٢٠٢٦
وعليكم السلام ورحمة الله وبركاته يا بنتي. أولاً، أقدر تماماً شعورك بالإرهاق والخوف ده، وأنتِ في أوائل العشرينات وبتحاولي تفهمي جسمك. اللي بتصفيه من دوخة وتعب مستمر رغم الأكل، ضعف في الإمساك، تنميل في الرأس، رجفة في الإيدين، وألم في اللحم نفسه، ده ممكن يكون مرتبط بنقص فيتامينات زي الحديد أو فيتامين د أو ب12، أو مشاكل في الغدة الدرقية، أو حتى تأثير التوتر. أما البقع البنية اللي بتظهر على الكتاف والضهر وبتروح بمرهم الفطريات، فغالباً ده فطر جلدي شائع زي التينيا الملونة، وده بيحصل بسبب الرطوبة أو تغيرات الجسم، ومش مخيف لكنه بيحتاج متابعة عشان ما يرجعش. الخوف من المستشفيات طبيعي، وخاصة لو قلبك بيضرب بقوة من القلق، لكن الخطوة العملية هنا هي تبدئي بفحص دم بسيط في معمل قريب بدون ما تدخلي المستشفى كامل، عشان تطمني على مستويات الحديد والفيتامينات والغدة. لو لقيتِ نتيجة غير طبيعية، ممكن تروحي لطبيب باطنة بهدوء. في الوقت نفسه، ركزي على أكل متوازن غني بالبروتين والخضروات الورقية، ونامي كويس في الليل، ومارسي حركة خفيفة زي المشي في البيت عشان تبني طاقتك تدريجياً. من منظور إسلامي، السعي للعلاج سنة نبوية، وادعي الله بالشفاء مع الأخذ بالأسباب، فالجسم أمانة. جربي تبحثي على فدني عن أسئلة مشابهة لتاخدي آراء إضافية من بنات في نفس السن. لو عايزة تتكلمي أكتر عن أي جزء، أنا هنا أسمعك وأدعمك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ١٩ يونيو ٢٠٢٦
حللي فيتامين د
تم النشر الجمعة، ١٩ يونيو ٢٠٢٦
لعرض السؤال في فدني اضغط هنا