السلام عليكم ورحمة الله وبركاته
انا حاليا 16 سنه وبعانى من الانيميا من صغرى مع الاعراض الكتير اللى بتظهر بقى دوخه و جفاف و صداع و ساعات احس عنيا مش شايفه بيها كده والموضوع بدا يزيد الفترة دى مع فقدان شهية وضعف بقى ونقص فى الحديد و الكالسيوم والفيتامين د روحت لدكاترة كتير وكنت بتابع واستمر لحد ما نسبة الحديد ترفع والانيميا تتظبط وكده بس بردو هيا هيا الدايرة المغلقة نفس الاعراض جربت اروح لدكتور تغذية يمكن الاعراض من قلة الغذا مثلا لقيت انى مش بقدر اكل اصلا (مش عارفة ده بسبب الانيميا بردو ولا ايه ) المهم من فترة قصيرة اخر دكتور تغذية روحت ليه زدت حوالى 4 كيلو ممكن فى شهر كنت ماشية على نظام اللى هو اكل حاجات بسيطه بس تعطينى طاقة و تزودنى زى مشروبات الطاقة والحاجات دى بس معرفتش انتظم واكمل وللاسف اول ما بتدخل الدراسة شهيتى بتتقفل اكتر وكل الاعراض بتتضاعف تقريبا بسبب الضغط والتوتر وكتر التفكير حاليا المفروض انى هروح لدكتور تانى بابا بيقولى نروح لدكتور امراض دم وبعدين نروح لتغذية انا مش عارفة ايه التخصص اللى المفروض اروحله حرفيا كل ما اروح لدكتور يحولنى لدكتور تانى روحت لدكتور اسنان (اسنانى بتسوس بسرعة وساعات بتتكسر) قالى اروح لدكتور باطنه روحت للباطنه حولتنى لتغذية روحت لتغذية قالى الموضوع نفسى . ايه الحل والمفروض اروح فين دلوقتى لو حد عنده علم المفروض اروح لدكتور ايه اتمنى يقولى انا يعتبر قولتى حالتى باختصار
السلام عليكم، أولا ألف سلامة عليكِ، شفاك الله وعفاك. الحالة مينفعش تشخصيها من الكلام المكتوب وحده ولازم فحص شامل بعد ما الطبيب ياخد التاريخ المرضي مفصل ويطلب فحوصات تانية، لأن فيه احتمالات كتيرة للأعراض دي، والموضوع مش مقتصر بس علاج نقص الحديد، لازم تحديد السبب وعلاجه هو تحديدا، عشان تكسري الدائرة المتكررة اللي قلتِ عليها. الأنيميا الشديدة المتكررة لها احتمال كمان وهو فقدان الدم، حتى مع العلاج بالحديد، إذا الدورة الشهرية بتيجي بغزارة وبتفقدي دم كتير شهريا ده ممكن طبعا يكون عامل كبير، فتأكدي من النقطة دي ولو موجودة اذكريها للطبيب. **** ضروري متأخريش الكشف واعملي زي ما بابا قال لك، روحي لدكتور أمراض دم. مشكلة الأسنان طبيعي تحصل لأن نقص فيتامين د والكالسيوم بيأثر على العظام والأسنان. بلاش مشروبات الطاقة، هتضرك أكتر.هي مش بتعالج الأنيميا ولا سوء التغذية وممكن تزود الخفقان وتعمل اضطرابات نوم، وده في النهاية بيأثر على وضعك أكتر. وألف سلامة مرة تانية.
تم النشر السبت، ٢٤ أكتوبر ٢٠٢٦
وعليكم السلام ورحمة الله وبركاته. أنا آسفة جداً للمعاناة اللي بتمري بيها من سن صغير، والأعراض دي بتأثر على حياتك اليومية والدراسية بشكل كبير. الأنيميا، خاصة نقص الحديد والكالسيوم وفيتامين د، شائعة عند البنات في سنك، وأعراضها زي الدوخة والصداع وضعف النظر والإرهاق وفقدان الشهية بتكون نتيجة طبيعية لانخفاض مستويات الدم والعناصر الغذائية، لكن الدائرة المغلقة اللي بتوصفيها غالباً بتحتاج تشخيص دقيق لمعرفة السبب الجذري، سواء كان نقص تغذية مستمر أو مشكلة امتصاص أو حالة دموية أخرى. الخطوة الأمثل دلوقتي هي البدء بدكتور أمراض دم (هيماتولوجي) كما اقترح والدك، لأنه متخصص في فحوصات الدم الشاملة زي تعداد الدم الكامل ومستويات الفيريتين والحديد، وهيقدر يحدد إذا كانت الأنيميا بسبب نقص بسيط أو شيء أعمق يحتاج متابعة مستمرة. بعد كده، روحي لدكتور تغذية لتصميم نظام غذائي يناسب حالتك ويحسن الشهية تدريجياً، مع التركيز على أطعمة غنية بالحديد والكالسيوم وفيتامين د زي اللحوم والخضروات الورقية والألبان والمكسرات، مع مكملات لو لزم الأمر تحت إشراف طبي. حاولي تتابعي النتائج بانتظام وتسجلي الأعراض يومياً عشان تقدري توضحي للدكاترة التغييرات. من المهم تكوني صبورة مع نفسك، فالضغط الدراسي بيفاقم الأعراض، لكن الاستمرارية في المتابعة هتساعدك تخرجي من الدائرة دي. ابحثي عن أسئلة مشابهة على فدني للحصول على تجارب أخرى، واستمري في الدعاء والتوكل على الله مع الأخذ بالأسباب. لو استمرت الأعراض، لا تترددي في طلب فحوصات إضافية. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٢٣ أكتوبر ٢٠٢٦
والله وانا حاسه كده بردو بس للاسف اهلى مش بيقتنعوا بالحاجات دى
تم النشر الثلاثاء، ٢٧ أكتوبر ٢٠٢٦
اعتقد بان الحالة النفسية لها دور كبير في حل المشاكل فالشخص الذي لديه اكتآب ليس مثل الشخص العادي حتى لو كان لكليهما نفس المرض
تم النشر الاثنين، ٢٦ أكتوبر ٢٠٢٦
الله يسلم حضرك ، تمام باذن الله هعمل كده بشكرك جدا .
تم النشر الأحد، ٢٥ أكتوبر ٢٠٢٦
الف سلامة عليكى، محتاجة دكتور امراض دم يعالج صح ويعرف السبب وممكن مع دكتور امراض الدم دكتور تغذية
تم النشر السبت، ٢٤ أكتوبر ٢٠٢٦
لعرض السؤال في فدني اضغط هنا