السلام عليكم ورحمة الله وبركاته
انا بشتغل ف للصيدلية ف المهم طبعا بتعرض اني بشوف شباب بكل الأعمار
ف الحمدلله بحاول اغض بصري ع كد م اقدر الفكرة لما بصرف نظري انا بحس القدامي بيصلي نظرة استغراب بلاقي شباب باصه فيا وانا عيني ف اي مكان عشان مبصلوش الا اني بلاقي يا ابتسامه يا الاقي عيني يفضل يبص انا توترت والموضوع مسببلي رهبه طب انا عملت حاجه غلط طب في اي بجد انا مش عارفة اي للحل
يا اخوات انا اي اعمل بجد؟ والله حقيقي بتوتر بدأت لما بجاهد نفسي اني مبصش
كل ماشاب يبص انا بتوتر والله وبحس هعيط مش عارفة اي السبب
السلام عليكم، هو غض البصر مش مطلوب منك إنك تفضلي باصة في الأرض أو مكان تاني، الفكرة في غض البصر إنك متفضليش تتأملي وتتدققي في اللي قدامك وأفكارك تشتغل في منحنى تاني. ** هم بيبتسموا أو بيفضلوا يبصوا ممكن عشان محاولاتك المستميتة إنك متبصيش ناحيتهم وبتباني متوترة وعلى فكرة ساعات فيه شباب ممكن يفتكروا إنك مكسوفة تبصي لهم عشان معجبة ولا حاجة. فحاولي تتعاملي على طبيعتك قدر الإمكان. ** خليكِ عملية ودربي نفسك تبصي مرة للعميل بكل هدوء وعملية واسمعي طلبه وممكن بعد كده تعملي إنك مركزة في إنك بتجيبي الطلب أو بتشوفي السعر وهكذا. ممكن كمان وأنتِ بتعطيه تعليمات الدواء تكوني باصة لعلب الأدوية ومركزة في الكتابة فبتكتبي وتشرحي في نفس الوقت وبعد كده تسلميه الأدوية بكلام دبلوماسي سواء نظرتِ نظرة عادية من غير تدقيق أو نظرتِ تجاهه لكن عينك مركزة على حاجة وراه مثلا أو كأنك بتستعدي تستقبلي العميل اللي بعده. *** طول ما أنتِ موترة نفسك ومركزة إن مينفعش أبص خالص ناحية العملاء الذكور هتلاقي صعوبة في غض البصر فعلا والتعامل بصورة طبيعية، تعاملي مع الأمر طبيعي وارسمي الجدية على ملامحك وأنتِ بتستقبلي العميل وتعاملي بغض النظر عن جنس اللي قدامك، كلميهم وواجهيهم من غير تدقيق ولا خجل ولا توتر. أنا كنت بتعامل كده مع المرضى لأن طبيعي مش هقدر أفضل غاضة بصري عن المريض وأنا بسأله وآخد منه معلومات وكمان الكشف بيتطلب مني أواجهه أثناء فحص الوجه لأعراض معينة، فلازم أتعامل بمهنية وعملية فمش بتعامل مع اللي قدامي على إنه رجل أو امرأة بقدر ما إني مش شايفة غير مريض قدامي بصرف النظر عن جنسه أو شكله. حاولي تخليكِ مهنية وعملية وإن شاء الله مع الوقت مش هتلاقي صعوبة سواء في غض البصر أو التعامل المهني مع الزبائن. بالتوفيق.💚
تم النشر الخميس، ٣ سبتمبر ٢٠٢٦
بصي يا بنت الناس أنتي معملتيش أي حاجة غلط خالص ومش ذنبك إن الناس بتتصلح أو تبص لما تبصي بعيد بالعكس ده رد فعل طبيعي جدا منهم لما بيلاقوكي غضيتي بصرك أو اتفاديتي بصاتهم لأن الغالبية مبقتش متعودة على كدة متوتريش نفسك ولا تعيطي وخليكي طبيعية وركزي في شغلك واعملي شغل بجدية ورسمية ومتحطيش الموضوع في دماغك عشان متتوتريش زيادة على الفاضي... انا بعمل كدا مع أي بنت في الجامعه حتى المعيدين والدكاتره أو قرايبي الأجانب .. والموضع بيوتر صح لكن متوتريش نفسك زياده
تم النشر الخميس، ٣ سبتمبر ٢٠٢٦
وعليكم السلام ورحمة الله وبركاته، أولاً، أحييكِ على جهدكِ الصادق في محاولة غض البصر، فهذا دليل على إيمانكِ وحرصكِ على رضا الله. التوتر اللي بتحسي بيه طبيعي جدًا لأنكِ بتحاولي توازني بين أمرين: الالتزام الديني والتعامل المهني اليومي. غض البصر مش معناه إنكِ تتجنبي النظر تمامًا في كل لحظة، بل هو خفض النظر عن النظرة الزائدة أو المتعمدة، مع الحفاظ على الاحترام واللباقة في التعامل. في الصيدلية، التعامل المهني يتطلب أحيانًا نظرة مختصرة ومباشرة عند شرح الدواء أو الإجابة على سؤال، وهذا لا يتعارض مع غض البصر إذا كان النظر سريعًا وغير مستمر. الشباب اللي بيبصوا لكِ قد يكون رد فعلهم طبيعيًا لأنهم يلاحظون أنكِ تنظرين بعيدًا، فيشعرون بالغرابة أو يبتسمون لكسر التوتر. أنتِ لم ترتكبي خطأ، بل أنتِ تطبقين أمرًا إسلاميًا في بيئة عمل تتطلب تواصلاً. للتخفيف من الرهبة والتوتر، ركزي على دوركِ المهني: عندما تحتاجين للنظر، اجعليه موجزًا ومصحوبًا بابتسامة مهنية خفيفة ثم أعيدي النظر إلى الدواء أو الورقة. استخدمي عبارات واضحة ومباشرة مثل "هذا الدواء يؤخذ بعد الأكل" لتوجيه الحديث نحو الموضوع. مع الوقت، سيتعود عقلكِ على هذا التوازن، وستقل مشاعر التوتر لأن التركيز سيكون على إنجاز المهمة بإتقان. جربي البحث عن أسئلة مشابهة على فدني لتري تجارب أخريات في مواقف عمل مشابهة. أنتِ قادرة على التوفيق بين الاثنين، وكل محاولة صادقة تُحسب لكِ.
تم النشر الأربعاء، ٢ سبتمبر ٢٠٢٦
لعرض السؤال في فدني اضغط هنا