بدأت اسمع فيديوهات كتيرة عن المرأه وقيمتها في الإسلام وبدأت أفهم إني غاليه جدا وحبيت جدا فكرة إني أبعد عن الاختلاط بأي ولد خالص أو أي رجل عموما علشان أحافظ على حيائي وسني 18سنه
فالمهم بقيت وأنا ماشيه في الشارع عادي بحس إن لو في ولد معين يبقى بيبص عليا بس أنا إلى حدٍ ما ببقى واثقه إنه بيبص وحتى لو الولد ده حد كويس أو جذاب بالنسبالي بتجاهله تماما وبمعنى أصح مش بديله أي نظرة حتى
والفتره الأخيره دي حسيت إن ده غرور مني وإني كده هيقولوا عليا شايفه نفسي بعد ماكان تفكيري في نقطة إنهم هيشوفوني غاليه وكان تفكيري في اتجاه ديني أكتر من ناحية غض البصر بجد حاسه إن النوايا بدأت تتغير 🥲
هل دي وساوس من الشيطان ولا إيه ؟!
لا انتي كدا ماشية صح الصح ومفيش حاجة تعيبك واة هي وساوس شيطان ليس اكثر لا تكترثي بها وربنا يهدينا كلنا لرضا الله وطاعته ومراضاته انتي كدا ماشية صح خليكي ماشية على مبادءك لانه انت كدا غالية لا تتبعي خطوات الشيطان وشكرا
تم النشر الأحد، ٧ ديسمبر ٢٠٢٥
السلام عليكم ورحمة الله وبركاته. فيه خطه حلوة جدا ممكن تعمليها يا أختي وبإذن الله هتسهل عليكي الطريق. مبدئيا الي انتِ بتعمليه صح جدا، ولا فيه غرور ولا حاجه، ودي وساوس الشيطان فعلا، وطريقة حلوه انك تبعدي الوساوس دي هي انك انتِ كمان تغضي بصرك عن الولاد، واحد علشان لا تفتني، واثنين انك متركزيش على نظرات حد ومتحطيش الموضوع في دماغك طلاما انك محتشمة ولابسه لبس شرعي. أنا ١٨ سنة تقريبا برضو، وكنت ممكن أتساهل في الحديث مع البنات وأهزر بحجة علشان ميفكرونيش متكبر وكده، بس لما بطلت وبقيت مش ببص عليهم أصلا ومش بركز مع وشوشهم مبقاش بيهمني أفكار الناس عني، ونفس الموضوع مع فكرة السلام على البنات برضو. صدقيني في البداية هيكون الموضوع فيه تحديات، بس بعد كده هترتاحي نفسيا. وربنا يثبتك يا رب
تم النشر السبت، ٦ ديسمبر ٢٠٢٥
هذه مجرد همزات من الشيطان حتى يدخل الشك في قلبك من اتقان النية واخلاصها لله وبعد ان يتذبذب تفكيرك سوف تتراجعي عن غض البصر حتى لا تشعري بالتكبر وبذلك ينجح الشيطان في حيلته ولذلك انصحك بالاستمرار في غض البصر والتمتع بالثقة في ذاتك التي أعزها الاسلام ولا تهتمي بنظرات الاخرين او رأيهم في موقفك ما دام فعلك لوجه الله ورضاه وليس لننال اعجاب البشر ويارب يثبتك ويبعد عنك الفتن ويرزقك السعادة والزوج الصالح
تم النشر الأحد، ٧ ديسمبر ٢٠٢٥
السلام عليكم، أي عبادة أو عمل صالح يتدخل الشيطان فيه ويحاول أن يوسوس لنا ليفسده، إما يحاول أن يفسد النية أو يشككنا في نيتنا الأصلية أو يدخل الغرور والكبر في قلوبنا. فالحل هو الاستعانة بالله والاستعاذة به من وساوس الشيطان وتجديد النية دائمًا. يمكنك مع المداومة على الاستغفار والأذكار أن تدعي الله دائما بإخلاص النية. كان من دعاء عمر بن الخطاب رضي الله عنه: (اللهم اجعل عملي كله صالحًا واجعله لوجهك خالصًا ولا تجعل لأحد فيه شيئًا) قلوبنا في يد الرحمن فاسأليه الثبات والهداية وخلاص النية لوجهه. بالتوفيق.
تم النشر السبت، ٦ ديسمبر ٢٠٢٥
بقترح عليكي تتجاهلي تماما التساؤل عن رأي الناس فيكي، سواء هيشوفوكي غالية أو هيشوفوكي مغرورة، المفروض ان ده مش هيفرق مع الهدف اللي انتي اخدتي قرارك بسببه. والتركيز على الهدف وعدم السماح بالتشتت من عوامل النجاح عموما. اتمنالك كل التوفيق والخير.
تم النشر السبت، ٦ ديسمبر ٢٠٢٥
لا انتي كدا ماشيه صح طالما لسه على نفس النيه ملكيش دعوه بالناس ولا كلامهم.... جددي النيه الا وهي غض البصر انو انا غاليه... وبس ليكي كل الأجر.... ربنا يثبتك يا غاليه💗🥹
تم النشر السبت، ٦ ديسمبر ٢٠٢٥
انتي ماشية صح استمري اكيد الشيطان مش هسيبك تعملي كدة بسهولة و انتي عرفتي هو بيلعب ازاي كدة انتي مش مغرورة ولو ولد هو الي قالك انك مغرورة يبقي انتي صح برضو
تم النشر الأحد، ٧ ديسمبر ٢٠٢٥
لعرض السؤال في فدني اضغط هنا