برغم كل الناس اللي حواليا انا حاسة بوحدة!
برغم اني ديما بضحك بس بيني وبين نفسي في هم م عارفه مصدره او سببه.
برغم اني بعرف اتعامل مع الزعل والخنقة وبساعد اي حد ف كده ، معدتش قادره اخلص نفسي من الزعل حتى
بقيت بعيط لاتفه الاسباب حتى لو بتكلم مع حد مع اني كنت نادرا ما بعيط اصلا
م حابة اشيل حد همي او انشر السلبيه
بس حبيت احكي لحد اختار يسمعني مش مضطر انو يعمل كده
السلام عليكم، ممكن مريتِ بظرف ضاغط الفترة اللي فاتت أو تراكمات كتيرة عدت عليكِ ومكنتيش بتنفسي عنها وظهرت دلوقتي على هيئة وحدة وحزن وهم مش عارفة مصدره زي ما قلتِ. ** حاولي كده تقعدي مع نفسك واستخدمي الكتابة في تفريغ مشاعرك، وحللي وفكري في كل الفترة اللي فاتت وإيه المواقف اللي حصلت وزعلتك أو خلتك مضغوطة وحاولي توصلي للجذور ولو حددت أي سبب اكتبيه وفكري شوية فيه وهل هو لسه موجود ولا راح بس أثره لسه وإزاي أتخلص منه ولو مشكلة إزاي أحلها واكتبي قصاد كل سبب الحلول أو البدائل اللي عقلك يوصل لها، لو فيه اسباب منها محتاجة تتكلمي مع حد من أهلك اعملي كده ولو فيه أسباب صعب تعالجيها لوحدك أو بالكلام مع حد قريب يبقى الأفضل تستعين بمختصة نفسية أو لايف كوتش. ** الكتابة كمان ممكن تساعدك في تخفيف الهموم اللي جواك... اقرئي عن الكتابة العلاجية واستخدميها وإن شاء الله تفيدك. وغيري من روتينك ودخلي أي حاجات أو نشاطات بتدخل السرور على قلبك، حتى لو مش حاسة بالسرور ده في البداية بس مع الوقت إن شاء الله مزاجك هيتغير. *** وأهم من اللي فات، استعيني بالله وكرري كتير دعاء "اللهم إني أعوذ بك من الهم والحزن وأعوذ بك من العجز والكسل، وأعوذ بك من الجبن والبخل وأعوذ بك من غلبة الدين وقهر الرجال" وادعيه دايما يفرج همك ويشرح صدرك. بالتوفيق إن شاء الله.💚
تم النشر الخميس، ٢٧ أغسطس ٢٠٢٦
وصولك لمرحلة العياط على اتفه الأسباب علامه ان في مشاعر كتير ومواقف مكتومة ومتراكمة ،بقترح عليكي تفرغي مشاعرك سواء بالكتابه او بالكلام مع صديقه، لاحظت من كلامك انك بتحبي تساعدي وده امر طيب لكن ممكن كمان بتتحملي مشاعر مواقف اللي بتساعديهم من غير ما تفصلي،وبتحرمي نفسك حق التفريغ زي ما بتساعدي غيرك،مهم جدا تتعلمي تعبرى عن مشاعرك وتسميها ويكون عندك قايمه أنشطه متنوعه زي المشي والرياضه،التلوين.. لتقليل حدة المشاعر اللي بتمري بيها
تم النشر الاثنين، ٣١ أغسطس ٢٠٢٦
أختي العزيزة، أشعر بقوة بما تمرين به، وهو شعور طبيعي جداً حتى لو كان محيطك مليئاً بالناس. الوحدة الداخلية ليست مرتبطة بعدد الأشخاص حولك، بل بمدى الشعور بالفهم والتواصل العميق، ومن الواضح أنكِ كنتِ دائماً الداعمة للآخرين، مما جعلكِ تتراكمين همومكِ دون أن تجدي متنفساً لها. هذا التحول في البكاء السهل والحزن غير المبرر يشير إلى أن نفسكِ تحتاج الآن إلى رعاية مماثلة لما تقدمينه للغير، وهذا ليس ضعفاً بل دليل على أنكِ إنسانة حساسة ومرهفة. أول خطوة عملية يمكنكِ البدء بها هي تخصيص وقت يومي قصير للكتابة عن مشاعركِ في مذكرة خاصة، دون الحاجة لمشاركتها مع أحد، فهذا يساعد على تحديد مصدر الهم الغامض تدريجياً. كما يمكنكِ البحث عن نشاط يومي بسيط يجلب لكِ البهجة، مثل قراءة آيات قرآنية تطمئن القلب أو الاستماع إلى تلاوات هادئة، لأن الارتباط بالله يعطي شعوراً بالأمان الداخلي ويخفف من الشعور بالعزلة. وإذا أردتِ، يمكنكِ البحث عن أسئلة مشابهة على فدني لتري كيف تعاملت نساء أخريات مع مثل هذه المشاعر، فهذا قد يمنحكِ منظوراً إضافياً دون أن تشعري بالضغط. تذكري أن مشاركتكِ هنا خطوة شجاعة، وأنتِ لستِ مضطرة لتحمل كل شيء لوحدكِ. إذا استمر هذا الشعور، فكري في استشارة متخصصة نفسية للحصول على دعم مخصص، فأنتِ تستحقين الراحة والتوازن. أنا هنا لأستمع إليكِ دائماً.
تم النشر الأربعاء، ٢٦ أغسطس ٢٠٢٦
انتي لسه خارجه من موضوع إرتباط اوحاجه؟
تم النشر السبت، ٢٩ أغسطس ٢٠٢٦
لسه نوعا ما صغيرة والخنقة اللي عندي دي ملهاش علاقة بإحباط او اني معرفتش احقق طموحاتي خالص عامةً
تم النشر الخميس، ٢٧ أغسطس ٢٠٢٦
اي اللي مانعك بقا ؟
تم النشر الأربعاء، ٢٦ أغسطس ٢٠٢٦
مش عارفة بالنسبة لايه بس بالنسبة لطموحاتي اللي عايزاها فا انا عايزة ابني اسمي او اتفوق ف المجال اللي هبقى حباه ساعتها وهبقى برضو لقيت شريك حياتي وخلصت دراستي واتجوزت وشايفه ان هيبقى عندي صحاب اكتر قريبين مني
تم النشر الأربعاء، ٢٦ أغسطس ٢٠٢٦
قولي بس
تم النشر الأربعاء، ٢٦ أغسطس ٢٠٢٦
ايه العلاقة!
تم النشر الأربعاء، ٢٦ أغسطس ٢٠٢٦
حياتك المستقبلية اللي نفسك فيها اي هي ؟ واي شكلها ؟
تم النشر الأربعاء، ٢٦ أغسطس ٢٠٢٦
لعرض السؤال في فدني اضغط هنا