dr.Hala saeed

غالبا اللي بتمري به ده احتراق نفسي نتيجة ضغوط كتير وتراكم مشاعر داخلك فجسمك بيديكي إشارة أنه تعب بفقدان الشغف،وواضح من كلامك انك محبوبة ومعطاءة لصديقاتك وعائلتك،المشكلة هنا انك ربطتِ قيمتك وحبك لنفسك بمقدار عطائك فلما تعطلي وطاقتك تخلص (وده الطبيعي لو بتعطي فقط بدون ما يكون ليكي خطة تشحني بيها طاقتك من جديد) بترفضي انك تقبلي ده وبتحسسي أن قيمتك مهددة ، هقترح عليكي بعض الاقتراحات اولا تقبلي اللي بتمري به وانك الفترة الحاليه منهكة ومش قادرة تعطي زي ما انتي بتحبي، ثانيا تعملي يوميا ابسط نشاط كان بيسببلك نشاط أو سعاده قبل مرحلة الاحتراق اللي بتمري بيها لتستعيدي طاقتك من جديد، ثالثا افصلي قيمتك عن عطائك بمعني أن قيمتك غير مرتبطة باللي بتقدميه، قيمة العطاء عالية عندك لكن اي شيء بنقدمه بدون توازن بيكون عاقبته خسارة، فقدمي بتوازن، وآخر نقطة اسمحي لنفسك تشاركي مشاعرك واللي بتمري به مع دائرتك المقربه وتطلبي الدعم لان ده حقك علي نفسك وهيساعدك تتحسني.

اسال الله ان يرزقك العافيه،رغبتك ومحاولتك للتغلب علي السلوك الادماني وشغل فراغك كلها خطوات سعي طيبة،لكن طالما لسة عندك صعوبة لعلاج وتخطي السلوك ضروري تتابعي مع معالج نفسي لان الأمر خرجت عن علاجه بأشغال الوقت فقط ممكن اقترح عليكي بعض الإرشادات زي لو في مشاهد أو مسلسلات بتثير عندك الأمر ضروري التوقف عنها ،لو السلوك بيزيد بجلوسك وحدك وانعزالك تجنبي العزلة والجلوس بمفردك في غرفتك، لو بتلجأي للسلوك ده وقت الضغط والتوتر فمحتاجة تحطي بديل لتفريغ الضغط زي الرياضة،المشي،التلوين،قران او الاعمال الفنيه اليدوية ربنا ييسر لك امرك و يرزقك العافيه

وصولك لمرحلة العياط على اتفه الأسباب علامه ان في مشاعر كتير ومواقف مكتومة ومتراكمة ،بقترح عليكي تفرغي مشاعرك سواء بالكتابه او بالكلام مع صديقه، لاحظت من كلامك انك بتحبي تساعدي وده امر طيب لكن ممكن كمان بتتحملي مشاعر مواقف اللي بتساعديهم من غير ما تفصلي،وبتحرمي نفسك حق التفريغ زي ما بتساعدي غيرك،مهم جدا تتعلمي تعبرى عن مشاعرك وتسميها ويكون عندك قايمه أنشطه متنوعه زي المشي والرياضه،التلوين.. لتقليل حدة المشاعر اللي بتمري بيها

التخطي بيكون أيسر ببناء عضلة المرونة النفسية والصمود النفسي وعيش حياة ذات معني وده بيشمل كذه جانب اولا علاقتنا بالله سبحانه وتعالى والاستعانة به ثم الوعي بانفسنا وما يميزها والامكانيات اللي ربنا وضعها فين واللي نقدر نستخدمها في حياتنا والصفات اللي بنشوفها ميزه فينا ولما نستخدمها بتدينا دافع وقوه للقيام بادوارنا،الجانب الاجتماعي ان يكون لنا صحبه داعمة مشجعه لهدف مشترك مثلا حفظ القرآن وسط مجموعه بدلا من حفظ فردي وفرصة الانقطاع أكبر بدون تشجيع،العلاقات الصحية اللي بتمدنا بأمان وسند،كمان ممارسة الرياضة او هوايه تخفف أثر الضغوط اليومية،. الوعي بالقيم والأولويات الحياتيه وتفعيل القيم دي بافعال يومية مثلا قيمه الرحمة أفعلها بالعطف على يتيم،تقديم بعض الطعام لحيوان او بعض الماء لطيور،قيمة العائلة بالتواصل وتبادل الزيارات وهكذا

ذكريات الطفوله بيكون لها أثر علينا والأثر ده مش بيكون من الذكرى في حد ذاتها لكن في تفسير الشخص نفسه للذكرى والمعنى اللي اتبروزت به الذكرى جواه والمشاعر اللي حسيتي بيها، كونك حاولتي تتخطى الذكرى فدي شجاعه منك ورغبة للتحسن، رجوعك تاني لالم الذكرى من المثيرات الخارجية او مواقف بتمري بيها أو أفكار فده معناه انك لسة عالقه في تفسيرك للذكرى وانتي طفله اللي لسة مكمل معاكي ومسبب لك تعب. اقتراحي ليكي حددي أثرت عليكي إزاى الذكرى دي لحد النهاردة وفي انهي جانب من جوانب حياتك، فكري نفسك انك كطفله كنتي بتعملي اللي في قدرتك عشان تتخطي، انما النهاردة انتي كشخص كبير ادامك فرص أكبر للتخطي و محاولة خوض تجارب مختلفه، ومهم لو مقدرتيش تتخطى بمحاولاتك الشخصية خد رأي متخصص يساعدك.

ربنا ييسر لك أمرك ويرزقك الصواب،اولا استعيني بالله استخيري، متفهمة جدا مشاعر الحيرة والضغط اللي بتمري بيها بين رغبتك ورغبة الاهل ومهم اوي تختارى اللي متناسب مع قدراتك حتى لو على غير رغبه اللي حواليكي،وفي نفس الوقت توضحي بأسلوب طيب اسبابك، لان حتى لو الاهل لهم رغبه مختلفه في النهايه نجاحك هيسعدك ويسعدهم حتى لو في الأول كان على غير رغبتهم، مهم إن في رحلتك تحددي النيه وتفكري نفسك ليه اختارتي مسار دونا عن الآخر ، الاهل ثقافتهم الاهتمام والتفوق بطبيعة الحال ده امر منتشر في مجتمعنا، محتاجة تختارى أساليب ودودة تتفاهمي معاهم وتقعدي مع نفسك قعده تكتبي كل الاختيارات اللي من وجهة نظرك انتي شايفه قدراتك متناسبة معاها، مش إلزام عليكي تدخلي كليه طب عشان ابن عمك وبنت عمك دخلوها، ممكن الكليه تكون مناسبه مع قدراتهم، وبرده الضغط اللي بتمري به حاليا هياثر سلبيا على قرارك فانتي مش محتاجة القرار حاليا على اد ما انتي محتاجة تبدأى، اقتراحي ليكي حاليا اعملي خطة مذاكرة عشان تقللي التراكمات عليكي، ابدئي بماده سهلة ومحببة ، شابتر بتحبيه ، ابدئي بنص ساعه وابدئي واحده واحده زودي، عينك تكون على الجزء اللي هتبدئي تذاكريه مش على كم التراكمات اللي مطلوبه منك وربنا يوفقك.

التغيير قرار شخصي، انتي دورك التاثير انك تقترحي عليه يروح لمختص، لكن لو هو معندوش استعداد او مش مدرك ان فيه مشكلة مش هتقدرى تساعديه الاحتفاظ بالحدود النفسية ضروري جدا ملحوظة مهمة اضطراب الشخصيه النرجسية مش بيتشخص من مجرد قراءة او معلومات ده بيتم مع طبيب مختص وتقييمات واختبارات نفسية واخيرا حددي الأمور اللي مش مرياحاكي في سلوكياته واتكلمي معاه فيها وشوفي استعداده للتغيير لكن مش مسؤوليتك تغييره.

مشاعرك وتعاطفك مع باباكي واضح جدا في كلامك، ربنا يطمنك عليه والفترة دي تعدي على خير، حابة اقولك انك بتعاطفك معاه ودعمك له دي كده مساعدة ومش شرط تكون مساعدتك له انك تحلي له المشكله اكيد جميل لو تقدري، لكن الأجمل وجودك جنبه احساسك به، اكيد ده هيفرق معاه،مهم جدا عشان تقدري تدعمي باباكي ان تكوني انتي عندك قدر من الدعم سواء لنفسك انك تعملي أنشطة تسعدك وده اكيد هيسعد باباكي ،أو تحاوطي نفسك بصحبة داعمه ، وحابة اذكرك ان طالما ربنا قدر الاختبار اللي باباكي بيمر به فاكيد هيعينه بإذن الله وهيحاوطه بلطفه ، أن الله اذا كلف أعان ،اقبلي مشاعرك لكن متنسيش رعايتك الذاتيه لان ده اللي هيساعدك وتقدري تساعدي باباكي بإذن الله.

متفهمة جدا اللي بتمري به وثقل المشاعر عليكي احيانا لما بنمر بضغوط كتيرة بيحصل كدة معانا، بأكد عليكي ان المشاعر ضيوف بتجيلنا برساله لما نحسن استقبالها ونفهم الرسالة بتاخد وقتها وتمشي بقترح، دي بعض الخطوات تخفف عليكي ثقل المشاعر، المشي نصف ساعة يوميا بيساعد على تنشيط الذهن وافراز هرمون السعادة. ٢.التدوين اكتبي مشاعرك بدون قيود وكل اللي انتي حاسة به ٣.دوري على صحبة صالحة ٤.ممكن تطلبي الدعم من متخصص يساعدك تقدري تنظمي مشاعرك واخيرا بطمنك ان كلنا بيمر علينا مرحلة فقدان الشغف وان شاء الله بخطوات وسعي ومحاولة تتخطيها

ربنا ييسر لك امرك يارب ويوفقك في خطواتك

اول حاجة تذكري التوفيق بيد الله "وما توفيقي الا بالله" فاستعيني بالله والدعاء، ثم الأخذ بالاسباب والسعي والاجتهاد في المذاكرة لكن مهم جدا وانتي في رحلة اجتهادك وسعيك تركيزك يكون علي اللي في ايدك واللي في دايرة تحكمك زي المذاكرة والدروس ونظام يومك وروتينك واختيار الصحبة المشجعة وطلب الدعم والتشجيع لما تحتاجي وتهتمي باكلات صحية تساعدك علي التركيز وتعطي نشاط، كل الامور دي باذن الله في دايرة تحكمك أما تركيزك علي دايرة برة تحكمك زي المجموع والنتيجة والكلية وضغط المجتمع و الامتحان هيكون صعب ولا سهل كل ده ملكيش اي سيطرة عليه بالتالي لو ركزتي عليه تركيزك هيتشتت وهتشعري بتوتر شديد يعطلك عن هدف، تذكري أن ربنا سبحانه وتعالى بيحسابنا علي السعي وليس النتيجة فازاي احنا نضغط على نفسنا للتحكم فى النتيجة؟ وان ليس للإنسان الا ما سعي ،ابدأي رحلتك بحسن الظن بالله والاطمئنان والاجتهاد وربنا يوفقك

متاخديش قرار نابع من الشعور بالخزي واستحقار الذات والتراجع عن خطوة اخدتيها،لكن علاج السلوك المسبب لنظرة الاستحقار زي ما ذكرتك في التعليق السابق

فتره الامتحانات فتره ضاغطة بقترح عليكي محتاجة تتعلمي أساليب تساعدك على التعامل مع ضغط المرحلة دي، بالنسبه للخوف والوسوسة وعلاقتك باهلك وصحابك فضروري المتابعه مع طبيب نفسي ومتخصص وعمل جلسات يسمع مخاوفك ويساعدك في علاجها،ويساعدك تحسني علاقتك بنفسك وتديري علاقاتك ،

عليكم السلام ورحمة الله

هل عندك قيمة الخصوصية عالية وبتحبي تختارى مين تشاركيه امورك؟ ولا في سبب ثاني

ضروري ترجعي لطبيب وتبلغيه بالاعراض ويتم عمل تقييمات وتشخيص عشان تقدري تمشي سكة علاج سليم

هل تم التشخيص من خلال طبيب؟

ربنا يوفقك يارب وينور بصيرتك،اولا بحييكي على شجاعتك في الاشتراك وبشكل فردي،ثانيا طبيعي جدا المشاعر اللي بتمري بيها والخوف لأنها تجربه جديدة ،وهقترح عليكي بعض بعض الأفكار تساعدك في عرض فكرتك للجهاز،ممكن تعملي خريطة ذهنيه وتكتبي فروع منها بكل فكرة من أفكارك عن المشروع،كمان اعملي تدريب في البيت يوميا وممكن قصاد حد من عيلتك او قصاد المرايه ووقدمي اللي هتعرضيه ده هيطمنك ،حددي نيتك وهدفك من الاشتراك وتذكري ان مطلوب منك السعي فقط والنتيجة مش في ايدك فمتشغليش بالك بيها،واتمنى لك التوفيق والنجاح

عليكم السلام ورحمة الله

مفيش مقياس محدد كل تجربة غير التاني، لكن في عوامل بتساعد على التخطي اولا الاستعانه بالله تبدأى تكتبي اسباب عدم الاكتمال لتتجنبيه في التجربه القادمة بإذن الله، كمان انك يكون ليكي اهتمامات حياتيه وانشطة ،دورات، صحبه، مقابلات عائلية

عليكم السلام ورحمة الله فرط التفكير بيكون احد أسبابه الشعور بالقلق، محتاجة تحددي المشاكل او الأمور اللي مسببة ليكي قلق وتتابعي مع أخصائي نفسي لسبب القلق وعلاجه

هل المشكله الأساسية التشتت والخنقة ولا مشكلة تانيه؟ ربنا يبارك لك في خطوبتك، هل التشتت والأفكار الكتير بدأت مع بداية خطوبتك ولا بدأت امتي؟ بالنسبه لسؤالك نقص الحديد يسبب انيميا وتسبب ضعف تركيز وضعف القدرة على بذل مجهود والطاقة

العفو ربنا ييسر لك أمرك يارب

رغبتك في التخطي وسؤالك عن الطريق بإذن الله اول خطوة لنجاحك

المشاعر مش بنتحكم فيها،المشاعر بندركها ونقبلها ونتعلم مهارة تنظيم المشاعر ، الطيبة ميزة لكن عاملة زي القصر اللي حواليه بستان مليان ورود بدون بوابة او امن او سور، فمعرض اي وقت للاختراق،كذلك مزاياكي الجميلة ومشاعرك ربنا سبحانه وتعالى وهبهم ليكي عشان يساعدوكي في حياتك وعلاقاتك،لكن بدون مهارة الحدود وتوكيد الذات، بتكون زي القصر اللي بدون سور او امن،اقتراحي ليكي أقبلي نفسك كما هي، تعلمي مهارة تنظيم المشاعر وتوكيد الذات