أدوني نصائح لتالته ثانوي بما اني لسه في أولها. انا تالته ثانوي ادبي ازهري ومتوتره جدا خصوصا أن اهلي معندهمش اوبشن اني مجبش مجموع
عليك السعي وعلى الله النتيجة انت اجتهدي وذاكري واعملي اللي عليك والمجموع ونجاحك دا من ربنا وأي حاجة من ربنا نرضى بيها مهما كانت روقي بالك كدا وخططي كويس ونظمي يومك ومذاكرتك وتأكدي ان التوتر دا هيأخرك أكتر ما يساعدك تتقدمي استعيني بالله وتوكلي عليه واسأليه التوفيق والرضا
تم النشر الأربعاء، ١٦ سبتمبر ٢٠٢٦
اول حاجه ما تجلديش ذاتك على اى تقصير وحاولى تحلى المشاكل اللى هتواجهك فى السنه دى اول بأول ونصيحه حاولى تقللى الوقت الضايع ولازم تعملى روتين و كان فى كلمه مستر قالها اتنين مش هيمشوا فى ثانويه واحد شايف نفسه ضعيف و واحد شايف نفسه جامد لازم يبقى عندك ثقه فى نفسك فى اختيار طريقه المذاكره و المدرسين وما تمشيش ورا اى مدرس سوا كان مشهور او مسمى نفسه بلقب صانع الاوائل عشان هم حرفيا أسوأ ناس هتقابليهم
تم النشر الثلاثاء، ١٥ سبتمبر ٢٠٢٦
لو انت ثانوي أدبي أزهري وعايز تنجح ركز على دول: *1. المواد الشرعية والعربية*: دي عليها درجات كتير. احفظ القرآن أول بأول، وراجع التفسير والحديث والتوحيد يوميًا. في العربي ركز على النحو والصرف والبلاغة وحل كتير. *2. المواد الثقافية*: التاريخ والجغرافيا والفلسفة وعلم النفس افهمهم واربطهم ببعض. احفظ التواريخ والتعريفات. *3. النظام*: جدول مذاكرة ثابت، 3 ساعات يوميًا + حل امتحانات سنين فاتت. نام كويس وصلي الفجر وابدأ مذاكرة. الاستمرارية أهم من الكمية. ربنا معاك وهتنجح بتفوق إن شاء الله.
تم النشر الثلاثاء، ١٥ سبتمبر ٢٠٢٦
أولاً، أنا فاهمة تمامًا التوتر اللي بتمرّي بيه يا ريم، خاصة في أول السنة دي ومع الضغط العائلي اللي بيخلّي المجموع هو الخيار الوحيد. ده شعور طبيعي جدًا في تالتة ثانوي أزهري أدبي، لكن تذكّري إن التوتر ده لو اتعاملتِ معاه بطريقة عملية هيقدر يتحول لطاقة إيجابية تساعدكِ. ابدئي بوضع جدول دراسي واقعي يناسب ظروفكِ، قسّمي المواد (مثل التاريخ والجغرافيا والفلسفة والمنطق) إلى أجزاء صغيرة يومية، وركّزي على الفهم أكتر من الحفظ السطحي عشان الامتحانات الأزهرية بتحتاج تحليل. خصّصي وقتًا ثابتًا للمراجعة اليومية، واستخدمي أوراق ملخصات بسيطة تكتبيها بنفسكِ عشان تثبت المعلومات. لو حسيتِ بالضغط من الأهل، حاولي تتكلمي معاهم بهدوء عن خطتكِ وجهودكِ، وأكّدي لنفسكِ إن أفضل ما تقدري تقدميه هو الاجتهاد المستمر مع التوكل على الله. ادعي الله دائمًا بالتوفيق واليسر، واقرئي القرآن بانتظام عشان يهدّي قلبكِ ويمنحكِ راحة داخلية. ركّزي على خطوة بخطوة، وكل ما تنجزي هدف صغير احتفلي بيه عشان تحافظي على حماسكِ. لو عايزة نصائح إضافية أو أفكار عن طريقة تنظيم الوقت، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة، وهتعدّي السنة دي بإذن الله بنجاح.
تم النشر السبت، ١٢ سبتمبر ٢٠٢٦
بصي يا بنت الناس اهدي كده وتوكلي على الله وركزي في مذاكرتك أول بأول وماتراكميش عليكي أي حاجة وخلي همك تعملي اللي عليكي وبس وسيبي النتيجة والمستقبل على ربنا عشان التوتر مش هيغير حاجة غير إنه يضيع وقتك ومجهودك وكل حاجة مكتوبالك هتشوفيها والخير دايماً في اللي ربنا اختارهولك ..وجد والله ربنا يحفظك ويوفقك
تم النشر الأحد، ١٣ سبتمبر ٢٠٢٦
اول حاجه تعمليها تنظمي نومك و وقتك كويس اوي و تعملي جدول للمواد تمشي عليه بلاش تراكمي تحت اي ظرف لان هتتعبي اوي لو راكمتي و هتحسي انك تايهه و لو بتمسكي التليفون كتير و مش بتقدري تسيبيه حملي ابلكيشن keep me out بيقفلك التليفون خالص مينفعش تفتحيه الا بعد الوقت اللي انتِ حددتيه
تم النشر الأحد، ٢٠ سبتمبر ٢٠٢٦
ذاكري واحضري دروسك ع قد ماتقدري وذاكري اول باول متأجليش حاجه وحلي كتير والحل اهم حاجه ولو بتسجلي لمستر اكتبي وراءه الحاجات المهم ف الدرس ولما ترجعي لو محتاجه تسمعي اسمعي بس تركزي جدا وانتي ف الدرس عشان وقتك والفون حاولي تبعدي نفسك عنه مش هقولك خالص لاني مستحيل لكن تاخدي ع انه مكافئه ليكي مثلا ذاكرتي اللي محدده ليكي 5 صفحات مثلا وهتمسكي الفون وبعدين تكملي وبالتوفيق ليكي ♥️
تم النشر الاثنين، ١٤ سبتمبر ٢٠٢٦
ربنا ييسر لك امرك يارب ويوفقك في خطواتك
تم النشر الاثنين، ١٤ سبتمبر ٢٠٢٦
جزاك الله خيرا يا دكتور هاله والله رساله حضرتك شجعتني لأن بحب حضرتك جدا دعواتك بالتوفيق 💗💗
تم النشر الاثنين، ١٤ سبتمبر ٢٠٢٦
اول حاجة تذكري التوفيق بيد الله "وما توفيقي الا بالله" فاستعيني بالله والدعاء، ثم الأخذ بالاسباب والسعي والاجتهاد في المذاكرة لكن مهم جدا وانتي في رحلة اجتهادك وسعيك تركيزك يكون علي اللي في ايدك واللي في دايرة تحكمك زي المذاكرة والدروس ونظام يومك وروتينك واختيار الصحبة المشجعة وطلب الدعم والتشجيع لما تحتاجي وتهتمي باكلات صحية تساعدك علي التركيز وتعطي نشاط، كل الامور دي باذن الله في دايرة تحكمك أما تركيزك علي دايرة برة تحكمك زي المجموع والنتيجة والكلية وضغط المجتمع و الامتحان هيكون صعب ولا سهل كل ده ملكيش اي سيطرة عليه بالتالي لو ركزتي عليه تركيزك هيتشتت وهتشعري بتوتر شديد يعطلك عن هدف، تذكري أن ربنا سبحانه وتعالى بيحسابنا علي السعي وليس النتيجة فازاي احنا نضغط على نفسنا للتحكم فى النتيجة؟ وان ليس للإنسان الا ما سعي ،ابدأي رحلتك بحسن الظن بالله والاطمئنان والاجتهاد وربنا يوفقك
تم النشر الاثنين، ١٤ سبتمبر ٢٠٢٦
سيبي الهاتف وتقربي من ربنا وصلي وصلي قيام الليل وادعي انه يرزقك الفهم والتوفيق دايما وتوكلي علي الله وابدأي مذاكرة وخليكي مستمرة المراكمه حاجه طبيعيه بس مع الاستمرار هتلاقي نفسك ممتازة ومش بتراكمي وابعدي عن اصحابك اللي تقول مش بذاكر وصعب والكلام ده وربنا يوفقك
تم النشر الأحد، ١٣ سبتمبر ٢٠٢٦
لعرض السؤال في فدني اضغط هنا