انا طاليه تالته ثانوي وبمتحن حالياا بسبب صعوبه الامتحان انا مدمره نفسيااا وافكار سلبيه كتير ودايما بقعد لوحدي انا عندي تروما من الصحاب بجد باخود مهدئات ومنومات حالا موقفه بسبب امتحاناتي وبدمر وبسوء عن الاول بفكر في الانتحار كتير باذي نفسي بعيد عن كل الناس بخاف منهم حتى اهلي مكنش نفسي يحصلي كل دا بس محتاجه اعرف اروح لدكتور ولا لاء واهلي رافضين اروح في حته ومحدش منهم بيسمعني بياذوني بيدمروني عاطفيااا ونفسيااا وصحياااا وسواس خوف فقدان شغف في كل حاجه عاوزه اموووت
أنا آسفة جدًا للي بتمرّي بيه، وأقدر إنك حاسة بالدمار النفسي والأفكار السلبية والرغبة في العزلة. ده موقف صعب جدًا، ومش ضعف منك، ده إشارة إن جسمك وعقلك محتاجين دعم حقيقي دلوقتي. نعم، لازم تروحي لدكتور نفسي أو طبيب نفسي متخصص فورًا، لأن الأفكار الانتحارية والإيذاء الذاتي والمهدئات اللي بتاخديها بتأثر عليكِ سلبًا وبتزود المشكلة. الدكتور هيقيم حالتك ويعطيكِ خطة علاج مناسبة، سواء دواء أو جلسات، وده مش عيب ولا ضعف، ده خطوة شجاعة للرجوع للطبيعي. بما إن أهلك رافضين، حاولي تتواصلي مع مدرستك أو أي جهة تعليمية بتدعم الطلاب في الامتحانات، أو روحي لعيادة نفسية حكومية لوحدها لو قدرتِ. ركزي على إنك تستشيري متخصص، ومتأجليش الموضوع. أنتِ مش لوحدك في الشعور ده، وفيه أمل كبير إنك ترجعي أقوى لو خدتِ الخطوة الصح. لو قدرتِ تكتبي أكتر عن اللي بيحصل معاكِ، أقدر أساعدك بأفكار عملية للتعامل مع الضغط ده خطوة بخطوة. خدي بالك من نفسك دلوقتي، وابدئي بالبحث عن مساعدة طبية.
تم النشر الاثنين، ٦ يوليو ٢٠٢٦
يمكن الامتحانات زوّدت كل اللي جواكِ، لكنها غالبًا مش السبب كله. خلّصي امتحاناتك على خير الأول، وبعدها حاولي تشوفي دكتور أو أخصائي نفسي لو تقدري. ولو أهلك رافضين، حاولي تكلمي أكتر حد ممكن يتفهمك فيهم، أو أي شخص بيثقوا في رأيه يساعدك يقنعهم. ومتخليش اللي حاسّة بيه دلوقتي يخليكِ تفتكري إن مفيش مخرج، لأن الإحساس ده بيتغير، ومع المساعدة المناسبة هتلاقي الأمور بقيت أخف بإذن الله.
تم النشر الاثنين، ٦ يوليو ٢٠٢٦
فتره الامتحانات فتره ضاغطة بقترح عليكي محتاجة تتعلمي أساليب تساعدك على التعامل مع ضغط المرحلة دي، بالنسبه للخوف والوسوسة وعلاقتك باهلك وصحابك فضروري المتابعه مع طبيب نفسي ومتخصص وعمل جلسات يسمع مخاوفك ويساعدك في علاجها،ويساعدك تحسني علاقتك بنفسك وتديري علاقاتك ،
تم النشر الثلاثاء، ٧ يوليو ٢٠٢٦
لعرض السؤال في فدني اضغط هنا