عندى ٣١ سنة بشتغل مدرسة والدى ووالدتى منفصلين من وانا صغيرة وبالتالى والدتى هى اللى كانت مسئولة عننا وماكنتش اعرف حاجة عن والدى غير انه اتجوز ووالدتى تعبت كتير علشانى انا واخواتى وطبعا حاولت تدخل فى علاقات جواز تانى وكلها فشلت ودة اثر عليا جامد وخصوصا انى كنت شايلة مسئولية البيت كاملة هى بتشتغل تجيب فلوس فقط وانا عليا كل حاجة من اخواتى للبيت لاخواتى لكله عمرى ما فكرت انا عاوزة ايه فى حياتى سيبتها ماشية كدة وخلاص وخاليا انا مخطوبة وقربت اتجوز وكل شوية مشاكل بس السبب بيكون من عندى اغلب الوقت بسبب اللى شوفته زمان مع والدى ووالدتى الاثر اللى موجود جوايا مش عارفة اتعالج منه ومش عارفة اعمل ايه وفقدت الطاقة فى كل حاجة من اول شغلى لتعليمى اللغات اللى بحبها وحاليا عاوزة اسيب الشغل والكورسات اللى تعبت فيها علشان اوصل لمستوى كويس وكل تركيزى انا عاوزة ايه بالظبط مش عارفة اجمع بين شغلى اللى بياخد يومى كله وبين كورساتى اللى مابقاش فى وقت اذاكرها خالص ولا البيت ومسئولياتى فيه ولا خطيبى ولا اخواتى ولا اجهز للجواز واعرف خطيبى اساسا لحد الان بنتخانق بسبب انى مش عارفة افهم شخصيته بسبب مشاكل اللى حصلت زمان اخدة موقف من اى موقف بيحصل منه بيتفسر عندى من مشاكل زمان
مش عارفة اعمل ايه اعد من شغلى وكورساتى واتفرغ للبيت وافهم خطيبى واجهز للجواز نفسيا ومعنويا ولا افضل زى ما انا وكدة هفقد خطيبى وحياتى معاه كلها ولا اعد من الشغل والكورسات دماغى مشتتة
ومش عارفة انا عاوزة ايه خااالص
في البداية أحب أوجه الشكر والتقدير والاحترام الي أمك ♥️ فهي تستهل تاج من ذهب👑 علي التربية والتعليم والصبر دا كله علشان كده احب انك تنسي الجانب السئ في علاقه ابيك وامك وركز علي الجانب الإيجابي وهو صبر امك ونجاحه في تعليمك انتي وأخواتك بجد هي تستاهل انك تفتخري بيها . ثانيا:انا مبسوط من حضرتك جدا ،بتشتغلي ، بتاخدي كورسات ، والأهم شيالة البيت والمسؤولية مع امك ، مخطوبه كل دا حاجات لازم تحمدي ربنا عليها ،صدقني عندما يأتي التكليف من الله فهو يعلم أن عبده لديه القدرة على العمل والتنفيذ ، علشان كده انتي تقدري تكملي ، بس انتي محتاجه انك ترتبي أولوياتك. يعني من وجهة نظري: لأهم انك تعرفي الشخص إلا حضرتك مخطوبه ليه كوويس وتدرسيه كويس دا جواز موش هزار كمان مينفعش تتخلي عن امك وتسيبي المسؤولية عليها دا موش المقابل علي احسانها وتعبها معكم . بالنسبة لكورسات هتروحي تطلبي تا جيل مؤقت لحد ما تبدأ تركزي في شغلك وخطيبك ، وأخواتك الموضوع موش هاخد منك كتير من الوقت بمعني ابداءي ظبطي كل حاجه منهم علي حده وبعد كده انتقالي للبعدها وهكذا مينفعش تعمل دا كله في وقت واحد موش هتقدري وربنا يوفقك ويكرمك يا رب دائما 🤍✨
تم النشر السبت، ٢١ أكتوبر ٢٠٢٣
هو على الاقل لازم تضحي بحاجه، واكيد مش هقولك تضحي بخطيبك. ولكن بالنسبة للكورسات والشغل، شايفة انهي عندك لازم يبقى له الاولوية. من وجهة نظري انا الكورسات، لان الكورسات هتضطري انك تدفعي ليها فلوس، وحتى لو كانت اونلاين ومجانا ف برضه المذاكرة هتاخد منك وقت كبير ده غير طبعا وقتك الشخصي. اما العمل ف ده شئ لابد منه لان انتي محتاجه مصاريف خصوصا الفترة ديه ع الاقل علشان جهازك.
تم النشر السبت، ٢١ أكتوبر ٢٠٢٣
هو طبعا انتى بسبب الضغط ده ..محتاجة توقفى حاجة ...ع الاقل الكورسات وانصحك تاخدى دورة ما قبل الزواج هتفيدك كتيير مش بالضرورة تسيبى كل حاجة ...يكفى تخصصى وقت لكل حاجة ...اخرجى من الشغل انسيه لحد تانى يوم ولو بتدى دروس مثلا ممكن تقللى منها وتخففى على نفسك الضغط اطلبى من خطيبك بس يعذرك لحد ما تتخطى المقارنه دى
تم النشر السبت، ٢١ أكتوبر ٢٠٢٣
لعرض السؤال في فدني اضغط هنا