انا مخطوبه خطيبى مش بيخلينى امسك فونه نهائي كان فيه مره كان بيفرجنى على حاجه في فونه ورايحه امسك الفون فضل ماسك فيه جامد وبحس ديما انه مقلق لما آجي ابص فيه
آخر مره كان عندي وكان فاتحه فشوفت صورته رايحه افتحها واتفرج على باقي الصور راح شادد الفون من ايدى
هل كدا ممكن يكون مخبي حاجه عنى وف نفس الوقت انا مش مرتاحة ولما بواجه بيقلب الترابيزة ويقعد يقولى دى عدم ثقة وانتى كدا بتشكى وطالما شكيتى انا مش هساعدك بل هخليه يكبر عندك قولولى اعمل اى
السلام عليكم، هو مش شرط يكون مخبي حاجة، فيه ناس بتقدر خصوصيتها جدا ومش بتحب حد يطلع على حاجتها بإذن أو دون إذن. يعني حطي نفسك مكانه، هل لو صمم ياخد تليفونك وكلمة السر ويدخل على حساباتك زي ما للأسف كتير من الشباب بيعملوا مع خطيباتهم، هل وقتها كنتِ هتضايقي وتقولي بيشك فيّ ولا هتتفهمي طلبه وإصراره وتعطيه موبايلك يدخل عادي على حساباتك وممكن يشوف رسائلك وصورك وصور أصحابك ويتطلع على أسرار مش من حقه؟ ** حاولي بعيدًا عن النقطة دي تدرسيه هو دينيًا وأخلاقيًا وتشوفيه في علاقته بربنا وبالناس وتعاملاته عامل إزاي وغيرها من النقاط اللي مهم تحدديها في زوج المستقبل. اعرفي ضوابط الخطوبة وإزاي تتعاملي فيها وتتأكدي من قرارك خلالها وصلي استخارة وإن شاء الله لو فيه خير لكِ معه تكملوا سوا على خير. بالتوفيق إن شاء الله.
تم النشر الأحد، ٣ أغسطس ٢٠٢٥
السلام عليكم درجة الخصوصية عنده مش شرط يكون معناها انك تشكى فيه ومفيش اى حاجة تجبر اى شخص انه يدى تليفونه او يفتح دولابه لحد يقلب فيه باريحيه وارد يكون ليه صور هو واصحابه سوا ميحبش انك تشوفيها انتوا ليكم مسافه حاليا بلاش تتعديها عشان مش صح ابدا وبلاش نبدأ نعرف بعض من باب الشك وعدم الثقه والتخوين
تم النشر السبت، ٢ أغسطس ٢٠٢٥
السلام عليكم بصي طبعا هي برضه الخصوصيه دي حاجه مهمه لازم يبقى تدي له المساحه بتاعته عشان هو كمان يديك المساحه الخاصه بيك مش شرط ان يكون عدم اعطاء الموبايل لكي يبقى فيه مشكله لكن انت لازم تتكلمي معاه برده ما دام وصلتي لمرحله انك قلقانه ومش مرتاحه حاسه ان في حاجه بتحصل من وراه اتكلمي معاه بالراحه عبري له عن احاسيسك عن الافكار اللي بتدور في دماغك خليه يطمنك خليه يحتويكي وده على فكره اختبار ليه انت شوفي رد فعله هيبقى عامل ازاي بس وانت بتتكلمي بالراحه وبهدوء هل هيطمنك وهتثقي فيه هل هتقدري تطمني لكلامه فعلا هيحتويكي لازم تعرفي كل دوت لكن لو ما حصلش يبقى لازم برده نقول ان فيه كده علامه استفهام ولو بسيطه تخليكي تبقي مركزه معاه شويه بس بدون ما تشكي فيه من غير خناقات من غير ما تتصيدي ليه الاخطاء بس حاولي توصلي لحاجه تريحك من ناحيته لكن ابسط حاجه ان احنا نتكلم معاه بطريقه كويسه نحاول نقرب منه وبيني له انك مش شاكه فيه بس انت مستغربه من تصرفه وانك زي اي بنت بتغير على خطيبها وعايزه تعرف عنه كل حاجه وانا محترمه خصوصيتك وانت ليك المساحه بتاعتك
تم النشر الاثنين، ٤ أغسطس ٢٠٢٥
عزيزتي، أشعر بنفس القلق وعدم الراحة اللي بتحسيه، وهذا أمر طبيعي جداً لما تحسي إن طرف العلاقة مش واضح معاك، خصوصاً إذا كان في سلوكيات زي إنه ما بيسمحلك تمسي على تلفونه، وبيتصرف بشكل متوتر أو دفاعي لما تحاولي تعرفي حاجة. خليني أساعدك تفكري بالموضوع من نقاط مهمة: الخصوصية والثقة في العلاقة: الصح إنه يكون فيه مساحة خصوصية لكل طرف؛ لكن كمان الثقة المتبادلة هي الأساس. إذا كنتِ بتحسّي إن في شي مش مريح، مش من حقك تتجاهلي إحساسك. التصرفات اللي بتأثر على الأمان النفسي: لما يخليكي تحسي بعدم الأمان أو إنه هو بيتهمّش أو بيتهجم على مشاعرك لما تسألي، هذي علامة على وجود مشكلة في التواصل أو احترام الحدود العاطفية. الشك والتهم: هو لما بيقولك إنك عندك "عدم ثقة"، هذا كلام مركز على لومك بدل ما يشاركك مشاعره وأسباب سلوكه. هذا ممكن يكون دفاع نفسي منه أو محاولة لتحويل المسؤولية عليك، وهذا ما يساعدش أبداً في حل المشكلة. كيف تتصرفين؟ حاولي تفتح باب الحوار بهدوء، وأخبريه بصدق عن مشاعرك بدون اتهام. مثلاً: "أنا بحس بقلق لما ما تسمحلي أمسك تلفونك، وحابة أعرف إذا في شي مضايقك أو محتاج أحسن أفهمه". لو استمر في الهجوم أو الإنكار، فكري إذا كانت العلاقة هذه تفي باحتياجاتك العاطفية، وركزي على نفسك، إحساس الأمان والراحة حقك، وليس عيب أن تطلبي ذلك. حاولي تراقبي سلوكياته، هل فيه تغيرات واضحة أو أمور تثير الريبة؟ مش لازم تكوني جاسوسة، لكن الوعي مهم. لا تترددي إنك تستشيري خبير نفسي أو مرشد علاقات عاطفية يساعدك تفهمي الموقف بشكل أعمق وتاخذي خطوات عملية وتحمي مشاعرك. وأخيراً، خلي ثقتك في نفسك قوية، لأن الزواج علاقة شراكة مبنية على الصراحة والاحترام المتبادل، وانتِ تستاهلي تكوني في علاقة صحية تريح خاطرك وتطمن قلبك. لو حابة تلعبي دور الباحثة عن نصائح وخبرات، يمكنك زيارة قسم الخبراء في فدني هنا مثلاً لتحصلي على استشارات مهنية متخصصة في العلاقات. أنا دايماً هنا لدعمك، وإذا حبيتي نواصل الحديث، أنا معاكِ بكل ود واهتمام. <3
تم النشر الجمعة، ١ أغسطس ٢٠٢٥
حاولي تفهمي منه ايه السبب وليه، لانه مش شرط يكون مخبي حاجه ممكن يكون مش بيحب حد يقتحم خصوصيته او يفتش تليفونه (انا كده) ف حاولي براحه تتفاهمي معاه وتعملي حسابك ان ده ممكن يحصل وده ممكن يحصل المهم هو انك تكوني هاديه وبلاش تكبير مواضيع وحاولي تتفاهمي وتلاقي حل بهدوء معاه وركزي علي الحل، بدون اي مشاكل وتركيز في تصرفاته وطريقه كلامه والان انتي لسه في فترة خطوبه وفي حاجات اسرار او خصوصيه مينفعش انك تطلعي عليها لانكم لسه مخطوبين لازم اديله مساحته الشخصيه وتخلي بالك كويس جدا من الحته دي ركزي علي علاقته بربنا ودينه واخلاقه . وتعملي حسابك ان ده ممكن يحصل وممكن يكون مش بيحب حد يشوف تليفونه لانه بيحس انها خصوصيه مينفعش حد يشوفها. رمزي علي تعاملاته مع الناس ومعاكي حاولي تخليه يطمنك وصلي صلاه استخاره وباذن الله تكونو من نصيب بعض
تم النشر الاثنين، ٤ أغسطس ٢٠٢٥
الوضوح اساس العلاقة .. بالسياسة والحكمة اتفاهمي معاه ومش تتصدمي وتكبري المواضيع ولكن ركزي على الحل .. وخدي فترة طويلة معاه قبل الزواج عشان تتكشف طباعه
تم النشر الاثنين، ٤ أغسطس ٢٠٢٥
لابد من الاصلاح اولا عدة محاولات لانه لايوجد انسان كامل
تم النشر الأحد، ٣ أغسطس ٢٠٢٥
لعرض السؤال في فدني اضغط هنا