ليا واحده صحبتي من المدرسه انا بحبها اوي بس المشكلة أنها واخداني طبقه تانيه دايماً لانه مصاحبها بنت برا المدرسة من حوالي سنه صاحبتها لانها الوحيده في عائلتها و في الاجازه كانت بتزهق و انا ساعتها مكنتش قريبه منها للدرجه دي و هي اتعرفت عليها في الاجازه و كانوا بيتكلموا مع بعض كتير جدا لدرجة أنها بقت البيست فريند بتاعتها و انا كنت تحت مسمي البيست فريند اوڤ سكول،
السنه دي اقتربنا من بعض اوي و هي عمرها ما كانت توكسيك او حد مش مريح هي باختصار كده (جدعه) بالذات معايا ، انا مش بقصد بكلامي أنها انانيه أو وحشه بالعكس احنا اقتربنا من بعض اوي السنه دي و ديما المدرسين مش بيعرفوا يبعدونا عن بعض و لو حصل حتى لو بعدونا مسافة نص متر كانت بتزهق المدرسين عشان نرجع جمب بعض،
انا اقرب حد ليها في المدرسه و متشابهين في أغلب الصفات واحنا الوحيدين الي في دفعتنا صداقتنا مش توكسيك بشهادة مدرسينا و اهالينا ، هقول في الأغلب أن بسبب أننا اقتربنا من بعض بشكل مفاجئ ده مخلهاش تسقط عن صاحبتها لقب البيست فريند ،
محتاجه حد ينصحني عشان ازاي اكون اقرب بنت ليها بالذات أن البنت دي انا مش مرتاحه لها لأن صاحبتي كانت بتمر بمواقف صعبه و هي مساعدتهاش ،
ده كان الموضوع الاول أما بقا في الموضوع التاني لاحظت أن صاحبتي بتمر بظروف مقلقه اوي اولا صاحبت ولد و كانت عايزه تخرج معاه و انا منعتها و قلت لها اني هزعل منها اوي لو قبلته بس هي فضلت تكلمه فيديو كول ،
ثانيا بدأت تمر بمواقف صعبه تجاه عائلته و كانوا بيظلموها و بيقولولها أنه بنسب الدين و مش بيهتموا بيها معنوياً و ابوها شخص مش متدين و بيشرب و بيعمل تاتو و مش بيصلي خالص أما عن أمها فهي روسيه مسيحيه و بتقولي انها نفسها تشوفها لانه ساكنها في روسيه و أبوها و امها منفصلين و ابوها مش بيجي يزورها الا عشان ياخد فلوس من جدها و جدتها هي بالمناسبه هي عايشه معاهم و كل عيلتها بدأوا يضهدوها و مش بيعرفوها على الدين بشكل كويس
و هي نتيجة أنها كل ما تزعل من كده متقوليش فبتعمل كاتينج و هي اصلا اتعلمته من شله مش كويسين و اتعرفت عليهم فترة و بعد كده سابتهم ولما أهله شوفوه مهتموش ولا خافوا عليها و لان البنت دي شخصيتها قويه شويه فكانت في الأغلب مبتحكيش لحد الي بيحصلها و لما بالعافيه عرفت اخليها تفضفضلي كانت بجد نفسيتها وحشه اوي فقلت لها ايه رايك نصلي و نشجع بعض،،
بالمناسبة انا بقالي كتير بدعيلها تقرب من ربنا و يمكن المحن الي هي فيها تكون حاجه تخليها تصلي بس هي متفقهش اي حاجه عن الدين بس هي عمرها ما هزرت في الدين أو قلت منه فعلا البنت دي جميله اوي بس انا لحظت أنها فعلا متعرفش ايه الغلط و الصح في الدين و حتى لو تعرف بتبقي عايزه سبب واضح تخليها تفهم كويس ليه ده حرام و انا واثقه بالله سبحانه وتعالى أنه هيهديها بمجرد أنها تتقرب له ولو شويه
المشكلة أنها محتاجه متابعه حد يعزز دينها كل شويه و طبعا أهلها زيرو من ناحية الحوار ده و يوعيها لأنها مش واعيه تماما عن الدين المهم اني كل ماقولها نصلي احنا الاتنين بننسي خالص نتكلم عن الحوار ده انا بفكر نخرج احنا الاتنين و نغير جو وابدا احكي لها عن الله سبحانه وتعالى و ديننا و اقربها من ربنا و اعلمها ازاي تصلي بس محتاجه حد ينصحني اعمل ايه و اقولها ايه
و ثالثا هي بتشتم و ده بسبب البيئه الي هي فيها فانا عايزه حد ينصحني اعمل ايه عشان اخليها تنتقي كلمها و بسس ده كانت كل الحوار اتمني انكم تساعدوني بالنصائح فعلا لو حد ارشدني كويس اعمل ايه هيكون حل عقدة كبيرة جدا في حياتي و ربنا يجزيه خيراً و السلام عليكم ورحمه الله وبركاته 🤍
وعليكم السلام ورحمة الله وبركاته ، انت ما شاء الله عنك على قدر من المسؤولية تجاه صاحبتك؛ خايفة عليها من بيئتها وحابة تقربيها لربنا، وهاد الاشي بيرضي ربنا، الله يجزيكي كل خير. في مثل عندكو بيقول "الصاحب ساحب" صح؟ لهيك زي ما قلتي صداقتها الجديدة مع الناس الي بعيدة عن ربنا وطريقهن رايحة للشمال شوي، كثير ممكن تأتر عليها خصوصة انه ما في رقابة عندها بالبيت... تمام شو الحل؟ طبعا اولا ادعيلها واستعيني بالله، ثاني اشي حببيها بالدين، اعطيها هدية مثلا مسبحة الكترونية وسجادة صلاة واواعي صلاة، صلي اول صلاة معها، احكي معها كتير عن رحمة ربنا وعن اهمية الدعاء والعبادة، وكيف انها مهمة وبدونها ما منمشي اصلا بهاي الدنيا... وشوفي اذا في قبول من طرفها للحديث شدي عليها وكملي معها، وامشو سوا للطريق الصحيح... بس اذا حسيتي انه هي مصرة على طريقة بعد منصحتيها مرة ومرتين وثلاثة وعشرة، برأيي انتبهي انت ما تنجري بهاد الطريق... وبتمنى ما يصير هيك طبعا. الله يهدينا ويثبتنا ويهديها❤
تم النشر الأحد، ٨ يونيو ٢٠٢٥
شوفي هو عشان تغيريها عاوز منك مجهود كبير وهتأخدي أجر كبير جداً بس أول حاجة أنتِ للزم تخليها أول حاجة تبدأ بصلاة ومتدهاش الدين كله في جرعة واحدة لا حاجة حاجة نبدأ بصلاة بعدين من خلال الصلاة نعرفها أن الألفاظ الخارجة دي حرام ونعرفها اللبس الشرعي هو اللي ينفع نصلي بيه وأنتِ ممكن كمان تروحي معها الجامع وتبتدي تعرفيها أكتر وأكتر عن الدين وبعد الصلاة تخليها تقرأ القرآن وتحاولى تخليها تقرأ الآيات اللي فيها الحلال والحرام وبكده نكون ضربنا عصفورين بحجر واحد وبعدين تعرفيها عن أذكار الصباح والمساء وأذكار بعد الصلاة وتبتدي تعرفيها عن الموت لشخص العابد والشخص العاصي وتعرفيها إيه اللي بيحصل بعد الموت من حساب إلى آخره وممكن لو تسمعيها بود كاست لمشايخ زي "محمد الغليظ""أمير منير"وتعرفيها أن العلاقة بين الشباب والبنات دي محرمة وإن ربنا معززها ومكرمها ومحافظ عليها من الملوثات الخارجية و وممكن تعرفيها عن السنة الخاصة بنبي حاجة حاجة وقيام الليل وإلى آخره من الطاعات وأوع تزهقي منها دي ممكن تكون باب ليكِ لدخول الجنة ولو هي عملت اللي أنتِ علمتهلها هتأخدي أجر لحد لما تروح لربنا ف أنتِ معاكي فرصة أوع تضيعيها من أيدك وبذات لأنك أقرب واحدة ليها وممكن ومخليهاش تقرب من صحاب بايظين وقربيها لناس كويسه وبي كده سلام .
تم النشر الثلاثاء، ١٠ يونيو ٢٠٢٥
السلام عليكم ورحمه الله وبركاته انت جميله ونيتك جميله وحلو جدا كل المجهود اللي انت عايزه تعمليه انا محتاجه ان انا انصحك في نقطتين مهمين جدا اول نقطه هو انك تخلي بالك انه مش لازم عشان تكوني مؤثره في الشخصيه دي انك تقربي منها درجه انك تكوني لبست فرند خلي بالك علشان الموقف ده بيكون موقف مش هيخليكي تعملي اللي انت عايزاه بالشكل الصحيح لانها تبقى في فكره هي اللي مسيطره عليك اكتر انت عايزه تقربي منها وخلاص عندك استعداد تعملي اي حاجه فا ده هيخلي في حاجات كده ممكن ندخل فيها تبقى مش لطيفه لك انت بالذات طيب النقطه الثانيه النقطه الثانيه هي انك تخلي بالك من مساله الاختلاف ما بينك وما بينها لانه الاختلاف هنا على قد ما انت حابه انك تسحبيها ناحيه الصحه على قد ما احنا ما بنراهنش على ضعف انفسنا ممكن نلاقي نفسنا احنا اتسحبنا من غير ما ناخذ بالنا لانه المرء على ديني خليلي زي ما قال الرسول عليه الصلاه والسلام فاحنا نخلي بالنا كويس جدا انه احنا لما بنختار الاصدقاء اللي احنا هنكون مقربين منهم يكونوا اا شبهنا يعني بنسبه ما تخليناش نروح لاتجاه هو. مش بتاعنا خالص فانت قلتي حاجات كتير جدا بتقول انه البنت في عندها ااا مجال لحاجات انت المفروض انك تكوني بعيده عنها اييي من غير ما بنحس الحاجات دي من كتر ما احنا بنتعامل معاها حتى لو احنا بنرفضها ممكن فجاه تتحول عادي ممكن فجاه الاقي نفسنا رايح لها اا تحت اي بند او من غير ما انا يعني انا انصحك بالنقطتين دول. اللي انت تقدري تعمليه معها هو انك تبقي طول الوقت بس مديه لها المساحه انه في حد كويس عنده استعداد يقف جنبك طول الوقت. وده كافي صدقيني ده كافي جدا همم البني ادم لما بيحس ان في حد موجود عشانه. ده بيدي له مساحه ان هو لما يقرر يكون كويس ويكون احسن نلاقي اتجاه يتجه فيه ما يحسش نفسه تايه فده كافي ليه بقى ده كافي ده كافي لانك مش محتاجه انك تبقي عامله زي المنقذ لانه حاله ان انا اكون الشخص المنقص دي حاله مش لطيفه لصاحبها خالص ااا انا شايف في نفسي اني اقدر اقدم المساعده ده شيء جميل لكن اني اكون المنقذ فانا اللي هروح وانت شيلها من كل اللي هي فيه ده لا صدقيني الموضوع ده اا مش سهل اولا ومش كويس اغلب اللي بيحطوا نفسهم في الوضع ده او بيفكروا. بالشكل ده الموضوع بيرجع عليهم باثار سلبيه انت في غنى عنها فخلينا نكون متوازنين احنا هنقدم لها المساعده تمام احنا هننصحها تمام اييي طيب هنبقى مستنيين نتيجه فظيعه واو لا مش هتبقى مستني قد ما هي عندك فخلي بالك من النقط دي كويس جدا ويخليكي في وضع متوازن بلاش تروحي للاكستريم اوي وتبقي عايزه تبقي المنقذ او تبقي بتكون صاحب شكل كبير او تبقي فاكره ااا انك هتحتاجي علشان تحققي ده انك لازم تكوني بيست فريند معاها لا يعني انصحك تبعدي عن كل الحاجات دي وتكوني متوازنه اكثر.اها ليه بقى مش هتبقي مستنياها بالشكل اللي انت نفسك فيه لانه لا يغير الله ما بقوم حتى يغيروا ما بانفسكم وانك لا تهدي من احببت لكن الله يهدي من يشاء يعني ايه يعني انت ممكن تبقي بتعفري وعماله بتوفري كل الظروف لحد لكن هو من جواه ما عندهوش الدافعيه ولا القابليه بالشكل الكافي اللي يخليه فعلا يحصل تغيير في حياته فه يعني هتبقى انت اللي بتحبطي لانك عماله بتقدمي وبتقدمي وبتبذلي مجهود ولكن مش بتلاقي النتيجه اللي بتدوري عليه لانه الشخص نفسه اصلا ما بزلش الجهد الاساسي ان هو يكون عاوز يتغير يكون جواه النيه والفكره دي
تم النشر الأحد، ٨ يونيو ٢٠٢٥
وعليكم السلام ورحمة الله وبركاته يا صديقتي الغالية، قصتك وعلاقتك بصديقتك عزيزة على قلبي وأقدر صراحتك واهتمامك الكبير بها، واضح أنك تحبيها بصدق وتتمني لها الخير والراحة النفسية والروحية. أنا ذكية، وسأحاول أساعدك بخطوات عملية وبنفس الوقت رقيقة لتقوية صداقتكما ودعمها في الظروف الصعبة دي، بحكمة ورحمة ان شاء الله. 1. كيف تحسني علاقتك معها وتكوني الأقرب لها؟ تفهم مشاعرها بدون حكم: حاولي تسمعي لها دايمًا من غير نقد أو لوم، خصوصًا لما تحكي عن المشاكل اللي بتمر بيها أو حتى لما تغلط أو تعبر عن غضبها بطريقة مش لطيفة. الكلمة الطيبة والعيون اللي بتسمع بصدق تمنحها راحة. اعترفي بمشاعرك بلطف: قوليلها بحنية إنك بتحبيها جدًا وبتتمني تكوني دايمًا جنبها في كل الظروف، وإنك مش بدك تتنافسي مع صاحبتها السابقة ولا حد ياخد مكانك، لكن أنتِ محتاجة تكوني جزء مهم من حياتها. شاركوا أوقات حلوة مع بعض: فكرة الخروج معًا فكرة رائعة. اختاروا مكان هادي وخفيف على نفسيتها، وافتحي موضوعات بتحبها أو اهتمامات مشتركة لتزيدوا الود بينكم. كوني نموذج ثقة وأمان: لما تتعامل معاها بثقة وما تحكميش عليها، هتكوني بالنسبة لها الملجأ اللي تقدر تعبر عنده بدون خوف. 2. كيف تساعديها في ظروفها الصعبة؟ الصبر والتعاطف: طبيعة ظروفها معقدة ومؤثرة جدًا على نفسيتها. لازم يكون لديك صبر وحنان كبيرين، وأظهري دعمك لها دائمًا. شجعيها على التعبير: لما تفضفضلك، خدي كلامها على محمل الجد وبهدوء. مش لازم تعجلي بإعطاء الحلول، أحيانًا مجرد الاستماع كافٍ. أنصحيها بذكاء وبدون ضغط: بدل ما تضغطيها على الصلاة أو الدين، خلي الكلام عن الدين من باب الرحمة والراحة النفسية، وعرفيها إن الله سبحانه يحب التائبين ودايمًا بيسمع دعاء المحتاجين. اقترحي نصوص وأحاديث وأدعية بسيطة: ممكن تقرايها لها أو تبعثيها في رسائل قصيرة ملهمة، بحيث يحس رباطة دينها تبدأ من حاجات خفيفة. 3. كيف تساعديها في تحسين سلوكها (الشتائم والكلام الجارح)؟ تذكيرها بالمحبة والكرامة: بكل رقة، افهميها أن الكلام اللي بنختاره بيحكي عن شخصيتنا، وإنها شخص جدعة وقوية وموش لازم تسيب لسوء الكلام يتحكم بشخصيتها. قدمي لها بديلاً للكلام الجارح: لما تحطيها قدام كلمة مش كويسة قدمي لها كلمات لطيفة أو طريق مختلفة للتعبير عن الغضب أو التوتر. كوني قدوة: لما تمسكي نفسك وانت بتكلمي معاها، هتشعر بالاحترام والتقدير ويبدأ يحصل تغير تدريجي. 4. رأيي في علاقتها بالغلط مع الولد حافظي على موقفك بحب واحترام، وأخبريها إنك قلقة عليها مرتبطة بشاب مش مستقر دينيًا واجتماعيًا، وإنك عايزة الأفضل ليها. شجعيها على التفكير في العواقب والاختيارات، وقلبيها على رقي قيمها وأخلاقها وعدم الاستعجال في اتخاذ قرارات مصيرية. خلاصة اجعلي العلاقة بينكم مبنية على الصدق والرحمة والاحترام المتبادل. لا تضغطيها على الدين، بل ابدأي بالحوار بلطف وبالتشجيع، واجعلي الدين هو الملجأ والراحة وليس المصدر للضغط. اصبري ونشطي روح الأمل عندها، وكوني لها مثل الأخت التي تلجأ إليها. إذا احتجتي مساعدة متخصصة في متابعة حالاتها النفسية أو الروحية، يمكنك دائمًا زيارة صفحة الخبراء في فدني هنا للحصول على دعم احترافي. وأخيرًا، لا تنسي أن الدعاء لكما مهم جدًا، فاطلبي من الله أن يثبت قلبها ويهديها إلى الخير والسلام. لو عندك أي استفسار أو محتاجة نصيحة أكثر تفصيلًا، أنا هنا دومًا لدعمك. دمتِ بخير ومحبة يا كنج كونج! 🤍✨
تم النشر الأحد، ٨ يونيو ٢٠٢٥
لعرض السؤال في فدني اضغط هنا