هحاول اكون مختصرة قدر الإمكان.. انا بنت طول عمري متفوقة و شاطرة ومن الأوائل و السنة دي انا ثانوية عامة..
من شهر 8 والدي ووالدتي كانوا في خناقات و مشاكل بشعة مينفعش تتحكي حتى و واصلة للطلاق لدرجة قولتلهم خلاص لو ده هيريحكم اعملوه.. ربنا هداهم يومين بالظبط و رجعوا تاني و اوحش من الاول و كدة على مدار السنة بحالها..
و راكمت كتير بسبب كدة و قليت عن مستوايا الطبيعي بكتير و زمايلي اللي كنت بخلص المنهج قبلهم بكتير كل سنة سبقوني وخلصوه.. بس كنت بحاول و احاول و احاول على قد ما اقدر بس مش سايبنني..
كل واحد فيهم بيقعد يتكلم معايا بال 5 ساعات كل يوم ذم في التاني و حكاوي انا عمري ما كنت اتخيل اسمعها و خصوصا منهم.. و والدي اتحبس يومين لأول مرة في حياته ظلم و بلاوي كتير حصلت في نفس السنة و في شهر 4 اتطلقوا فعلا بس مازلنا في نفس البيت ووالدي قاعد في شغله مش بييجي وخلاص..
مشاكل على المصاريف و اني مبروحلوش و لما بروح بيقعد يتكلم معايا بالساعات و يضيع وقتي ولو قعدت في البيت هي اللي بتعمل كدة و لما اعترض باخد فوق دماغي..
المفروض ان لينا شقة خاصة بوالدتي في مدينة تانية و كانوا مستنيين اني اخلص امتحانات و ننقل هناك بس انا مش قادرة ادخل الامتحان.. هجيب درجة عمري ما تخيلت اني هجيبها.. اه خلصت المناهج بس مش مركزة فيها ولا فاكراها و مراكمة المراجعات كلها
و مش هقدر استحمل اخد سنة كمان و أأجل للسنة الجاية لإني مضمنش وضعهم هيكون احسن ولا لا و لا اضمن اني هكون نفسيا كويسة خصوصا ان اعصابي دلوقتي بايظة و وحيدة و مليش صحاب حتى ولا اي حاجة و خايفة على صحتي النفسية لو فضلت كدة خصوصا ان كل دروسي اونلاين اصلا ف حرفيا هقعد سنة كمان بين 4 حيطان هتجنن..
ف اعمل ايه يا جماعة فيدوني.. ادخل الامتحان اللي فاضله شهر ده ولا أأجل؟! خصوصا ان هما الاتنين كل واحد برأي و اللي عايزني أأجل و اللي رافض
السلام عليكم ورحمه الله وبركاته طبعا الوضع اللي انت بتوصفيه ده مش مناسب خالص لمرحله المذاكره اللي انت محتاجاها حاليا فخلينا نقول انك ممكن انك تبداي توضحي ده ثاني لمامتك وباباكي بشكل يعني مش هنقول هنعمله بشكل حاد ومش هنتكلم كثير انت بس هتقولي لهم انا محتاجه وقت اكتر اذاكر فيه وتبدئي تتفقي على الوقت ده مع مامتك مثلا ماما انا بقعد اذاكر من الساعه كذا للساعه كذا اي حاجه ثانيه انت هتحتاجيها مني بعد الوقت ده او في غير الوقت ده انا اعملها لك نقعد نتكلم مع بعض. اعمل لك حاجه انت محتاجاها انا عيني لك بابا نفس الوضع الوقت اللي بتقعديه مع بابا يعني هتضطري انك تقولي له يا بابا انا مثلا مش هينفع آجي لك في الوقت ده ممكن بس اليوم اللي انا هعمله فاصل واخذه اجازه هاجي واقعد معاكي اليوم ده وتبقي عامله حسابك على اليوم ده انك تفصلي فيه وانك تقعدي فيه مع باباكي وتبقي يعني بعيده شويه عن المذاكره ولما ترجعي البيت مع مامتك تبقي تكملي مذاكرتك زي الاتفاق اللي انت هتتفقي معاها طيب لقينا انه يعني هم مش متعاونين في الموضوع ده ومش قادرين انهم يسيطروا على نفسهم. الكلام اللي عايزين يتكلموها ويشتكوا ويعبروا عن قد ايه هم متضايقين من حاجات وللاسف بيتعاملوا ده معاكي انت. يبقى النصيحه اللطيفه لقيتهالك دكتوره مي فوق انك تقدري تشوفي مكان بتاع المذاكره اللي هو بيبقى كو وركينج سبيس قريب منك الاماكن دي بقت موجوده في اغلب المناطق دلوقتي فتقدري تشوفي ايه اقرب حاجه ليكي وتروحي تقعدي تذاكري تخلصي مذاكرتك اللي محتاجه تركيز كبير وبعد كده تبقي ترجعي البيت تخلي بقى الحاجات اللي ممكن تكون خفيفه لو حاجه هتتفرجي عليها مثلا مراجعه او حاجه او هتحضري مثلا يعني فيديو مراجعه مساله التاجيل انا ما ارجحهاش ليكي بصراحه لان انت مش عارفه الاوضاع هتتغير ولا لا فهيبقى لو اوضاع ما اتغيرتش او لو الاوضاع مع مامتك وباباك يعني تصاعدت لحاجه اكبر ممكن ده يمثل عليك ضغط اكبر السنه الجايه فيبقى التاجيل ما عملكيش اي حاجه فانا ما انصحكيش بيه والدك ووالدتك انت محتاجه بقى تشوفي لو في حد قريب منكم في العيله سواء من اتجاه مامتك او من اتجاه باباكي تقدري انك برده توضحي لهم اللي انت شايفاه شكل من اشكال الضغط عندك وحد ثاني يتكلم معاهم ممكن ما يتقبلوش منك الكلام او الكلام انت تقوليه ما يجيبش اثر ولكن محتاجين حد ثاني يوريهم الصوره ويقول لهم انه اللي انتوا بتعملوا ده بيضر بنتكم فلو الاشخاص دول موجودين لو في شخص وسيط سواء بقى مثلا شخص يقدر يتكلم مع ماما وبابا او شخص يقدر يتكلم مع ماما بس شخص يقدر يتكلم مع بابا بس يعني عموما لو الاشخاص دول موجودين وثقه تقدري تتكلمي معاهم وتوضحي لهم الرساله اللي انت عايزه توصليها بس عن طريق حد ثاني ربنا معاكي واجتهدي على قد المتاح وان شاء الله ربنا هيكرمك زي نتائج كويسه تخليكي في وضع احسن من اللي انت فيه إن شاء الله.
تم النشر الأربعاء، ٧ مايو ٢٠٢٥
السلام عليكم، ربنا يعينك ويقويكِ وتمر الأزمة دي على خير. طبعًا مش وقته خالص سؤال هل كلمتِهم وطلبتِ منهم يوقفوا اللي بيعملوه وإنهم مأثرين عليكِ بالسلب؟ حاليًا خلينا بالأمر الواقع، امتحاناتك قريبة وأنتِ اعصابك مضغوطة. فأنتِ محتاجة الأول تتعاملي مع الضغط النفسي اللي انتِ فيه لأن سواء أجلتِ أو لأ، مش هتقدري تذاكري إلا إذا بطريقة ما قدرتِ تفصلي بين المشاكل اللي بتحصل حواليكِ وركزتِ الشهر الباقي وعملتِ اللي عليكِ حتى لو الدنيا بتتقلب من حولك. ** هي الدراسة مهمة أكيد لكن صحتك النفسية أهم، مفيش فايدة من الدراسة لو أنتِ دمرتِ نفسك وأعصابك. مش هتدخلي كلية ترضيكِ ومش هتقدري تنجزي فيها حتى لو عرفتِ تدخلي كلية كويسة، طول ما أنتِ مش كويسة من جواك مش هتحسي إنك أنجزتِ أي شيء في دراستك ولا حققتِ حاجة. ** تعرفي تقعدي تتكلمي معهم وتعرفيهم الوضع وإنك بسببهم محتاجة متابعة مع مختص عشان تخرجي من الحالة اللي وصلوكِ لها؟ مش بطريقة هجومية طبعًا لكن حاولي تتواصلي معهم يمكن يخفوا شوية بكل مشاكلهم الخاصة عنك. ** رأيي متنتظريش الامتحانات وتروحوا شقة والدتك.. ابعدي عن الوش كله وغيري جو وافصلي. ** بتقولي هتفضلي بين 4 حيطان. ليه تفضلي بين 4 حيطان؟ ليه متنزليش لأي مكان حتى لو مش هتروحي دروس... ممكن تروحي تذاكري في كافيه أو مكان من المخصصين للدراسة، لو فيه مسجد قريب منك ممكن تستغلي الهدوء اللي فيه وتذاكري حلو برضه. ممكن تخصصي وقت تنزلي مع أصحاب ولو ملكيش صحاب انزلي لوحدك، اتمشي في مكان مريح زي الكورنيش مثلا لو قريب منك... تحاولي تجددي طاقتك وتغيري جو بعيد عن السلبية المحيطة بك. المهم متقعديش مع نفسك ودماغك. ** لو بعد كل محاولاتك تتكلمي معهم وتبعدي عن المشاكل خليكِ قوية وصريحة معهم، لو حد جه يكلمك في مشاكل تانية قولي لهم مش عاوزة تسمعي حاجة ومشاكلهم يحلوها سوا ويتحملوا نتيجة اختيارهم لبعض. ** أرجو أكون أفدتك شوية وإن شاء الله المختصين الأسريين يردوا عليكِ بإجابات متخصصة أكتر. بالتوفيق.
تم النشر الثلاثاء، ٦ مايو ٢٠٢٥
انا ٣ ثانوي وبردو بمر بظروف مخلياني عاوزه أجل وحقيقي مش عارفه اخد قرار بس كل الي اقدر اقوله ليكي انك انسانه قويه وحاولتي علي الرغم من سنك الصغير والمشاكل اللي انتي فيها بس صدقيني ربنا سبحانه وتعالى كريم جدا ورحيم وعالم باللي انتي بتمري بيه انتي لو مخلصه المناهج قبل كدا توكلي علي الله وراجعي وادخلي الامتحان والماده اللي تحسي انك مش هتعرفي تحليها أجليها دا لو مناسب معاكي جربي دا مجرد رأي اتمني اكون أفدتك ربنا يعوضك ويصلح الحال يارب ويعدينا من ٣ ثانوي علي خير
تم النشر الأربعاء، ٧ مايو ٢٠٢٥
يا روحي ربنا يوفقك دا اولا ويجعلك من المتفوقين دايما ... بالنسبة انك تأجلي ولا لأ انتي اكتر واحده عارفه نفسك هل انتي مستعده تدخلي الامتحانات او لا معلش مفيهاش حاجه لو اجلتي عشان حلمك ده حلم اكيد من صغرك محدده هدف لنفسك مش هتيجي ف سنه وعشان مشاكل قامت بين والدك ووالدتك تضيعي نفسك وحلمك عارفه انه مش سهل وانك تأجلي لسنه كمان ومزكره تاني بس صدقيني هتتعبي شويه وهترتاحي بعدين وهتبقى فخوره بنفسك ... تعب سنه ولا ندم سنين وربنا يوفقك يارب
تم النشر الأربعاء، ٧ مايو ٢٠٢٥
مرحبًا عزيزتي، شكرًا على ثقتك في مشاركتي مهمتك الصعبة. أنا ذكية، سأحاول أن أساعدك بطريقة تكون داعمة وعملية قدر الإمكان. أولًا، دعيني أقول لكِ إن ما تمرين به من توتر وصراعات أسرية أمر صعب جدًا، وأتفهم تمامًا كيف أثر ذلك على تركيزك وأدائك الدراسي. التفوق والنجاح في ظل ظروف مثل هذه فعلًا تحدي كبير، وأنت شجاعة لأنك حتى الآن تحاولين. لنقسم الموضوع إلى نقاط رئيسية مع بعض الحلول والتوجيهات: الضغط النفسي والمشاكل الأسرية: من الطبيعي جدًا أن بيئة البيت المضطربة تستهلك طاقتك الذهنية والعاطفية وتؤثر على تحصيلك. حاولي أن تخصصي وقتًا قصيرًا يوميًا لنفسك بعيدًا عن المشاكل—سواء بالدخول لغرفتك أو الخروج في نزهة صغيرة أو أي شيء مريح لك. إذا كان بإمكانك، تحدثي مع شخص تثقين فيه (مثلاً قريب محترم أو معلمة تحبينها) ليكون دعمًا نفسيًا ووضعية دعم أثناء هذا الوقت. الامتحان وتأجيله: اعتبارًا أن موعد الامتحان قريب، حاولي أن تقيّمي نفسك بموضوعية: هل يمكنكِ على الأقل تحقيق درجة وسطية إذا دخلتِ الآن مع المراجعات التركيزية؟ يمكن التفكير في أن تأخذي قرار الدخول للامتحان إذا شعرتِ بأن لديك فرصة معقولة للنجاح، حتى لو لم يكن التفوق كما كنت ترغبين. أما إذا كانت صحتك النفسية تسبب لكِ معاناة كبيرة وتفتقدين الثقة في قدرتك على التكيف، قد يكون التأجيل خيارًا منطقيًا مع التزامك بوضع خطة واضحة لتحسين وضعك النفسي والدراسي خلال السنة القادمة. الانتقال للبيت الجديد: لما تقولين إن هناك شقة خاصة بوالدتك في مدينة أخرى، هل بإمكانكِ طلب الانتقال فورًا حتى ولو قبل الانتهاء من الامتحانات؟ التواجد في بيئة هادئة ومستقرة ضروري جدًا لكِ الآن، وهذا قد يساعد في تحسين حالتك النفسية والدراسية. يمكن التواصل مع والدتك ومطالبتها بمساعدتك على الانتقال لوضعك الصحي والنفسي. البعد عن الصراعات والمشاكل: حاولي أن تحددي أوقات معينة للاستماع لمشاكل الوالدين، وحاولي التخفيف من وقت المحادثات التي تؤذيك أو تشتتك. استخدمي عبارات مهذبة ومحترمة مثل "أحتاج وقت للتركيز على دراستي، يمكننا التحدث لاحقًا" لتوضع حدود. الصحة النفسية: لا تترددي في البحث عن دعم نفسي متخصص عبر استشارة أخصائية نفسية، خصوصًا مع هذه الظروف الصعبة التي تؤثر على مستقبلك. على منصة فدني، هناك خبراء نفسانيون يمكنهم مساعدتك، أنصحك بتصفح قسم الخبراء والتواصل مع من يناسبك. في النهاية، القرار لكِ ولظروفك بشكل خاص، ولكن مهما كان قرارك، لا تنسي أن تسمحي لنفسك بالاهتمام والرحمة لأن هذا أهم من أي درجة. أنا هنا معكِ، وإن أردتِ مزيدًا من الإرشادات أو حتى تنظيم وقت مطالعه، يمكنكِ التواصل معي دائمًا. ولا تنسي أنك لستِ وحدك، وكل تحدي له نهاية بإذن الله. هل ترغبين أن أساعدك في خطة مراجعة قصيرة ومحكمة إذا قررتِ دخول الامتحان؟ أو تريدين أن نتحدث أكثر عن إدارة التوتر والضغط في هذا الوقت؟
تم النشر الثلاثاء، ٦ مايو ٢٠٢٥
بصي انت اول حاجه حاولى انك تتكلمى مع أهلك وتفهميهم وضعك وبالنسبه للدراسه ف انت مخلصه المنهج ف لسه معاكي وقت انك تراجعى لسه فيه وقت بس استغليه صح اعملى الي عليكي وتوكلى علي الله واستعيني بالله ولا تعجزي لأن موضوع التأجيل دا هيكون مرهق جدا وانت اكتر وحده اعلم بنفسك إذا كنت هتقدري ولا لا بس من ناحيه الوقت ف هو لسه في وقت كافي باذن الله امشي مع المدرسين في المراجعه ذاكري الجديد اول باول والقديم حددي ليه وقت تحبيه فيه واهتمي بالحل اهم حاجه الفتره دي الحل
تم النشر الأربعاء، ٧ مايو ٢٠٢٥
الله يعينك
تم النشر الثلاثاء، ٦ مايو ٢٠٢٥
لعرض السؤال في فدني اضغط هنا