ازاي الابن يتصرف لما العائله بتاعته مستوي التفاهم والفه متدنى ولما الابن يكره ابوه بس بحاول يعامله احسن من الاول بسبب ان الوالد بمثل عدم الابوه والبخل وقله الحنيه وعدم مسئوليه عليه وعلى امه بعد ما يحصل مشاكل وتوصل لطلاق باراده الام بعد تضحيه اعوام وتقف وتستمر الحياه بس "عشان العيال" لسه الابن متشفاش من يلى حصله ولا الام وهل الام صحيحه فى قرارها مع استمرار بعض الاحيان الاهانات وعدم وجود اطمنان فى البيت؟
قرار الام اكيد هى ادرى بيه ...فى الامور دى الطرفين هما اللى بيحددوا الصح بالنسبالهم طبعا البيئة الاسرية اللى جواها اهانه وحاجات من الشكل العنيف ده تأثيره سلبي ...بس ممكن يكون ده احسن وضع لظروف اخرى الابن يتعامل مع ده انه يراعى قلة الوعى بتاعهم وان ده اقصى شىء يقدروا يقدموه الابن يقدر هو انه يحتويهم بدل ما هما مقدروش يعملوا ده ....ده مش كلام نظرى انك تسامحهم وتعاملهم دايما بالحسنى رغم اللى بيصدر منهم تجاتهك بيزعلك ...هو ده السبيل اللى هيخليهم فى يوم يكونوا واعيين باللى حصل . انك تركز فى اللى انت عاوز تعمه فى حياتك وتخليهم فخورين بيك ...ان شاء الله ده يقلل من حدة اثر المشاكل عليك.
تم النشر الأربعاء، ٢٣ أغسطس ٢٠٢٣
تضيحة الام في بعض الاحيان وقبولها للاهانة او اي شئ مؤذي .. ده فعلا بيكون علشان حاجات كتير اولهم الابناء .. وده اللي بيكون في الاولوية عندها. فعل ده شئ طبيعي اه تصرف طبيعي منها. ولكن طبعا مش كويس .. وعواقبه بتكون وخيمة ومؤذية عليها وعلى الابناء .. محدش طبعا بيختار اهله .. ولكن ع الاقل لما يبقى الاذي واصل لدرجة كبيرة ع الابناء .. بنحاول نركز ع جوانب تانية في المقابل. وهي تقبل الامر الواقع اولا .. يعني ايه؟ يعني زي ما قولتلك محدش بيختار اهله .. ف تقبل الامر كما هو .. تاني شئ حاول تقلل الاحتكاك ب اي شخص مؤذي او بيسبب ليك الاذي. ولكن طبعا اذا احتاجك لازم تبقى جمبه ف الاخر هو والدك. ثالث شئ ركز على نفسك .. (شغلك - تعليمك - نجاحك) ديه كلها حاجات هتساعدك .. كل ما هتشوف نجاحك ف اي شئ هيكون عندك حافز اكبر انك تكمل. متركزش وراك .. خليك شايف قدام .. اللي حصل حصل خلاص.
تم النشر الاثنين، ٢١ أغسطس ٢٠٢٣
حاول تبين ليهم أن انت مش مبسوط بس طريقه غير مباشره
تم النشر الاثنين، ٢١ أغسطس ٢٠٢٣
ده انا بقولها الاحسن الانفصال عشان من كتر يلى شفناه وهى تقول لا خلاص هى مش مسامحه بس مشياه ودي لان في ناس ادخلت وعملنا جلسه وحلينا سويه مشاكل بس تعامل ده بقا تقلبات ونفسيع زي زفت بنسبه للابن تجاه الوالد بس بعمل بحسان لله فالمشكله ازي نتخطى الوجع والالم من اقرب الناس؟ وهم عارفين انهم غلط
تم النشر الاثنين، ٢١ أغسطس ٢٠٢٣
لعرض السؤال في فدني اضغط هنا