أنا بيحصل عندي مشاكل كتير في البيت وانا عارفة أن دا شيء طبيعي في أي بيت عمومًا لكن المشاكل دي بتعيقني كتير اني اذاكر حتى لو حصلت مشكله بيدخلوني بينهم وانا ما عملتش حاجه وانا حتى لما بحاول احل مش بعرف احل بسبب الضغط وقتها في عمومًا وكذا مره فتحت معاهم الموضوع دا الصوت العالي والزعيق دا الجو بيبقى متوتر حتى لو قفلت الباب ما ينفعش اقفل الباب وأحط السماعة خالص ف كنت بفكر اني اذاكر برا البيت بس مش اقولهم اني هخرج برا عشان اذاكر تقولهم عادي أنا رايحة درس بس بدل ما اروح الدرس اروح المكتبه أو المسجد اذاكر فيه لأن بجد الوضع دا مش هقدر استمر فيه والجو مش ليساعد خالص ان الواحد ينجز حاجه
اتمنى حد يشاركني رأيه في اللي هعمله عشان مش عايزة اكون متسرّعة برضوا 🙏🏻
فكره حلوه لو مش عارفه تذاكري و كلمتيهم كتير وخايفه على مستقبلك روحي المكتبه أو المسجد و فيه قاعة الاستذكار في الكليات هاديه وفيه منها المخصص للبنات بس لكن الافضل تخلي المشكلة لأن الوقت اللي هتذاكري فيه هيكون قليل و رجعتي البيت وفكرتي تراجعي مش هتعرفي من الصوت العالي وممكن تنسي بجانب أيام الامتحانات مش هتعرفي تقولي نازله الدرس ممكن تشوفي تذاكري عند حد من أهلك زي اختك خالتك وربنا يوفقك
تم النشر الأربعاء، ١٠ سبتمبر ٢٠٢٥
أنا شايف الحل في المذاكرة بره في المكتبة أو المسجد فعلا بس مش لازم تقولي إن البيت مش مريح الخ أو أي تفاصيل عن الموضوع ده لو هيتضايقوا ممكن مجرد أنا بحب أذاكر بره أكتر وخلاص ولو ده مش نافع كمان ممكن صناعة أي روتين أو أي نظام في البيت بشكل ما بحيث أحط نفسي في موود تخيلي كده وأحاول أندمج معاه غالبا الموضوع صعب بس مش عارف
تم النشر السبت، ١٣ سبتمبر ٢٠٢٥
مرحبًا يسر، معكِ ذكية في فدني، وأنا هنا لأساعدك وأقدر تمامًا تعبك وضغطك النفسي بسبب المشاكل في البيت. أنتِ على حق، المشاكل واردة في أي بيت، لكن لما تكون مستمرة ومؤثرة على دراستك وتركيزك، الموضوع بيحتاج حل عملي. أولاً، فهمت منكِ أن: المشاكل في البيت بتخلّي الجو مش مناسب أبداً للمذاكرة. حتى لما بتحاولي تهدّي الوضع، أحيانًا ما بيكونش ممكن بسبب صوت الزعيق والضغط. عندك فكرة تذاكري خارج البيت، زي المكتبة أو المسجد، علشان تفضلي مرتاحة ومركزة. رأيي فيها خطوة جيدة جدًا، وهنا بعض النصائح العملية لتطوير فكرتك: ضعي خطة للخروج للدراسة خارج البيت: حاولي تحكي لأهلك بطريقة هادئة إنك هتروحي تذاكري خارج البيت، ويمكن تذكري لهم إن الدراسة مهمة ليكي وإن البيئة الهادئة تساعدك تركزي وتنجزي. فكري في يوم أو يومين في الأسبوع تبدأي تذاكري برا البيت، مثلاً في المكتبة أو المسجد، وفي الأيام التانية تحاولي تذاكري بالبيت لو الجو أهدأ. اختيار مكان مناسب: المسجد مكان مريح وله أجواء روحية محفزة، فيه هدوء ويشجع على التركيز. المكتبة هتلاقي فيها هدوء وتركيز، وكمان ممكن استعارة كتب تساعدك في دراستك. التواصل مع الأسرة: حتى لو كان فيه توتر، حاولي تعبري عن مشاعرك بشكل هادئ، مثلاً "بحبكم وأتمنى نفهم بعض أكتر، وإذا أمكن تساعدوني في توفير جو مناسب للمذاكرة". ممكن كمان تطلبي منهم دعمك بتحديد أوقات معينة يهدأوا فيها الصوت. العناية بالنفس: لما تغيري البيئة وتصرفي وقت في مكان هادي، ركزي على تنظيم الوقت والمذاكرة بأهداف واضحة عشان تستغلي الوقت بشكل مثمر، وخلي عندك فترات راحة قصيرة. أذكرك أن خطوة الدراسة خارج البيت ليست هروب، لكنها خطوة ذكية للحفاظ على صحتك النفسية وتركيزك. والحمد لله في بلادنا ووطنا هناك أماكن مناسبة مثل المساجد والمكتبات. لو حسيتي أنك تحتاجي دعم نفسي أو توجيه أعمق مع الضغط النفسي، ممكن تراجعي خبراء في مجال التوجيه النفسي أو تطوير الذات في فدني من خلال صفحة الخبراء واحجزي استشارة معهم. أنا معاكِ دومًا لو حبيتي تحكي أكثر عن مشاعرك أو تحتاجي نصائح إضافية. ربنا يسهل لك ويهون عليك، ولا تنسي أن كل ما تعانيه الآن سيصبح نقطة قوة في حياتك إِن شاء الله. هل تحبي أن أساعدك في كيفية ترتيب جدول مذاكرتك أثناء الدراسة خارج البيت؟
تم النشر الأربعاء، ١٠ سبتمبر ٢٠٢٥
ولو في وورك سبيس في الكلية او مكان مناسب جربيه برضو وفي المسجد او المكتبة زي ما حضرتك قولتي
تم النشر السبت، ١٣ سبتمبر ٢٠٢٥
اتجاهليهم لو حاولوا يدخلوكي، لو معرفتيش تقدري تشوفي وورك سبيس قريب منك هيكون هادي ومكان حلو للمذاكرة، انا برضو ساعات بيحصل مشاكل في البيت او مبكنش طايق المذاكرة فبنزل الوورك سبيس وبذاكر هناك
تم النشر السبت، ١٣ سبتمبر ٢٠٢٥
مترديش عليهم لما يحاولو يدخلوكي في مشاكلهم خليكي باردة خليكي صنم ... و لو ع المشاكل و الدوشة مع الوقت هتتعودي بس اهم حاجة متدخليش و ده ابتلاء و له عاقبة حسنة ان شاء الله تفائلي بالتوفيق.. و متخليش مشاكلهم تأثر علي نفسيتك اعملي حاجات في يومك تسعدك و تبسطك عشان صحتك النفسية لان محدش هيتحمل نتائج سوء الأداء غيرك حتي لو ملكيش ذنب
تم النشر السبت، ١٣ سبتمبر ٢٠٢٥
استخدمي أصوات طبيعيه زي صوت الغابه او المطر بدل الموسيقى علشان حرام
تم النشر الخميس، ١١ سبتمبر ٢٠٢٥
بصي يا حبيبتي انا بردو عندي نفس المشكلة في البيت بس انا دار ايتام وحوالي 7بنات وهما بردو بيزعقوا وبيخبطوا ويكسروا لكن أنا كل اللي عملته ماما جابت لي سماعات هيدفون بس لما برجع من الشغل بقوم مشاكلها علي صوت موسيقى للمذاكره من النت و بعلي الصوت وبفعل خاصيه عزل الصوت الخارجي في السماعه وبذاكر وبعرف برغم لما بخرج يكتشف انى ف بعض الاشياء مكسوره
تم النشر الأربعاء، ١٠ سبتمبر ٢٠٢٥
والله حتى وقت الفجر مش سايبينه كمان ومش بتحلى الخناقات الا في الصبح أو بالليل خالص والناس نايمة حتى لما فكرت اذاكر وهما نايمين عدد الساعات مش بيكفي اني اخلص اللي ورايا
تم النشر الأربعاء، ١٠ سبتمبر ٢٠٢٥
وللعلم أنا في تالته ثانوي ازهري المواد عندي كتيرة وبحاول ابدأ فيها بس البيئة اللي حواليا مش مساعداني نفسيًا اني اخلص حاجه حتى الايام اللي بيكون عندي فيها دروس بحب اروح قبل الدرس بساعة أو ساعتين استغلهم في مذاكرة في جو هادئ جوا السنتر أو في المسجد
تم النشر الأربعاء، ١٠ سبتمبر ٢٠٢٥
لعرض السؤال في فدني اضغط هنا