السلام عليكم ورحمة الله وبركاته
انا ثانوى عام وفاضل يوم على الامتحان وانا عارف انى كنت مقصر وعارف انه مش وقت جلد للذات اعمل ايه علشان حافز الدراسه يرجعلي
أنا عارف مصادر كتير اذاكر منها بس بجاهد وافتح الحاجه بتخنق ومكنش قادر وفي نفس الوقت صعبان عليا أهلى انا نفسى افرحهم وحلل الفلوس اللى اتدفعت في كتب المراجعات دى حقيقى انا تعبت
السلام عليكم، زي ما قلت مش وقت جلد ذات ولا ندم خالص. المشكلة مع الاعتماد على الشغف أو انتظار الحافز لعمل الشيء إنه بيخليك واقف مكانك بالإضافة إلى إحساسك الحالي بالضغط النفسي وإحساس الذنب ناحية أهلك كل ده دافع لمزيد من التسويف والهرب من المذاكرة. فنصيحتي، لا تنتظر الحافز ولا عودة الشغف ناحية المذاكرة. النفس لو تركت لها المجال مش هتعمل حاجة وهتفضل مش قادر تفتح كتاب، والحل الوحيد هو إرغام النفس وقتها إنها تعمل الحاجة اللي مش على هواها. ممكن تلجأ لحيل خداع العقل وتجلس على المكتب وتقول أنا بس هقعد أذاكر عشر دقائق حتى لو مجرد قراءة. وصدقني عن تجربة، أول خطوة بس هي الصعبة، أول كم دقيقة لو فرضت على نفسك إنك هتبدأ من غير تفكير ومهما كانت مبرراتك للهرب، بعد كده هتلاقي نفسك انشغلت في المذاكرة لدرجة إن ممكن تنسى تاخد فاصل راحة. الحل إنك تاخد الخطوة الأولى، استخدم قاعدة الخمس ثواني وعد تنازليًا من خمسة إلى واحد ومع الواحد اقعد على مكتبك وافتح الكتاب. بدل ما تخلي قُصاد عينك إحساسك بالذنب والمسؤولية خلي قصادها أفكار تانية إيجابية وتفاءل بالخير اللي ربنا كاتبه مهما كانت النتيجة لأن ربنا مش بيكتب غير الخير. بالتوفيق.
تم النشر الأربعاء، ٢ يوليو ٢٠٢٥
وعليكم السلام ورحمة الله وبركاته اولا زي ما انت قولت مش وقت جلد ذات الوقت دي وقت انك تعمل الي عليك وتسيب الباقي على ربنا وإن الله لا يضيع اجر من أحسن عمل روح ذاكر واعمل الي عليك ربك دايما يقولك أسعى يا عبد وانا أسعى معاك وفي الاول وفي الأخر الرزق عمره ما كان ثانوية عامة ولا كلية حلوة في ناس كتير بتدخل طب وكليات عليا ماشاء الله بس ربنا ما وفقهومش في شغلانة كويسة وياما بنشوف سواق توك توك والله على دماغي شغلانة حلال بس في ناس تيجي تسالها يقولك انا خريج هندسة والخ بقى في كذا واحد وتلاقي واحد ربنا ما كرمهوش في نتيجة بس يرزقه في شغل في سفر في زوجة صالحة او زوج صالح فا انت كدا كدا رزقك وقدرك مكتوب فا انت بس لا تتشائم وتفائلوا بالخير تجدوا كله ها يعدي وسيبها على ربك وتفائل بالخير تجدوه بس كدا وكل التوفيق لك يارب ويحققلك أحلامك🤍
تم النشر الأربعاء، ٢ يوليو ٢٠٢٥
وعليكم السلام ورحمة الله وبركاته أخي العزيز، أشعر جدًا بما تمر به الآن، وعلى الرغم من تعبك وضغطك الكبير قبل الامتحان، أود أن أقول لك إنّك لست وحدك في هذا الشعور، وهذا حق طبيعي يمر به الكثير من الطلاب في مثل ظروفك. لن أبدأ بكلمات جلد الذات لأنك بنفسك فهمت أن هذا لا يصنع فرقًا، بل سأساعدك في خطوات عملية تساعدك تسترجع حافزك وتدرس بشكل أفضل في هذا الوقت الضيق: قسّم الوقت لجزئيات صغيرة: بدلاً من محاولة فتح كل الكتب دفعة واحدة، خطط لوقت قصير من 20-30 دقيقة للمذاكرة المركزة ثم خذ استراحة صغيرة، هذا يساعد دماغك أن يريح نفسه ويعود بقوة. حدد أهم المواضيع: بما أن الوقت محدود، ركّز على الفصول أو النقاط التي تشعر بأنها الأهم أو التي سبق ووجدت صعوبة فيها، لا تحاول مراجعة كل شيء. غيّر مكان الدراسة: أحيانًا تغيير المكان يساعد على تنشيط التركيز، جرب تذاكر في مكان هادئ ومريح. استخدم أسلوب الأسئلة والأجوبة: بدلًا من أن تقرأ فقط، حاول تجاوب أسئلة أو تلخص النقاط المهمة لنفسك، هذا يزيد التفاعل والذاكرة. تذكّر هدفك: أنت تدرس ليس فقط من أجل الامتحان أو لإرضاء أهلك، بل من أجل نفسك ومستقبلك الذي تحلم به. حاول تصور نفسك بعد النجاح، شعور الفرح والراحة. لا تنسى الدعاء: الصلاة وطلب المساعدة من الله تعطيك راحة نفسية وقوة داخلية، فاجعل الدعاء جزءًا من روتينك اليومي. تعامل مع القلق بشكل عملي: عندما تشعر بالخنقة، قف دقيقة، اشرب ماء، غيّر وضعك، وتحدث مع نفسك بعبارات إيجابية مثل "أنا قادر"، "سأنجز ما أستطيع". أخي، تعبك وجهودك لم تذهب هباءً، وأنت ما زلت قادر تصنع الفرق، حتى لو الوقت ضيق. لا تنسى أنك لست وحدك، وإذا شعرت أن الأمور تحتاج دعمًا أكبر، يمكنك دائمًا الاستعانة بخبراء في التعليم أو النفس عبر صفحة الخبراء على فدني. وأيضًا أنصحك تتصفح أسئلة مشابهة على فدني، قد تجد فيها نصائح وإلهام يعينك. أنا ذكية هنا معك، وإذا أردت أي مساعدة أو دعم في أي وقت، لا تتردد في التواصل معي. تمنياتي لك بالتوفيق والنجاح من القلب، والله معك! 🌟
تم النشر الثلاثاء، ١ يوليو ٢٠٢٥
فاهمه أن ده ضغطك متفهمه قد اى انت حاسس بخنقه وتعب نفسى عشان نفسك تنجح مع انك معملتش لده بس ممكن تحاول حتى لو مش قادر انا فاهمه انت حاسس بإيه حاول على الاقل حتى لو 1% الإنسان مش كامل اى نعم والمفروض كنت تجتهد حبه بس متجيش على نفسك بس اللى قدامك دلوقتي تحاول محاولات حتى لو بسيطه مثلا مذكرات للماده اقعد راجعها هات اسئله ومراجعات من اى مصدر على اليوتيوب واقعد اسمعهم حتى لو بس المعلومات الطيارى دى بتثبت فهمنى وربنا ينجحك بإذن الله متقلقش ده مش اخر المطاف❤️☺️
تم النشر السبت، ٥ يوليو ٢٠٢٥
مينفعش تفضل قاعد في مكانك وتقول انا نفسي ده يحصل بس انت مش بتاخد اي خطوه عشان ده يحصل محدش هيجي يذاكر مكانك ولا حد بيمتحن مكانك في اللجنه انا فاهمه ان الموضوع صعب دلوقتي بس خلاص هو أمر واقع وانت لازم تضغط نفسك عشان توصل للي انت عايزو عشان بعد النتيجه مترجعش تقول ياريتني ذاكرت ما انا كان عندي الفرصه ساعتها الندم هيبقى ملهوش اي لازمه ف حاول دلوقتي وربنا يوفقك
تم النشر الجمعة، ٤ يوليو ٢٠٢٥
لعرض السؤال في فدني اضغط هنا