Magda Mohamed

ولي تعمل كدا بما انك اصلا في ايدك انك تخلي الناس هي الي تحب تصاحبك خليك واثق من نفسك وخليك عارف انك اكيد ماشاء الله فيك اشياء جميلة كتير كل واحد فيه حاجة بتميزه عن غيره والصدمات والخذلان الي اتعرضت لي دا فيه حاجة اجابية استمد منه قوة كل ما تعدي من مشكلة اوعى تعديها وخلاص لازم تتعمل منها العبرة حب نفسك بس ها قولك ابقى نرجسي بس ثق فيك وقبل كدا ثق في ربنا وخليك عارف ان ربنا مش ها يبتليك بحاجة الا لما يكون عارف انك قدها وتعرف تعدي منها عيش حياتك سعيد حتى لو لوحدك احسن ما تعيش وسط ناس كتير تعيس وربنا يسعدك يا اخي يارب🤍

وعليكم السلام ورحمة الله وبركاته اولا زي ما انت قولت مش وقت جلد ذات الوقت دي وقت انك تعمل الي عليك وتسيب الباقي على ربنا وإن الله لا يضيع اجر من أحسن عمل روح ذاكر واعمل الي عليك ربك دايما يقولك أسعى يا عبد وانا أسعى معاك وفي الاول وفي الأخر الرزق عمره ما كان ثانوية عامة ولا كلية حلوة في ناس كتير بتدخل طب وكليات عليا ماشاء الله بس ربنا ما وفقهومش في شغلانة كويسة وياما بنشوف سواق توك توك والله على دماغي شغلانة حلال بس في ناس تيجي تسالها يقولك انا خريج هندسة والخ بقى في كذا واحد وتلاقي واحد ربنا ما كرمهوش في نتيجة بس يرزقه في شغل في سفر في زوجة صالحة او زوج صالح فا انت كدا كدا رزقك وقدرك مكتوب فا انت بس لا تتشائم وتفائلوا بالخير تجدوا كله ها يعدي وسيبها على ربك وتفائل بالخير تجدوه بس كدا وكل التوفيق لك يارب ويحققلك أحلامك🤍

بصي يا ست البنات اولا حاجة حلو انك ما ارتطبتيش قبل كدا دا في حد ذاته حاجة كويسة في الزمن الي احنا فيه دي لان الحرام في الزمن دي كتر وبقى بيتحلل على مزاج الناس ثانيا دا مش حب لان الحب دي مش اي كلام وخلاص كدا انت بس من كتر كلامك عليه مع صاحبتك اتعلقتي في الموضوع لكن غير كدا فا من وجهه نظري ان دا مجرد إعجاب بس مش اكتر فا حاولي تشيلي الموضوع دا من دماغك خالص وركزي في مذاكرتك وبالنسبة ان الموضوع في دماغك لدرجة انك مش عارفة تنامي فا لاء حاولي تشغلي نفسك بأي حاجة وخصوصا انك حاليا في اجازة صح يبقى مثلا اتفرجي على بودكاستات اقراي كتب اقولك حاجة روحي اتفرجي على كرتون اي حاجة إلهي نفسك بأي حاجة وخير أن شاء الله يا ست البنات♥️ بالمرة خليني اقولك اي هو الحب من وجهه نظري الشخصية اهيه حاجة ليكي للمستقبل♥️ الحب مشاعر غريبة بتحكم فيكي روحك مبروطة بروح شخص تاني مش من دمك ولا تربطك بيه اي صلة غير انك حبيتيه صدفة وقابلتيه فجأة بدون اي مقدمات مافيش قرارات في الحب أو اختيار هو فجأة كدا يسكن قلبك من دون أي قيود مافيش سبب للحب هو كدا يسكن قلبك من غير اسباب حاجة كدا ربنا يزرعها جوانا بدون اي مقدار او حسابات الحب اهتمام بكل تفصيل الشخص الي سكن قلبك عاوزة تسعديه بأي طريقة بتفكري في مشاعره قبل مشاعرك بتبعدي عن اي سبب ممكن يجرحه او يألمه بتحاولي تسعديه وترسمي ضحكته ولو شوفتي دموعه تحسي انها جمر بتحرقك عاوزة تعملي المستحيل علشان بس تشوفي ضحكته بيكون في امان واستقرار ومشاعر قوية لا يمكن تنهز ابدا بتتحملي حزمه وألمه قبل فرحه

يا ست البنات خلينا عارفين ان العلاقة الي بتبدأ بما لا يرضي الله ها تنتهي بما لا يرضي الله خليكي غالية اوعي ترخصي نفسك لحد لو بتعشقيه حتى إيام الرسول صلى الله عليه وسلم والصحابه ما كنش فيه حاجة اسمها ارتباط غير شرعي واحنا لازم نمشي على خطايا الرسول وامنا عائشة فا يا حبيبتي طنشي خالص وأبداي من الاول واقعدي بيتك ملكة معززة مكرمة لحد ما يجيلك الراجل الصح مش ها قول الذكر الصح لان الذكور كثرت الرجال قلت وطبعا فيه فرق خليكي قاعدة في بيتك جوهرة علشان الي ياخدك يعرفك انك كنتي ملكة في بيت اهلك ياخدك يعيشك ملكة في بيته وفيه قلبه ويارب اقدر افيدك

بصي يا حبيبتي ربنا أمرنا اننا نطيع أوامر والدينا ولا نقل لهم اوف حتى انا عارفة انها سلبت منك حاجة المفروض اي ام تديها لبنتها وهي الاهتمام بس معلشي ساعات في أمهات بتبقى مفكرة انها كدا بتحاول تحافظ عليكي انتي ما تزعليش منها واشتغلي واصرفي على نفسك واعملي كل ااي نفسك فيه ولما حد يكلمك قوللهم ما حدش لي دعوة فلوسي وانا حرة فيها وبالذات اخوكي ربنا يهديه وموضوع الجسم دي بقى فيه الف حاجة دلوقتي تقدر تحسنه ما تقلقيش من المواضيع دي

مافيش عندنا في الاسلام حاجة اسمها ارتباط يا ست البنات وبما انه زي ما بتقولي انه جد يبقى يدخل البيت من بابه دلوقتي بدال هو جاهز لكن ارتباط من غير حتى دبلة دي حاجة احنا ما نعرفهاش في الدين بتاعنا فهماني يا ست البنات روحي قوليله انا مش ها اقدر اكمل من غير ما يكون في حاجة تربطنا رسمي وشوفيه ها يقولك اي بس ولعله خير🤍

أولا مافيش حاجة سهلة في الدنيا لازم نمر كلنا بضغط بس لازم يكون عندنا ثقة في الله انه مهما الابتلاء طول معاك كل ما كان ليك ثواب عليه وبعد الثقة في الله خلي عندك ثقة في نفسك انك تقدر تعمل اي حاجه وتقدر تعدي من اي مشكلة بأنك بس تعمل الي عليك وسيب الباقي على ربك ربك الي لما اتولدت واول مرة عيطت فيها جعل طعامك في ثدي امك من غير ما تتكلم واسفة بس ما فيش حياء في الدين ولا في العلم اكيد لما يحطك في مشكلة هو عارف ان فلان دا قدها خليك قدها وسيبها على ربنا وثق في نفسك

الشكر لله احنا كلنا اخوات🤍

ولا حضرتك ولا حاجة يا ست البنات احنا اخوات وانا موجودة في اي وقت♥️

العفو على اي انا موجودة في اي وقت♥️♥️🫂

بإذن الله اشتغلي على نفسك وانتي ان شاء الله ها تلاقي حياتك ها تتحسن تماما بإذن الله ربنا يرزقك رزق يتعجب منه اهل السموات والأرض يا حبيبتي ♥️