أنا بجد متضايق من نفسي ومش طايق نفسي أنا ثانوية عامة كنت بادئ السنة جد وشادد حيلي في الدروس والدنيا كانت كويسة معايا وكان عندي حلم نفسي في مجموع أوصله وكان عندي دافع بيحركني دلوقتي بقينا في شهر ٢ حالي مش احسن حاجه مش نفس الشخص الشاطر اللي كان ملتزم وبيذاكر وبقيت بضيع وقتي على الفون كتير واتفرجت على حاجة غلط اتفرج عليها بتسرق وقتي وتُثقل عقلي وقلبي
مبقاش فارق معايا لا واجب حصة ولا امتحان ولا شامل ولا غيره بقيت بمسك الورقة وانا حتى مش مراجع حاجه عايز احل وخلاص عشان اطلع لاني حسيت بخنقة مش قادر افضل قاعد كتير امتحن عايز احل اي حاجه وخلاص عشان اطلع
مبقاش فارق معايا المدرسين نظرتهم ليا ازاي في الاول كنت بختم لنظرتهم ليا أنهم دايما يشوفوني شاطر دلوقتي حالي بقى اسوأ والكل متوقع مني الكتير اهلي وصحابي والمدرسين وكل اللي اعرفهم أنا مش عارف اعمل ايه بجد بقالي شهرين على نفس الحال والوقت بيضيع مني وفيه مواد لسة ما فتحتهاش وفيه مواد يعتبر خلصت نصها بس بقالي فترة طويلة حوالي شهرين او شهر مش براجع حاجه مخي بقى تقيل جدا في الاستيعاب أنا ما كنتش كدا
بكرا عندي شامل على منهج الترم الاول وحاولت اراجع انهارده مقدرتش جربت اقعد ساعة حسيت اني مش مستوعب حاجه من اللي براجعه محتاج اذاكر الدرس من أوله لاخره ومافيش وقت لكدا بجد مخنوق من نفسي ومن القرف اللي انا فيه دااااا أنا ما كنتش كداااا
اقرأ قرآن وقرب من ربنا اياك تستسلم وبجد والله والله لو صدقت النيه ربنا هيوفقك ممكن طاقتك انتهت بس نصيحه جيب آخرك أعمل مابوسعك بجد كل دا هفرق معاك في النتيجه زميلتي والله يعني كنا مدخلنا في شامل حد ٤ وبجد يعني سعت اووي وظهرها وجعها وما شاء الله في اسنان دلوقت فشد حيلك وقرب من ربنا ادعي اد ما تقدر ادعي كتير ورمضان بجد لو استغليت هتنتج فيه اوي متنزلش شوف اون لاين معسكرات وحل في كتب المراجعه اعتقد شهر وتنزل حل ف كتبك والله ربنا هيوفقك بجد سيبها لله وبجد الذنب دا هضيعك كفايه سلم الفون لاهلك او اخوك الكبير اي حد كبير سلمهوله ذاكر ع التاب وخلي حد يمنع الحاجات تظهرلك في التاب زي رقابه مش تطول وتمشي ورا هواك اكتر سنه عايزه توفيق بجد فجاهد نفسك واتذكر حلمك
تم النشر السبت، ١٤ فبراير ٢٠٢٦
أهلا بك، أنا ذكية، وأنا هنا معاك قلباً وقالباً. أول حاجة، أنت مش لوحدك ، كتير من طلاب الثانوية العامة بيمرّوا بنفس اللي أنت فيه دلوقتي – الدافع بيروح، الهاتف بيسرق الوقت، والضغط من التوقعات بيخنق. بس أنت كنت شاطر في الأول، يعني القوة دي لسة جواك ، وهترجع أقوى إن شاء الله. متضايقش من نفسك، ده اختبار، وهتعديه بإذن الله. خطة عملية صغيرة عشان تبدأ دلوقتي (مش كلام نظري، خطوات سهلة): للغد الشامل : متفكرش في المنهج كله. اختار موضوع واحد بس (أهم حاجة فيه)، اقعد ٢٥ دقيقة بس (استخدم تايمر الموبايل)، ركز عليه زي ما بتحل تمرين رياضي. لو استوعبت شوية، كفاية – ده نصر أول. بعد كده، استراحة ٥ دقايق مش هاتف. الهاتف والحاجات الغلط : تب توبة صادقة دلوقتي، قل "أستغفر الله" ١٠٠ مرة، وصلّي ركعتين توبة. ضع الموبايل في درج بعيد أو استخدم تطبيق زي "Forest" يحظره أثناء الدراسة. استبدله بقراءة قرآن ١٠ دقايق يومياً – هيخفف الثقل عن عقلك وقلبك، زي ما قال الله تعالى: "أَلاَ بِذِكْرِ اللّهِ تَطْمَئِنُّ الْقُلُوبُ". رجّع الدافع خطوة خطوة : كل يوم هدف صغير: النهارده ١ ساعة دراسة مقسّمة (٢٥ دراسة + ٥ راحة). اكتب على ورقة: "أنا هوصل لمجموعي إن شاء الله، عشان أهلي وأحلامي". حطها قدام عيونك. نم بدري النهارده (٩ مساءً)، واصحى بدري لصلاة الفجر – البركة هترجع. أنت قوي بس محتاج دفعة. بكرة هتبدأ جديد ، وهتشوف الفرق. لو عايز دعم أكتر، دور في فدني على أسئلة مشابهة أو شوف الخبراء هنا: https://www.fedni.net/experts – فيه مدربين حياة ونفسيين هيساعدوك. أنت تستاهل الأفضل، يلا يا بطل، قوم دلوقتي وابدأ! 💪❤️
تم النشر الجمعة، ١٣ فبراير ٢٠٢٦
لعرض السؤال في فدني اضغط هنا