Sarang 💭

الحل إنك تبدأي.... البداية هي أصعب حاجه فأنتي لازم تتغلبي على مشكلة البداية دي يعني مثلا عدي مع نفسك 12345 و بعد 5 تقومي تعملي الحاجة إلي وراكي هتلاقيكي مش حاسة بنفسك و انتي بتخلصي إلي وراكي بالإضافة إنك تقعدي في مكان نضيف و حلو يفتح نفسك على المذاكرة كل شوية غيري أسلوب مذاكرتك برضو و غيري مكان المذاكرة و حاولي دايما تحببي نفسك في المذاكرة مثلا شوفي الأشخاص الي نفسك تبقي ذيهم في المستقبل و شوفي هم بيعملوا ايه و قلديهم أو اسمعي كلامهم أو اذاي حققوا الي هم فيه ده دلوقت ده هيحفزك تذاكري

بصي يا حبيبتي انتي كملي تعليمك و ركزي على نفسك و ذاكري و ابقي دكتورة ذي ما انتي عاوزة و بعد كده ابقي اتخطبيله و اتجوزيه لكن دلوقت في سنك ده أهم حاجه شهادتك و تعليمك و الله و اه الكل بيقول كده دلوقت بس للأسف ده شيء حقيقي إن تعليمك و مستقبلك اهم بكتير + انتم ممكن تتخطبوا خلال الفترة دي عشان الموضوع يكون بالحلال لكن متسمحيش ان ده يأثر على تعليمك ابدا بالإضافة ان الزواج مش مجرد حب و خلاص انتي لما بتقرري تتزوجي حد وقتها انتي بتختاري زوج و صديق و حبيب و اب و اخ فلازم يكون قد المسؤولية و انه يكون اب كويس لعيالكم في المستقبل قبل ما يكون زوج أو حبيب فبصراحه كده شايفة إنك تقترحي عليه خلال فترة تعليمك انه هو كمان يتعلم على الاقل انه يكون بيعرف يقرأ و يكتب

ممكن لأنك عندك اكتئاب فده بدأ يأثر على حياتك الاجتماعية أو ممكن يكون محيطك مش بيفهمك أو مش شبهك و انتي شخصيتك اتغيرت فبالتالي هم مش فاهمينك عشان كده بتحسي إن مش عاوزة تقعدي مع حد.... اقعدي مع نفسك و راجعي أفكارك عشان تحددي السبب كويس

Fake it till you make it اصطنعي الثقة بالنفس لحد ما فعلا هتبقي واثقة من نفسك و طبعا طبعا عشان يبقى عندك ثقة بالنفس لازم اهتمام بالنفس..... اهتمي بنفسك ببشرتك و بجسمك و بلبسك و بدراستك و بشخصيتك اذاي تنميها و ثقافتك وذكائك و بالتدريج بجد هيبقى عندك ثقة في نفسك عن تجربه و شيء جميل جدا لو عملتيه إن واثقة إنه هيساعدك و لو بنسبة بسيطه عن تجربتي اقرأي في علم النفس هيساعدك تفهمي حاجات كتير هتحسن من شخصيتك و ثقتك في نفسك

أول تعليق هو أن أدبي مش سهل ذي ما البعض مفكر كده و محتاج جهد كبير ذي علمي بالظبط و المنهج مش بيتلم بسرعه ذي ما انتي مفكرة.... تاني نقطه بلاش تمشي ورا كلام الي حواليكي و ادخلي الي بتحبيه و أحسن طريقة تعرفي بيها هتختاري إيه هي إنك تصلي استخارة و بعد كده اختاري الي يريحك لو مسلمة و لو مسيحية صلي و اختاري برضو الي حاسة براحة اتجاهه و الاجتهاد هو الي هيخليكي ناجحه في اي شعبة هتختاريها عموما تالت حاجه بقى عشان تحلي مشكلة التشتت ده ليه أسباب كتير ممكن يكون عندك نقص فيتامينات أو سوء تغذية عموما فممكن تروحي تكشفي و ممكن تاخدي اوميجا3 هيساعدك مع التركيز و كلي كويس أكل يكون صحي و مفيد ذي السمك و اللحمه و الفراخ و الخضار و ممكن التشتت و التردد في اتخاذ القرارات ده يكون بسبب مشكلة نفسيه لو مثلا عندك اكتئاب أو في ظروف حصلتلك مأثرة على نفسيتك ممكن تبحثي في الموضوع ده اكتر و تشوفي نفسك هل عندك مشكلة نفسية ممكن تكون السبب في التشتت و صعوبة اتخاذ القرارات و لا لا

أنصحك تروحي لدكتور نفسي أو أخصائي نفسي لان من كلامك واضح ان حالتك محتاجه تدخل من أشخاص خبراء في التعامل مع المرض ده و كمان قولي لحد بتثقي فيه من عائلتك أو من أصدقائك

التعلق ليه أسباب كتيره و لكن اهم سبب هو صدمات الطفولة..... صدمات الطفولة ممكن تكون مواقف بسيطة لا تذكر حتى و لكن المواقف دي سببت صدمة ذي مثلا إنك و انت صغير كنت بتحب تتكلم كتير وسط التجمعات و أهلك مثلا يزعقولك أو ميهتموش لكلامك أصلا ده ممكن يسبب صدمة و هكذا بقى في مواقف كتير جدا من الطفولة ممكن تسبب صدمات و دورك هنا إنك تقعد مع نفسك و تفكر في كل المواقف الي ضايقتك أو الي تعتقد إنها ممكن تكون سبب في تعلقك و تكتبهم في ورقة ده هيساعدك تفهم نفسك اكتر و بعد كده لما هتقابل ناس بيقدموا ليك حاجات إنت محصلتش عليها و انت طفل هتفهم كويس سبب تعلقك بيهم و ده هيقلل من تعلقك بالتدريج...... ثانيا بقى من أكبر أسباب التعلق هو انك مش عارف قيمتك كويس. مش بتحب نفسك كفاية للدرجة إلي مش بيكون عندك مشكلة تفضل لوحدك و تستمتع بوحدتك.... حب النفس ده من اكتر الحاجات الي بجد ساعدتني اني أبطل تعلق بالناس لما الواحد بيحب نفسه و يبقى فاهم نفسه وقتها هيكون عارف قيمة نفسه كويس للدرجة إلي هتخليه مش بيتعلق بحد و مش هيكون فارق معاه لما شخص يطلع من حياته لان ببساطة انا بحب نفسي و عارفة كويس اني استاهل أشخاص افضل بالتالي مش هضيع وقتي في التعلق بأشخاص ميستاهلوش اساسا عشان كده لازم تشتغل على حب النفس و إنك تزود ثقتك بنفسك و ترفع من استحقاقك هتقولي طب ده هيساعدني اذاي هقولك إن لما بتثق في نفسك مش هتكون بتجري ورا أي شخص يديلك اتنشن أو الاهتمام الي انت مأخدتوش من صغرك الثقة في النفس مش معناها إنك تمشي في الارض مش شايف غيرك عليها لا الثقة في النفس معناها إنك عارف نفسك كويس بكل مميزاتك و عيوبك و متقبل نفسك ذي ما إنت و بتحاول تكون أفضل نسخه من نفسك و ده كله هيساعدك إنك تكون في انسجام مع ذاتك وقتها مش هيكون عندك مشكلة تفضل لوحدك و هتستمتع بوقت الوحدة ده اوي فلازم لازم إنك تشتغل على حب نفسك و ثقتك بنفسك...... ثالثا بقى و ده هيساعدك في كل الي قولته فوق هو انك تقرأ في علم النفس هيساعدك تفهم نفسك و تفهم إلي حواليك و تفهم انت ليه بتتصرف بالشكل ده و ليه غيرك بيتصرف كده و ده هيسهل عليك التعامل سواء مع نفسك أو مع غيرك و هيقلل من تعلقك بإذن الله

بكل بساطة الحل إنك تشغلي نفسك عنه...... الأنثى لازم هي الي تُطارد مش العكس... لازم يكون عندك حياة مشغولة بيها أصدقاء بتخرجي معاهم و عائلة بتقضي وقتك معاهم و هوايات بتحبي تعمليها و مهارات بتتعلميها و بتركزي على نفسك و دايما بتحاولي تطوري من نفسك وقتها هو هيستغرب إنك مش مهتمه لما بيغيب بالساعات و الايام عنك و هيبدأ هو الي يطاردك... ببساطة الرجالة مش بتحب الحاجة تيجي بسهولة و لما بتديهم الاهتمام و الحب بكل سهولة بيبدأوا يزهقوا لكن لما بيشوفوا إن الواحدة مشغولة بحياتها و عندها حياة غيرهم و أشغال و مركزة على نفسها بيبدأوا يطاردوها و عموما مش الرجالة بس إلي كده الموضوع ده بيستخدمه الأشخاص النرجسيين عن طريق انهم يتجاهلوكي عشان يضمنوا وجودك و دايما تلاقيهم بيحاولوا يخلوكي تغيري و هكذا و برضو الاهتمام الزائد عن حده بينفر الشخص من الطرف التاني فإهتمي بتوازن و خلي بالك من إنك تتعلقي بيه لأن التعلق هيخليه لا اراديا يكرهك و يبعد عنك و من تعلق بغير الله هيختبر في الي تعلق بيه يعني هيكون تجربة سيئة جدا للأسف لو اتعلقتي بحد أو بحاجه غير ربنا عشان كده ركزي على نفسك ده المفتاح و هتلاقيه بيسأل لوحده عليكي و بيجري وراكي من غير ما تعملي حاجه

ده ممكن يكون وسواس قهري و انصحك انك تتوجه لاخصائي نفسي هيساعدك جدا و كمان بطل تقرأ عن الأمراض بس انك تبطل تقرأ عنها ده مش حل نهائي للمشكلة و ممكن فعلا يكون وسواس قهري و هيساعدك جدا إنك تروح لدكتور نفسي أو أخصائي نفسي و حاول دايما تقلل من توترك يعني أو ما تجيلك الأفكار الوسواسية دي اشغل نفسك بأي حاجه مثلا العب رياضة أو اخرج مع حد أو أعمل إلي وراك و برضو الرياضة هتساعدك اوي في تقليل التوتر و الاكل الصحي كمان و التمشية في مكان هادي أو الكلام مع شخص بتثق فيه المهم إنك تقلل من التوتر بقدر الإمكان

الشغف مش الوسيلة للنجاح الشغف من وجهة نظري هو إحدى الطرق الي بتخلينا نكتشف مواهبنا و الحاجات المتميزين فيها لكن عشان الإنسان يحقق النجاح ده بيحتاج جهد و صبر و استمرار مش شغف بس و الشغف مش شيء اساسي للنجاح و عادي جدا أن الواحد يكون عنده اكتر من مهارة لكن من وجهة نظري الموهبة جاية من اسمها كده هبة من الله في حاجه معينه بنكتشف اننا موهوبين فيها بالفطرة و لكن ان الواحد يكون ماهر و متميز في حاجه ده بيحتاج حاجات اكتر بكتير من اننا نكون موهوبين في الحاجة دي....الموهبة بتسهل علينا اننا نتميز في الحاجة لكن ده مش معناه إن لو معندناش موهبة في حاجه معينه يبقى نستسلم لان في ناس كتير جدا مكانش عندهم موهبة في حاجة هم دلوقت من أنجح الناس فيها

من وجهة نظري مفيش حد يحتاج دعم أكثر من الثاني.... كل إنسان سواء رجل أو امرأة يستحقوا إن يُقدم ليهم الدعم إلي محتاجينه مهما كانت المشكلة إلي عندهم سواء كانت تافهه في نظر شخص آخر فمش من حق حد إنه يقلل من احتياجات و مشاكل و تجارب و الم اي انسان تاني أيا كان جنسه ايه للأسف في مجتمعنا و في مجتمعات تانيه كتير اتعودنا ان الراجل هو الي يقدم دعم نفسي اكتر للمرأة و هو الي لازم يكون قوي و مينفعش يبكي أو يظهر ضعفه أو يشتكي لكن حاليا اعتقد ان بقي في وعي اكتر من زمان و موضوع ان الشخص يكون محتاج دعم نفسي سواء من أسرته أو اصدقاؤه أو حتى من مختص ده شيء ملهوش علاقة نهائيا بكونك رجل أو امرأة المشكلة مشكلة و المعاناة معاناة و الألم الم لكن كل دول بتختلف درجاتهم من إنسان للتاني و ده مش معناه إن في واحد أضعف من التاني أو واحد معاناته أكبر من التاني لأن ببساطة لا يكلف الله نفسا إلا وسعها....

كونك طيبة ميمنعش إنك تحطي حدود و الحدود دي شيء اساسي عشان نحمي نفسنا و كونك طيبة مش معناه إنك تكوني غبية... يعني ببساطه تعاملي عادي بطيبة مع الكل لكن ما تجيش على نفسك جامد عشان حد و ما تسمحيش لحد انه يعاملك بطريقة مش بتحبيها أو بتضايقك و موضوع الخذلان ده عادي جدا و تجربة بنتعلم منها درس و بمجرد ما بنتعلم الدرس مش هيتكرر معانا عشان كده لازم تتعملي الدرس في النهاية انتي المسؤولة عن معاملة الناس ليكي سواء كانت وحشة أو حلوة عشان كده متسمحيش لحد يعاملك وحش اما بالنسبة لأنك عاوزة تجيبي لصاحبتك هدية فده شيء طبيعي و عادي انك تجيبيلها هدية خصوصا إنها مقربة منك.... بالإضافة إن في حاجه ادركتها قبل كده لأني كنت ذيك طيبة اوي و في الاخر أخدت على دماغي و الحاجة دي هي ان عادي اثق في شخص لكن بقدر محدود يعني أثق عادي في الشخص لكن مش للدرجة إلي تخليني أفكر انه مستحيل يضرني و كمان انه عادي لو اتكرر الموضوع و اتخذلت مرة تانيه من الناس لان في النهاية لو فضلت خايفة من الألم يبقى هعيش طول حياتي في الم و من ساعة ما أدركت الموضوع ده بقيت كل تجربة مؤلمة أو خذلان من الأشخاص مش بيأثر فيا جامد ذي زمان و عادي بكمل حياتي و بتعرف على ناس جديدة

اتفق مع كلامك جدا.... يمكن الواحد فينا اتعود أو اتعلم من صغره ان في أسباب عشان نحب و نتحب لكن في الحقيقة و عن تجربة أشخاص كتير جدا الحب الحقيقي بيكون ملهوش سبب اما الشخص الي بيحب حد عشان مثلا الحد ده بيحسسه إنه محبوب أو إن وجوده مهم أو أي سبب تاني فده بيكون تعلق للأسف مش حب خالص و ده بيكون بسبب صدمات الطفولة و الي بينتج عنها التعلق بعد كده و التعلق ليه أنواع كتيره ذي التعلق التجنبي أو القلق و غيرهم و احنا ممكن مفكره حب لكن بعد كده بندرك انه مكانش حب خالص بل كان مجرد تجربة و درس مش اكتر إما الحب الحقيقي بييجي من غير ما نسعى ليه من غير ما نحاول عشانه بييجي في الوقت الي مش بنكون متوقعينه فيه أو محتاجينه فيه أساسا و بيكون احلى صدفة عشان كده لازم الإنسان يركز على نفسه و انه يعالج صدمات الطفولة و أي مشكلة نفسيه تانيه عنده و يطور من نفسه و يحب نفسه وقتها لما هييجي الحب لحياته هيكون في أحسن صوره قدام نفسه و قدام الطرف التاني و دي كانت وجهة نظري مش اكتر

اهتمي بنفسك.... الثقة بالنفس مش بتيجي في يوم و ليلة لازم تتعبي على نفسك و تهتمي بنفسك طب اذاي اهتم بنفسي؟ ١/اهتمي بصحتك الجسديه لو تخينه العبي رياضة و نظمي اكلك و خسي و لو رفيعة نفس الكلام العبي رياضة و نظمي اكلك و لو جسمك كويس برضو العبي رياضة و اهتمي بأكلك و خليه بنسبة ٨٠% صحي و ٢٠% الحاجات الي مش صحية اوي بس بتحبي تاكليها ٢/اهتمي بصحتك النفسية لو عندك مرض نفسي عالجيه و عالجي صدمات الطفولة و هيساعدك انك تقرأي في علم النفس لانه بجد هيخليكي تفهمي نفسك و الي حواليكي و ده هيسهل حياتك بنسبة كبيرة ٣/ اهتمي بجمالك... عالجي مشاكل بشرتك و جسمك و خلي عندك روتين خاص ببشرتك و جسمك و شعرك ٤/اقرأي كتير في كل الموضوعات و ثقفي نفسك ٥/بالنسبة للعلاقات دايما حاوطي نفسك بأشخاص بيخلوكي سعيدة و راضية عن نفسك و لو مش متوفرين دوري عليهم و زودي من ذكائك الاجتماعي و العاطفي و الشخصي و ده برضو عن طريق علم النفس ٦/اهتمي بنضافتك و نضافة لبسك و يكون مرتب ٧/اهتمي بمستواكي الدراسية او بشغلك ٨/قربي من ربنا و ثقي في ربنا اوي ٩/واجهي مخاوفك و تغلبي عليها مثلا لو بتخافي من الكلاب واجهي الخوف ده و تعاملي مع الكلاب و هكذ

ده بسبب انك ما اتعلمتيش الدرس من الاشخاص دي فبيظهر اشخاص بنفس اسلوبهم في حياتك لحد ما تتعلمي و تفهمي الدرس الي هم موجودين في حياتك عشانه مفيش اي شخص في حياتنا موجود كده بلا هدف او صدفه كل شخص موجود ليه هدف معين و الاشخاص المؤذية في حياتنا ظي موجودة عشان تعلمنا دروس معينه كده و بمجرد ما بنفهم ده و نتعلم من اغلاطنا مش هيتكرروا تاني في حياتنا

جربي صيام الدوبامين و هو عبارة عن انك بتقللي عدد ساعات التعرض للمصدر الي بيفرز الدوبامين عندك ذي التليفون او الاكل او الخيالات او اي حاجه ذيهم كده و ده هيساعدك ترجعي تركزي على دراستك و مش هتبقى مدمنة تليفون او تخيلات و تقدري اقرأي عن الموضوع ده اكتر على النت

في جمله سمعتها قبل كده و هي ان الوقت الي كل حاجه فيه بتكون متدمرة و منهارة هو نفس الوقت الي بيكون فيه شعلة بسيطة من الامل كفيلة انها تغير حياتنا للافضل للدرجة الي بتكوني فيها مش مصدقة ان دي بقت حياتك و ان دي انتي بعد كل الي حصلك ربنا بيختبرك و ده قدر ربنا و حكمته فإستعيني بالصبر و التقرب من الله اكتر و مش معنى ان خبرتك السابقة مع الطبيبة دي كانت وحشة يبقى كل الاطباء كده يعني المقصد ان بإمكانك تروحي لطبيبة تانية و مش لازم تقولي لأهلك طالما هيأثروا عليكي و مش معنى انك تعرضتي لخذلان كتير من اقرب الناس ليكي و من كلية احلامك يبقى ده معناه ان خلاص حياتك انتهت او انتي وحشة و مش كفاية او ان خلاص بقى نوقف محاولة في اي حاجه طالما النتيجة مش مرضية لينا لان صدقيني ده قدر ربنا و ظه الي ربنا كتبهولك و ده مش معنى ان انتي شايفة ده حاجة وحشة يبقى هو فعلا حاجة وحشة لان في المستقبل ان شاء الله هتعرفي قد ايه ده كان من احسن الاشياء الي اختبرتيها في حياتك مش معنى ان انتي دخلتي كلية مش عاوزاها و كلية احلامك ضاعت رغم تعبك عشان توصليلها يبقى خلاص حياتك انتهت لان دي بتكون البداية و بتكون اعظم بداية و تغير للافضل في حياتك انتي مش عارفة الخير فين لكن ربنا عارف كويس جدا و ربنا دايما بيحب الخير لينا فكل حاجه بتحصلك دلوقتي هي خير ليكي و ممكن انتي ما تقتنعيش بكلامي او تصدقيني حتى بس و الله انك بعد فترة ايا كانت مدتها ايه هتقولي ان فعلا كان كل شيء ربنا كتبه ليا كان خير و اعظم خير في الوقت الي بتشوفي فيه انك خلاص هتقفي لحد كده و مش هتحاولي تاني هو الوقت الي لازم تقومي فيه و ما تستسلميش و علاقتك مع عيلتك ما تحددش انتي انسانة محبوبة او لا او وحشة او لا ما تستسلميش لان الفرج هييجي قر

في طرق كتيرة للتغلب على المخاوف و اعتقد ان انسب طريقة هي مواجهتها الخوف بيحصل نتيجة ان عقلنا بيشوف الموقف او الحيوان او ايا كانت الحاجة الي بتخافي منها و كأنها تهديد ممكن ينهي حياتك فبيترجم ده لرد فعل عشان يحميكي من الاذى و بالتالي بيبقى عندك فوبيا و عشان تقنعي عقلك ان الحاجه الب انتي خايفة منها دي مش مصدر تهديد لحياتك لازم تواجهي خوفك يعني مثلا لو بتخافي من الكلاب روحي لمحل حيوانات و اكلي الكلاب الي هناك مثلا لحد ما بالتدريج خوفك هيقل الخوف شيء طبيعي و بيكون اشارة من العقل عشان يحمينا من الاذى لكن لو كان الخوف غير مبرر و خوف من حاجه مش بتسبب اي اذى فوقتها لازم تواجهي الخوف ده و تتخلصي منه و كمان ممكن الخوف من حاجه معينة يكون بسبب التربية و صدمات الطفولة فعشان كده اقرأي في الموضوع ده و حاولي تعالجي صدمات الطفولة لان ممكن تكون السبب الرئيسي للفوبيا الي عندك

في الغالب دي تكيسات مبايض و ياريت تروحي لدكتور ضروري جدا

ده ليه اسباب كتير منها الرهاب الاجتماعي و الاكتئاب و غيرهم كتير فلازم الاول تحددي انتي بتخافي من ايه و ايه سبب الافكار الي بتجيلك عن الانتحار و الموضوع هيكون اسهل لو روحتي لطبيب نفسي او اخصائي نفسي بس لو مش هتقدري فإنتي لازم تعالجي نفسك بنفسك و انصحك تقرأي عن الاكتئاب و لو خوفك مثلا من مواجهة الناس و من النزول للشارع و التفاعل مع الناس فغالبا ده رهاب اجتماعي و عشان تعالجيه لازم تزودي ثقتك بنفسك اكتر و تبدأي تتفاعلي مع الناس بالتدريج الاول المحيط الصغير ذي العائلة و الاصدقاء المقربين بعد كده الاقارب و الزملاء و بالتدريج هتعرفي تتعاملي مع الناس كلها من دون خوف و لو دايما مرهقة و تعبانه و عاوزة تبقي لوحدك علطول و حاسة ان شخصيتك متغيرة و مش بتركزي في شغلك او دراستك و حزينة من غير سبب و عاوزة تنامي طول الوقت فغالبا ده اكتئاب و حلول الاكتئاب كتير ذي انك تقربي من ربنا اكتر و تتفاعلي مع الناس و تخرجي و ما تبقيش دايما قافلة على نفسك و انك تمارسي هواية بتحبيها او تعملي اي حاجة بتخليكي سعيدة و لو منفعش فلازم تروحي لطبيب نفسي و لو مش ده سبب خوفك و تفكيرك في الانتحار فياريت تقولي السبب و توضحي اكتر يمكن اقدر اساعدك

اول حاجه انك عارفة ان ده غلط و طالما ده غلط فمتحطيش اي مبرر لعمل الغلط ده هو لو بيحبك فإنتي اول حاجة ابعتيله و قوليله انك كذبتي عليه في موضوع اختك ده و ان الي بتعملوه ده غلط و مينفعش و ان لو بيحبك فعلا فيستنى لحد ما تكونوا في سن مناسب و ييجي يتقدملك و بعد كده قوليله انك مش هتكلميه تاني و اديله رقم باباكي او اي حد كبير من اهلك عشان يتقدملك لما تكبروا و اعمليله بلوك و هو لو فعلا كان صادق فوقتها هيتقدملك لكن لو كان بيلعب فإنتي كده حميتي نفسك من مشكلة كبيرة و السن ده مش سن علاقات السن ده سن تركزي فيه على نفسك و على شخصيتك و علاقتك بربنا فنصيحة من اخت اكبر منك صدقيني هتندمي جامد لو ما بعدتيش عن العلاقات دي

ممكن يكون السبب نفسي مثلا بترهقي نفسك كتير في التفكير او في الشغل او الدراسة

فكي تعلقك بالشخص الحب شعور مريح مفيش شك و مفيش قلق و مفيش خوف فيه سعادة و هدوء و سكينة لكن اول ما تبدأي تحسي انك خايفة الشخص ده يسيبك و قلقانة دايما و لو مش موجود بتبقي مضايقة جامد و نفسيتك معتمدة على ردود افعاله و وجوده معاكي فده اسمعه تعلق و التعلق بيدمر اي علاقة حتى لو الاتنين بيحبوا بعض التعلق طاقته سيئه جدا و بتأثر على العلاقة بالسلب و التعلق بيكون بسبب صدمات الطفولة و عشان تفكي التعلق اعملي اي شغل بتحطي فيه طاقة قصدي يعني ان بمجرد ما توجهي طاقة التعلق دي لحاجة تنفعك ذي شغل او دراسة او هواية مثلا فده بيقلل جدا من التعلق و كمان خلي عندك حياة ذي ما شريكك عنده حياة و اصدقاء و شغل و عائلة انتي برضو لازم يكون عندك حياة عشان لما يكون شخص في حياتك ما يبقاش مصدر سعادتك الوحيد هو الشخص ده و كمان تقدري تقرأي اكتر عن موضوع التعلق المرضي ده هيفيدك اكتر و بالنسبة للملل في العلاقة فأه عادي جدا و تقدري تحلي المشكلة دي بإن كل طرف يقضي وقت مع نفسه او مع صحابه او عائلته يعني بإختصار من فترة لفترة كده لما تحسوا ان في ملل بينكم كل واحد يروح يقضي وقت مع نفسه لفترة ده بيرجع الحماس في العلاقة و مش لازم عشان بنحب حد يبقى لازم نكون معاه ٢٤ساعة عشان العلاقات مش كده من الاساس

ده غالبا اكتئاب و انصحك انك تبطلي تبقي موجودة لكل الناس في الوقت الي بتكوني فيه مش كويسة و محتاجه حد لأن ده هيرهقك اكتر عشان تعالجي الاكتئاب التزمي بالصلاة و الدعاء و طلب الفرج من ربنا و دوري على اي حاجه و لو بسيطة بتخليكي سعيدة مثلا لو بتنبسطي لما تسمعي مسلسلات او لما تخرجي مع صحابك او.... الخ و كمان ممكن تختاري صديق مقرب و بتثقي فيه او حد من الاسرة بتثقي فيه و تحكيله مشكلتك و انك محتاجه مساعده كمان اكتبي مشاعرك و افكارك في نوت و لو بتحبي الرياضة فمارسيها لانها مفيدة جدا و حلوة ضد الاكتئاب كمان اخرجي ما تفضليش منعزلة علطول اخرجي حتى لو بتحبي الخروج و ما خلي نفسك اولوية عندك من اي حد الشخص الي دايما بيواسي الناس و يقف جنبهم الناس بتفتكره قوي او معندوش هموم و مشاكل فعشان تحمي صحتك النفسية و سلامك بطلي تبقي متوفرة للكل و مش قصدي يعني انك تكوني وقته معاهم او كده بس قصدي ان لو انتي شايفة ان بعد مساعدتك للشخص ده هتكوني مرهقة او تعبانه فيبقى من الاحسن انك متقدميش مساعدة ليه لان في النهاية محدش هيقدر يطلعك من الي انتي فيه غير نفسك و ما تسكتيش على اي معاملة سيئة او عدم احترام اتجاهك عشان ده بعدين هيخلي حالتك اسوأ اعتقد افضل طريقة التعامل مع الناس هي المعاملة بالمثل و عن تجربة الكويس معاكي خليكي كويسه معاه و الوحش معاكي عامليه نفس معاملته اصل مش مهم تكوني الشخص الوحش في قصة احدهم طول ما ده هيحمي سلامك و صحتك النفسية ممكن تستشيري اخصائي نفسي لو تقدري برضو و لو مش هينفع يبقى اعملي الي قولتلك عليه و ان شاء الله تبقي احسن من الاول

انتي متخيلة انك مش متأثرة بس لا انتي واضح انك متأثرة بالي حصل فممكن تكوني في دايرة اكتئاب بسبب الي حصل و بالتالي ده أثر على تعاملك مع باقي الناس و حياتك الاجتماعية بشكل عام فحاولي تغيري من روتينك و تخرجي تجربي حاجات جديدة و اتكلمي مع حد قريب منك اوي أكيد هيفهمك إن شاء الله و اهتمي بشكلك و بصحتك ده هيحسن من نفسيتك بالتدريج.... أفضل حاجة ممكن تعملها الاثنى لما تفركش هي إنها أبقى نسخة أفضل من نفسها فعشان كده اهتمي بصحتك كويس جدا و نفسيتك و مظهرك و لبسك و جددي في حياتك أي حاجة ذي مثلا انزلي الجيم أو لو تقدري تسافري شوية ممكن تعملي كده و بالتدريج هيروح الاكتئاب الموضوع محتاج شوية وقت مش اكتر و تقدري برضو تروحي لأخصائية نفسيه ممكن تساعدك

خلي بالك أسلوب إن الشخص يقلب الترابيزة على الطرف التاني ده أسلوب بيستخدمه الأشخاص النرجسية و إلي مش متوازنين نفسيا فبلاش تخليه يلعب اللعبة دي عليكي و يحقق هدفه من الاسلوب ده و هو إنه يحسسك إنك انتي الغلطانة أو انتي الي بتبالغي في الأمور أو أنك انتي حساسة زيادة عن اللزوم أو إنك انتي الي مكبرة الموضوع و الموضوع ميستاهلوش لو نجح في إنه يحسسك بكده فهو للأسف نجح في لعبته دي عليكي..... انتي تستحقي شخص يلبي احتياجاتك أيا كانت عاطفية أو مادية فمتخليش شخص يحسسك إنك بتبالغي في الموضوع لما بتطلبي حاجه ذي دي

و هكذا في اي حاجه تانية بتخافي منها

قريب و حاولي تاني و تالت و اهتمي بصحتك النفسية و الجسدية و روحي لطبيبة تانية و اقرأي في علم النفس عشان هيساعدك اوي تفهمي نفسك و الي حواليكي و ده هيخلي صحتك النفسية احلى و ارجعي ذاكري تاني و خودي مكملات غذائية لو جسمك محتاج ده و ان شاء الله هتبقي احسن ثقي في ربنا و ثقي في نفسك انك تقدري تخلي حياتك احسن بعيد عن عيلتك و اذاهم ليكي

العفو انا معملتش حاجه ❤

طالما اتأسفتي يبقى خلاص هو يقبل الاسف او لا ده مش مهم لان في الاول و الاخر ده غلط من الاول و هو لو بيحبك فعلا و خايف عليكي مكانش هيرضى انه يكمل بالشكل ده فإنتي كده حميتي نفسك من نية الله وحده اعلم بيها و ان شاء الله لما تكبري ربنا يعوضك بشخص كويس و خلوق و يراعي ربنا فيكي ❤

شوفتي بقى ده اكبر دليل على انك لازم تتخلصي من التعلق ده خالص و معنى ان نوع العلاقات ظي بتتكرر في حياتك فده معناه انهم موجودين في حياتك عشان يعلموكي درس مهم جدا و هو انك ما تتعلقيش بجد غير الي خلقك و ان نفسك تكون هي الاولوية رقم واحد في حياتك و بجد بمجرد ما تتعملي من غلطاتك وقتها مش هتتكرر معاكي نوعية العلاقات دي

ما تقلقيش و الله هو لو كان من نصيبك فمهما يحصل هيرجعلك بس عشان ما ندمرش نفسنا بإيدينا و نربط سعادتنا بوجود شخص في حياتنا يبقى لازم احنا نكون موجودين في حياتنا الاول... حبي نفسك و اهتمي بيها و طوري من نفسك و خلي عندك حياة فيها اكتر من مصدر بتستمدي منه سعادتك و قوتك وقتها مش هتعاني من مشكلة التعلق دي تاني و هتكون علاقاتك اكثر سلاسة من الاول

عنده حق فعلا و ما تقلقيش و الله عن تجربة لو الشخص ده كان خير ليكي فأول ما تفكي تعلقك بيه هيرجعلك و لو مش خير ليكي هيرجعلك برضو بس وقتها انتي مش هتكوني محتاجاه في حياتك خالص و وقتها هتدركي افعال الشخص ده معاكي الوحشة و انك كنتي مكبراه اوي في عينك وقت ما كنتي متعلقه بيه لكن لو هو شخص كويس فعلا و معملش حاجه تأذيكي و انتي مازلتي بتحبيه حتى بعد ما فكيتي التعلق فيبقى ده الشخص الصح ليكي

بس طالما دي شخصيته فإنتي من واجبك كشخص عزيز عليكي و بتحبيه انك تديله شوية وقت لوحده و هو لو فعلا بيحبك فأول ما يتحسن هيرجع يكلمك و هيبقى ذي الاول عادي جدا... اصل الاشخاص الي متعودين يكونوا لوحدهم و متعودين يحلوا مشاكلهم لوحده بيبقوا محتاجين وقت كتير يكونوا في لوحدهم عكس الاشخاص التانية و ده مش معناه انه مش طايقك او مش بيحبك

بصي انتي بتشتغلي الصبح فكده انتي بليل في الغالب فاضية وقتها مثلا انزلي مع صحباتك او اقعدي مع عائلتك او انزلي لوحدك عادي جدا او رتبي قاعدة في البيت تسمعي فيها حاجه بتحبيها او تمارسي هواية بتحبيها مثلا الرياضة تروحي الجيم او تلعبي اي رياضة مثلا برضو تروحي الكوافير و تعملي شعرك او تعملي ميكاب و كمان تهتمي ببشرتك و جسمك و صحتك كل ده لو عملتيه صدقيني بعد فترة مش هتحسي خالص بالتعلق ناحيته و هتكوني سعيدة سواء في وجوده او عدمه

طبيعي ان كل طرف في العلاقة يمر بمشاكل و فترات يكون محتاج فيها انه يبقى لوحده و خصوصا كمان لو ان الشخص ده دي طريقته في التعامل مع مشاكله (انه لما يكون عنده مشكله بينعزل و يبعد) فعشان العلاقة تكون صحية لازم يكون في مساحة شخصية ... هو لو محتاج مساحة شخصية لفترة فإنني اسمحيله بده لان ده من حقه و ما تسأليش عليه كل يوم ابعتيله قوليله انه لو محتاج وقت لوحده فإنتي هتسيبيه يستريح و انه لو احتاجك يقدر يكلمك في اي وقت و بس كده ما تسأليش عليه تاني لفترة كده و في الفترة دي انشغلي بنفسك لو عندك مشاكل حليها لو عندك شغل محتاجة تركزي عليه ركزي فيه و ركزي على نفسك و اهتمي بنفسك عشان لما يرجع تبقي في احسن حالاتك

يعني ممكن ميكونش بيكرهك اصلا بس حاسس انه مش قادر يكمل و محتاج فترة لوحده و ده بسبب تعلقك فأول ما تنشغلي بنفسك و تحبي نفسك اكتر و تعالجي مشاكلك النفسية من صدمات طفولة و غيرها وقتها ده مش هينعكس عليه هو بس لا بل كمان انتي هتكوني مبسوطة اكتر و مرتاحه مع نفسك و مش هيبقى مشكلة كبيرة و ضخمة ان الشخص يبعد عنك لفترة و هو هيرجع يحس بالراحة معاكي اكتر.... يعني تخيلي ان في شخص لازق فيكي و بيراقبك و دايما عاوزك ليه هو بس و انك دايما تكلميه علطول و بإستمرار من غير اختفاء وقتها مش هتحسي انك مخنوقه؟ حتى لو انتي مش بتكرهي الشخص ده بس هتحسي انك مش قادرة تكملي معاه

انا الي قرأته و جربته فعلا هو ان طاقة التعلق بتخلي الطرف التاني يكون مش قادر يكمل معاكي او عارفة احساس الي هو انتي مش بتكرهي الشخص بس انتي مش قادرة تتفاعلي معاه؟ هو ده بالظبط الي بيوصل للطرف التاني

اه طبعا اول ما تشغلي نفسك بالتدريج التعلق هيروح و هتلاحظي ان الطرف التاني بدأ يرجع ذي الاول و متحمس ليكي