فكي تعلقك بالشخص الحب شعور مريح مفيش شك و مفيش قلق و مفيش خوف فيه سعادة و هدوء و سكينة لكن اول ما تبدأي تحسي انك خايفة الشخص ده يسيبك و قلقانة دايما و لو مش موجود بتبقي مضايقة جامد و نفسيتك معتمدة على ردود افعاله و وجوده معاكي فده اسمعه تعلق و التعلق بيدمر اي علاقة حتى لو الاتنين بيحبوا بعض التعلق طاقته سيئه جدا و بتأثر على العلاقة بالسلب و التعلق بيكون بسبب صدمات الطفولة و عشان تفكي التعلق اعملي اي شغل بتحطي فيه طاقة قصدي يعني ان بمجرد ما توجهي طاقة التعلق دي لحاجة تنفعك ذي شغل او دراسة او هواية مثلا فده بيقلل جدا من التعلق و كمان خلي عندك حياة ذي ما شريكك عنده حياة و اصدقاء و شغل و عائلة انتي برضو لازم يكون عندك حياة عشان لما يكون شخص في حياتك ما يبقاش مصدر سعادتك الوحيد هو الشخص ده و كمان تقدري تقرأي اكتر عن موضوع التعلق المرضي ده هيفيدك اكتر و بالنسبة للملل في العلاقة فأه عادي جدا و تقدري تحلي المشكلة دي بإن كل طرف يقضي وقت مع نفسه او مع صحابه او عائلته يعني بإختصار من فترة لفترة كده لما تحسوا ان في ملل بينكم كل واحد يروح يقضي وقت مع نفسه لفترة ده بيرجع الحماس في العلاقة و مش لازم عشان بنحب حد يبقى لازم نكون معاه ٢٤ساعة عشان العلاقات مش كده من الاساس
انا قريت ان دي شخصيه البورد لاين
تم النشر السبت، ٢٠ أبريل ٢٠٢٤
عندك حق انا لازم اشوف حياتي هو جزء من حياتي مش حياتي كلها والحقيقه هو فعلا شايف حياته بجانب انه بيطمن عليا
تم النشر السبت، ٢٠ أبريل ٢٠٢٤
شوفتي بقى ده اكبر دليل على انك لازم تتخلصي من التعلق ده خالص و معنى ان نوع العلاقات ظي بتتكرر في حياتك فده معناه انهم موجودين في حياتك عشان يعلموكي درس مهم جدا و هو انك ما تتعلقيش بجد غير الي خلقك و ان نفسك تكون هي الاولوية رقم واحد في حياتك و بجد بمجرد ما تتعملي من غلطاتك وقتها مش هتتكرر معاكي نوعية العلاقات دي
تم النشر السبت، ٢٠ أبريل ٢٠٢٤
عايزه اقولك عن تجربه في علاقات قديمه فعلا لما بدأت اشوف حياتي كل اللي كنت بتمنى انهم يحبوني ويهتموا بيا ومكانوش بيعملوا زي ما انا عايزه كلهم رجعوا وكلهم يتمنوا ان أوافق على رجوعهم بس انا اللي رفضت
تم النشر السبت، ٢٠ أبريل ٢٠٢٤
ما تقلقيش و الله هو لو كان من نصيبك فمهما يحصل هيرجعلك بس عشان ما ندمرش نفسنا بإيدينا و نربط سعادتنا بوجود شخص في حياتنا يبقى لازم احنا نكون موجودين في حياتنا الاول... حبي نفسك و اهتمي بيها و طوري من نفسك و خلي عندك حياة فيها اكتر من مصدر بتستمدي منه سعادتك و قوتك وقتها مش هتعاني من مشكلة التعلق دي تاني و هتكون علاقاتك اكثر سلاسة من الاول
تم النشر السبت، ٢٠ أبريل ٢٠٢٤
عنده حق فعلا و ما تقلقيش و الله عن تجربة لو الشخص ده كان خير ليكي فأول ما تفكي تعلقك بيه هيرجعلك و لو مش خير ليكي هيرجعلك برضو بس وقتها انتي مش هتكوني محتاجاه في حياتك خالص و وقتها هتدركي افعال الشخص ده معاكي الوحشة و انك كنتي مكبراه اوي في عينك وقت ما كنتي متعلقه بيه لكن لو هو شخص كويس فعلا و معملش حاجه تأذيكي و انتي مازلتي بتحبيه حتى بعد ما فكيتي التعلق فيبقى ده الشخص الصح ليكي
تم النشر السبت، ٢٠ أبريل ٢٠٢٤
انا لما اتخانقت معاه قال انه تعبان ومخنوق الفتره دي وللأسف شغله صعب شويه وفي اجازاته انا بنام كتير ف بردو مش بينفع ف وصلنا ان احنا أخرنا تمام وبس وانا شويه شويه بدأت اتعود واتاقلم
تم النشر السبت، ٢٠ أبريل ٢٠٢٤
بس طالما دي شخصيته فإنتي من واجبك كشخص عزيز عليكي و بتحبيه انك تديله شوية وقت لوحده و هو لو فعلا بيحبك فأول ما يتحسن هيرجع يكلمك و هيبقى ذي الاول عادي جدا... اصل الاشخاص الي متعودين يكونوا لوحدهم و متعودين يحلوا مشاكلهم لوحده بيبقوا محتاجين وقت كتير يكونوا في لوحدهم عكس الاشخاص التانية و ده مش معناه انه مش طايقك او مش بيحبك
تم النشر السبت، ٢٠ أبريل ٢٠٢٤
عندك حق.. وهو كان دايما يقولي اشغلي نفسك 😂
تم النشر السبت، ٢٠ أبريل ٢٠٢٤
بصي انتي بتشتغلي الصبح فكده انتي بليل في الغالب فاضية وقتها مثلا انزلي مع صحباتك او اقعدي مع عائلتك او انزلي لوحدك عادي جدا او رتبي قاعدة في البيت تسمعي فيها حاجه بتحبيها او تمارسي هواية بتحبيها مثلا الرياضة تروحي الجيم او تلعبي اي رياضة مثلا برضو تروحي الكوافير و تعملي شعرك او تعملي ميكاب و كمان تهتمي ببشرتك و جسمك و صحتك كل ده لو عملتيه صدقيني بعد فترة مش هتحسي خالص بالتعلق ناحيته و هتكوني سعيدة سواء في وجوده او عدمه
تم النشر السبت، ٢٠ أبريل ٢٠٢٤
هو فعلا الطرف التاني قال انه مش قادر يتكلم وكمان الطرف التاني اصلا اغلب الوقت لوحده وهو بيحب انه يقعد لوحده
تم النشر السبت، ٢٠ أبريل ٢٠٢٤
طبيعي ان كل طرف في العلاقة يمر بمشاكل و فترات يكون محتاج فيها انه يبقى لوحده و خصوصا كمان لو ان الشخص ده دي طريقته في التعامل مع مشاكله (انه لما يكون عنده مشكله بينعزل و يبعد) فعشان العلاقة تكون صحية لازم يكون في مساحة شخصية ... هو لو محتاج مساحة شخصية لفترة فإنني اسمحيله بده لان ده من حقه و ما تسأليش عليه كل يوم ابعتيله قوليله انه لو محتاج وقت لوحده فإنتي هتسيبيه يستريح و انه لو احتاجك يقدر يكلمك في اي وقت و بس كده ما تسأليش عليه تاني لفترة كده و في الفترة دي انشغلي بنفسك لو عندك مشاكل حليها لو عندك شغل محتاجة تركزي عليه ركزي فيه و ركزي على نفسك و اهتمي بنفسك عشان لما يرجع تبقي في احسن حالاتك
تم النشر السبت، ٢٠ أبريل ٢٠٢٤
فهمت قصدك عندك حق والله طيب انا بشتغل فتره الصبح ازاي اقدر اعالج دا يعني اعمل ايه؟
تم النشر السبت، ٢٠ أبريل ٢٠٢٤
يعني ممكن ميكونش بيكرهك اصلا بس حاسس انه مش قادر يكمل و محتاج فترة لوحده و ده بسبب تعلقك فأول ما تنشغلي بنفسك و تحبي نفسك اكتر و تعالجي مشاكلك النفسية من صدمات طفولة و غيرها وقتها ده مش هينعكس عليه هو بس لا بل كمان انتي هتكوني مبسوطة اكتر و مرتاحه مع نفسك و مش هيبقى مشكلة كبيرة و ضخمة ان الشخص يبعد عنك لفترة و هو هيرجع يحس بالراحة معاكي اكتر.... يعني تخيلي ان في شخص لازق فيكي و بيراقبك و دايما عاوزك ليه هو بس و انك دايما تكلميه علطول و بإستمرار من غير اختفاء وقتها مش هتحسي انك مخنوقه؟ حتى لو انتي مش بتكرهي الشخص ده بس هتحسي انك مش قادرة تكملي معاه
تم النشر السبت، ٢٠ أبريل ٢٠٢٤
واجهته وقولتله قالي مفيش حاجه وان شويه مشاكل وكدا بس انا كنت في الأول بقعد أعيط بس مؤخرا بقيت استوعب واقول عادي
تم النشر السبت، ٢٠ أبريل ٢٠٢٤
والله احنا كنا كويسين بس هي فتره مشاكل عندي حصلت وهو كان ليه ايد شويه فيها بعدين هو ضغط عنده ومشاكل وانا بردو المشاكل أثرت عليا ومن وقتها بقينا نطمن على بعض وخلاص نسكت
تم النشر السبت، ٢٠ أبريل ٢٠٢٤
انا الي قرأته و جربته فعلا هو ان طاقة التعلق بتخلي الطرف التاني يكون مش قادر يكمل معاكي او عارفة احساس الي هو انتي مش بتكرهي الشخص بس انتي مش قادرة تتفاعلي معاه؟ هو ده بالظبط الي بيوصل للطرف التاني
تم النشر السبت، ٢٠ أبريل ٢٠٢٤
طيب سوال هو ليه هيرجع متحمس ليا بعد ماانشغل؟ يعني دي طاقه ةذب وبعد ولا ايه؟
تم النشر السبت، ٢٠ أبريل ٢٠٢٤
اه طبعا اول ما تشغلي نفسك بالتدريج التعلق هيروح و هتلاحظي ان الطرف التاني بدأ يرجع ذي الاول و متحمس ليكي
تم النشر السبت، ٢٠ أبريل ٢٠٢٤
بجد بحاول وهحاول والله شويه شويه حاسه ان بدأت استوعب ان عادي يحصل فتور وان عادي اقدر امشي يومي من غير كلام ٢٤ س في ٢٤ س واليومين الجايين هكون مشغوله اكتر في رياضه معينه هل دا كافي يخلي فيه توازن ولا لا؟
تم النشر السبت، ٢٠ أبريل ٢٠٢٤
لعرض الإجابة في فدني اضغط هنا