Dareen 🌷

لا انتي مش مكبرة الموضوع خالص بجد ده مش اخلاق راجل بيغير على أهل بيته ده معندوش نخوة و لا شخصية، والنوعية دي لو كملتي معاها هتتعبي جدا وهيطلع عقده عليكي في الاخر. بعيدا عن كل ده ازاي اصلا واحد يقبل ان راجل غريب يدخل بينه وبين خطبيته ويحكيله على أسرارها ده غير مؤتمن يعني عيوب الدنيا فيه ولسه بتسألي على العموم صلى استخاره وتوكلي على الله وقوليله ان الوضع ده مش ينفع بكمل ابدأ ولو انت عايز صاحبك في حياتنا فانا مش موجوده وبس

الموضوع غريب من أوله يعني ازاي بنت هيا اللي تبادر ده اولا وثانيه حضرتك بتقول انك بتزعلها وهيا اللي بتيجي تصالحك وده علاقة غير سوية تالت حاجة انت بتقول انك كلمت غيرها وانت بتحبها من ٥ ابتدائي يعني كلمت بنات اهو. شوف انت مش بتحبها انت بس مستخسر مميزاتها وحبها ليك ودي انانيه. اخر حاجة بقا هيا فكرة الحرام زي مانت قلت مينفعش تكلمها دلوقتي خالص حتى لو مش قادر تعيش منغيرها عشان حرام. وبعدها روح اقعد مع ابوها واقعه انك عايز تتجوزها لحد ما يقتنع إنما لو مش اقتنع بقا يبقا ده نصيبك

حاولي واحده واحده يعني اول ما تسمعي الأذان قومي صلي علطول علطول عشان هتكسلي لو قعدتي وغير كده دايما ادعي لنفسك وقولي اللهم أعني على ذكرك وشكرك وحسن عبادتك ودايما افتكري ان ربنا يقبل التوبة عن عبادة مهما عملوا متفكريش في اللي فات كتير عشان هيحبطك اهم حاجة الجاي وربنا يهديكِ ويثبت قلبك على الايمان

معلش بس عايزه ايه من واحد بيدخل يكلمك من اكونتات فيك وبيوصل كلام ده حتى مش قادر يجي يكلمك ويتقدم ويدخل البيت من بابه طالما كمل تعليمه مستني ايه على الخطوة دي ولو اتقدم ساعتها صلى استخارة وشوفي انتي مرتاحة ولا لا

وبالنسبة للموضوع التاني حاولي انك ترطبي شفايفك باستمرار هاتي زبدة كاكاو وخليها جمبك علطول حطي منها وبدل ما تقشريها اهتمي بيها

هقولك حلول واقعية بالنسبة لتقطيع الشعر اول حاجة حاولي علطول تلمي شعرك يعني ميكونش مفرود عشان كده هتتشجعي انك تقطعيه اكتر