Dareen 🌷

طالما انت معجب بيها اتقدم لها وربنا هيعمل اللي فيه الخير عشان لو مخدتش الخطوه دي ممكن تندم عليها في المستقبل وتقول يارتني. فخد الخطوه وكده كده انت مستفاد في الحالتين سواء واقفت يبقا ربنا يكرمكم ولو رفضت اهو تبطل تفكير في الموضوع وتقفله

هو ايه اللي حصل في التعليقات ده ما شاء الله لحقت تعرف شخصيتها وتتقدم 🙂. ما علينا اهلك مش هيتغيروا مهما عملتي فالحل انك تروقي دماغك ومتخليش المشاكل دي تأثر عليكي وعلى نفسيتك

هو طبيعي بس لو ممكن تكشفي عشان تطمني غالبا هيطلب منك تحاليل وخلاص اطمني مفيش حاجة تخوف

حبيبتي ايا كان ده كداب وهيا كدابة او لا . الارتباط ده غلط وانتي لسه صغيره وبلاش توجعي قلبك بدري على الكلام الفاضي ده. ركزي في مذاكرتك وفكك منهم وهو هيحاول يجري وراكي مش تديله فرصة ابدأ ومش تصدقي اي حاجة هما يقولوها هما لو شافوكي متجاهله الموضوع هيضايقوا وده أكبر عقاب ليهم. اختاري نفسك وبلاش تقللي من نفسك مع واحد زي ده

ربنا يثبتك. انتي صح بس كلنا او غلبنا أهالينا مش بيستجيبوا لينا فأحسن حل انك تسيبهم براحتهم كل واحد ادري لمصلحته وطالما انتوا نهيتي عن المنكر خلاص مش عليكي إثم ان شاء الله. وان شاء الله مش عليكي ذنب لو قعدتي معاهم.

لو انتوا لسه صغيرين في السن طبيعي ميكونش جاهز. شوفي هقولك على نصيحة تقربيا دي احسن حاجة. اتفقي معاه على وقت زي سنة أو سنتين زي ما تشوفوا. يعني باختصار لوقت انتوا الاتنين تقدروا تاخدوا خطوه زي دي. ووقفوا كلام لحد الوقت ده عشان ربنا يبارك في علاقتكم. بس وقفوا كلام بمعنى ابعدوا تماما عن بعض شليه من الاكونت عشان مش كل ما يوحشك تكلميه. اعملي بلوك للوقت ده. ولو ليكم نصيب في بعض هيجيلك. بس مفيش حل سحري يخليكم تتكلموا وانتوا لسه مش جاهزين للأسف. وربنا يجمعكم في الحلال يارب

اللون الأبيض حلو واحسن لون بالنسبالي وبيخلي الاوضة واسعة وبيدي راحة نفسية للمكان

لا. الضرب ده أسوأ طريقة للتعليم

متقولش السر وقول اي سر تاني في حياتك يكون تافه واهو برضو متكونش كدبت

لا بلاش تاخد ميلاتونين ده أسوأ حل ممكن تاخده. لانك هتتعود عليه وعلى المدى الطويل هيحصل adaptation وساعتها هتزود الجرعة وهيجي وقت هتوصل لليميت معين مش هتزود عليه وساعتها مش هتعرف تنام خالص بق . بلاش اصلا تاخد اي مكملات غذائية من غير ما دكتور يقولك. ولو موضوع النوم مش مآثر على حياتك العمليه زي انك طول الوقت مش مركز او مرهق فخلاص فكك منه وبلاش تركز عليه ونام اللي تنامه.

معرفش والله اهم حاجة تصبري. وفي كتاب كويس ممكن تقريه اسمه " أبي الذي أكره" للدكتور عماد رشاد بيتكلم عن التعافي من صدمات الطفولة و الأبوين

بص تالته ثانوي سنة مهمة لكن مش نهاية الكون مش معنى كده متزاكرش لا ذاكر واجتهد بس مش على حساب صحتك النفسية. هيفيدك بايه المجموع العالي وانت طالع منها منهك نفسيا. متقولش انا مراكم مش هلحق مخنا بيصدق اي حلجة تتقاله لا قول انا مراكم اه بس بتوفيق ربنا هلحق و ان شاء الله ربنا هيعيني. في جملة حلوة بتقول ليس العبرة بمن سبق ولكن العبرة بمن صدق. فأنت فأنت خلي نيتك في المذاكرة لله وانك نفسك تفرح نفسك وتفرح اهلك وده من بر الوالدين علفكرة مجموعك. واجتهد وهات اخرك في المذاكرة خلاص باقي اقل من ٦ شهور والسنة هتخلص. حط جدول. اصحى بدري. رتب أولوياتك. سيب التليفون. خلي عندك ورد قرآن قبل المذاكرة. قول الأذكار عشان فيها بركة للوقت. وذاكر وانت عندك يقين بالله انه مش هيضيعك ولا هيضيع تعبك. وربنا يوفقك هانت اهي بلاش تضيع نفسك في الاخر كلها كام شهر وتكون فخور لنفسك. معلش لو طولت وربنا يوفقك

بص هقولك على حاجة ممكن تفيدك التليفون او الشاشات عموما الضوء اللي بيخرج منها بيأثر على هرمون الميلاتونين اللي هو الهرمون اللي بينظم دوره الصحيان والنوم. فأنت متكونش قاعد للتليفون لحد ما تنام وبعدها تدخل تنام متعرفش ماهو طبيعي. اهم حاجة ابعد عن أي شاشة قبل النوم ب ٣ ساعات على الاقل. وطبعا ابعد عن القهوة والشاي قبل النوم ب ٦ ساعات احسن حاجة وشوف بعدها ان شاء الله هتعرف تنام كويس. النصيحة دي انا جربتها ونفعت معايا ان شاء الله تفيدك انت كمان

اول مره افهم حكم الضرب جزاكي الله خيرا وعندك حق فعلا السوشيال ميديا الايام دي مينفعش بتاخد منها الدين والكومنتات اغلبها بيكون هبد شخصي من اي حد معدي وخناقات بين الجنسين واخر هبل الصراحة

ضروري تراجعي طبيب نفسي

انا بطلت اسمع فتاوى الشيوخ عن النساء خلاص بجد عشان متفتنش في ديني. انا اصلا ماشيه بالعافية وبحاول أقرب من ربنا ولما بسمع كلام الشيوخ عن النساء بحس بيجيلي صدمة كده شويه وبعدها اتضايق فتره واحس اني بعدت عن ربنا عشان كده بطلت والله وعايشة الحمد لله احسن كده وانا مش متجوزه فمش متضطره اسمع الكلام ده. وان شاء الله اتجوز شخص صالح علي دين وعارف ربنا بجد مش بيدعي التدين

مش عارفه اقولك ايه بس اهم حاجة دلوقتي سيبك من فكره الانتحار. انا برضو فقدت امي في سن صغير اوي. والموضوع مآثر فيا في حاجات كتير . فانا فاهمه قصدك كويس اوي. بصي انا ذات نفسي ساعات بوصل للمرحلة دي بس بتعدي وبتهون صدقيني. الماضي مش هيرجع دي حقيقه مش هتتغير. بس اللي هيتغير هيا طريقة نظرتنا للحياة. حاولي تبصي لاي جانب حلو في حياتك. بصي على نعم ربنا وهتلاقي حاجات كتير احنا مش واخدين بالنا منها. انا عارفه والله ان الكلام ده يبان تافه بس والله ده اللي بيمشي معايا لاني لو حبيت انهار محدش هيمديلي ايده. الانهيار مش اختيار بالنسبه لينا. لازم تكوني قوية عشان نفسك. حاولي تفرغي مشاعرك بطريقة صحية زي الكتابة والتدوين. وادعي ربنا كتير يعوضك وان شاء الله الجاي خير صدقيني بس انتي احسني الظن في الله بس

وروايات خولة حمدي تحفة بجد زي في قلبي أنثى عبرية. أرني انظر إليك. غربة الياسمين

عندك روايات كتير حلوه خيالية. كل كتابات عمرو عبدالحميد تحفة من اول أرض زيكولا لرواية مينتو. وعندك سلسلة أبابيل حلوه برضو. وسلسلة مملكة البلاغة لحنان لاشين

طبيعي هتتعبي بس في آية في القرآن بتقول (قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ) مهما عملتي ارجعي لربنا والله الدنيا دي دار اختبار. يجماعة دي مش دار نعيم. كلنا تعبانين وتايهين وده طبيعي بس ده كله جزاءه ايه ؟الجنة والجنة تستاهل كل التعب ده

كل اللي انتي فيه ده بسبب انك مش حاطه في مخك انه عادي تتعبي. احنا بشر مش آلة طول الوقت هنكون كويسين لا هيجي وقت ونتعب عادي فانتي بتجلدي نفسك لانك بشر وبيتتعبي فالموضوع بقا مرهق. صدقيني الدنيا مش مستاهله كل التعقيد ده والله الدنيا دي فانية. انتي بتحاولي وبتقومي بس بتقعي تاني وده طبيعي جدا اصلا مفيش حد علطول مثالي ولا فيه حد مثالي اصلا. هدي أعصابك واسترخي الدنيا عايزه اللي ياخدها بهدوء مش اللي ياخدها كأنها حرب لازم نكسب فيها

بصي كلنا كده محدش حياته ماشيه بالضبط زي ماهو عايز. لكن بالدعاء والتوكل كل حاجة بتعدي صدقيني. احنا هنا في الدنيا مش الجنة ، الدنيا دار ابتلاء ومشقة مش دار نعيم. لكن اللي بيهونها هي علاقتك بالله سبحانه وتعالى. لان لو ركزنا في الدنيا هتلاقي مليون مشكلة إنما لو ركزتي انها فانيه هتحسي ايه الهبل ده ازاي افكر اصلا مش مستاهله وفي الاخر ربنا ينور بصيرتك ويهديكي للحق

وعليكم السلام ،انا هتكلم دلوقتي عن الضرورة فقط يعني لو متضطر تتعامل مع بنات. اول حاجة حاول تغض بصرك على قدر الإمكان. تاني حاجة اتكلم على قدر الحاجة يعني انت صح في حكاية انك مبتزوقش كلام مش مطلوب منك ده اصلا بس مش معنى كده تكون قليل الذوق لا اتكلم باحترام و خليك هادئ وانت بتتكلم ، وربنا يوفقك.

حاولي تكوني عادية وابتسمي علطول خليكي بشوشه. وبلاش تدخلي في مناقشات ملهاش داعي. وتجنبي كثرة السؤال عن كل حاجة من حسن إسلام المرء تركه ما لا يعنيه

الاهل غالبا مش بيحبوا ولادهم يقولوهم لا فانتي لو قولتي لا هيعند اكتر. فمثلا في موقف زي ده قوليله مش بعرف يا بابا للأسف واضحكي وحاولي تجيبي الموضوع بضحك وهو هيطنش

بلاش تقعدي معاهم وهو موجود سهلة 😂. بس بجد لو مضطرة وسمعتي الكلمتين دول اضحكي وقوليله طبقه انت ملكش دعوه بزوجي وخلاص يعني مش مستاهل تفكري في الموضوع

مش عارفه اقولك ايه بس ربنا يصبر مامتك وان شاء الله ده كله يكون في ميزان حسناتها. افضل حاجة تعمليها لمامتك انك مثلا تساعديها في شغل البيت انت واخوانك ولو طلبت حاجة تقدروا تعملوها متتاخروش. وحاولي تقعدي مع باباكي تعرفيه ان اللي بيحصل ده غلط ولو اني عارفه ان ده صعب ومش هيحصل بس بقولك يعني لو باباكي متفهم وبيهتم لكلامكم. وحاولي علطول تسعدي والدتك. الرسول صلى الله عليه وسلم قال امك ثم امك ثم امك يعني وصانا على امهاتنا ٣ مرات . ربنا يصبرك لكن انتوا عوض مامتكم في الدنيا خليها متحش انها لوحدها وان ربنا عوضها خير فيكوا.

انا برضو تانيه كلية ونفس المشكلة وعديت سنة أولي بعد عذاب نفسي بسبب اني سيبت اهلي وضغط الكلية كان شديد وكل حاجة جت في السنة دي وبعدها كرهت الكلية حتى في سنة تانيه قافلة منها بس برجع واصبر نفسي واقول الحمدلله. مش عندي حل لمشكلتك لاني زيك برضو بس حبيت اقول يعني ان في ناس كتير بيحصلها كده في الجامعة مش لوحدك.

شكرا جدا لحضرتك جزاكِ الله خيرا❤️

طبعا الشعور بالندم وجلد الذات المستمر مش بس هيجيلك أمراض نفسية لا ده ممكن يقلب بأمراض جسدية كمان في المستقبل. الندم ده اكتر حاجة بتضيع الصحة على الفاضي والله اصل تندم ليه اصلا؟ مفيش حاجة في الدنيا تستاهل إننا نندم عليها احنا جايين نتعلم. الندم المعتدل حلو عشان متكرريش الغلط بس. إنما جلد الذات ده عذاب لنفسك. ده ربنا رحيم بينا ومجرد ما نتوب ونستغفر ربنا عز وجل بيغفرلنا. انت ليه بقا متسامحش نفسك وتغفر لها انت كمان ؟

طب ما تقولي انتي كمان وخلاص لان ده من جبر الخواطر مش كدب يعني.

اكيد فرق السن مهم بس مش يكون اولويتك ده قصدي ،لو تجربة اخوك مأثرة عليك حاول تستفيد منها بدل ما تكون عائق ليك يعني متكررش أخطاء اخوك وحاول على قد ما اقدر تتجنبها بس في النهاية كل واحد ليه تجربته ورزقه في الجواز مهما حاولت أن الحياة تكون مثالية مش هتقدر. طبيعي هيكون في مشاكل الدنيا مش جنة. وربنا يرزقك بالزوجة الصالحة

اه تمام انا فهمتك غلط معلش😭

مفيش حاجة اسمها انسب سن، بس في بنت مناسبة واخلاقها كويسة مش هتفرق ٢٣ او ٢٤ يعني. بس يستحسن فرق السن ميزدش عن ٦ او٧ سنين بس. وغير كده بلاش تخلي تجربة اخوك تأثر عليك. استعن بالله ودور على بنت متدينة ومحترمة و احسن الظن بالله.

متقولش الوقت عدا او انا أتأخرت ابدأ عشان ليس العبرة بمن سبق ولكن العبرة بمن صدق. والاستمرارية اهم مليون مره من المثالية.

طيب انا مش هقولك ان ده حرام لانك اكيد عارفه لكن اديكي شايفه لما بتقربي منه بتكوني تعيسة ازاي ربنا مش بيحرم حاجة الا عشان مصلحتنا. وصدقيني اللي انتي فيه ده مش حب. مفيش حد بيحب الوجع ولا الألم ده اسمه تعلق مرضى. الحب أنقى من كده. استعيني بالله واقطعي أي سبل للتواصل بينكم و انتي هتنسي لوحدك واصلا هتكتشفي ان راحة البال احسن مليون مرة من شوية مشاعر لحظية

انتي مش هتعرفي تعمليله حاجة غير انك تدعيله وبرضو حاولي تخليه يقرب من ربنا اكتر لان الواحد في اللحظات دي مش بيحتاج اد انه يرجع لربنا عشان يفتكر ان الدنيا فانيه وربنا يهون عليه. ولو انتي عارفه الحاجات اللي بتبسطه اعمليها وحاولي تفرحيه وتخليه قريب منك ومن عائلتك عشان يعوض غيابها شويه بس متقلقيش هو هيقعد وقت لحد ما ينسى طبيعي.

بصي أعتقد الموضوع ده حاجة نفسية لو متاح عندك تروحي لدكتور نفسي هيكون احسن لانك مدركة انها غلط وحرام لكنك مش عارفه توفقي فواضح ان كده في مشكله وربنا يهديكي

بصي كلنا هنا هنجاوب من منظور عاطفي يعني هقولك ازاي جوزك يمنعك من زيارة اهلك وملوش حق ودي مش إجابة شرعية لو عايزه إجابة في الدين اسألي مفتي احسن

انا مش بقول انك بتحسديها والله الواحد ممكن يحسد حاجته من غير قصده وهي حاجته فاهماني انا بقول كده في العام على اي حاجة وعشان برضو يكون ذكر لله ❤️

بص مبدائيا عقلنا بيصدق الكلام اللي طول الوقت بنكرره يعني لو فضلت اقول مستحيل اكمل، مستحيل اعرف، مستحيل انجح؛ عقلي هيصدق وهيبطل يحاول اصلا فاهم. دي حاجة حقيقة والله وبعدين الرسول مكنش بيحب الفأل الوحش. وربنا بيقول انا عند حسن ظن عبدي. فالنهاية انت توكل على الله وخد بالاسباب اللي تخليك تكمل واستمرررر اهم حاجة حتى لو بالقليل. وربنا يوفقك

بصي كلنا معرضين للمواقف دي ، وطالما بيحصل غصب عنك فخلاص بلاش تلومي نفسك زيادة وحاولي بس ترفضي بلطف لو قالتلك خدي حاجة من عندي وقولي اي حجة وحاولي تكون حجة منطقية وهي متزعلش يعني مثلا في موضوع الجيب كنتي قوليلها انك مش بترتاحي خالص في نوعية القماش دي ، قولي حجج شبه دي وفي نفس الوقت مش هتحرجيها، وطالما انتوا صحاب اوي بلاش تضيعي الصداقة دي على شوية وسواس في عقلك بس. وحاجة كمان لو شفتي اي حاجة او مسكتي حاجة من عندها قولي اللهم بارك حتى لو انتي مش عايزه تحسديها. بس قوليها وربنا يوفقك ❤️

انتي مش محتاجة تعملي حاجة عشان حد ولا غيره الناس عندها ليكي انك تحترميهم، إنما انتي ١٥ سنة لسه ، بلاش تقولي أفكاري ثبتت ، افكارنا كلنا بتتغير كل ما بنكبر و بلاش تقفلي دماغك لا اسمعي تاني انتي بتقولي انك بتطوري نفسك ماشي طوري نفسك كمان من ناحية دينك. وانا هنا مش بجبرك اصل كل واحد هيتحاسب لوحده انا بقولك كده بجد من قلبي لاني مريت بفترة زي كده مش وصلت الإلحاد بس كانت أفكار نسوية وقلت عمري ما هغير أفكاري اتغيرت عادي ،لو ليا طلب عندك فهو انك تبحثي تاني وانا ارشحلك كتب حلوه اوي لكاتب اسمه هيثم طلعت وعنده قناة على اليوتيوب كل ما تفضي اسمعي منهم فيديو و اعتبريها تطوير ذات ومعلومات زيادة وربنا يوفقك

مش هقولك كلام علم نفس ولا تنمية بشرية هقولك آية في القرآن هتلخص كل حاجة ﴿ وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ﴾ يعني ببساطه بلاش تبص على حياة غيرك من بره وتحكم عليها كل واحد في الدنيا عنده مشاكله وهمومه اللي في ورقته في الدنيا فبلاش تبص لورقة غيرك وغير كده الدنيا دي عمرها ما كانت دارنا ولا اصلا دي حياتنا احنا عنينا المفروض على الجنة مش معنى كده تسيب الدنيا لا اشتغل واجتهد بس في الآخر رزقك مكتوب واللي بيتقي ربنا ده اللي بيفوز دنيا وآخرة

اهم واسهل لغة ممكن تتعلمها English. لو fluent فيه ابدأ في لغة تانيه بس خلي ال E اولويتك في اللغات

لا حول ولا قوة الا بالله، هل اخوكي يرضى انك تكلمي ولاد بالطريقة دي قدامه اظن لا ، لو تقدري تقولي لوالدك او حد كبير يكون احسن وياخد موقف منه لانه واضح انه مش بيستحيب للنصيحة بسهوله

ربنا يرحمها ويصبرك. الموت ابتلاء شديد لكن كله في ميزان حسناتك

شوفي الصراحة في كليتنا لو بتعرفي تقعدي على الكتاب فترات طويله و بعد اما تذاكري تلخصي المعلومه وتحطي زي اسكيمات تحفظك وتحلي أسئلة عليها هتطلعي من الأوائل حرفيا

انا كنت زيك زمان وكنت بخاف برضو اوي مش هقولك اتحولت في يوم وليله بس فضلت كتير احاول اروح انا اتعرف على بنات واتكلم معاهم الموضوع كان بيكون زي الانتحار بالنسبالي لكن عشان اتعلم وكنت بتكسف ساعات كتير بس قلت دي كلها تجارب ومثلا يكون مدرس بيشرح اطلع اجاوب انا بيكون باين عليا اوي اني متوتره لكن لازم اكسر الخوف ده والحمدلله دلوقتي انا في الكليه ومعروفه اني شخصية اجتماعية واللي كان يشوفني زمان مش هيصدق، بس برضو مش قدرت اتخلص من موضوع التوتر لما اطلع اتكلم قصاد ناس لكنه خف كتير ودي حاجة في الشخصية مش عيب ولا غلط اني اتوتر شايفاها حاجة عادية واتصالحت مع الوضع ولحد دلوقتي بحاول وانصحك انتي كمان بكده لاني حاسه بيكي

طالما مش مرتاحة بلاش تكملي وفعلا انا لو مكانك ده هيكون سبب رفض قوي