شوف هقولك حاجة مبدائيا الدنيا دي مش جنة وفيها حاجات صعبة كتير وصدقني والله انا عديت بحاجات صعبة برضو بس فهمت ان دي الدنيا احنا هنا في دار ابتلاء يعني ايه؟ يعني دار شقاء طيب هتقولي انا تعبت هقولك والأنبياء تعبوا والرسل تعبوا والصحابه تعبوا مفيش حد عايش مش تعبان طب هل مكتوب علينا نفضل مهمومين وتعابيبن طول العمر ؟ هقولك لا. لانك وسط المشاكل دي كلها والابتلاءات تقدر تكون سعيد وتحس بالراحة من جواك المشكله مش في اللي احنا شفناه في حياتنا. المشكله فينا احنا إننا شوفنا الوحش بس مش بلومك والله انا عارفه إننا ساعات بننسي نعم كتير في حياتنا ربنا اكرمنا بيها بس على الجانب الاخر النعم دي لو كانت اتاخدت مننا مكناش هنعرف نعيش بيها وبالنسبه لموضوع الإدمان ده لازم تروح لمتخصص. الموضوع مش هيروح بالاراده ولا الدين الموضوع بجد نفسي محتاج علاج واظن لو صلحته و اتعافيت حاجات كتير هتتغير في حياتك. هتعرف تضبط حياتك انصحك تنزل الجيم او تمارس رياضة ده هيساعدك كتير وغير كده بقا هنصحك بجد اوعي تيأس من نفسك لأن ده اللي الشيطان عايزه مهما عملت واذنبت عندك باب توبه مفتوح ربنا. مش غلط انك تغلط لكن الغلط انك تفضل مستمر عليه وشايفه عادي انت جواك شخص طيب بلاش تخلي الشيطان يقنعك انك هتفضل كده واعرف ان ربنا بيبتلي عبده اللي بيحبه اكتر الناس ابتلاء كانت الأنبياء والرسل بعدها الصالحين وهكذا فكل ما تحس ان الدنيا ضاقت اعرف ان ربنا بيحبك. انت عايز تصلح حياتك لان ربنا لسه عايزك ترجع فيه ناس عايشه في المعصية ولا هاممها لكن انت بتحس بالذنب وده أكبر دليل ان ربنا عايزك ترجع ابدأ صفحة جديده مع نفسك. انزل صلى في المسجد. روح احفظ قرآن. خلي عندك صحبة صالحة تعينك اهم حاجة. اتعلم علم شرعي عشان تكون مسلم عنده علم مش جاهل بدينك واساسياته. حاول عشان نفسك وعشان الجنة تستاهل سلعه الله غاليه محتاجة إننا نتعب عشانها واوعي تفتكر انك بعد ما تقرأ كلامي هتقوم وحياتك تتغير لا الموضوع محتاج صبر وعزيمه على التغيير ومحتاج استمراريه. ولما اقولك صبر فانا بتكلم صبر بجد مش يومين وخلاص. الرسل صبروا على اقوامهم في الدعوه عشرات السنين عشان بس رسالتهم توصل. احنا محتاجين نصبر على نفسنا و منيسأش لان لا ييأس من روح الله الا القوم الكافرون. توب عن كل اللي فات في حياتك وارجع ولو حسيت ان ذنوبك كتيره افتكر الآيه دي قل يا عبادي الذين أسروفوا على أنفسهم لا تقنطوا من رحمة الله إن الله يغفر الذنوب جميعا كل الذنوب بتتغفر بمجرد ما تنوي التوبة لازم تاخد خطوه جديه في حياتك وتروح لاخصائي نفسي يساعدك في موضوع الإدمان ده لازم لازم أخصائي. وبس اتمنى مكونش طولت.
شكرا لحضرتك إن شاء الله خير الحمدلله
تم النشر الجمعة، ١٣ مارس ٢٠٢٦
العفو معملتش حاجة. بص هو حكاية المتخصص في وضعك دي ضرورية لازم تلاقي طريقه عشان تتابع مع حد والمتابعه مش هتكون علطول يعني هو بس هيقولك الطريق اللي تمشي عليه وهيتكلم معاك شويه يفهمك الدنيا وازاي تتعافي. ولازم تكون فاهم ان انت بتحارب دماغك يعني بتحارب نفسك فدايما بتخسر لان عقلنا أقوى منا. لازم تفهم يعني ايه إدمان وازاي تبدأ تتعافي صح. بص في دكتور اسمه عماد رشاد عثمان ده عامل سلسله التعافي اسمعها كلها عشان يكون عندك فكره عن الإدمان السلوكي اصلا يعني ايه. وبعدها هتبدأ تفهم الدنيا وحمل تطبيق اسمه واعي. ده مفيد جدا وهتلاقي مجتمع كبير فيه شباب كتير عندهم نفس هدفك ف ده هيحفزك تستمر. لازم تفهم الموضوع مش إرادة وبس الموضوع اكبر من كده تقدر تقول لواحد مدمن مخدرات بطل الموضوع إرادة ؟ حتى لو عايز مش هيقدر لان كيمياء مخه اتعودت على حاجة هتطلبها غصب عنه. كذلك الإدمان السلوكي بس على اخف الحمدلله محتاج بس تسمع سلسله دكتور عماد وتتابع مرتين او تلاته مع متخصص مش هتكلفك كتير. وبعدها هتكون انت قادر تواجه لانك بقا عندك علم. وربنا يعافيك يارب اوعي تستلم حتى لو وقعت ارجع وقوم يمكن مره تصيب ومترجعش تاني وادعي ربنا كتير يبعدك عن المعصية الدعاء ده سلاح المؤمن ادعي كتير وصلي لله كتير مش الفروض بس يعني صلى ركعتين قيام وادعي فيهم مع الوقت هتلاقي حياتك بقت احسن ان شاء الله
تم النشر الجمعة، ١٣ مارس ٢٠٢٦
شكرا لحضرتك علي كلامك وفيه كلام انتي قولتيه بدأت استوعبه قريب إن البلاء اصبر عليه واشوف نعم ربنا الكتير في حياتي واحمده واشكره عليها والحمدلله وبجد والله نفسي اتعلم علم شرعي نفسي إن شاء الله هعمل كده وهرجع الجيم تاني زي الاول هغير من نفسي انا متأكد وعندي ثقه في ربنا إنا ربنا دائما معايا ودائما بقا بيسترها عليا في طريقي دائما الحمدلله وفاهم قصدك أن مش هتغير في يوم وليله بس كفايه اني هفضل اجاهد لحد ما اتغير ،شكرا جزيلا لحضرتك بس حته الادمان واني اشوف متخصص مش عارف اعملها ازاي هيبقا فيها ماديات وخايف مش عاوز حد من اهلي يعرف
تم النشر الجمعة، ١٣ مارس ٢٠٢٦
لعرض الإجابة في فدني اضغط هنا