طيب مبدائيا كويس انك بتحاول. هقولك على حاجة الإدمان عموما بيكون ياما إدمان سلوكي وده غالبا اللي انت بتتكلم عليه ياما انواع تانيه زي المخدرات وغيره وده مش موضوعنا الإدمان السلوكي علاجة بيكون أسهل نوعا ما من الأنواع التانيه بس محتاج متخصص كويس يتابع معاك انت مش وحش انت بس مش قادر تتحكم في نفسك وده غصب عنك. اول حاجة في رحلة التعافي لازم تفهم اصلا يعني ايه إدمان لان مش طبيعي تحارب حاجة انت مش فاهمها اصلا. وانا هرشحلك حد كويس جدا هو دكتور نفسي اتكلم عن كيفية التعافي من اي نوع إدمان بس بطريقه واعية يعني بيفهمك عقلك ده ماشي ازاي وليه بينجذب للادمان وحاجات كتير حضرتك اكيد تستفيد منها. اسم الدكتور: عماد رشاد عثمان أعتقد سمعت عنه. هو عنده بودكاست بيتكلم عن طريقه التعافي وازاي اصلا ممكن تتعافي لازم تفهم ان الارادة وحدها لا تكفى. الإيمان وحده لا يكفي. ده مرض نفسي محتاج علاج ربنا زي ما خلق الداء خلق الدواء والدواء في الحالات دي بس بيكون إرشاد سلوكي من حد متخصص اوعي تيأس من نفسك. اوعي تخلي الشيطان يفهمك ان انت معدش فيك امل. اوعي تدخل في دوامة انا وحش لا بالعكس خليك متفائل وقوي وحب نفسك الرحلة طويله بس الجنة تستاهل. صحتك تستاهل. ونفسيتك تستاهل اتمنى مكونش طولت عليك بس ياريت تاخد كلامي بمحمل الجد.
وتاني حاجة عايزه افكرك اللي انت فيه ده مش قلة إيمان هو اه انا بتكلم في العموم انه لازم تقرب من ربنا وتثق فيه. إنما الإدمان محتاج علاج زيه زي المرض العضوي بالضبط. مفيش حد عنده مرض بيقعد يدعي بس ان ربنا يشفيه بل بياخد بالاسباب ويروح لدكتور. تابع بس مع حد متخصص وبإذن الله تعالى تتعافي تماما من هذا الإدمان.
تم النشر الأحد، ١ مارس ٢٠٢٦
يكفيني أن أقول إنك مثال يُحتذى به في الأخلاق، والإخلاص، وحسن التعامل. شكراً لأنك دائماً عند حسن الظن، ولأنك تبذل من قلبك قبل جهدك.
تم النشر الأحد، ١ مارس ٢٠٢٦
انا متفهمة طبعا انه مرهق جدا كمان. لانك طول الوقت لازم تفضل عايش بنمط معين بعيد عن اي محفز. بس صدقني ربنا شايف تعبك محاولتك. خليك مكمل في الطريق وكل ما تقع بلاش تجلد نفسك بل بالعكس خليك اكتر واحد حنين على نفسك وسارع بالتوبة علطول. لازم طول الوقت تتابع مع أخصائي لان التعافي بعد فترة بيقلب باضطراب قلق وتشتت فلازم حد يساعدنك في الرحلة دي ويعينك. هتلاقي تطبيق اسمه واعي برضو مفيد جدا وهتلاقي شباب كتير بيجاهدوا. بلاش تقول لنفسك انا في صفحة سوداء مش هخرج منها لا انت طالما لسه بتحاول فانت بتقطع الصفحة السوداء دي وبتبتدي بصفحة بيضاء مع كل مره تقع وتتوب. انا عارفه الكلام بتاعي مش هيفيدك واكيد انت سمعته كتير بس بجد اوعي تيأس لان كلنا جوانا نفس اماره بالسوء وهيا اللي علطول بتحاول تحسسك باليأس وفقدان الامل والقلق. بلاش تخلي نفسك والشيطان يسيطروا عليك. انت طالما بتوب و بتحاول فأنت كده ربنا بيحبك وربنا يهديك ويثبتك
تم النشر الأحد، ١ مارس ٢٠٢٦
بالعكس دا انا بشكرك علي التعليق ومقدر الكلام المؤثر جداً. انا تقريباً قضيت شوط كبير في الأنغماس في السلوك دا، ويمكن عندي من ادبيات التعافي ما يكفي. المشكلة ان المشكلة معقدة يعني التعافي مش مجرد امتناع بل لايف ستايل محتاج تصلح بيه الفوضي الخارجية وتنقيب داخلي من عيوب وسلوكيات بتأدي للتصرف زي الإنغماس او الهروب. ودا ارهاق وطول الوقت بتبقا ضايع ومشتت دا لو في حالة انك ما اصبتش بإضطراب نفسي نتيجة القلق والتوتر الملازم. احنا معترفين ان الإدمان اقوي مننا وبناخد حذرنا منه ونحترمه بس المثيرات في كل مكان التلفون التلفزيون السوشيل ميديا وداخلياً المشاعر والأفكار... مفيش فايدة:
تم النشر الأحد، ١ مارس ٢٠٢٦
لعرض الإجابة في فدني اضغط هنا