اول حاجة اهدى وبطلي جلد ذات. اللي حصل حصل خلاص أنا في سنه تانيه وفاهمه الضغط اللي بتمري بيه والله. الكليه عندنا مش سهلة ومحتاجة مذاكره شديدة فانتي لو بتفكري في مليون حاجة صدقيني مش هتعرفي تركزي في ولا حاجة لو اهلك متفهمين يستحسن تقوليلهم عشان متشليش الحمل ده لوحدك ولو اهلك هيزودا الحمل ده عليكي فبلاش. قوليلهم مثلا انك اجلتي مواد في الترم التاني وهتمحنيها سمر وشدي حيلك. مش هقولك موتى نفسك في المذاكره لا والله انا عارفه انتي بتمري بايه وانا كمان قاعده منغير اهلي ف فاهمه ان الواحد مبيكونش عنده طاقه لاي حاجة. انا في نفس الدوامه بس بحاول اكسر الدايره. بلاش تستسلمي مهما حصل. لان الانهيار مش في صالحك. وكل ما تحسي انك مش قادره افتكري ان ربنا مميزك ومدخلك كليه ناس كتير بتحلم بيها. اينعم الحمل تقيل لكن مع التخرج هتنسي ليالي الفاينل المتعبة. لما هتبدائي في الشغل هتشكري نفسك انك مستسلمتيش وكملتي وانتي تعبانه. أسهل حاجة تعمليها دلوقتي تدخلي في موجة أكتئاب وجلد ذات والنتيجة هتكون انك تغرقي اكتر. بلاش صدقيني. خدي خطوات بسيطة وشدي حيلك كده وخليكي قويه. الدنيا محتاجة حد قوي. كلنا بنفشل بس الناجح هو اللي بيعرف يقوم تاني. واللي حصلك ده عادي جدا في سنه اولى والاغلب مر بيه. حضرتك مجدي يعقوب شال مواد في سنه أولى ودلوقتي بقا مجدي يعقوب. قيمتك مش بتتقاس بانك شلتي مواد او لا قيمتك الحقيقه انك انسانه بتحاول وبتقوم ومش بتختار للفشل ولا جلد الذات. لا دي عايزه تنجح بجد معلش طولت عليكي يا دكتوره بس اتمنى تكوني استفدت ونشوفك ان شاء الله من الدكاتره المتميزين في المستقبل
ربنا يوفقك يارب وتطلعي مجبوره الخاطر من الامتحان يا دكتوره ❤️❤️
تم النشر الاثنين، ٩ مارس ٢٠٢٦
تمام تسلميلي يا دكتوره💗
تم النشر الاثنين، ٩ مارس ٢٠٢٦
حلي اللي موجود منها وخلي اي أسئلة نزلت على جروب الدفعه، عموما الحل الكتير بيثبت المعلومه وبيكشف الأجزاء اللي انتي مش فاهماها كويس واسئلة السنين السابقه خليها آخر حاجة عينك تيجي عليها ليله الامتحان
تم النشر الاثنين، ٩ مارس ٢٠٢٦
مهو المشكلة ان اساله السنين السابقه دي مش كتيره فاهمه ف انا خايفه بس
تم النشر الاثنين، ٩ مارس ٢٠٢٦
+مفيش حاجة والله اسمها مستحيل احنا كليتنا ماشيه بالبصمجة. لو عرفتي تركزي على اهم نقط ال mcq و تحفظيهم كويس والله هتدخلي تقفلي. معرفش انتي غالبا عليكي ميد بعد العيد. مفيش ريتين فيه فالمذاكره هتكون أسهل ان شاء الله. وذاكري بذكاء يعني حرفيا مذاكره ال mcq دي بتكون رايقه بتجيبي كوبايه شاي و تفتحي المذكره وتجيبي هايلايت وتعدي على اهم النقط بعينك وتعلمي عليهم وخلاص كده 😂
تم النشر الاثنين، ٩ مارس ٢٠٢٦
انتي جامعه اي😂
تم النشر الاثنين، ٩ مارس ٢٠٢٦
طب يستي انا زيك بالضبط الموديول ده عندي الجينرال للاربع مواد دول والدنيا لسه جديده عليا برضو في المواد دي يعني متقلقيش اهو احنا في الهوا سوا😂. اه عندنا بيجيبوا من أسئلة السنين السابقه وبرضو حتى لو مجبوش منها بيجيبوا حاجات شبهها لازم تحليها حتى تشوفي انتي فاهمه ولا لا.
تم النشر الاثنين، ٩ مارس ٢٠٢٦
هو بصي احنا عندنا باثو وفارما وميكرو وبارا انا بدات بالباثو والفارما دلوقتي عشان اهم وكدا بس المشكلة انهم كتير اوي وكمان بيقولو مستحيل تلم دا كله في اسبوع وكدا وحوار اشوف اساله السنين السابقه فعلا بيجيبو منها؟،، ماشي تسلميلي والله على كلامك دا ربنا يوفقك💗
تم النشر الاثنين، ٩ مارس ٢٠٢٦
بصي خلاص مامتك عرفت فتقربيا فكره ان باباكي يعرف هي مسأله وقت مش اكتر. ده هيشيل من عليكي حمل كبير. دلوقتي بقا سيبك من أهلك خالص وانتي كده كده مش قاعده معاهم فالموضوع أسهل. الموديول اللي انتي فيه ده شوفي كام محاضرة نزلت فيه وقسميهم على عدد الايام المتبقيه. ولو المحاضرات كتير خدي بس اهم المحاضرات اللي مينفعش تدخلي الامتحان منغيرها. وبعد ما تسمعي المحاضره علطول ذاكريها وحلي mcq سنين سابقه كده حرفيا انتي قفلتي المحاضره دي وذكرتيها كويس تاني يوم بقا قبل ما تذاكري المحاضره الحديده بصي بصة مش هتاخد منك ١٠ د علي المحاضره اللي فاتت. وكده راجعتيها كمان. بالنسبه للجانب النفسي بطلي جلد ذات وفكره انك مش هتعدي دي انسيها لا انتي هتعدي ان شاء الله لان ربنا مبيضيعش تعب حد. وانتي هتتعبي وهتذاكري فكده فكده ده مش هيضيع بإذن الله وهتعدي بس خلي عندك حسن ظن بالله احنا داخلين على ١٠ الأواخر. في آخر اليوم بعد ما تذاكري روحي صلي ركعتين قيام لله وادعي فيها كتير اوي والله ده غالبا بنفس اهميه المذاكره اللي بتذاكريها. ولو محتاجة حاجة انا موجوده ❤️
تم النشر الاثنين، ٩ مارس ٢٠٢٦
شكرا ليكي بجد، بس انا حاليا عندي امتحان كمان اسبوع ومش قادره اركز في مذاكرتي بسبب النتيجه والاسوا اني في مديول صعب وكمان مراكماه خايفه اوي اشيل تاني او ادخل السمر اشيل تاني برضو دي هتبقى بتحويله علطول، والي عرفته ان دفعتنا 600 وشويه ناجح صافي بس حوالى 200 وشويه ف خايفه منجحش خالص، بجد عايزه اجيب تقدير الترم دا عشان اهلي بس عندي شعور كبير اوي اني مش هجيب حاجه عشان بردو كان عندي يقين في ربنا اني مش هشيل وفي الاخر شيلت، حاسه اني بقيت قليله الادب مع ربنا بس غصب عني مش عارفه اعمل اي وعمتا ماما عرفت وبهدلتني وقالتلي اقول لبابا قولتلها بعد م اخلص امتحانات وكمان بابا شديد عن ماما ف بجد مش عارفه هجيبهاله ازاي ولا هقوله اي
تم النشر الاثنين، ٩ مارس ٢٠٢٦
لعرض الإجابة في فدني اضغط هنا