انا شيلت 3 مواد طب بشري فرقه اولى المشكلة مش هنا المشكلة اني مغتربه وفي جامعه اهليه وكنا متفقين انا واهلي اني هحول بشري بس جمبهم بعد سنه اولى بس ادام شيلت يبقى انا كدا لبست كمان سنه هناك اعمل اي بجد حوار الفلوس هعرف أجيبها إن شاء الله بس المشكلة في أهلى مش عايزه اقولهم مينفعش يعرفو بجد مش عارفه اودي وشي فيه وبالذات انهم هيقولو لقرايبنا وكله كان بيراهن على فشلي وها قد كان
السمر هنمتحنه في اول 9 والدراسه هتبقى في آخر 9 كنت بفكر اني مقولهمش واقولهم حصل لغبطه في الورق فهيمتحنونا المواد دي تاني اكننا سمر وبتاع بس من غير فلوس وانا هتصرف في الفلوس وهدفعها انا بس مش عارفه هل هيصدقو ولا لا بجد بابا شديد اوي ومستحيل يرحمني دا ممكن يحولي من الكليه بسبب كدا محتاجه حل بالله
اول حاجة اهدى وبطلي جلد ذات. اللي حصل حصل خلاص أنا في سنه تانيه وفاهمه الضغط اللي بتمري بيه والله. الكليه عندنا مش سهلة ومحتاجة مذاكره شديدة فانتي لو بتفكري في مليون حاجة صدقيني مش هتعرفي تركزي في ولا حاجة لو اهلك متفهمين يستحسن تقوليلهم عشان متشليش الحمل ده لوحدك ولو اهلك هيزودا الحمل ده عليكي فبلاش. قوليلهم مثلا انك اجلتي مواد في الترم التاني وهتمحنيها سمر وشدي حيلك. مش هقولك موتى نفسك في المذاكره لا والله انا عارفه انتي بتمري بايه وانا كمان قاعده منغير اهلي ف فاهمه ان الواحد مبيكونش عنده طاقه لاي حاجة. انا في نفس الدوامه بس بحاول اكسر الدايره. بلاش تستسلمي مهما حصل. لان الانهيار مش في صالحك. وكل ما تحسي انك مش قادره افتكري ان ربنا مميزك ومدخلك كليه ناس كتير بتحلم بيها. اينعم الحمل تقيل لكن مع التخرج هتنسي ليالي الفاينل المتعبة. لما هتبدائي في الشغل هتشكري نفسك انك مستسلمتيش وكملتي وانتي تعبانه. أسهل حاجة تعمليها دلوقتي تدخلي في موجة أكتئاب وجلد ذات والنتيجة هتكون انك تغرقي اكتر. بلاش صدقيني. خدي خطوات بسيطة وشدي حيلك كده وخليكي قويه. الدنيا محتاجة حد قوي. كلنا بنفشل بس الناجح هو اللي بيعرف يقوم تاني. واللي حصلك ده عادي جدا في سنه اولى والاغلب مر بيه. حضرتك مجدي يعقوب شال مواد في سنه أولى ودلوقتي بقا مجدي يعقوب. قيمتك مش بتتقاس بانك شلتي مواد او لا قيمتك الحقيقه انك انسانه بتحاول وبتقوم ومش بتختار للفشل ولا جلد الذات. لا دي عايزه تنجح بجد معلش طولت عليكي يا دكتوره بس اتمنى تكوني استفدت ونشوفك ان شاء الله من الدكاتره المتميزين في المستقبل
تم النشر الأحد، ٨ مارس ٢٠٢٦
يا حبيبتي، أول حاجة أقولك إني فاهمة تمامًا الضغط اللي عليكِ دلوقتي، طب بشري مش سهل أبدًا خاصة في سنة أولى وجامعة أهلية وأنتِ مغتربة لوحدك. الفشل في مواد مش نهاية الدنيا، ده درس قوي هيخليكِ أقوى، بس الكذب على أهلكِ مخاطرة كبيرة جدًا – ممكن ينكشف ويبقى الوضع أسوأ، وفي الإسلام الصدق باب الفرج، والكذب بيفتح أبواب الهم أكتر. الحل العملي خطوة بخطوة: رتبي نفسك أولًا : اجمعي النتائج الرسمية، وابدئي خطة دراسة صارمة للسمر (أول 9 أسابيع). حددي جدول يومي: 8 ساعات دراسة، مراجعة يومية، مجموعات دراسة مع زميلات ناجحات. أنتِ قادرة تعوضي، وإن شاء الله الفلوس هتيجي من مجهودكِ. كلمي أهلكِ بصدق بس بحكمة : متستنيش يعرفوا من حد تاني. ابدئي بماما لو هي ألين، قوليلها "أنا شيلت 3 مواد، بس هعيد السمر وأنا ملتزمة 100%، محتاجة دعمكم مش غضب". أظهري خطتكِ الدراسية مكتوبة (جدول، أهداف أسبوعية). لو بابا شديد، خلي ماما تكلمه أولًا – ده هيخفف الصدمة. قوليلهم إن ده هيأخر التحويل سنة، بس أنتِ مصممة تنجحي وتفوقي. لو خايفة الإحراج من الأقارب : قولي لأهلكِ "متقولوش لحد دلوقتي، أنا هثبت نفسي الأول". اللي بيراهنوا على فشلكِ مش هيغيروا، ركزي على نجاحكِ هيرد عليهم. خيارات إضافية : لو الجامعة عندها نظام إعادة بدون رسوم كاملة، استفسري الإدارة رسميًا. أنتِ بنت قوية، يا قمر، ده اختبار هيعدي وهتخرجي أحسن. ابدئي اليوم بخطتكِ، وادعي ربنا ييسر أمركِ. 💪❤️
تم النشر الأحد، ٨ مارس ٢٠٢٦
والله قصة إنك تخبي عليهم دي سيبك منها خالص يعني عشان دا يعتبر كذب وعشان انتي محتاجة لدعوات اهلك ورضاهم عليكي بصي طالما انتي ذاكرتي بضمير ولو حتى بكمية قليلة المفروض حتى انك تعدي صافي بس اللي حصل حصل وكلوا نصيب انتي قوليلهم ان الامتحانات كانت صعبة وفهميهم انك مش لوحدك اللي شيلتي مواد وان دا وارد ف كلية زي دي ومتقلقيش يعني حتى لو زعلوا شوية بس انت هترتاحي وهتعرفي تذاكري كويس وربنا هيكرمك إن شاء الله
تم النشر الثلاثاء، ١٠ مارس ٢٠٢٦
لاما تقولى انك هتاخدى مواد من السنه الجايه لانها صعبه و كبيره و صحابك هياخدوا معاكى ودا مشجعك بس دا ف حاله انهم صعبين ومش هيفهموا او هيعيروكوى ب ده او انك تعرفيهم و تقوليلهم ميعرفوش حد و ممكن يفهموا بس حاولى تفهميهم براحه عشان لو عرفوا بعد كدا هتبقي مشكله وهما اه ممكن ميعرفوش بي يعنى عشان متفضليش انتى خايفه من جواكى او تكونى حاسه انك عامله حاجه غلط او حاطه نفسك تحت ضغط وهو عموما سنه اولى بتبقي صعبه شويه و بيبقي فيها ضغط
تم النشر الثلاثاء، ١٠ مارس ٢٠٢٦
بلاش تضحكي عليهم لانهم اكيد هيسألو و لو عرفو انك بتكدبي المشكله هتكبر
تم النشر الاثنين، ٩ مارس ٢٠٢٦
أولا متشليش نفسك فوق طاقتك ركزي ممكن تتكلمي معاهم براحه كدا و إن شاء الله يتفهموا و إن شاء الله تعدي في السمر
تم النشر الاثنين، ٩ مارس ٢٠٢٦
الافضل انك تعرفيهم ، بس ممكن تقولي لهم انك هتاخدي مواد من السنه اللي جايه ، وانتي فعلاً امواد دي لو مختهاش هتكون السنه اللي جايه.
تم النشر الأحد، ٨ مارس ٢٠٢٦
لعرض السؤال في فدني اضغط هنا