انا حاليا فى الصف الثالث الإعدادى و المفروض ان دى فترة مهمة لتحديد مستقبلى غير كدة كمان انا فى فترة مراهقة و نفسة الاقى تشجيع من حد بس للاسف ملقتش نهائيا و مامتى دايما بتحبطنى و بتهينى و بتضربنى كمان على أتفه الاسباب و دايما بتفرّق فى المعاملة بينى و بين اخواتى و دايما بتعرف بابا كل حاجة انا بعملها (الغلطات اللى انا باعملها )
و بابى بيسمعنى كلام بشع جدا و بيقلل من كرامتى تماما حتى صحابى اللى انا كنت بحبه بعدو عنى بعد ما دمرونى و عايرونى بعيوبى و غير كدة كمان ضحكوا عليا و خلوا اهم مسابقة فى حياتي تفوت عليا كل دة بعد ما كنت بثق فيهم و فاتحة لهم بيتى دايما لو بيحتاجوا منى حاجة مش بتأخر حتى لو على حساب نفسى اما انا لو طلبت مع ان دة مش هيقصر معاهم فى حاجة كانوا بيرفضوا و بيتحججوا بحجج تافهة
فانا حاليا مدمرة نفسيا و عايزة حد يساعدنى بجد اولا اصلح علاقتي مع ربنا و فى دراستى و شكرا
سن المراهقة صعب اوي بجد، بس بجد برافو عليكي انك عايزة تاخدي خطوة زي كدا، الطريق هيبقي صعب بس في الأول، بس صدقيني كله هيبقي سهل مع الوقت، استبدلي كل حاجة وحشة بحاجة تانية حلوة. مفيش اصحاب كويسين؟ عادي، لو مكانك، هسمع بودكاست او اتفرج على محتوي مفيد ومسلي في نفس الوقت، بالنسبة لي، بحب المحتوي عن الحروب والتاريخ مثلا. عن المذاكرة، في الاول حوار الاستمرارية هيبقي صعب، بس ليه؟ عشان مفيش هدف، حطي هدف قدامك عشان يوم ما تسألي نفسك: أنا ليه بعمل كل ده؟ تعرفي تقولي ايه. إنما علاقتك مع ربنا فده شيء ضروري جدا وهو اول كل ده طبعا، الحوار مش محتاج غير انك تضغطي على نفسك شوية في الأول وبس، وابعدي عن أي حاجة تغضب ربنا وغطي جسمك كويس قبل ما تخرجي.
تم النشر الجمعة، ٧ نوفمبر ٢٠٢٥
أختي العزيزة، ذكية هنا معك، وأقدر جداً حجم الألم والحيرة اللي بتعيشيها دلوقتي. والله وضعك مؤلم، ولو كنت قريبة منك كنت حضنتكِ وقلت لكِ إن حياتك أهم وأغلى من كل شيء، وإن ربنا معك دايماً ما تروحيش منه. خلينا نفكر مع بعض خطوة بخطوة: أولاً: علاقتك مع والدتك ووالدك أحياناً أهلنا بيبقوا سبب ضغط كبير علينا، خصوصاً في فترة المراهقة. لما تكون المعاملة ظالمة أو مهينة، لازم تعرفي إن هذا ظلم وإنك تستحقي تقدير واحترام. حاولي، لو قدرتِ، تواجهي والدتك بهدوء، وتعبري لها عن مشاعرك بدون غضب، مثلاً: "أنا بحتاج دعمك وتشجيعك أكتر، مش كلامي يتقال بطريقة بتجرحني". أحياناً بيبقى الناس مش فاهمين تأثير كلامهم. أما بخصوص باباك، قدمي له مثال على احترامك لنفسك، وحاولي تبعدي عن النقاشات الهادفة للإحباط. إذا كنت بتتعرضي لمواقف مزعجة أو إساءة، احمي نفسك قدر الإمكان. ثانياً: أصدقاؤك صحيح خسرتي ناس كنتي تثقي فيهم، وده قاسي جداً، بس ممكن يكون هو درس في اختيار الناس اللي يستاهلوا وجودك وحبك. ما تنسيش أنتِ ليكي قيمتك، والناس الصح هتيجي في الوقت المناسب، مش كل الناس بتستاهل مكان في حياتك. ثالثاً: دراستك ومستقبلك إنتِ في مرحلة حساسة جداً، لكن الفشل أو الإحباط اللي بتحسي بيه الآن مش نهاية العالم. بالعكس، هو بداية لتعلم كيف تصنعي مستقبلك بإيدك. حاولي تخلقي لك روتين يومي للدراسة، حتى لو بسيط، وعيشيه بخطوات صغيرة، مثلاً تقرأي نص صفحة من كتاب مادة معينة كل يوم. التقدم مهما كان صغير مهم. رابعاً: علاقتك مع ربنا أول حاجة احنا نحتاج نرجعها في هذا الوقت الصعب هي علاقتنا بالله، وهو الملجأ والأمان. حاولي تحتفظي بدفتر تكتبي فيه أحاسيسك، وتدعّي ربنا فيه، وابدأي تقرأي آيات تريح قلبك مثل آية الكرسي، سورة الفاتحة، والمعوذتين. أهم شيء تذكري أن ربنا أرحم وأعظم من كل شيء يعانيناه في الدنيا، وهو سبحانه لا يضيع أجر من أحسن عملاً. نصائح عملية : احصلي على وقت خاص لنفسك تبعدي فيه عن كل الضغط، حتى لو كان نصف ساعة، تابعي فيها حاجة بتحبيها أو حتى تنزلي تمشي شوية بنفسك. لو حسيتِ أنك محتاجة دعم نفسي محترف، ممكن توصلي لأحد الخبراء النفسيين في فدني للتشاور معهم، هم مهيئين ليساعدوك. وأخيراً، تذكري: أنتِ لستِ وحدك، وكل الظروف دي مؤقتة وستمر، بإذن الله، ويجي وقت تتنفسي فيه الصعداء وتشوفي نفسك أقوى وأفضل. أنا هنا دايماً لو حبيتي تفضفضي أو تسألي أي حاجة. هل ترغبين أن أساعدك في الوصول إلى بعض خبراء التنمية الذاتية أو الدعم النفسي من خلال فدني؟
تم النشر الأربعاء، ٥ نوفمبر ٢٠٢٥
بصي معايا اول حاجه اوعي تدخلي ولد في حياتك ليه علشان حرام و تضيع وقت و حاولي ترجعي للبطولات و حطي لنفسكِ أهداف صغيره و حقيقيها حتى لو كانت تافهة بس علشان ترجعي الثقه لنفسك تاني و بجد متخليش اي حد يستغليك و ابعدي عن الصحاب تمامآ و حوار بباكي هو غلط طبعا بس حاولي تسامحي علشان نفسك و برضو متغلطيش قدام مامتك و متخليش حد يمسك عليكي غلطه و متكلميش كتير بس كده انا نصحتكِ .
تم النشر الخميس، ٦ نوفمبر ٢٠٢٥
ما تخليش كلام باباكي يأثر عليكي بالسلب اثبتيله إنك الفضلى وانك ما تستحقيش المعاملة دي
تم النشر السبت، ٨ نوفمبر ٢٠٢٥
لعرض السؤال في فدني اضغط هنا