السلام عليكم ورحمه الله وبركاته
انا سلبيه بطريقة مش كويسة وبفكر كتير وبشك كتير وبالذات لما يحصل موقف معين من شخص كنت احبه أو افتكرته كويس المهم دلوقتي أنا كنت عامله حسابي اول لما ادخل تالته ثانوي باذن الله هبطل تليفون وكلام كتير وأبطل اذاكر في وقت قصير واحفظ حفظ جامد ومش اضيع واجب أو مسألة لكن حاليا متراكم عليا
وكل لما شي يطلع لي شي تاني وزهقت واهلي كل شوي يقولوا فرحينا وهكذا ومش عايزة يفقدوا ثقتهم أو اكون شي سيئ عندهم وامي كل شوي بتشكي مرات عمامي ومواقفهم لأنهم صحاب وهي لا وفعلا تصرفاتهم مش كويسه يعني مثلا يضحكوا ويهزروا ويعرفون بعض كل حاجه وامي لا وامي كل لما يحصل موقف تيجي تشكي وهي بتدقق جدا
وانا صراحه ببقى مش عايزه مشاكل حد عشان دماغي هطق من مشاكلي وستي ام بابا بتحب بنتها الكبيرة جدا وبتحب عيالها وتخاف عليهم وتديهم فلوس وتعاملهم بطريقه خاصه وعيال ولادهم نص المعامله أو أقل كمان وصراحه بتفضل تسأل كتير عليا هو أنت بتروحي مدرسه هو أنت رايحه درس مين لاني زميلة بنت بنتها الي بتحبها اسمها امنيه هي امنيه معكي وهكذا وتقول هو بتعملي اي في الاوضه بس مش قالتها من فتره
وكل فتره تقول انت في سنه كام لما اقولها تضحك وتقول بنسى للعلم انو بنتها الكبيرة مش كويسه يعني بتكرهنا وعايز تاخد ورثها يكون كبير بس جدو اصلا مش راضي يوزع الورث بيحبه اكتر من عياله دلوقتي مافيش حد بيحبنا فالعيله وعايزين نكون مش متعلمين أو مبسوطين وانا صراحه مش عارفه اعمل ايه وزهقت أقروا واعرفولي مشكلتي والحل أي أو نصيحتكم اي لأني زهقت من نفسي
والله ما دام انت شايفه ان في ناس عايزاكي تبقي تحت فانت لازم تعليه لازم تعملي حاجه سيبك بقى من مشاكل والهبل ده كله مع السنين ومع الزمن هتلاقي كل ده بيدوا ولما ما فيش حد بيحبكم مش مشكله المهم ان انت تحبي نفسك ركزي على مذاكرتك وركزي ان انت تبقي حاجه عشان لما تبقي حاجه الكل هيحترمك والكل ساعتها هيقول ياه ده فلانه ده انا قريبه فلانه الفلانيه ده ده الفلانيه دي حفيدتي فالكل هيفتخر بك حتى لو ما كانش بيحبك فانت لازم تعملي حاجه لنفسك سيبك خالص من المشاكل المشاكل دي مشاكل اهل مع بعضيها ريحي دماغك فضلي دماغك وركزي في تعليمك بس انت لسه في اول السنه بتقولي في حاجات متراكمه عليا اما لو قدمنا شويه هتعملي ايه؟ فركزي في مذاكرتك ركزي في مستقبلك وحاولي تبقي حاجه الكل يفتخر بيها حتى لو مش بيحبك.
تم النشر الأربعاء، ٨ أكتوبر ٢٠٢٥
وعليكم السلام ورحمة الله وبركاته، عزيزتي، أشعر بما تمرين به من ضغوط نفسية كبيرة، وأريدك أن تعرفي أن ما تشعرين به طبيعي جدًا في مثل ظروفك، خصوصًا مع كمية التحديات الشخصية والعائلية التي تواجهينها. دعيني أساعدك في تفكيك ما بداخلك بشكل منظم وأعطيك بعض النصائح العملية التي قد تريح فكرك وقلبك بإذن الله. أولاً: عن شعورك بالسلبيّة والشكّ المستمر والتفكير الكثير عندما نشعر بالتوتر والضغط الزائد تتكدس الأفكار في عقلنا، فنبدأ نشك ونقلق أكثر مما يجب. حاولي تدريجيًا أن تحددي أوقات معينة تسمحي فيها لنفسك بالتفكير، ثم تحاولي تحويل انتباهك لما هو إيجابي أو للخطة التي وضعتها لمستقبلك. ثانياً: موضوع الدراسة والحسابات والعزيمة لتغيير نفسك خطوة قرارك التوقف عن استخدام الهاتف كثيرًا والتركيز على الدراسة تعني أنك وصلتِ لنقطة قوة وإرادة جيدة. ابدئي بتنظيم وقتك: خصصي أوقاتًا محددة للدراسة، ومكافئي نفسك عندما تنجحين في الالتزام. لا تحملي نفسك فوق طاقتها، بل قسمي المواد إلى أجزاء صغيرة وسهلة الحفظ. ثالثاً: الضغوط الأسرية والجو الأسري المحبط شعورك أن أهلك وضغطهم ونظرتهم يؤثرون على نفسيتك صحيح، ولكن تذكري أن حب والدك واهتمام والدتك أولى علامات المحبة والدعم. حاولي أن تكوني صبورة معهم، وأشعريهم بلطف اهتمامك بما يقولون، واجتهدي أن يكون نقاشك معهم هادئ بعيدًا عن الصدام أو الشكوى المستمرة. بالنسبة لمواقف والدتك ومشاكل العائلة الكبيرة، لا تحملي نفسك عبء إصلاح كل شيء. كلِّفِ الله وركزي على ما يمكن لك تغييره في حياتك. رابعاً: نصائح عامة لتخفيف الضغط النفسي ولزيادة الإنتاجية سجلي أهدافك اليومية واحتفلي بالتقدم ولو كان صغيرًا. مارسي الرياضة ولو مشي بسيط كل يوم. احرصي على النوم الجيد، فالنوم يؤثر بشكل كبير على قدرتك على التركيز والمزاج. لا تخجلي من طلب المساعدة ولو من خلال الاستشارة مع الخبراء المتخصصين فدني موجود لهم، ويمكنك التحدث مع أحدهم لتوجيهك بشكل أعمق. خامسًا: تذكير روحي هام لا تنسي أن التوكل على الله والاستعانة به في كل حال من الأحوال يريح القلب ويزيل الهموم. حاولي قراءة آيات من القرآن الكريم أو أذكار الصباح والمساء، فذلك يبعث على السكينة والطمأنينة. عزيزتي، حاولت أساعدك بتقسيم مشكلتك لحاجات واضحة ونصائح عملية، وإذا حبيتي تتحدثي أكثر، أو تحتاجي نصائح خاصة في جانب معين (مثلاً دراستك، علاقتك مع أهلِك، أو تنظيم وقتك)، أنا هنا معكِ دائمًا. وأيضًا أنصحك بالاطلاع على تجارب وأسئلة أخرى في فدني، وأحيانًا قراءة قصص وتجارب مشابهة تعطي طاقة إيجابية، ولا تترددي في مراجعة خبراء فدني الذين يمكنهم تقديم استشارات أعمق. ربي يوفقك وينير طريقك، وأنتِ قوية بإذن الله! 🌸✨ هل تحبين أساعدك في خطة يومية للدراسة والتنظيم؟
تم النشر الأربعاء، ٨ أكتوبر ٢٠٢٥
يقلبي انتي بس متشتته ودا شئ طبيعي جدا انتي محتاجة تفضي دماغك من كل الكلام دا ومتشغليش دماغك بأي حاجه خاااالص غير مذاكرتك ومش هما ال هيقرروا انتي تتعلمي ولا لأ طول ما مامتك موافقه ولاباباكي انسي أي حد تاني والأفضل انك تعملي جدول عشان تلمي المتراكم وتركزي ف مستقبلك وبس اصل المشاكل دي ولا هتفيدك ولا هتضرك
تم النشر الأربعاء، ٨ أكتوبر ٢٠٢٥
ربنا يعينك وييسرلك الامور
تم النشر السبت، ١١ أكتوبر ٢٠٢٥
بحاول ابعد وربنا يعيني
تم النشر السبت، ١١ أكتوبر ٢٠٢٥
الحل مع أنة صعب بس لازم تبعدي نفسك عن مشاكل عموما دي اولي خطوات الحل وممك امشي معاكي خطوة بخطوة لو تحبي
تم النشر الجمعة، ١٠ أكتوبر ٢٠٢٥
يمكن عشان باصة للجانب السلبي وكمان واخدة من تفكيرك كتير المشاكل دي كلها
تم النشر الجمعة، ١٠ أكتوبر ٢٠٢٥
لعرض السؤال في فدني اضغط هنا