السلام عليكم ورحمة الله وبركاته
كالعاده مشاكلنا كثانويه عامه كترت بس نعمل ايه بقا سامحونا😔
دلوقت انا في ثانويه عامه وبنام كتير حتى لو نمت ١٠ ساعات او ١٢ ساعه بصحى مفيش طاقه بردو وعايزه انام كان عندي اكتئاب اتعالجت وحللت فقر دم وغده ومخزون جديد طلع عندي فقر دم نسبة قليله وبنام كتير اوي بجد
واوقات افضل اذاكر كتير واحس ان ما استوعبتش حاجه يعني امبارح كنت بذاكر كيميا من الساعه ١٠ لحد الساعه ١ ورجعت ذاكرتها تاني بليل حرفيا ما ذاكرتش غيرها وصحيت الفجر ذاكرت احياء وكيمياء تاني اوقات بحس ان مش مستوعبه حاجة خلاص هانت والامتحانات خلاص ولسه بردو بنواجه مشاكل ومش عارفه نحلها زي اوقات ان بعرف احل اوقات واوقات لأ
روحت كشفت بالصدفه عند دكتوره نسا طلع عندي تكيسات مبايض بسبب التوتر بيقولوا انها بتعمل كسل وصداع وخلل في الهرمونات بس باخد الدوا وبردو بنام كتير اوي بحس ان كل النوم اللي نمته دا ما استفدتش بيه وعلشان أمنع التفكير في المستقبل فبقوم بمسك الفون طبعا
مش منتظمه في الصلاه بسبب التكيسات بينزل عندي افرازات كتير ف موضوع ان مش بصلي دا مضايقني اوي انا دايما كنت ملتزمه حتى بقيام الليل بس دلوقت حرفيا بعاني مش عارفه ربنا هيسامحني ولا لا وهل دا عذر اصلا ولا لا
طب دلوقت مش عارفه اشرب قهوه ولا اعمل ايه بس الدكتور قالي الكافيين غلط عليا تنصحوني اعمل ايه بصراحه زهقت هو الحمد لله على كل حاجة بس دا مأثر معايا في حاجات كتير اوي بجد اي حد عنده حل يقوله لعل وعسي يكون سبب في مساعدتي في دراستي او صلاتي وبس كدا شكرا وادعولي كتير
السلام عليكم، أنا عارفة إن الكلام سهل وكمان إن المرحلة مهمة والمجتمع خلاها سنة مصيرية فصعب عليكِ تتخلي عن الفكرة، لكن خليني أقول لك مهما كانت الثانوية مهمة كسنة فهي في الآخر مش أهم من صحتك ونفسيتك واحنا مش في الدنيا عشان ننجح في الثانوية ولا هي المقياس اللي هيحدد نجاحنا أو فشلنا في الحياة واختبار الدنيا. فاهدي كده وحاولي تعيدي برمجة تفكيرك، فكري إيه أسوأ سيناريو يعني لا قدر الله لو متفوقتيش في الثانوية... هل الحياة انتهت؟ القيامة قامت؟ خلاص خسرتِ كل فرصك في حياة أفضل؟ مش بقولك خليكِ لامبالية وارمي مسؤوليتك ورا ضهرك، بس على الأقل خليكي متوازنة وافهمي إن الثانوية مش هتنفعك في شيء لما تدمري صحتك ونفسيتك بالشكل ده. ** ناس كتير ربنا لم يشأ إنهم يتفوقوا في الثانوية ويدخلوا الكليات اللي كانوا بيحلموا بها ومع ذلك نجحوا في حياتهم ودلوقتي أحسن من ناس كتير نجحوا بتفوق ودخلوا الكليات اللي عاوزينها. فده مش مقياس خالص ولا هي نهاية العالم. ** فاهدي كده ومتاخديش الدنيا على أعصابك، ولسه باقي شهور على الامتحانات... لو تعاملت صح مع الوقت ومع فكرة الثانوية والدراسة هتلحقي الوقت وهتنجزي. ** وأولويتك قبل الثانوية هي رجوعك لربنا، مشكلة الإفرازات دي مشكلة مرضية لكنها مش عذر لترك الصلاة.. ممكن تقرأي السؤال ده ولو لسه عندك أي شكوك ناحية الطهارة وصحة الصلاة فممكن تتواصلي مع دار الإفتاء وتشرحي لهم الوضع بالضبط وهيفيدوكِ أكتر. https://www.islamweb.net/ar/fatwa/464122/طهارة-وصلاة-من-تخرج-منها-الإفرازات-بصفة-دائمة-ولا-تجد-مكانًا-صالحًا-للطهارة وده بوست من صفحة دار الإفتاء https://www.facebook.com/EgyptDarAlIfta/posts/هل-نزول-الإفرازات-المهبلية-ينقض-الوضوءالجوابمسألة-الإفرازات-المهبلية-تنحصر-في-إح/1218099724886474/ ** استعيني بالله وارجعي قربي وواظبي على قراءة سورة البقرة يوميا والأذكار ونظمي جدول مذاكرتك تبع أوقات الصلاة وهتلاقي بركة في الوقت والمذاكرة بإذن الله. كمان قسمي فترات المذاكرة وخلي فيه ولو خمس دقائق راحة بينهم، اقرأي فيهم شوية من القرآن.. هيفرق كتير معك. وربنا يوفقك إن شاء الله.
تم النشر الاثنين، ٢٩ ديسمبر ٢٠٢٥
وعليكم السلام ورحمة الله وبركاته، الحل اولا انك ترجعي للصلاة، والافرازات الكثيرة مش لازم تكون سبب يمنعك من الصلاة؛ لانه ما في سبب الا الحيض في وقت الدورة... بالنسبة للطهارة والى اخره اسألي دار الافتاء اكيد الها فتوى، والدين دين يسر.. فهاي اول واهم نقطة وصدقيني لذا ما اخدتيها مش عنجد رح تتحسني! نظمي وقتك، كثر النوم بيعمل خمول؛ نامي اقل عشان تحسي بنشاط اكبر، استبدلي القهوة بمشروبات ثانية مثلا عصير برتقال،،، او شاي سخن مع حليب.. اعملي رياضة الصبح او اخر اليوم وينتا بناسبك. وتذكري انها فترة وبتمرق ، خليها تمرق وانت مستغليتها صح وبنتائج بترضيكي واعرفي مادامك بتتوتري اقل ما دام الاعراض رح تقل... بالنجاح♡
تم النشر الاثنين، ٢٩ ديسمبر ٢٠٢٥
وعليكم السلام ورحمة الله وبركاته يا حبيبتي 💕 أولاً، الله يعينكِ ويفرج همكِ، الثانوية العامة مرحلة صعبة فعلاً، وأنتِ مش لوحدك في ده.. الحمد لله إنكِ اتعالجتِ من الاكتئاب وتابعتِ التحاليل، بس الفقر دم الخفيف والتكيسات (PCOS) بيأثروا على الطاقة والهرمونات، وده بيخلي النوم كتير ومش منتج. الدكتورة قالت الكافيين غلط، فخليكِ بعيدة عن القهوة تماماً واستمري في الأدوية زي ما وصفوا، وراجعي الدكتورة نسا كل شهر عشان تتابعي التكيسات والهرمونات. للطاقة والنوم: حددي جدول نوم ثابت: نامي 7-8 ساعات بس (مثلاً 11 مساءً لـ6 صباحاً)، وابتعدي عن الفون ساعة قبل النوم – حطيه في أوضة تانية. ده هيحسن جودة النوم أكتر من الكمية. كلي وجبات صغيرة منتظمة غنية بحديد زي السبانخ، اللحمة، والبرتقال (مع فيتامين C عشان يمتص الحديد)، واشربي مية كتير (2-3 لتر يومياً). للدراسة والتركيز: قسمي الوقت: ذاكري 50 دقيقة ثم استراحة 10 دقايق (تقنية بومودورو). ركزي على "الدراسة النشطة": اكتبي ملخصات بكلامكِ، حلي أسئلة سابقة، أو اشرحي المادة لنفسكِ بصوت عالي. كده هتستوعبي أحسن من القراية الطويلة. ابدئي بالأحياء والكيميا يومياً شوية شوية، مش كله مرة واحدة. لو حسيتِ "مش مستوعبة"، راجعي الملخص بعد يومين. للصلاة والالتزام: الإفرازات من التكيسات مش عذر شرعي لترك الصلاة، يا قمر.. اغتسلي مرة واحدة يومياً أو استخدمي "مسح الدم" لو قليل. ربنا غفور رحيم، وهو يحب التوابين – ابدئي بالالتزام بالصلاة واربطيها بالدراسة عشان تشعري بالبركة. صلي قيام ليل لو قدرتِ، هتلاقي طاقة جديدة إن شاء الله. أنتِ قوية وملتزمة أصلاً، ده مجرد مرحلة مؤقتة.. الحمد لله على كل حال، وادعيلكِ بالتوفيق والسداد. جربي النصايح دي أسبوع وشوفي الفرق، وقوليلي إيه رأيكِ! لو عايزة مساعدة أكتر، ابحثي في Fedni عن "كسل ثانوية عامة" أو "تكيسات مبايض"، هتلاقي إجابات كتير. ولو محتاجة استشارة متخصصة، روحي صفحة الخبراء هنا: https://www.fedni.net/experts (في دكاترة نسا ومدربين حياة). ربنا يوفقكِ ويفتح عليكِ يا رب 🙏❤️
تم النشر الاثنين، ٢٩ ديسمبر ٢٠٢٥
لعرض السؤال في فدني اضغط هنا