عارف لما تبقى حاسس إن مفيش حاجه عجباك مفيش حاجه ماشيه زى ما أنت عايز كل حاجه واقفه فى حياتك حاسس انك معندكش شغف لدراستك ولا إنك تكلم حد عارف لما تبقى حاسس انك خايف تشوف الناس حاسس انك مش مبسوط وسط حد أو انك تقيل دايما عليهم وانى زهقانه كده منهم وفى نفس الوقت متضايقه ان حاسه ان مبقاش عندى شخص قريب اوى منى بس بردو حاسه انى مش عايزه حاسه إن حتى اهلى مش عاجبينى ......والاوحش انك مبوظ حتى علاقتك مع ربنا بطريقه صعبه ومش قادره أصلح اى حاجه ولا حتى عايزه اعيش الحياه اللى بالنسبالى صعبه
اعمل اي ياخواتى؟
هو طبعا فيه كلام كتير محتاج أسأل فيه وأفهم سبب الاحساس ده وفي نفس الوقت تقولي الي جواكي ولكن بما ان ده صعب فأنا هعتبرك في حالة burn out بمعنى خلاص مفيش طاقة ولا شغف نعمل حاجه حتى عاداتنا اليومية البسيطه... وبناء على كده هنبدأ نعمل plan أو خطه تدريجيه يعني الأول : بنبدأ نصلح علاقتنا بربنا وده بيكون تدريجي بمعنى أول حاجه ركعتين بعد دوش سخن رايق كده ونشكي همنا لربنا... بعد كده ورقه وقلم وأكتب انا حاسس ليه كده بمجرد ما نكتب الأسباب الهموم هتبدأ تخف وعقلنا هيبدأ يخرج من الدايرة الي هو فيها وينطلق.... وبعد كده هبدأ أصلح علاقتي بربنا تدريجيا وألتزم بالبسيط يعني مثلا أصلي الفروض لو الصلاة حاسسها تقيلة والسنن لما نتحسن نكملها وهكذا.... هناخد اليوم ده بريك بعيد عن دوشة الدنيا مع كوباية قهوة أو أي حاجه تحبيها ونعمل حاجه بنحبها ميكونش فيها شاشات أهم حاجه يعني قراءة.. جيم.. خروج من البيت نتفسح... أكلم حد أرغي معاه وهكذا وواحده واحده عقلك هيخرج من الحاله دي ويرجع لنشاطه والهرمونات والنواقل العصبية كله هيرجع لطبيعته ان شاءالله ... ودمتي سالمه ❤️
تم النشر الأربعاء، ١٠ ديسمبر ٢٠٢٥
مش كل حاجة عايزينها بتحصل أو هتحصل في حاجات كتير مش هتمشي مع مزاجنا ده عادي جدا ولكن أهم حاجة تصلحي علاقتك بربنا ارجعي صلي تاني واحدة واحدة مثلا لو كنتي بتصلي الفروض من غير السنة ابدئي صلي سنة فرض الأول وبعدين هتصلي الفروض والسنن كلها اقري قرآن دايما ولما علاقتك بربنا تتصلح كل حاجة هتتصلح في حياتك والناس مستحيل يبقوا زي ما إحنا عايزينهم لأن كل واحد وشخصيته وطريقته الأهم إنك تصلحي نفسك وتكوني الشخص إللي إنتي عايزا تشوفيه في الناس وارضي بكل حاجة عندك لأن في ناس كتير معندهاش أهل أو بيت حتي إنتي في نعمة كبيرة وربنا يصلح حالك
تم النشر الجمعة، ١٢ ديسمبر ٢٠٢٥
قربي من ربنا وادعي بكل حاجه مضيقاكي وادعي أنه يعوضك عن كل حاجه وأنه يدبر امورك ويصلحلك الحال واي حاجه انتي عايزاه بس المهم انك تقربي من ربنا ،وابدئي اهتمي باولوياتك سواء دراستك أو غيره ابدئي واحده واحده وابعدي عن الناس اللي بتئذيكي أو اتجنبيهم وخالي في حدود في التعامل معاهم واتصاحبي علي أشخاص كويسين وحسني علاقتك مع أهلك وربنا يصلحلك الحال .
تم النشر الأربعاء، ١٠ ديسمبر ٢٠٢٥
ربنا بيقول : ولنذيقنهم من العذاب الادنى دون العذاب الاكبر لعلهم يرجعون علاقتك مع ربنا مبني عليها كل حاجه يعني لو وحشه مش هتلاقي حاجه فيها بركه مهما كانت كويسه واحسن من ناس كتير ف ابدئي صلحي علاقتك بالله صلى الفروض وابعدي عن الحجات الكبيره وتوبي منها بشكل مستمر وربنا بيحب الاوابين وربنا بيقول من تقرب مني شبرا تقربت منه ذراعا الى آخر الحديث
تم النشر الجمعة، ١٢ ديسمبر ٢٠٢٥
ده نفس اللي بيحصلي بالظبط
تم النشر الخميس، ١١ ديسمبر ٢٠٢٥
لعرض السؤال في فدني اضغط هنا