ازاي اقدر اتخطىٰ موقف اني شوفت بابا بيشوف صـور إباحية على الفون بالصدفة من غير أي قصد مني او تجسس انا كنت داخله الاوضة اقوله بابا يلا عشان نتغدى الفون اتقلب قدامي كده وهو بيعدل نفسه لقيت المنظر ده امممم مش عارفة أعمل ايه الصراحه
مع انه علاقته بوالداتي الجنسية ماشاء الله منتظمة مره او مرتين تلاته في الاسبوع بس حقيقي مش قادرة اتخطى الموقف او اشوف انه عادي بني آدم ويغلط فاهمين صح...
انا خايفه غصب عني اتعامل معاه بطريقة وحشة خصوصا اني اليومين دول بحاول اتجنبة وبردو بقول هو بني أدم عادي بس مش عارفة خصوصا انه مش بيقصر معانا في حاجة وكويس، دلوقتي كل ما بيدخل الاوضة ببقى عارفة انه دلوقت بيتفرج على الحاجات دي مش عارفة تايهه اوي وحاسه اني مش مظبوطة مع العلم ان بابا عرفيا محترم ربنا يديمها عليه وبيصلي ويعرف ربنا وهو الكبير اللي بيقعدو لما بيكون في مشكلة وكده فاهمين ليه وضعه يعني بس عارفين مفيش بني آدم على الصراط المستقيم ممكن يكون هو ده الدروب الوحيد
انا ٢١ سنة
وهو ٤٧ سنة
فدوني ربنا يبارك فيكم
السلام عليكم، ممكن تحسني الظن وتقنعي نفسك إن ممكن جدا الصور ظهرت له صدفة زي ما حصل مع ناس كتير، ممكن يكون فتح صفحة أو ضغط رابط من غير ما ينتبه وفتح له ده في وقت دخولك أو تكون أول مرة ومقصدش. وزي ما قلتِ هو بشر وكلنا مش معصومين من الوقوع في الذنوب وادعي له بالهداية وحاولي تشغلي نفسك فب حاجات تانية والموضوع هيروح من بالك إن شاء الله خلال أيام وأو مش هيكون له نفس الأثر النفسي الحالي. ربنا معكم ويبعد السوء عن بيتكم.
تم النشر الأربعاء، ٦ مايو ٢٠٢٦
بصي يا بنت الحلال كل بني آدم فينا وعنده صندوق أسود ومستور بستر ربنا وأبوكي بشر مش ملاك وتصرفه ده ذنب بينه وبين ربه مالكيش دعوة بيه خالص ولا ليكي إنك تحاسبيه عليه إنتي ليكي الأب اللي بيعاملكم كويس وشايل مسئوليتكم وفاتح بيته وربنا بيقولنا نصاحبهم في الدنيا معروفاً حتى لو فيهم عيوب الدنيا فكبري دماغك خالص وما تفتشيش ورا الشيطان عشان ما يكرهكيش في أغلى الناس ليكي واستغفري له في سرك وادعي له بالهداية وخليكي زي ما إنتي بنته الحنينة الساترة لأبوها وافتكري دايماً إن من ستر مسلماً ستره الله فما بالك بقى لما يكون الساتر ده هو البنت لأبوها شيلي الفكرة من راسك وعيشي حياتك طبيعي وربنا يريح بالك ويهدي حالنا جميعاً وحاولي قبل ما تدخلي عليه تنادي عليه من بعيد ... واوعي تفكري تكلميه في حاجه.. وجد والله ربنا يهديه ويصلح حالو
تم النشر الخميس، ٧ مايو ٢٠٢٦
بصي سيبك بجد من كل التعليقات والاجابات الموجودة ( مش بقول هم غلط ) بس هل ملفتش انتباهك أن ممكن والدك دخل بالغلط مثلا او يمكن جاله اشعار فدخل عليه لقي الحاجة دي او يمكن كان بيعمل للحاجات دي حظر من التلفون بتاعه او يمكن شاف فديو بيتكلم عن سيرش معين بحث عنه بدافع الفضول فشاف حاجة مش كويسه ودي حصلت انا معايا شخصيًا بجد في الف ومليون احتمال أن تكوني فهمتي غلط او ظنيتي سوء طب افرض مثلا انتي صح وهو كان بيشوف الحاجة دي ممكن مره بدافع فضول او مثلا غصب عنه التمسي له الاعذار وادعي له انا فاهمة أن الآباء بيكونو قدوة بس متنسيش هو بشر وصدقيني ممكن تكوني ظلماه وربنا يصلح حالك وحال اسرتك
تم النشر الأربعاء، ٦ مايو ٢٠٢٦
انسي الموضوع الإنسان ضعيف وبيخطأ .. علشان كده ربنا دائماً بيدعونا للتوبة وجهاد النفس. وموضوع الإباحية ده فتنة عظيمة للأسف مفيش بيت من بيوت المسلمين الا وفي فرد منهم اتعرض للفتنة دي .. وبصراحة أنا كنت واحد منهم والحمد لله قدرت أتخطاها وربنا يتوب علينا جميعا فالله أعلم بردو افرضي حسن النية ممكن يكون إعلان لأن بالفعل في تطبيقات فيها الاعلانات القذرة دي زي مثلا Shareit , Dropbox , Terabox وتطبيقات كثيرة للأسف وكذلك مواقع زي مواقع مشاهدة الأفلام والمسلسلات أحيانا بيكون فيها كده ولو إفترضنا أنه كان بيتفرج ربنا يتوب عليه يا رب فمعلش لحظة ضعف طب ايه الحل إنسي ، وحاولي كل متحسي انه بيتسحب كده علشان يقعد لوحده غلسي عليه وإفضلي معاه 😅 ما هى رخامة بقى 🤪 وإن شاء الله خير
تم النشر الخميس، ٧ مايو ٢٠٢٦
يا حبيبتي، أول حاجة أقولك إن اللي حصل ده مش خطأك خالص، وصدمتك طبيعية جداً 100% – أي بنت في سنك هتحس كده لو شافت حاجة زي دي بالصدفة. باباكِ بشر زينا، وده مش معناه إنه مش كويس أو مش محترم؛ الشيطان بيوسوس الكل، خاصة في عالم الإنترنت ده اللي مليان فتن. ربنا يستر عليه وعليكِ، وأنتِ مش غلطانة إنك حاسة بالارتباك ده. ازاي تتخطي الموقف عملياً؟ متفتحيش الموضوع معاه أبداً : الستر أفضل، وده هيخلي الأمور أسوأ. خليه سر بينكِ وبين ربنا. ركزي على الإيجابي : هو بيصلي، بيخاف ربنا، مش بيقصر معاكم – ده اللي يهم. كل ما تدخل الغرفة أو تشوفيه، قولي لنفسك "ربنا يهديه ويغفر له"، وابتسمي وكلميه عادي زي الأول. لو حسيتِ بالتوتر : اقعدي لوحدكِ شوية، اقرئي قرآن، أو صلي ركعتين توبة واستغفري لنفسكِ عشان الوساوس دي. ده هيريح قلبكِ سريع. غيري روتينكِ : لو بتدخلي غرفته كتير، قولي لأمكِ هي اللي تناديه، عشان تتجنبي المواقف دي مؤقتاً لحد ما تهدي. أنتِ 21 سنة، عاقلة وواعية، وده هيعدي إن شاء الله في أيام. باباكِ كنز، ربنا يبارك فيه ويثبته على الطاعة. لو عايزة دعم أكتر أو نصيحة نفسية، دوري في فدني على أسئلة مشابهة أو شوفي الخبراء هنا: https://www.fedni.net/experts – في متخصصين رائعين في الإرشاد الأسري والنفسي من منظور إسلامي. قوي قلبكِ يا قمر، ربنا معاكِ ❤️
تم النشر الأربعاء، ٦ مايو ٢٠٢٦
ثانيا والدك محتاج التعاطف والدعاء والرأفة بحاله انه مبتلى في السن ده وضعيف قصاد افات الانترنت وفريسة للمواقع القذرة اللي عايزة تفتك بالكبير والصغير ربنا يعافي الجميع ... الفراغ وحش حاولوا تشغلوه طول الوقت وتكونوا حواليه من غير تلميح ولا تحسسيه بحاجة واتعمدي تمسكي موبايله وتقوليله في فيروسات باين حاجات غريبة بتظهر وهو هيشك ويتكسف ان حد يشوف حاجة ويبطل تلقائي بس طبعا تمسكي الموبايل بلطافة هات اعمل مكالمة او ادخل من عندك على حاجة وهكذا لكن ماتجيبيش سيرة لحد وحافظي على صورته ولا تخلي الموضوع ده يأثر على حبك واحترامك ليه ونصيحة مالكيش دعوة بعلاقته بمامتك ولا تتتابعيهم وتراقبي خصوصياتهم بالشكل المذكور ده ماتركزيش معاهم ركزي على دراستك وشغلك وطوريهم وادعي ربنا يحفظهم ويبعد عنهم الشياطين
تم النشر الأربعاء، ٦ مايو ٢٠٢٦
من ستر مسلما ستره الله في الدنيا والاخرة ده اولا
تم النشر الأربعاء، ٦ مايو ٢٠٢٦
تحاولي بقدر الإمكان تنسي الأمر وتحذفيه من دماغك، كل ابن آدم خطاء، وانت ملكيش اي دخل في أمر زي ده، تناسيه، هو ابوكي وبار بيكم وبيرضيكم فخلاص، وادعي له بالهداية ده بس اللي في ايدك
تم النشر الأربعاء، ٦ مايو ٢٠٢٦
هختصر عليكى الحالة اللى انتى فيها ، انتى حاليًا مصدومة مش عشان هو عمل حاجة زى كده انتى مصدومة عشان ابوكى كنتى بتعتبريه القدوة الاولى فى حياتك ، على فكرة الشيطان الملعون هو السبب حالياً فى اللى انتى فيه ، الشيطان من ضمن أفعاله القذرة بيبقى عايز دائما الانسان يعيش فى هم ونكد ، وهو عرف يدخلك من مدخل صعب جداً عليكى ، حالتك حالياً محتاجة إنك تكونى رحيمة بابوكى خاصة إنك قولتى إنه إنسان محترم ، فده كفيل إنك تتعاملى معاه بإحسان بسبب احترامه ليكم ومعاملته الحسنه ، وافتكري إنه كان ممكن يكون حرامى او شارب خمر مثلاً ، وعلى فكرة كل إنسان له ذنب منغص عليه حياته ، ابوكى نفسه هتلاقيه كاره نفسه وبيقعد مع نفسه كتير وبيقول ازاى انا كده
تم النشر الخميس، ٧ مايو ٢٠٢٦
انتي ممكن تتكلمي معاه وتقوليلو او حاولي كانك مشفتيش حاجه لان الموضوع ممكن تدايقي منوا
تم النشر الخميس، ٧ مايو ٢٠٢٦
ممكن تتابعي الدكتور عبد الرحمن ذاكر الهاشمي (منهجه من الاسلام والمجالس طويله ) وهو طبيب واستشاري نفسي وخطة الدراسة هي استماع لبرنامج مع نفسي ثم فقه الاخلاص ثم مجالس فقه النفس المختصره ولا تيأسي من طول المحاضرات (مثلي )
تم النشر الخميس، ٧ مايو ٢٠٢٦
شكرا لحضرتك
تم النشر الخميس، ٧ مايو ٢٠٢٦
شكرا لحضرتك أ محمد...
تم النشر الأربعاء، ٦ مايو ٢٠٢٦
بصي هو كل واحد ربنا ابتلاه بذنب معين يجننه والإباحيه بترفع نظام الدوبامين 250% و اوقات 300% و من قوه الإثاره العقل يطلب المزيد و المزيد حتي لو كان مجوز ده كمان حتى يثار محتاج يشوف او يسترجع صور و ده ازمه أجيال بعد التكنولوجيا مش ابوكي ف ربنا يهديه ويتوب عليه لان الموضوع سيئ ليه هو أكثر م ليكي وكلنا خطائين وأهم حاجه لا تنسي تنصحين مش لازم مباشر ممكن تكوني مشغله محاضره مثلا منشورات فيس مثلا وكذا او تنسي لان انا انتي وانا وابكي وابويا اكيد عندو ذنب ومشكله مجننه او ابتلاء لا يتوب منه او يموت عليه
تم النشر الأربعاء، ٦ مايو ٢٠٢٦
تمـام شكرا لحضرتك.
تم النشر الأربعاء، ٦ مايو ٢٠٢٦
لعرض السؤال في فدني اضغط هنا