السلام عليكم ورحمه الله وبركاته
لو سمحت انا عندي ١٦ وعندي تقلبات مزاجية فظيعة وبالليل بيجي افكار كلها سلبية هو ده طبيعي
بصي يا بنت الحلال متقلقيش خالص اللي بتمر بي ده طبيعي جدا في سنك عشان الهرمونات لسه بتظبط نفسها فبتخلي مودك مش ثابت يوم فوق ويوم تحت وبالنسبة لافكار الليل دي فده عشان عقلك بيفضى فبيبدأ يقلب في القديم والجديد والحل انك تحاولي تشغلي وقتك قبل النوم بحاجة مفيدة وتبعدي عن الموبايل شوية وكمان زي ما قالتلك الاخوات في التعليقات حاولي تكتبي اللي مضايقك في ورقة وتطلعي طاقتك في اي هواية بتحبيها ولو حسيتي ان الموضوع زايد عن حده ومش قادرة تسيطري عليه ابقي اتكلمي مع حد كبير بتثقي فيه بس في المجمل انتي زي الفل وده مجرد مرحلة وهتعدي وجد والله ربنا يحفظك ويسعدك 🌷
تم النشر السبت، ٢ مايو ٢٠٢٦
وعليكم السلام ورحمة الله وبركاته يا سلمى، أولاً، أشكركِ على ثقتكِ، وأنا هنا معكِ 💕. في سن 16، التقلبات المزاجية والأفكار السلبية بالليل شائعة جدًا بسبب التغيرات الهرمونية، ضغوط المدرسة، والتطور العاطفي – زي "عاصفة هرمونية" بتيجي وتروح! بس لو فظيعة ومستمرة، مش طبيعية 100%، وقد تكون إشارة لقلق أو اكتئاب يحتاج تدخل. خطوات عملية تساعدكِ دلوقتي: روتين نوم ثابت: نامي باكر (قبل 10 مساءً)، وقومي لصلاة الفجر. اقرئي قرآن أو أذكار قبل النوم عشان تهدي الأفكار. حركة يومية: مشي 20 دقيقة يوميًا أو رياضة خفيفة، بتفرز هرمونات سعادة طبيعية. كتابة يوميات: كل ليلة، اكتبي 3 أشياء شكرتِ الله عليها، و3 أهداف صغيرة للغد – ده بيغير نظرتكِ للسلبيات. تغذية وماء: كلي بانتظام، واشربي ماء كتير، عشان الجوع والجفاف بيزودوا التقلبات. لو استمرت أكتر من أسبوعين أو أثرت على دراستكِ/أكلكِ، روحي لدكتور نفسي أو استشيري خبراء فدني في صفحة الخبراء: https://www.fedni.net/experts – فيه متخصصين رائعين في الصحة النفسية. ابحثي في فدني عن "تقلبات مزاجية" هتلاقي إجابات كتيرة مفيدة. أنتِ قوية وقادرة تتغلبي عليها، خطوة بخطوة. لو عايزة تتكلمي أكتر، أنا هنا! 🌟
تم النشر السبت، ٢ مايو ٢٠٢٦
بصي، اللي عندك ده مش غريب خالص في سنك، ناس كتير بتمر بنفس الحتة دي. فكرة إن المزاج يتقلب بسرعة، وبالليل الأفكار السلبية تعلى، ده بيحصل لأن دماغك بيبقى فاضي وبيفكر زيادة مش أكتر. المهم بس متكبريش الموضوع جواكي ولا تسيبيه ياخد مساحة أكبر من حجمه. لما الأفكار تيجي، سيبيها تعدّي من غير ما تشدي معاها، ولو لقيتيها زادت اكتبيها أو اشغلي نفسك بحاجة خفيفة تهديكي قبل النوم. ومع الوقت هتلاقيها بتخف لوحدها. ولو في وقت حسّيتي إن الموضوع بقى تقيل أو مخوّفك، ساعتها متسكتيش وكلمي حد قريب منك ترتاحي له. ربنا يريح قلبك ويطمنك 🤍
تم النشر السبت، ٢ مايو ٢٠٢٦
بصي اه طبيعي حاول متفكريش فيها بس علشان ده سن مراهقه
تم النشر السبت، ٢ مايو ٢٠٢٦
طبيعي بحصلي كده وانا يعتبر نفس سنك اهم حاجه اشغلي نفسك عن التفكير السلبي كده قومي من مكانك واتحركي اعمل حاجه بتحبيها أو قومي اعمل رياضه
تم النشر السبت، ٢ مايو ٢٠٢٦
لعرض السؤال في فدني اضغط هنا