Mai Fouda♥️

حاولي لما تردي علي حد انك تدي نفسك ثانيه تفكري في كلامك وترتبي كلامك وبعدين تقوليه وبلاش العصبيه الزياده اللي تخلي اللي قدامك يفهمك غلط اهدي ورتبي كلامك واتكلمي بثقه وهدوء ،حاولي انك تتحكمي في عصبيتك وانفعالاتك خليكي هادئه وثابته وانتي بترودي ورتبي افكارك وخودي الموضوع ببساطه وواحده واحده هتتعودي وهيبقي الموضوع عادي .

قربي من ربنا وادعي بكل حاجه مضيقاكي وادعي أنه يعوضك عن كل حاجه وأنه يدبر امورك ويصلحلك الحال واي حاجه انتي عايزاه بس المهم انك تقربي من ربنا ،وابدئي اهتمي باولوياتك سواء دراستك أو غيره ابدئي واحده واحده وابعدي عن الناس اللي بتئذيكي أو اتجنبيهم وخالي في حدود في التعامل معاهم واتصاحبي علي أشخاص كويسين وحسني علاقتك مع أهلك وربنا يصلحلك الحال .

انت عندك قله ثقه فيها ومش قادر انك تديها الامان بص يا ابن الناس لو مش عارف تثق فيها ابعد صح هتتوجع عشان بعدت عنها بس دا هيكون احسن حل ليك وليها وطول ماانا مش قادر تثق فيها هتعمل اي لو حصل نصيب يينكوا هتكون دايما شاكك فيها ومش هتستمروا مع بعض وانت دلوقتي لو حصلت مشكلة بتستمر لكم يوم وكمان هي اللي بتكلمك مش انت وانتي مش بترجع لها عشان بتحبها لا عشان مش عاوز تكسر بخاطرها بس مش اكتر دا مش حب دا شفقه ابعد عنها صح هتتعب لما تنساك وانت برضوا بس دا احسن ليكوا انتوا الاتنين عشان طول ماانا مش مديها الامان دايما هتكون شاكك فيها وعمرك مهتقدر تكمل معاها والجواز مش لعب واهم حاجه فيه الثقه والاحترام .

ربنا يراضيك بالشخص الصح وربنا قال يؤتكم خيرا مما أخذ منكم ،انت في الاول خالص رغم أن انت كنت عارف عنها كل حاجه بس اتسرعت عقلك هيألك انك ممكن تغيرها ونسيت أن لو الشخص مش عاوز يغير من نفسه مش عشان حد عمره ما هيتغير الحمد لله انك فوقت وبعدت مش تزعل المفروض تحمد ربك كدا أحسن من انك كنت تتجوزها في الفتره دي قرب من ربنا ومش تفضل تجلد في نفسك وتقول ياريتني الحياه دروس والمفروض نتعلم منها وبعدين بص للأمر من منظور تاني أن ربنا بيحبك وعشان كدا نجدك كانت هتبقي مشكله فعلا لو انك كنت اتجوزتها كنت هتندم طول عمرك ،الايام بتنسي واحمد ربك وربنا يجعل في حياتك اللي تصونك وتحبك.

حاول انك تعتمد علي نفسك وزود ثقتك من نفسك مش تقلل من نفسك ورتب امورك وحاول انك تشتغل وانك توازن بين الشغل والدراسه واتصاحب علي ناس كويسه ومش تخلي في بالك فكره واحده وانك عندك فراغ عاطفي وانك لازم تكلم واحده لا غلط رتب أولوياتك وابني مستقبلك واشغل نفسك بيلي يفيدك واللي يساعدك ف المستقبل وهي تخلي الفكره الاهميه دي تخدعك وانك لازم تكلم واحده عشان ميكونش عندك فراغ عاطفي لا توكل علي ربنا وشوف مستقبلك ووفر مشاعرك للشخص الصح واللي هتكمل معاها مش تهدر مشاعرك مع الشخص الغلط ،حاول انك تعتمد علي نفسك وانك تشتغل بجانب الدراسه ودا بيزود ثقتك ف نفسك وبلاش الاوهام الخداعه اللي ممكن تقلل ثقتك من نفسك وقرب من ربنا وربنا يصلح الحال بإذنه.

قرب من ربنا واستغفر واحكيله عن كل حاجه اعتبره صاحبك اللي واثق انه عمره ميطلع سرك لحد واستغفر عن كل حاجه عملتها انت اه استسلمت وامشيت ورا الغلط رغم انك عارف أنه حرام وغلط ويمكن بررت دا أن اللي حواليك كدا بس رغم أن انا عارف أنه غلط وحرام عملته اللي حصل خلاص بس مش تتمادي ف الغلط ومش تبرر أن كل اللي حواليا كدا عشان هما غيرك وربنا يهدينا جميعا عارفه اللي حصلك وانت طفل اثر فيك اوي بس انت استسلمت لما كبرت وكنت عارف ان دا غلط وبرضوا عملته بس فوق بقى وكفايه كدا اولا زود ثقتك من نفسك وقول دايما اعوذ بالله من الشيطان الرجيم واي لحظه ضعف تفكر فيها استغفر وافتكر أن ربنا قريب منك ومعاكي في كل لحظه ربنا قال ونحن أقرب إليه من حبل الوريد صلي وتحميله حتي لو الحاجه دي بنسبالك عادي قول كل اللي عاوزه قوله يارب عاوز اقرب منك عاوز اتغير عايز أبقى عبد انت راضي عنه بس مش تقعد تجلد في نفسك حرام عليك نفسك هتحاسب عليها دي امانه وابعد عن كل الصحاب السوء واي حاجه انت عارف انها حرام وغلط واشتغل وأملي وقت فراغك ودائما اذكر ربنا وربنا يهدينا جميعا .

لا بلاش تقول لها كدا عشان متجرحهاش قول لها أن أنت مش قادر تكمل ولو سالتك عن السبب قول مش قادر اكمل ومش عاوز اظلمك معايا وربنا يرزقك بالشخص اللي يسعدك وخلاص

قول لها أن كل شئ قسمه ونصيب وربنا يجعل في حياتك الشخص الصح وان انت مش قادر تكمل رغم أن انت حاولت كتير واقفل معاها وانهي .

استعيذ بالله من الشيطان الرجيم وبلاش تشكك في الاجابه والفضول الزائد ياخدك وحاول تلهي نفسك باي حاجه وعود نفسك علي كدا انك لما تعرف اجابه السؤال اللي انت عاوز تعرفه وعرفته خلاص ومش تفضل تدور عشان الفضول دا هيخليك تشك في الدين ذات نفسه حاول ساعتها انك تلهي نفسك باي حاجه تنسيك فضولك .

العفو الشكر لله

كويس انك بتدور وتعرف اكتر عن دينك وانك تحاول تفهم القران ومعاني الآيات بس لما تبحث وتعرف وخلاص فهمت الايه دي المقصد منها اي حاول انك مش تفكر كتير وعقلك يهيالك اساله غريبه والفضول اللي ممكن يتوهك ويخليك مشتت عن الاجابه الصح احيانا الفضول الزائد مش حلو حتي في الدين انت كدا ممكن تشكك في الدين ذات نفسه ودايما استعيذ بالله من الشيطان الرجيم عشان بيهيالك ازاي لازم المعلومه تكون كدا أو دا المقصد من الايه وإن دا غلط ودا بيكون كفر بالله وحاول لما تبحث عن المعلومه اللي انت عايزها وخلاص عرفتها انك مش تدور كتير عشان مش تتشتت وتلغلط نفسك ،وربنا يثبتك ويجعلك من الصالحين.

كان حصل معاكي قبل كدا موقف مثلا والموقف دا كان صعب ممكن يكون دا السبب في رد الفعل دا بما أن ممكن يحصلك كدا حتى مع الأشخاص اللي انتي تعرفيهم

دا توتر زياده لانك في العموم علاقاتك وتعاملك في الأغلب بنات ولو كان شباب ف بيكون قليل وكمان انتي متعوده عليهم وبالنسبالك دا شئ طبيعي بس لو شاب غريب انتي بتتوتري زياده عن اللزوم ودا رد فعل جسمك مصاحب حدوث رعشه وزياده في ضربات القلب وغيره ،حاولي انك تهدي من نفسك وانك تتحكمي في انفعالاتك وتصرفاتك ومع الوقت كل دا هيقل وهيبقي الأمر طبيعي بس حاولي انك تهدي وبلاش توتر أو انك تضغطي علي نفسك وان شاءالله تتعاملي مع الأمر بشكل طبيعي ي قمر.

احتمال أن السبب يكون تضخم أو التهاب في البروستاتا زي ما وضحت التحاليل وحضرتك لازم تتابع مع دكتور وهو هيديك علاج مناسب زي الادويه المضاده للكولين ،او إن حضرتك تحاول تدرب المثانه عندك انك تعرف تتحكم في البول وحاول انك تتجنب اي حاجه ممكن تعصبك لعدم حدوث توتر وممكن دا يؤدي إلي حدوث تبول لا ارادي أيضا والله الشافي المعافي.

دا ممكن يكون بسبب تشنج عضلات الرقبه واللي هيحددلك اكتر لما تكشف ويستحسن يكون دكتور اعصاب أو عظام

هي معاها حق مش هتسيب بيتها وتطلع تاجر برا ولو فيه مشاكل في البيت حاول تراضيها وخليك واقف جمبها وقولها مش الحل انك تسيبي بيتك وتروحي عند اهلك لا راضيها بالكلام وقولها كلمه حلوه وخفف عنها ودايما قولها انا معاكي ومش هخلي حد ييجي عليكي

كلمها بالهدوء والعقل مره واثنين ولو هي مصممه علي كدا برضوا وأنها دايما عاوزه تكون قاعده عند اهلها ارجع لوالدها وقوله وأن الوضع دا انت متسمحش بيه وان انت مش بتحرمها منهم بس بيتها وزوجها وعيالها من مسؤولياتها وكدا غلط وهي حياتها قبل الجواز تختلف بعد الجواز وان بيت جوزها هو بيتها ومش ينفع تفضل برا البيت لوقت طويل او ايام حتي لو أهلها وربنا يصلح الحال لينا جميعا.