انا تانيه ثانوي وحاسة أن الدنيا ضيقه اوي عليا وزعلانه لأن نومي مش معتدل وان الامتحانات قربت وانا مذاكرتش حاجه وده تاعب لي نفسيتي اوي في حد مر بالأمر ده وهو في سني وده طبيعي؟ ولا في حاجه مش طبيعيه وانا فعلا عاوزة اتغير وحد يقولي اعمل ايه بس وهعمل كدا ويحاول ابعد عن التلفون فيدوني جزاكم الله خيرا
السلام عليكم، طبيعي جدا طول ما أنت متوترة وخايفة من الدراسة والامتحانات هتحسي بكل ده خاصة كل ما تفكري إنك مذاكرتيش ومش هتلحقي. حتى لخبطة النوم بسبب ده، ولجوئك للتليفون بسبب ده ونوع من التسويف والهرب من ألم المسؤولية. وإذا فضلتِ مش واخدة خطوة هيفضل الوضع كده. فالحل إنك تاخدي خطوة وتبدئي. ايوه أول خطوة بتكون صعبة بس بمجرد ما تحطي رجلك على الطريق وتذاكري ولو حتى ساعة واحدة في اليوم هيكون أفضل من إنك تفضلي واقفة مكانك وبس حاسة بالذنب والضغط. إحساسك بالإنجاز كل يوم هيدفعك إن شاء الله أكتر ويقلل المشاعر السلبية عندك. *** المذاكرة والامتحانات مش محتاجة قلق... التوتر والقلق بيجيبوا نتيجة عكسية. متفكريش في توقعات اللي حواليك وإن الثانوية صعبة وتحديد مصير وكده، ركزي بس إنك تعملي اللي عليكِ في السنة دي وأنتِ متيقنة ومؤمنة إن ربنا مش بيضيع تعب حد وهيكتب لك الخير حيثما كان. ** ممكن تاخدي لفة سريعة في التطبيق هتلاقي طلبة كتير بيمروا بنفس مشكلتك وهتلاقي نصائح تفيدك إن شاء الله، بس متقضيش وقت كتير في قراءة الأسئلة عشان ده هيكون تسويف وهروب من المذاكرة. بالتوفيق إن شاء الله.
تم النشر السبت، ٢٠ ديسمبر ٢٠٢٥
بصي انا زيك ف تانية وكنت من اسبوع ونصف بس زيك بالظبط و كنت مخنوق و مش عارف اعمل ايه بس بعد ما وقفت مع نفسي وقلت ان كدا كفاية واني لازم أذاكر كل دا اتحل ولما ذاكرت حسيت بجد بالإنجاز و اني مش مخنوق و ان لسا في وقت فأهم حاجة بس انك تاخدي خطوة البداية وربنا هيوفقك و ديما افتكري ان كل الي بتعمليه دا علشان دا فرض عليكي من ربك و علشان ترضي مامتيك و باباكي و تشوفي الابتسامة و الفرح في نفوسهم
تم النشر السبت، ٢٠ ديسمبر ٢٠٢٥
نظمي جدول مراجعات وابدأي قفلي في كل المناهج اللي عندك وحلي شويه إمتحانات على كل ماده وماتقلقيش بإذن الله خير
تم النشر السبت، ٢٠ ديسمبر ٢٠٢٥
طبيعي جدا دا توتر داخلي بسبب التفكير المفرط و دا مسبب عدم تركيز لانك بتفكري في كذا حاجة في نفس الوقت حاولي تعدلي على الروتين بمعنى انسي حاجة اسمها مذاكرة لاسبوع كامل لحد ما تهدي داخليا بعدها هتعرفي تتعاملي مع الوقف بسلاسة اكتر
تم النشر السبت، ٢٠ ديسمبر ٢٠٢٥
دا طبيعي لأن في ضغوط انتي عايشاها مذاكرة وامتحانات جاية.. حاولي تخففي من الضغوط بإنك تجتهدي وتجاهدي نفسك انك تقعدي تذاكري، بقدر ما تحسي انك أنجزتي أمور سواء مذاكرة أو اي شيء.. بقدر ما هتحسي أن الضغوط والتوتر دا بيقل جامد.. جربي وهتلاحظي.
تم النشر الأحد، ٢١ ديسمبر ٢٠٢٥
لعرض السؤال في فدني اضغط هنا