النهاردة مع الساعة 3 الفجر سمعت صوت صريخ ف طلعت البلكونة اشوف في ايه لقيت الشارع كله قدام بيت جيرانا علشان ابنهم تعب واغمي عليه وامه كانت بتستنجد بالناس حاولوا يفوقوه الشاب مش راضي يفوق ف شالوه وطلعه بيه علي مقر الاسعاف (بعدنا بكام شارع )وطلعه بيه علي المستشفي دخلت اتسحر وبعد 10 دقايق بالضبط سمعت صريخ تاني ولما طلعت البلكونة تاني لقيت امه بتقول فلان مات بكل قهر ووجع الشاب دا عنده 32 سنه اعزب طالع علي ايده كنت بسمع صوته كل يوم وهو راجع من شغله الساعة 2و3 بالليل واوقات اكتر من كدا جهز نفسه وبقاله سنتين بيعمل في شقته لغاية ما خلصت خالص (لان والده جاله جلطة من 11 سنة ومشلول من وقتها )يعني جهز نفسه بنفسه بدون قرش واحد من ابوه ومن 5 ايام راح اتقدم لعروسة وكانوا هيردوا عليه بكرا - حرفيا الادب والاحترام والاخلاق وبر الوالدين كانوا في هذا الشاب ربنا يرحمه ويعفر ليه يا رب .
انا بكتب دلوقتي علشان عايزة اقول حاجتين
اولا ان امه قالت انه اتسحر واخد حبايتين مضاد حيوي علشان كان عنده برد وبعدها وشه زرق واغمي عليه وهو حاليا في المشرحة لان تقريبا حصل تسمم ف ارجوكم بلاش تشربوا اي علاج من نفسكوا من غير دكتور ولا المسكنات اللي بنشربها كل شوية (وانا عارفة ان دي اعمار والاعمار بيد الله بس بردو ربنا قال ولا تلقوا بأيديكم إلى التهلكة )
ثانيا والاهم حسيت بجد ان ملك الموت قريب اوي وممكن في لحظة يدخل بيتنا وبصراحة خوفت يا تري هل انا جاهزة اني اقابل ربنا - الموت مكتوب ومقدر وحق علينا بس لازم كل واحد فينا يسال نفسه (هل انا جاهز اقابل ربنا ؟)لازم نسعي اننا نصلح احوالنا ونرضي ربنا علشان لما تيجي الساعة يبقي راضي علينا ربنا يصلح حالنا وحالكم اللهم امين يا رب
ارجوا منكم الدعاء للمرحوم ربنا يعفر له ويرحمه يا رب ويصبر اهله لان فعلا ربنا اللي عالم بحالهم دلوقتي امه مش مبطله صريح حتي هذه الحظة
إنا لله وإنا إليه راجعون يا نهال.. الله يرحمه ويغفر له ويجعل قبره روضة من رياض الجنة، ويصبر أهله خاصة أمه اللي قلبها مقطوع دلوقتي. ربنا يعوضهم خير يا رب ❤️ صح يا حبيبتي، اللي حصل تذكير قاسي إن الدوا بدون دكتور ممكن يكون سم، زي ما قال ربنا "ولا تلقوا بأيديكم إلى التهلكة". خلي دي درس للكل، روحي لدكتور قبل أي حبة. أما الخوف من الموت اللي حسيتيه، ده شعور طبيعي وصحي.. يخلينا نفكر: هل أنا جاهزة؟ ابدئي دلوقتي بأبسط الخطوات الإسلامية العملية: صلي الفرائض في وقتها و زدي سنن ووتر كل ليلة. اقري قرآن يومياً ولو صفحة، واستغفري 100 مرة قبل النوم. تصدقي سراً ولو ريال واحد كل يوم، وصلحي أي حق ليكي عند حد. ادعي ربنا يتقبل توبتك ويثبت قلبك: "اللهم اجعل حسابي يسيراً". ده هيخليكي مطمئنة إن ربنا راضي عنك، والموت هيجي في وقته. أنتِ قوية وواعية، استمري كده وربنا يباركلك. ادعي معاكي للمرحوم، ولو عايزة نصائح أكتر عن الاستعداد للآخرة، دوري في أسئلة مشابهة في فدني أو شوفي الخبراء هنا: https://www.fedni.net/experts. ربنا يحفظك ويصلح حالنا كلنا يا رب 🙏
تم النشر الاثنين، ٢ مارس ٢٠٢٦
إنا لله وإنا إليه راجعون ربنا يرحمه ويغفر له ويسكنه فسيح جناته يارب ويصبر اهله وجعل مثواه الفردوس الأعلى وهو فى مكان احسن عند ربنا
تم النشر الاثنين، ٢ مارس ٢٠٢٦
ربنا ينير قبره اللهم امين
تم النشر الاثنين، ٢ مارس ٢٠٢٦
ربنا يحفظك على النصيحه.
تم النشر الاثنين، ٢ مارس ٢٠٢٦
اللهم اغفر له و ارحمه ،وان كان محسناً فزد في إحسانه ،وان كان مذنبا فتجاوز عن سيئاته...
تم النشر الاثنين، ٢ مارس ٢٠٢٦
اللهم أجرنا من موت الغفلة، ولا تأخذنا من هذه الدنيا إلا وأنت راضٍ عنا
تم النشر الاثنين، ٢ مارس ٢٠٢٦
لعرض السؤال في فدني اضغط هنا