انا طالبه تالتة ثانوي كنت بذاكر عادي مكنتش شاده علي نفسي دلوقتي انا ضايعه في الفيزياء جامد والكيمياء وفي اجزاء كتير في الفيزياء مكنتش اخدتها ونص العضويه من اول الفينولات وضايعه في الانجليزي ودلوقتي انا عايزه اجيب ٩٥ او ٩٢ اعمل اي اكمل واشد في ليالي الامتحان وده كافي ولا اجل
أول حاجة، خدي نفس عميق ومتقلقيش، اللي بيحصل معاكِ ده شائع جدًا في تالتة ثانوي، وكتير بنات وصلوا لنفس النقطة وقدروا يتعافوا ويجيبوا درجات عالية. أنتِ عايزة ٩٢-٩٥، وده هدف واقعي لو ركزتِ على الخطة الصح بدل ما تشتتي نفسك. الأفضل إنك متأجليش ، لأن التأجيل هيزود الضغط وهيخلّي المواد تتراكم أكتر. بدل كده، اعملي خطة عملية دلوقتي: قسمي المواد اللي ناقصة لأجزاء صغيرة، وركزي على المواضيع اللي بتيجي كتير في الامتحانات (مثل القوانين الأساسية في الفيزياء، والتفاعلات المهمة في الكيمياء العضوية من الفينولات للآخر، والقواعد النحوية والكلمات الشائعة في الإنجليزي). استخدمي ملخصات وفيديوهات قصيرة مركزة، وحلّي أسئلة امتحانات سابقة يوميًا عشان تتعودي على الشكل. شدي في الليل بس بطريقة متوازنة: نامي ٦-٧ ساعات على الأقل، لأن الجسم والعقل محتاجين راحة عشان يستوعبوا. كل يوم حددي ٣-٤ ساعات للفيزياء، ٣ للكيمياء، وساعة للإنجليزي، وابدئي بالأجزاء اللي ماخدتيهاش عشان تقللي التوتر. ادعي ربنا بالتوفيق واستعيني بالصلاة، ده هيديكِ طاقة إيجابية. لو عايزة أفكار إضافية، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة، وكل خطوة صغيرة هتقربكِ من هدفكِ. لو عايزة مساعدة في ترتيب جدول يومي، قوليلي التفاصيل.
تم النشر الاثنين، ٢٢ يونيو ٢٠٢٦
انتي متناميش بق هي كلها اسبوعين وحياتك هتمشي بعديها عادي ع فكره
تم النشر الجمعة، ٢٦ يونيو ٢٠٢٦
من الاخر فكيكي من الايف دا عشان هو حل اكتر تمام هو حلو لواحد مراكم شوية حاجات بس لكن لو مراكمه الماده كلها اسمعي المحاضرات اللي بقولك عليها بس خليكي عارفه هتبقي كتيرة عليكي ف اليوم بس هما حلوين وحلي معاهم بقا هتبقا عملتي انجاز
تم النشر الأربعاء، ٢٤ يونيو ٢٠٢٦
حل بس بيشرح السؤال وفكرته وتحليل لكل اجابه حتي الغلط هي غلط ليه
تم النشر الأربعاء، ٢٤ يونيو ٢٠٢٦
دا حل بس صح
تم النشر الأربعاء، ٢٤ يونيو ٢٠٢٦
ربنا معانا ويجبر خاطرنا كلنا يا رب
تم النشر الأربعاء، ٢٤ يونيو ٢٠٢٦
انا حاجة زي كدا ف اسمعي الشرح المكثف اللي بيبقي 5 او 6 ساعات وبعدين اسمعي حل كتير وجربي تحلي وشوفي تحليل المدرسين للسؤال وحلي بنفس الطريقة
تم النشر الأربعاء، ٢٤ يونيو ٢٠٢٦
اسمعي المحاضرات اللي قولتلك عليها والله هتنفعك
تم النشر الأربعاء، ٢٤ يونيو ٢٠٢٦
اعملي زي مبقولك كدا عربي اسمعي محمد صلاح هما خمس محاضرات بس جامديين اوي والله هتضمني عربي بدرجه حلوه جدا لو ذاكرتيهم كيميا خالد صفر كان عامل من كام سنه مراجعه للمنهج ف ١٢ ساعه انا عن نفسي بحاول اذاكر فيها اي حاجه بس انا جضان من المذاكره فمش عاوز اذاكر لكن هيا حلوه لو هتسمعيها وفيزيا اسمعي كيرلس كان عامل مراجعه جزء اول للفيزيا الكهربيه وجزء تاني للحديثه كل محاضره ٦ ساعات وانجليزي سهل جدا شوفي بتحبي مين وذاكري وراه واحياء انا معرفش عشان انا علمي رياضه
تم النشر الأربعاء، ٢٤ يونيو ٢٠٢٦
متقلقيش الانجليزي تقريبا في يومين هتلحقي تلمي و تحلي كتييير عليه الكيمياء كملي الأجزاء الضعيفه فيها و حل كتير كتير عليها بقي و الفيزياء احسن حاجه فيها الحل بجد الحل هيعرفك المساله دي لو جتلك هتستعملي انهي قانون في الفيزياء ممكن تسمعي مراجعه شامله علي المنهج و بعد كدا تحلي كتير بقي و عادي لو حليتي غلط بعدين هتحلي صح
تم النشر الأربعاء، ٢٤ يونيو ٢٠٢٦
اول حاجه اسمها مراجعات وركزي جدا في المراجعه الجزئيه اللي انت ما اخذتهاش حاولي تحلي نموذج استرشادي وركزي على الحاجات المهمه واهم الاسئله المتوقعه وباذن الله خير
تم النشر الثلاثاء، ٢٣ يونيو ٢٠٢٦
ممكن انصحك وهو حل استرشاد كيمياء حلي فيهم واكتبي ملاحظات الي مش عارفها او اول مره تعرفيها و بنسبه للفزياء تقدري تسمي حصص عبد المعبود يوتيوب ري فريش ركزي علي حله اوي وهو بيحل هتخلصيهم علي ثلاث ايام كل سوم محاضره ويوم رابع شوفي ملخصات او حل استرشادي فزياء سريع علي مدار يوم بجد حجات دي فرقت وعملت معايا طفره انا شبهك ثانويه عامه حاليا بس من شهر فات ابسط مركبات مشتقات مكنتش اعرفها و الله و بنقص في فزياء ب العشرينات في الاسترشادي بس مستواي اتحسن في ايام قليله ب فضل ربنا
تم النشر الثلاثاء، ٢٣ يونيو ٢٠٢٦
ان شاءالله
تم النشر الثلاثاء، ٢٣ يونيو ٢٠٢٦
اكيد خير ليكي ان شاء الله ربنا يعينك ويوفقك بس علفكرا لسه معاكي اسبوع تفرمي فيه الكيمياء وخد معاه ساعه او ساعتين انجليزي معاهم +مش هأجل ان شاء الله منها لله بنت خالتي هي اللي حطتها في دماغي من اول السنه
تم النشر الثلاثاء، ٢٣ يونيو ٢٠٢٦
@Ne hal @السائلة بالعكس هي عندها حق لايفات محمد صلاح بتفرق اوي كنت بقول زيك و كنت هسيبها بس مفيدة جدا ، لو انتي حاسه انك بتضيعي وقت منغير متفهمي ف وقفي اللايف و حلي انتي " ده ف حالة لو انتي عارفه المنهج مسبقاً"بعدها شوفي المستر بيحل ازاي، و منصحكيش تمشي بمبدأ الدفعات اللي فاتت قالت لإن هي مش قاعدة هم بيقولو بناءً على تجربة خاصة بيهم ف جربي بنفسك الطريقة دي منفعتش معاكي شوفي المراجعات الأساسية لكن متحكميش على شيء غير لما تجربيه بنفسك و ربنا يعينك
تم النشر الجمعة، ٢٦ يونيو ٢٠٢٦
وبالنسبة للادب عادي هو جاي في كراسة المفاهيم بس اهم حاجة النحو والقراءة دول اعلي الدرجات دي غير المقالي حاولي تقفليه
تم النشر الجمعة، ٢٦ يونيو ٢٠٢٦
معلش هانت دوسي علي نفسك واشربي قهوة او هاتي كافيين من الصيدليه
تم النشر الجمعة، ٢٦ يونيو ٢٠٢٦
انا اصلا مش عارفه اذاكر خالص وبنام كتير
تم النشر الخميس، ٢٥ يونيو ٢٠٢٦
مش موافقين
تم النشر الخميس، ٢٥ يونيو ٢٠٢٦
لو اهلك هيوافقوا انك تاجلي وراضيين أجلي مفيش مشكله بس لازم تجتهدي السنه التانيه دي
تم النشر الخميس، ٢٥ يونيو ٢٠٢٦
بس هسمع فديو بلاغه برضو والقصه والنحو اللي ٦ ساعات و٢ساعه ادب بس كدا واحل بس مش عارفه ٣ ايام هيكفوا ولا لأ انا النهارده ضاع مني بسبب النوم نمت ١٢ ساعه حرفيا
تم النشر الأربعاء، ٢٤ يونيو ٢٠٢٦
انا ضايعه في النحو وشويه مدارس ادبيه بس كدا
تم النشر الأربعاء، ٢٤ يونيو ٢٠٢٦
مش عارفه بس ناس من الدفعات اللي قبلنا هما اللي قالوا كدا وكتير بيحذروا من ده بيقولوا ذاكرو مع نفسك وحلوا بإيدكم كتير وبلاش لايفات لأنها تضييع وقت دي بتبقى ٥ او ٦ساعات انا اولي بيهم
تم النشر الأربعاء، ٢٤ يونيو ٢٠٢٦
بالعكس انا باكد علي اللي عارفاها وبلم اللي مش عارفاه
تم النشر الأربعاء، ٢٤ يونيو ٢٠٢٦
بس الأفضل ليكي بلاش تضيعي وقتك في سماع الليفات غير الجزء اللي وقعه فيه بس
تم النشر الأربعاء، ٢٤ يونيو ٢٠٢٦
ولايف مستر صلاح حلو اوي جاجات كتيرة كانت واقعة مني لميت كتير منه ف ذاكري الصبح وطبقي معاه في اللايف وهيبدا بكرا الساعة2
تم النشر الأربعاء، ٢٤ يونيو ٢٠٢٦
طب تعرف حد كان زينا وجاب مجموع عالي ولا لأ
تم النشر الأربعاء، ٢٤ يونيو ٢٠٢٦
مش عارف بس اللي عايز اقولهولك انك تسبيها لله وتذاكري عشان هيحصل زي اللي حصل السنه دي السنه الجايه
تم النشر الأربعاء، ٢٤ يونيو ٢٠٢٦
فعلا بس اكيد هتختلف لان هيكون بقى عندي خبره واكيد هبقي احسن من السنه دي وهكون شده جامد انا اللي عمل في كدا حد حط في دماغي فكره التقسيم والتأجيل
تم النشر الأربعاء، ٢٤ يونيو ٢٠٢٦
اصل هتاجلي دي انت بتضيعي سنه من عمرك وغير كدا هتيجي السنه الجايه هتحسي انها طويله وهيحصل نفس اللي حصل
تم النشر الأربعاء، ٢٤ يونيو ٢٠٢٦
انا ضايعه جامد في الفيزياء ماخدتش الفصل التالت سمعت له شرح من السنتر لكن محلتش عليه خالص وكذالك الفصل الرابع والتامن والعضويه نصها بس قولت هدخل الامتحان لو معرفتش احل هأجل بس بابا رافض مش عارفه اعمل اي وخايفه امتحن اجيب فيهم درجات مش كويسه واندم واقول ياريتني اجلت
تم النشر الأربعاء، ٢٤ يونيو ٢٠٢٦
سماعه اي اللي هجبها هو انا معايا فلوس اصلا ثانيا عندي ودني تعباني من المياه واحده قافله والتانيه شغاله 🤣🤣
تم النشر الأربعاء، ٢٤ يونيو ٢٠٢٦
بص هقولك ع اللي فيها انا معرفش حاجه ف كيميا وفيزيا ولو اتطبقت السما ع الارض مهأجل ماده فيهم وبحاول حاليا اذاكر اي حاجه ف الحلو انك تذاكري وتسبيها لله ومتفكريش تجيبي سماعه والشغل دا عشان هي غاليه اصلا😂ولو عايزه اقولك ع محاضرات ف الماده اللي انتي مركماها شرح المنهج بكامل وحل قولي لكن متأجليش
تم النشر الأربعاء، ٢٤ يونيو ٢٠٢٦
ايوه
تم النشر الثلاثاء، ٢٣ يونيو ٢٠٢٦
عندي امتحان كمان ساعه ومش مراجعه كويس بس يلا علي الله بقا
تم النشر الثلاثاء، ٢٣ يونيو ٢٠٢٦
الندم مش هيفيدك دلوقتي ركزي في اللي باقي وربنا هيعوضك اثقي فيه وادعي وانت موقنه بالإجابة انه هيستجاب ان شاء الله
تم النشر الثلاثاء، ٢٣ يونيو ٢٠٢٦
هحاول لو معرفتش احل في الامتحان هأجل
تم النشر الثلاثاء، ٢٣ يونيو ٢٠٢٦
عامله زي كنت بفكر أجلهم بس بابا رفض وضغط عليا ادخل امتحن
تم النشر الثلاثاء، ٢٣ يونيو ٢٠٢٦
امال اي
تم النشر الثلاثاء، ٢٣ يونيو ٢٠٢٦
مأجله عربي
تم النشر الثلاثاء، ٢٣ يونيو ٢٠٢٦
انت كام ماده
تم النشر الثلاثاء، ٢٣ يونيو ٢٠٢٦
ربنا معانا يارب +هتعملي اي في الأجزاء اللي متفتحتش
تم النشر الثلاثاء، ٢٣ يونيو ٢٠٢٦
يعني اكمل وخلاص مع العلم في اجزاء مش فتحتها وبيقولوا مش هتعرف تذاكرها انا خايفه ومرعوبه والله نفسيتي تعبانه اعمل اي
تم النشر الثلاثاء، ٢٣ يونيو ٢٠٢٦
لعرض السؤال في فدني اضغط هنا