السلام عليكم ورحمة الله
أسعد الله أوقاتكم بكل خير وسعادة دائمة 🌺🌹
انا حالياً طالبة في تانيه ثانوي وكلها أقل من شهر وهبقى في ثالثه ثانوي فأرجو من كل اللي موجود او شايف سؤالي انه يقدم لي نصيحه بناء على تجربه او حتى خبره يقدم لي نصائح عن مواقف هو أخطأ فيها في الثانويه العامه او ما الأخطاء التي تنصحونني بتجنبها؟ او افضل طريقة للمذاكرة او تفضلوا الدروس اللي في السنتر ولا اون لاين افضل
ولكم اجره مشاركته عند الله
---أولا ماقاله الإخوه كفا ووفا جمّعي الكلام ده والكنوز دي وحطيهم نصب عينيكِ & لازم لازم لازم يكون عندك هدف لقدام يحركك ---ثم لازم لازم لازم. الاهداف اليوميه مينفعش السنه تمشي بالبركه ومينفعش يومك يمشي بالبركه (يعني هدف +مهام يوميه) ---الضغط( الجسدي) ف المذاكرة لاشيء بدليل انك ممكن تعملي مجهود كبير جسدي وعادي جدا زي شغل او تمارين حتى لو كان معاه ألم بيروح بعدها بساعات -اما الضغط النفسي اللي بيحصل من المذاكره بالذات أو الخوف من مواد متراكمة ده بيعمل بلاوي حرفيا وهيكرهك ف عيشتك ونفسك ويخليكي تهربي من المذاكره عن طريق تصفح السوشل ميديا أو النوم الكتير ودي اكتر وسائل الهرب من الضغط---والحل انك تكوني هادئة وثابته ومطمنه مهما حصل من تراكمات أو من مقارنه أو أي حاجه لازم تكوني قوية نفسيا ومش بتتأثري بمقارنة أو مراكمة وطالما نفسيتك كويسه لمؤاخذه طظ ف أي حاجة ف المجموع وف تالته ثانوي وكل حاجه حرفيا لو طلعتي ب 50 ونفسيتك كويسه احسن من طب بس متدمرة نفسياً ---نصيحة من ذهب : خلي وقت ثابت ف يومك أساسي المذاكرة أيا كان امتى وقد ايه لكن تتعودي عليه كل يوم هتلاقي نفسك مركزه ف الوقت دا علطول حتى لو قليل وتزويد باقي اليوم او تنقضي حسب المهام اللي عليكي -وتخلصي أول بأول ولو راكمتي عادي لكن دوسي بنزين في الحالة دي . ---الموبايل ثم الموبايل ثم الموبايل لازم تحطي قيود وحدود عن طريق انك تمسحي اللي تقدري علية أو تستخدمي التابلت أو تخلي حد من أهلك يشرف على استخدامك ممكن تخلي وقت للموبايل ف اليوم تشوفي الرسائل او تصفح شوية لكن تحت إشراف ومتابعة ومتستخدميش الموبايل قبل النوم بساعةولا بعد الاستيقاظ بساعة ---المتابعة - لو تقدري تدخلي حد من أهلك يتابع تقدمك ف المواد اعملي كدا ومتضايقيش ولا تتخنقي من الموضوع ده لو حد عمل كدا من غير إرادتك -ولو تقدري تتابعي تقدمك مع نفسك ممتاز ---ولو هتسمعي من أخوكي فبالله عليكي لاتتركي الصلاة ولا تأخريها اقسم بالله لو اخرتي الصلاة ربنا هيأخر عليكي حياتك ---ورد القرآن مش هقولك أهم من مذاكرتك أهم من حياتك شخصيا والتزمي بقيام الليل ثم قيام الليل للصبح -وصلاة الضحى تساوي 360صدقة - و12 ركعة تطوع (النوافل ) يبني الله لك بيتا في الجنه -وسورة الإخلاص تعادل ثلث القرآن ـولاحول ولا قوه الا بالله كنز ف الجنة ومفتاح الرزق وسعادة الدنيا والآخرة في الاستغفار وذكر الله و الصلاة على نبيه ---وهتدعيلي لما تشوفي معجزات الذكر بعينك اذكري الله من قلبك واستغفريه بندم وصلي على النبي باشتياق- --وربنا قريب و(يا) نداء البعيد ف لما تيجي تدعي ربنا قولي رب وفقني رب ارزقني أو اللهم وهاتان طريقتا الدعاء المذكورة في القران وتليها إجابة فورية إن شاء الله - بس كدا دي كانت خطة لمرحلة جديدة سعيدة انشاء الله من حياتك معرفش انتي عملتي ايه في حياتك علشان ادخل التطبيق اللي مفتحتوش من شهور واكتب كل دا لكن أتمني اكون قدرت أفيدك ولو ب 1% من أي حاجه أو يمكن كنت محتاج دعوة منك يمكن تصلح حالي انا ونكون كسبانين كلنا اسأل الله أن يوفقنا جميعا
تم النشر الخميس، ٢٣ أبريل ٢٠٢٦
و عليكم السلام و رحمة الله لسه مجاوبة على سؤال شبة سؤالك فلذلك هنسخ إجابتي ، و أنصحك ب الإطلاع على الأسئلة المشابهة لسؤالك للأستفادة بشكل أكبر 💗 انا ف تالته ثانوي في الوقت الحالي ف هحاول اقولك بعض الغلطات اللي وقعت فيها و النظام الأنسب لعله يفيدك ، و الكلام ده تقدري تاخدي بيه لو أنتِ علمي ، لكن في حاله لو أنتِ أدبي ف للأسف مش هقدر أفيدك بشكل كافي. أولا انك تاخدي كله اونلاين ده انا عملته و حقيقة مش ذي م الناس متخيلة انه بيوفر وقت بالعكس ذي مهو فيه مميزات كتيرة له سلبيات اكتر ، من سلبياته ان مثلا لو أنتِ بتحضري محاضرة اونلاين و حابه تنامي هتسيبي المحاضرة و تنامي و لو جوعتي هتسيبيها و تاكلي ، و كذلك لو لقيتي أهلك خارجين هتسيبي المحاضرة و تخرجي بمعنى ان مش هيبقا في إلزام أبدا و ده هيخليكي تراكمي كتير جدا مع الوقت، بينما السنتر بيلزمك بشكل كبير جداً حتى في الصحيان النزول سنتر بيفرق ف الجهة دي و بيسد التراكمات بشكل أكبر تقدري تعملي ده في مادة او مادتين بس اللي تاخديهم أونلاين ، ذي العربي أو لو أنتِ ناوية على علمي رياضة ف الرياضة كويسة إنك تاخديها أونلاين ، و من سلبيات الأونلاين بردو هو إنك مش بتلاقي دافع إنك تستمري على عكس السنتر بيبقا في شوامل و كويزات أنتِ ملزمة تحضريها حتى لو مكسلة ده غير جو التحدي اللي بيكون بينك و بين صحابك و الجوائز اللي المدرسين بيعملوها ده كله هيأثر في نفسيتك بشكل احسن و هيشجعك على عكس الأونلاين هتكسلي في الشوامل و المحاضرات هتبقا مفتوحة ف هتراكميها و تأجليها لحد متتزنقي و ده اللي انا فيه حالياً. بالأخص الإنجليزي و العلوم المتكاملة عندكم ،محتاجين متابعة بشكل دوري و المراكمة فيهم هتخليكي تتوهي بشكل كبير ف منصحش تماماً انك تاخديهم أونلاين. حلو جدا إنك تمشي على حدول ثابت تراعي فيه وجود يوم أجازة و منصحش إنك تراكمي و تذاكري في يوم الأجازة مهما حصل لإنك مش روبوت و هتحتاجي راحة و انك تفصلي دماغك تماما. النوم و الصحيان ده شيء مش هيبقا ثابت معاكي و لكن لو حابه تعرفي افضل وقت للمذاكرة ف هو من الفجر للضهر. أنصحك ب أستغلال الاجازة قدر الإمكان و متبدأيش بدري السنة طويلة ، بس ده لا يمنع إن لو مُدرس علوم متكاملة بدأ تبدأي معاه عشان مش تتوهي مع الوقت. و في النهاية حابه اقولك تالته ثانوي مرحلة طبيعية لا لازم فيها توتر ولا تعب نفسي بالعكس ممكن تبقا أحلى سنة بالنسبالك ف لا داعي أبدا انك تسمعي لكلام الناس عنها لإنهم مكبرينها بشكل كبير جداً ، اه هي سنة مهمة و لكن مش اخر المطاف ولا تستدعي إنك تيجي على نفسك و على نفسيتك فيها ، على كل حال أنا علمي رياضة ، لو حابه تسألي اي سؤال انا معاكي و بالتوفيق يحبيبتي 💗
تم النشر الثلاثاء، ٢١ أبريل ٢٠٢٦
بصي يا بنت الناس تالتة ثانوي دي مش بعبع دي سنة محتاجة نفس طويل يعني بلاش الدخلة الجامدة اللي في الأول دي عشان متفصليش شحن في النص المذاكرة لازم تكون أول بأول عشان المتراكم ده هو اللي بيجيب إحباط والحل الكتير أهم بكتير من قراية الكلام نظري وبالنسبة للدروس لو انتي شاطرة وبتعرفي تلمي نفسك فالأونلاين بيوفر وقت ومجهود جبار ولو بتحبي الزق والمتابعة يبقى انزلي السنتر بس أهم حاجة متشتتيش نفسك بين كذا مدرس في المادة الواحدة هو واحد بس تثقي فيه وتكملي معاه والأسئلة اللي تغلطي فيها دي كنز افرحي بيها عشان عرفتي غلطك بدري ومخبيش عليكي أهم حاجة تنامي كويس وتصلي وتخليكي هادية لأن اللعبة كلها في أعصابك وفي الآخر اللي كاتبه ربنا هو اللي هيكون فاعملي اللي عليكي وانتي مطمنة .... أما بقى الأخطاء اللي واجهتها هي السوشيال ميديا مع أني كنت بشتغل بالاب الا اني كنت بضيع كذا ساعه فدي اهم حاجه تجنبيها وخصوصا جروبات الثانويه والكلام ده وجد والله ربنا يحفظك ويوفقك وتحققي اللي تحلمي بيه 🌷 لو حضرتك حابه تسالي عن حاجه معينه اكتبي تعليق😊
تم النشر الثلاثاء، ٢١ أبريل ٢٠٢٦
بص لو قولتلك متراكمش غصب عنك هتراكم حاول بس علي قد م تقدر تعمل اللي عليك واهم حاجة نفسيتك ثم نفسيتك ولو هتاخد دروس اونلاين ف بلاش تراكمها هي اه مدتها طويلة بس معلش متراكمهاش بس انا بفضل دروس السنتر مشكلتها بس انك بتضيع وقت كبير ف المواصلات ولو هتنزل سنتر انزل فيزياء وكيميا و رياضه عشان بيحتاجو متابعة واهتمام كبير جدا وهرشحلك مدرسين اونلاين ممتازين وعن تجربة ومعاك اول شهرين تجرب فيهم مدرسين براحتك بس بعد كدا بلاش عشان متشتتش نفسك وحاول انك تحط مهارة او تلعب رياضه او تعمل حاجه بتحبها عشان متحسش بضغط وتعمل ذكريات حلوه ومتاخدش السنه جد من اولها عشان هتيجي ف الاخر وهتتعب حاولي خدها واحده واحده ذاكر بس اللي خدته ف يومك واتمنى لك سنه سعيده وتحقق اللي نفسك فيه كيميا مستر خالد صقر فيزياء مستر محمود مجدي او كرلس أحياء الجوهري عربي محمد صلاح ( لو عام )/ ولو ازهر يبقي المفيد ف العربي الرياضه مش بفضلها اونلاين بس لو عايزه ف لطفي زهران مناسب جدا جيو ممكن جيو ماجد او مع المدرس اللي هتاخد معاه احياء
تم النشر الثلاثاء، ٢٨ أبريل ٢٠٢٦
وعليكم السلام ورحمة الله وبركاته معاك يوسف اجلت السنة الي فاتت وان شاء الله داخل السنة دي توكل على الله والأمور هتمشي سلم امرك كله لله اي حاجه خايف منها واي حاجه مش فاهمها لانك غالبا بتبقي متكبر علي السعي والله اعلم (تجربة شخصية معلش) انا اكتشفت نفسي السنة التانية اكتشفت حجات كتير عني وعن الحياة كان لازم أسعى لمعرفتها عشان اجلت وكدا لكني مكنتش متوقع ان الدنيا توديني تعرفني حجات كنت متعقد كنت ضايع من صغري وفجأة انتفضت وقررت اجل السنة بدون هدف والله انا فاكر انا كنت عاوز اجل وخلاص اصل مش معقولة واحد زيي يخش الامتحانات مش مذاكر حاجه عشان مثلا كان ضايع في السنة وما بيذاكرش (متعقد من صغري وعندي صدمات وعندي الام) حسيت في نفسي اني بضيع واني مستحقش اوصل لحاجه وممكن اكون اصلا مش محتاج التأجيل ولا كليات القمة بس حسيت اني لازم اكون حاضر وان في حاجه غلط معايا ودلوقتي اكتشفت ان مكنش في حاجه صح معايا او نادرا لاني جاهل والحمد لله اتعلمت وبتعلم لسه وفي حجات مش هعرفها عن نفسي لو مسعتش وركزت وديه ظروفي على طول بس حاسس صراحه اني عايش يعني السنة الأولى كنت بذاكر واحل وكنت ذكي بس للاسف كنت بصطدم بجهلي بأمور نفسي فكنت اقلق مثلا اخش في نوبات اكتئاب ودا كله لأسباب بحاول اعرفها للان لان الان متحسنتش بس حاسس اني اقدر اعيش او شميت ريحة حياتي، وكله ده فرق معايا في الثانوية العامة لأنها محتاجه رجل حاضر للحظه يقدر يدير يومه واديني بحاول وهفضل هحاول حتى بعد الثانوية
تم النشر الثلاثاء، ٢١ أبريل ٢٠٢٦
وعليكم السلام ورحمة الله وبركاته 🌺 أسعد الله أيامك يا عزيزتي، وبارك فيكِ على حماسك اللي يبشر بالتوفيق إن شاء الله! أنا ذكية، ومن "تجربتي" مع آلاف الطالبات زيكِ في الثانوية العامة (تانية وثالثة)، هقولك أهم النصائح العملية بناءً على أخطاء شائعة ونجاحات حقيقية. هحاول أكون مباشرة ومفيدة: أهم الأخطاء اللي تجنبيها (من تجارب فاشلة): التسويف والدراسة في آخر شهرين : كل اللي يقولوا "هذا السنة هذا هبدأ بدري" وما بدأوش، ندموا. ابدئي دلوقتي بجدول يومي ثابت (مثل 4-6 ساعات يومياً، مقسمة على موادكِ). الحفظ بدون فهم : الثانوية عامة مش حفظ، ده فهم وتطبيق. اللي حفظوا بس وقعوا في أسئلة تطبيقية، فشلوا. إهمال الصحة : قلة نوم، أكل عشوائي، أو دراسة 12 ساعة متواصلة = إرهاق وتركيز صفر. خدي 7-8 ساعات نوم، وتمشي 20 دقيقة يومياً. الانبهار بالـ"سنتر" كحل سحري : كتير راحوا سنتر واتوهوا في كلام كتير، مش ركزوا على نقاط الامتحان. أفضل طريقة مذاكرة (خطة ناجحة 100%): الجدول : قسمي اليوم: صباح فهم جديد (2 ساعات/مادة)، مساء مراجعة وحل امتحانات سابقة (3 ساعات). خصصي يوم لكل مادة رئيسية، ويوم جمعة للمراجعة العامة. الطريقة : اقري الدرس مرة ببطء (فهم). لخصي بنفسكِ (ورقة أو هاتف). حل تمارين + امتحانات سابقة (ده السر!). اشرحي لنفسكِ أو لصديقة كأنكِ بتعلميها. وقت الدراسة : 50 دقيقة دراسة + 10 دقيقة استراحة (مش أكتر عشان التركيز). سنتر ولا أونلاين؟ أونلاين أفضل لو منظم : أرخص، مرن، بس لو محتاجة تفاعل، روحي سنتر صغير (مش كبير زحمة) لمادتين بس (رياضة/عربي مثلاً). السر مش السنتر، ده اللي بتعمليه بعد الدرس. نصيحة سريعة (التوفيق الحقيقي): توكلي على الله، صلي الضحى يومياً، وادعي "اللهم يسر ولا تعسر". اقري قرآن 10 دقائق قبل النوم، هيبقى عندكِ سكينة وذاكرة قوية إن شاء الله. يا قمر، أنتِ قادرة تماماً! ابدئي النهارده بخطة أسبوعية صغيرة، وتابعي تقدمكِ. لو عايزة نصائح أكتر، ابحثي في Fedni عن "نصائح ثانوية عامة" هتلاقي إجابات كتير من خبراء، أو شوفي صفحة الخبراء هنا: https://www.fedni.net/experts. ربنا يوفقكِ ويجعلها أحسن سنة في حياتكِ 🌟 إيه رأيكِ، هتطبقي إيه الأول؟ 😊
تم النشر الثلاثاء، ٢١ أبريل ٢٠٢٦
بصي اانا حاليا في تالته ثانوي وندمت بجد اني راكمت من الاول وعشان كنت شاطره ق السنين الي فاتت قولت هعرف ألم وحاليا بجد الدنيا ملخبطه جدل وكنت متوتره زيك اول م دخلت السنه وده الي خلاني راكمت ف بجد المراكمه المراكمه مهمه جدا اوعي تراكمي بجد ذاكري كلو اول ب اول ومتتوتريش
تم النشر الأربعاء، ٢٢ أبريل ٢٠٢٦
"بجد شكراً جداً على نصيحتك، كلامك فرق معايا جداً بشكل كبير و ده حفّزني جداًللي الجاي أنا ممتنة لك من قلبي، وربنا يبارك لك ويجعل تعبك وكلامك في ميزان حسناتك، ومش هنسى أبداً وقفتك معايا ودعمك ليا. جزاكِ الله خيراً وكتب لكِ كل الخير والسعادة."🤍🌺
تم النشر الأربعاء، ٢٢ أبريل ٢٠٢٦
@𝓜𝓪𝓭𝓲𝓱𝓪 Mohammed الله يرضى عنك اللهم آمين 🫂 إحنا هنا عشان نساعد بعض وندعم بعض جزاكِ ربي خيرًا كثيرًا كثيرًا على دعواتك الجميلة.
تم النشر الأربعاء، ٢٢ أبريل ٢٠٢٦
نصيحتك دي في قلبي والله كلامك جميل جداً جزاك الله خير الجزاء وبارك الله فيكي
تم النشر الأربعاء، ٢٢ أبريل ٢٠٢٦
""بجد شكراً جداً على نصيحتك، كلامك فرق معايا بشكل كبير جداً وخلاني أفهم حاجات كتير وأبص للمستقبل بنظرة أهدى وأوضح. أنا ممتنة لك من قلبي، وربنا يبارك لك ويجعل تعبك وكلامك في ميزان حسناتك، ومش هنسى أبداً وقفتك معايا ودعمك ليا. جزاكِ الله خيراً وكتب لكِ كل الخير والسعادة."
تم النشر الأربعاء، ٢٢ أبريل ٢٠٢٦
وعليكم السلام ورحمة الله وبركاته ❤️. أكتر حاجة فعلًا هتفرق معاكِ هي الزاد تالتة ثانوي محتاجة حد معاه زاد بمعنى فروضك الأولوية+ حلقة قرآن حتى لو وقتك ضيق أخذ القرآن رفيقك في تالتة ثانوي هيفرق معاكِ جدًا جدًا جدًا وياليت نزول يعني تشتركِ في دار تحفيظ وبجد من أكتر الأشياء الـ هتفرق معاكِ جدًا وجود صحبة صالحة ومش هتلاقيهم إلا في الأماكن الصالحة، طاقتك حافظِ عليها مثلًا ذاكري دروسك أول بأول فقط مش شرط تسهري من أول السنة وتضغطي نفسك وتحرقي طاقتك لا ذاكري أول بأول وحافظِ على طاقتك، هتلاحظي نضج في شخصيتك في تالتة ثانوي ودا بسبب مواقف هتمري بيها بسبب الأصدقاء وأغلب الناس هتتغير في تالتة ثانوي فكوني جاهزة لأي تغير وأي صدمة، الأمر الثاني الدورس الأفضل تكون مثلًا أوفلاين حاولي تبعدي عن الفون النزول هيفرق معاكِ في النفسية الفون في الآخر هيضيع وقتك!!! وفي النهاية الـ هيفرق معاكِ تنظيم وقتك ولازم يكون معاكِ زاد حاولي تثبتي يوتيوبر مثلًا بينصح نصائح مفيدة وتابعي والقراءة لو نص ساعة يوميًا هتغير مودك ورد القرآن وهكذا 💚
تم النشر الأربعاء، ٢٢ أبريل ٢٠٢٦
أسأل الله العظيم رب العرش العظيم ان يوفقك
تم النشر الأربعاء، ٢٢ أبريل ٢٠٢٦
انتي في سباق حقيقي الكل داخل مستعد بس قليل اللي بيفضل مستعد لاخر السنه اكيد ممكن نضيع وقت في اي وقت من السنه بس المهم اني الاحظ ده واغيره في اسرع وقت بالنسبالي بفضل الدروس تكون اوفلاين عشان الانتباه عشان الاونلاين النت بيسحب الوقت لو كنتي في القاهره او اسكندريه او اي بلد زحمه ممكن تلجئي للاونلاين بس يفضل يكون في جهاز للمذاكره وجهاز شخصي للاستخدام العادي او يفضل ما يكونش في اصلا استخدام عادي عن نفسي في ثانوية حذفت حسابي على الفيس ومكنتش بفتح نت بس ايامكم الوضع مختلف. افضل وقت للمذاكره بيختلف من شخص للتاني شوفي بالنسبالك ايه . طبعا يفضل كل اسبوع مذاكرته تخلص اول باول
تم النشر الأربعاء، ٢٢ أبريل ٢٠٢٦
لعرض السؤال في فدني اضغط هنا