انا في تانيه ثانوي وخلاص فاضل ترم وابقى تالته فعندي كام سؤال لاني تايهه ومليش حد يوجهني اعمل اي و اي اللي يخليني اجيب مجموع انا كنت عايزة علمي علوم ..ولكن انا مش عارفه هعرف اكمل ولا لا
لاني الترم الاول تعبت فمعرفتش اجيب درجات حلوة يعني جايبه في الفيزكس و الكيمستري 48 من 60 فانا شايفه ان دة مش هينفع معايا في علمي علوم فقلت مثلا انقل ادبي و لا اكمل
انا ماما بتقولي اكمل لكن انا خايفه لو كملت مجبش مجموع كويس انا هدفي النجاح هدفي فرحة اهلي واكون راضيه عن نفسي لكن انا مبحبش الادبي بصراحه فمش عارفه اعمل اي وكمان الافضل ادرس اونلاين ولا سنتر؟؟
انا حتى مليش صديقه تشجعني او تقولي نعمل اي انا حرفيا حاسه اني في بحر لوحدي وهغرق فارجوكم فيدوني
بقية الاشخاص الافاضل ردو على بقية الاسئله انا هرد علي سؤال منصة ولا سنتر . بصي الاجابة بتختلف من شخص لشخص انا هقول العوامل ونتي الي تحددي . اول نقطة هي الالتزام لو ملتزمة خليكي منصة لو لا خليكي درس أحسن عشان متراكميش .انا مش ملتزم بس أخدت منصة وقفلت التلفون عشان التزم . تاني نقطة هي تركيزك انتي لو انتي في الدرس بتسرحي كتير خليها منصة أحسن تالت نقطة هي المواعيد والمواصلات لو مكان بيتك بعيد عن السناتر والمواعيد داخله في بعض الاحسن منصة عشان تفضي وقت للحل . رابع نقطة هي المحتوي العلمي والكيف والكم. انا عن تجربتي بين الاتنين في الشرح الاتنين واحد ونفس الدرس.إنما حل الواجب بدقه واسئله اكتر وحل الكويز دي شايفها نقطة جامدة في المنصات مدرسين المنصات بيحلو الواجب سؤال سوال والكويز سؤال سؤال وبعض المدرسين بيحلو حاجات زيادة انما لما كنت باخد دروس بيحلو الواجب اي كلام مش بيفسرو الباقي وكذلك الكويز بحس على المنصة بيحلو بمزاج عكس الارض اخر نقطة، جربي في تانيه تاخدي مدة او اتنين منصة ونا في تانيه أخدت كيمياء واحياء منصه ودول جبت فيهم أعلى الدرجات عكس بقيت المواد. جربي انتي وشوفي قرارك
تم النشر السبت، ٣١ يناير ٢٠٢٦
خليكي علمي علوم واجتهدي واعملي اللي عليكي وفي الاخر النتيجه ربنا كاتبها وايا كانت اسعي في اللي هتدخلي فيه عشان هيبقي المكان المناسب وشوفي انتي بتعرفي تركزي اونلاين ولا اوفلاين اكتر من خلال تجربني الاونلاين تركيز اعلي وتوفير اكتر للوقت وربنا معاكي
تم النشر الثلاثاء، ٢٧ يناير ٢٠٢٦
السلام عليكم، هو عامة أي سنة مش شرط مقياس للسنة اللي بعدها... ثانية ثانوي مش مقياس لأدائك في ثالثة وحتى لو في تالتة وكان فيه تقصير بأول الشهور مش معناه الفشل في باقي السنة وإنك مش هتقدري تغيري مستواك للأفضل. لو مش بتحبي الأدبي هتلاقي صعوبة في تقبل المواد فهتزودي معك ضغط إضافي على الضغط اللي بيحسه الطلبة عادة بسبب الثانوية. متحكميش على نفسك من دلوقتي خاصة إن درجتك في الكيمياء والفيزياء مش سيئة، يعني مع المذاكرة والالتزام وإنك تسمعي لمصادر شرح كويسة وتحلي كتير (ده أهم حاجة مع المراجعة بانتظام) ده كله هيرفع مستواك ودرجاتك في المواد العلمية. وخلي بالك، أفكارك عن نفسك بتؤثر على مذاكرتك وحياتك عامة، فحاولي من دلوقتي تبرمجي عقلك وأفكارك وبلاش خالص أفكار سلبية زي إنك مش هتقدري تمشي في العلمي أو مش هتجيبي مجموع كويس، ولازم تعرفي إن الخوف والتردد أكبر عائق قُدامك في الثانوية العامة. ** بالنسبة للدروس الأونلاين، فاللي يقدر يحدد ده هيكون أنتِ، يعني لو عندك إمكانية للدراسة الذاتية والالتزام مع نفسك بدون الحاجة لمتابعة مباشرة من مدرس أو فيه ضغط بالوقت والذهاب للدروس هيضيع وقت كتير منك يبقى الأفضل الدراسة أونلاين، وعامة، كده كده هتحتاجي المصادر المتوفرة على الانترنت في دراستك سواء أخدتِ في سنتر أو لأ. ** دلوقتي ركزي تعدي سنة تانية بخير إن شاء الله وفي فترة الأجازة ابدئي رتبي وخططي لسنة تالتة بذهن صاف، وربنا يوفقك إن شاء الله.
تم النشر الثلاثاء، ٢٧ يناير ٢٠٢٦
اولا ركزي ع تانيه اللي انتي فيها دلوقت ثانيا بقي حلمك موديكي لفين هل هيجي من علمي أو ادبي ثالثا انتي بتقولي مبتحبيش ادبي وخايفه من علمي اولا علمي سهله مش زي الإشاعات اللي طالعه دي المواد سهله مش صعبه والحل سهل كمان واسئلة آخر السنه مش معقده زي اللي عبولنا دماغنا بيه الاسئله يمكن تكون اسهل من الامتحانات بتاع الدروس بس ده مش معناه نستهون انا بقولك كده عشان تركزي ع دراستك ومتراكميش وتحلي كتير وتسستمي دماغك وتحددي هتروحي دروس فين وعند مين وبتفهمي من مين واهم حاجه تكوني بتفهمي من المستر ملكيش دعوه بغيرك لو بتفهمي منه وبتعرفي تحلي معاه يبقي كملي ولو انتي بترتاحي الاون لاين اكتر خلي مامتك أو حد يتابع معاكي عشان تلتزمي ومتراكميش واهم حاجه تحلي كتير كتير كتير لو في كل ماده اقل حاجه كتابين ومتقلقيش السنه مش مخيفه زي مانتي فاكره
تم النشر الاثنين، ٢٦ يناير ٢٠٢٦
يا حبيبتي، أول حاجة أقولك إنك مش لوحدك في البحر ده، أنا هنا معاكي وهساعدك نخرجي سوا! 💪 أنتِ في تانية ثانوي وفاضل ترم واحد بس، ده وقت كويس عشان تصلحي اللي مش عاجبك. خلينا نرد على أسئلتك خطوة خطوة: علمي علوم ولا أدبي؟ الـ48/60 في فيزياء وكيمياء مش سيء خالص ، ده أساس قوي تقدري تبني عليه! كتير بنات زيك بدأوا كده ووصلوا لـ90+ في الترم التاني. لو قلبك مع علمي علوم (وأنتِ قلتِ كده)، كملي عليه زي ما مامتك بتقول – الأدبي مش هيريحك لو مش بتحبيه، والعلمي هيفتحلك أبواب أوسع زي الطب أو الهندسة. هدفك النجاح وفرحة أهلك ورضا نفسك؟ ده هيحققه علمي علوم لو عملتِ خطة. لو خايفة : حددي هدف صغير، زي "هرفع فيزياء لـ55 الشهر ده". ركزي على الضعف (حل تمارين يوميًا، شرح فيديوهات قصيرة)، وكافئي نفسك بعد كل أسبوع ناجح بحاجة بتحبيها😊. أونلاين ولا سنتر؟ السنتر أفضل ليكي دلوقتي ! ليه؟ عشان أنتِ حاسة بالوحدة ومحتاجة تشجيع وتفاعل مع بنات زيك – هناك هتشوفي ناس بتدرس وبتنجح، وده هيحفزك أكتر من الأونلاين اللي يحتاج انضباط ذاتي قوي (وأنتِ تعبتِ الترم الأول). اختاري سنتر قريب موثوق (زي اللي في منطقتك)، روحي 4-5 أيام أسبوعيًا، وخلي باقي الوقت مراجعة في البيت. لو ميزانيتك ضيقة، ابدئي أونلاين بس مع جدول صارم. خطة عملية عشان تطلعي من البحر ده: جدول يومي : 2 ساعة فيزياء/كيمياء، ساعة رياضيات، ساعة مواد تانية. خدي بريك 10 دقايق كل ساعة (صلي أو امشي شوية). يوميًا : ابدئي بدعاء "رب زدني علمًا" وتوكلي على ربنا – التوفيق من عنده. أسبوعيًا : اختبري نفسك بأسئلة امتحانات سابقة، وراجعي أخطائك. شهريًا : قيسي تقدمك، ولو محتاجة دعم، ابحثي في فدني عن "نصائح ثانوية علمي علوم" – هتلاقي إجابات كتير من خبراء وبنات نجحوا. لو عايزة خبير : روحي https://www.fedni.net/experts وابحثي عن مدربين ثانوية أو مستشارين تعليميين، هيساعدوكِ شخصيًا. أنتِ قوية يا بنتي، الترم الجاي هيكون أحلى! ربنا يوفقك ويفرح قلبك وأهلك! 🌟❤️
تم النشر السبت، ٢٤ يناير ٢٠٢٦
إنتي رابطة قيمتك وفرحة أهلك برقم وده اللي مخليكي خايفة وتايهة الحقيقة إن 48 من 60 وإنتي تعبانة دي حاجه حلوه مش فشل ده معناه إن عقلك شغال وكويس جداً، ولو كنتي في كامل صحتك كنتي قفلتيها إنتي مش ناقصك ذكاء إنتي ناقصك ثقة لو دخلتي أدبي عشان خايفة من العلمي هتلاقي نفسك قدام مواد محتاجة مجهود جبار وانتي اصلاً مبتحبيهاش. مفيش أصعب من إنك تذاكري حاجة تقيلة على قلبك. كملي في علمي علوم عشان ده حلمك والوجع اللي بتحسيه وإنتي بتذاكري حاجة بتحبيها أهون بكتير من وجع المذاكرة وإنتي كارهة المادة. اقفلي صفحة الترم الأول اعتبريه تجربه وجربتي فيها نفسك. تانية ثانوي هي الأساس لثالثة. لو فهمتي كيمياء وفيزياء تانية كويس، هترتاحي جداً السنة الجاية وجربي الأونلاين اليوتيوب مليان مدرسين بيشرحوا بطريقة تخليكي تعشقي المادة. اتفرجي على كذا حد لحد ما تلاقي اللي دماغه راكبة مع دماغك وده هيغنيكي عن تعب السناتر والزحمة. ولو في ماده تقيله عليكي ممكن تاخديها سنتر والوحدة اللي حاسة بيها دي وحدة هدف طبيعي في المرحلة دي إن كل واحد يبقى خايف على نفسه فمتستنيش تشجيع من حد إنتي شجعي نفسك بنفسك. قولي أنا هثبت لنفسي إني قدها نصيحتي ليكي متموتيش نفسك من الخوف قبل اي حاجه وجد مبدأ حلو امشي بيه في كل حياتك إذا بذلتي المجهود فارضي بالموجود وإن لم تحققي المقصود..موفقة بإذن الله 😊 بعتذر عن الإطالة 😊 جد ربنا يوفقك
تم النشر السبت، ٢٤ يناير ٢٠٢٦
تاني حاجة المهم في تالتة بس تذاكري اول باول و تحلي أسئلة كل دروس قبل ما تاخدي الدرس اللي بعده و تراجعي بعد ما المنهج يخلص، و انا من وجهة نظري لو المدرس موجود في سنتر عندكم في المنطقة و شرحه كويس و بتفهمي منه وبيحل اسئلة مستوى صعوبة كويس او بيحل من كتب خارجية مشهورة و اسمها معروف انزليله يبقى افضل من الاونلاين، انما لو هو اصلا المدرس بتاع الاونلاين و بتسألي تنزليله سنتر ولا تخليكي اونلاين لا اكيد اونلاين افضل مليون مرة
تم النشر السبت، ٢٤ يناير ٢٠٢٦
العفو.. موفقة بإذن الله ربنا يسعدك
تم النشر السبت، ٢٤ يناير ٢٠٢٦
امم طيب تمام شكرا جدا🤍
تم النشر السبت، ٢٤ يناير ٢٠٢٦
هو انت اعرف بتوع الثانوي العامه والأزهر وكدا ف لو دول ينفعوك مع حضرتك أقوالهم لك عادي لكن معرفش لغات صراحتا 😊
تم النشر السبت، ٢٤ يناير ٢٠٢٦
لالا هو هو بس الفرق بيتاخد دة انجليزي ودة عربي
تم النشر السبت، ٢٤ يناير ٢٠٢٦
هو تقريبا المنهج مختلف عن الثانويه العامه ولا نفس بتاع اللغات
تم النشر السبت، ٢٤ يناير ٢٠٢٦
العفو ربنا يسعدك لو محتاجه أسماء مدرسين عادي ممكن أفيدك 😊
تم النشر السبت، ٢٤ يناير ٢٠٢٦
شكرا اوي بجد ولا اطاله ولا حاجه انا بشكرك جدا
تم النشر السبت، ٢٤ يناير ٢٠٢٦
خليكي علمي علوم الكليات بتاعتها احسن للبنات
تم النشر السبت، ٢٤ يناير ٢٠٢٦
اول حاجة بس تانية ثانوي مش مقياس لتالتة
تم النشر السبت، ٢٤ يناير ٢٠٢٦
اه ياريت بس انا لغات ف لو مع حضرتك مدرسيين يبقا الف شكر بجد🤍
تم النشر السبت، ٢٤ يناير ٢٠٢٦
مانا خايفه مجبش مجموع
تم النشر السبت، ٢٤ يناير ٢٠٢٦
هو عامة المدرسيين كلها اللي اعرفها بتدي اونلاين ف انهي احسن ؟ وهل اكمل في تالته علمي ؟ عادي ولا ؟
تم النشر السبت، ٢٤ يناير ٢٠٢٦
لعرض السؤال في فدني اضغط هنا