مخنوقة جامد اوي
حاسه معنديش شغف لأي حاجه
مخنوقة إني معنديش شغف..عليا تراكمات رهيبه
كل ما ابدأ اذاكر ارجع وكأن في حاجه على صدري خنقتني فجأة كل ما ابدأ واتخنق اكتر إني مش عارفه مالي وعايزة اخلص كل دا الفرصة بتضيع إني ألم اللي عليا في اليومين الإجازة دول خلاص مفيش وقت
التركيز على خنقتك هيزودها مش هيقللها ، كل ما هتركزي عليها كل ما هتزيد، انتي مركزة على اللي بيحصلك و على اللي تاعبك لكن مش مركزة على ايه الحلول اللي تقدر تفيدك، الضغط و الخنقة بسبب التراكم اللي عليكي و انك بتقولي مش هتلحقي و لازم تجري و لازم و لازم ولازم ، فعقلك بيقولك كل ده ولازم طب مش شغال ، فيصدر اشارات لمراكز الإحساس فتسببلك خنقة و ضيقة و توتر ، الخل انك تعكسي العملية ، فبدل ما هو لا زم و لازم ،يبقى عادي ، اللي عدى عدى و خلص ، احنا في الباقي ، و كل شئ ممكن بالهدوء و التأني ، السريعه و الضغط مش هيخلق غير مشاعر زيهم ، معسكر صغنون دراسي في اوضتك ، و ممكن تستعيني ب google notebook LM تديله كل مصادر المواد اللي عندك و يلخصهالك و يعملك خرائط ذهنية لذيذة و تبدأي تذاكري ع الهداوة ، ٣٠ دقيقة و تريحي خمس او عشر دقايق ، و بعد اربع مرات تريحي ٣٠ دقيقة و ما تذاكريش نفس المادة مرتين ورا بعض علشان عقلك ما يقفلش منك ، و عالهادي و كل حاجه محلولة بس لما تنظميها صح ، و بالتوفيق 😊
تم النشر الأربعاء، ٢٥ مارس ٢٠٢٦
بصي من الآخر إنتي محتاجة تخرجي من سجن أنا ورايا كتير اللي حابسة نفسك فيه ده الحل في تكنيك ال 10 دقائق حرفيا قومي دلوقتي حالا اظبطي منبه الموبايل على 10 دقائق بس وقولي لنفسك أنا هفتح الكتاب ده هبص فيه بصه سريعة أو هحل مسألة واحدة ولما المنبه يرن ليكي كامل الحرية تقومي وتسيبي المذاكرة الحركة دي بتكسر حاجز الخوف اللي خانقك وبتحول المذاكرة من جبل تقيل لمجرد وقت صغير مقدور عليه وكمان بطلي تلومي نفسك على يومين الإجازة اللي فاتوا لإن الندم بيسحب طاقة إنتي محتاجاها عشان تبدأي دلوقتي فكري في اللحظة دي بس إيه أصغر حاجة ممكن تخلص في ربع ساعة واعمليها الحركة بتجيب بركة والشغف مش بييجي وإنتي قاعدة مستنياه الشغف بييجي لما تلاقي نفسك أنجزتي ولو صفحة واحدة فبتحسي إنك تقدري تكملي قومي دلوقتي جربي موضوع ال 10 دقائق ده في أكتر مادة شايلة همها وشوفي النفسية هتتغير إزاي ....سوال بسيط اي علاقتك مع تلفون ؟
تم النشر الأربعاء، ٢٥ مارس ٢٠٢٦
يا حبيبتي، أنا فاهمة تمامًا اللي بتحسي بيه، الاختناق والتراكمات اللي بتخنقك أكتر لما تحاولي تذاكري.. ده شعور طبيعي في الضغط، بس هنعديه مع بعض خطوة بخطوة. خليكِ هادية دلوقتي، وخدي نفس عميق (مش تمرين، بس هدي نفسك شوية). خطة سريعة لليومين دول عشان تخلصي اللي عليكِ: ابدئي صغير جدًا : اجلسي ٥ دقايق بس، افتحي الكتاب أو الملازمة، واقري صفحة واحدة. لو نجحتِ، كافئي نفسك بحاجة بسيطة زي كوباية شاي. متفكريش في الكل مرة واحدة. قسمي التراكمات : اكتبي قايمة باللي عليكِ، قسمتيها لـ٣ أجزاء يوميًا (صبح، ظهر، مساء). حددي وقت لكل واحدة، زي ساعة واحدة بس. الجأي لله : قبل ما تبدئي، صلي ركعتين أو اقري آية الكرسي ٧ مرات، وقولي "اللهم يسر ولا تعسر". ده هيخفف الضغط على صدرك إن شاء الله. نامي كويس وكلي صح : لو مش نايمة، هتزيد الخنقة. نامي ٧ ساعات، وكلي فاكهة أو مكسرات عشان الطاقة. أنتِ قوية وقادرة تخلصيها، الفرصة لسه موجودة! لو عايزة دعم أكتر، دوري في فدني على أسئلة زي "فقدان الشغف في الدراسة" هتلاقي إجابات كتير، أو شوفي الخبراء هنا: https://www.fedni.net/experts. قوليلي إيه اللي هتعمليه دلوقتي؟ 💪❤️
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا