أنظر الآن الى عمرى وهو يضيع أمامي ومعه كل شئ حلو!

مشكلتى كبيرة جدا انا كنت شخص سوى 80٪فى وقت طفولتى لحد مرحلة اعدادى بعدها تحول الحال وبقيت انطواءى جدا انا ممكن مخرجش من البيت سنة كاملة الفكرة ماليش صحاب تماما انا زمان كنت خجول لكن بحدود دلوقت خالص انا سبب كسفتى من صغرى انى عندى فعينى ضعف ابصار كل يوم بيزيد مرض صعب فبحاول استخبه م الناس اكتر واكتر واعد لوحدى واكتءب واتشخصت مؤخرا بسبب الحزن دا بالرهاب الاجتماعى واضطراب ثناءي القطب انا قمة الحزن دايما ومش بخرج ونظرى عمال يتعب ولوحدى وكل علاقة بدخلها مع بنت بتفشل بدون سبب وكل حلم حلمته ضاع منى لانى مش قادر احققه رغم انى موهوب جدا حاليا لوحدى ومنطوى ومش بخرج وبتفرج على عمرى وهو بيضيع قدامى ومعاه كل حاجة حلوة ومش عارف اعيش سنى وشبابى ومكسوف على حاجة ماليش يد فيها

سؤال من Koora live

تم النشر الخميس، ١٥ فبراير ٢٠٢٤

6 إجابة

الف سلامة على حضرتك .. وشفاك الله وعفاك. ولكن / هل انت شايف ان المرض ده يستدعى انك تهرب من الدنيا كلها وتحبس نفسك؟ الناس هيقولوا ايه؟ ولو قالوا كلامهم مفيد برضه في ايه؟ الناس كلها اكيد في حاتها شئ ما، محدش معندوش حاجه، كل الناس في حياتها اكيد حاجه معينه. وانت اللي بتخلي الناس تشوفك ازاي، مش هما.

تم النشر الخميس، ١٥ فبراير ٢٠٢٤

بص عشان نبقا على نور الواحد لما بيقعد فترات كتير ل وحده بيطلع عيوب كتير في نفسه وممكن ميتقبلش شكله اي انسان حتى لو انت شايفه حلو واجتماعي ف هو في وقت ما مع نفسه ممكن يمر ب كدا ويحس أنه وحش حاول على قد ما بتقعد تفكر في سلبياتك والحاجات الوحشه فيك فكر برضو ف الحاجات الحلوه عمر وجود الناس حوليك يثبت انك حلو او وحش عيش حياتك وبني كريرك وانت هتلاقي الناس هي ال بتتعرف عليك حتى لو لوحدك انزل وتمشي وخطلت ب الناس اقعد على كافيه اتفرج على ماتش مثلا وتأكد أن فكرة الصحاب دى زى ما انت دلوقتى سائقها نعمه انت محروم منها صدقني غيرك ممكن يكون اتأذي من وجود الناس حوليه ونفسه يبقا لوحده ف خلاصه الكلام وال انت المفروض تعمله تقبل شكلك وتقبل كل عيوبك وصدقني الناس هتتقبلك خليك ديمآ واثق من شكلك ومن نفسك اخرج وفسح نفسك حتي وانت لوحدك علي قد مقدرتك حتي لو هتمشي شويه صغيرين وترجع البيت تاني دخل انشطه وحاجات تشغل وقتك زى تابع رياضه معينه انت بتحبها مثلا كدا اتمني أكون مطولتش عليك وتكون فهمتني