Mohamed 1

حته الفوائد انا مش معاها الحقيقة هتقلي ليه ؟ هقولك ممكن يحصل زياده في الأسعار و بالتالي هيبقى المبلغ زي ما هو فا هيبقا فقدت قيمته الافضل من وجهة نظري عندك تلت حلول 1- تدور علي شقه في حته متوسطه مش شعبيه اوي يعني مثلا العجمي وممكن لو مش مناسبه للاستقرار بنسبالك ممكن تأجرها وتدفع إيجارك منها وبكدا مع الوقت تمن الشقه كدا كدا بيزيد ف تقدر تبيع بعد كدا بسعر أغلى وتشتري في حته احسن لو كنت حوشت مبلغ تاني 2- ممكن تشتري دهب بالمبلغ وتشيله مفتكرش أن الدهب هيفقد قيمته بل بالعكس هيزيد (بصراحه معرفش تجيب دهب عادي ولا سبائك تقدر تسأل مثلا حد عنده خبره ويقلك اي الاحسن واي الفرق) 3- ممكن تشوف عربيه لو ينفع تشتغل اوبر مثلا وكدا فتشتريها وتشغل عليها حد وبرضو العربيات بتغلى وكدا كدا هتبقا بتاخد منها ربح كل شهر وبرضو لو هتبعها بعد فتره هتبقى أضعف الايمان ب نفس السعر دا لو مكنتش زادت الافضل انك تفكر كويس عشان المبلغ يزيد معاك ميقلش وتشوف اي الحلول المناسبة ليك أو ممكن تفكر ف حاجه تانيه خالص انا بس حبيت ادي امثله عشان اوصلك الفكره

دلوقتى ب النسبه للسجائر انت يعتبر مبطل ونصيحه حاول متركزش انا مبطل بقالي يوم بقالي سنه وكدا لا خلي بينك وبين نفسك انا دلوقتي بطلت سجاير لأنها حرام وهتدمر صحتي وممكن تأثر على مستقبلك في حاجات كتير جدا (ابحث وشوف) ف بالتالي خلاص الباب دا اقفله من دماغك ومهما حصل من ضيقه أو حزن أو ظروف اوعي ترجع (عشان دا الباب ال الشيطان هيجيلك منه اعمل حسابك ) بالنسبه للعاده اكيد هتأثر على الصلاه لأن هي تعتبر نجاسه ف هتمنع عن الصلاه فا نتصرف ازاي في الحاله دي ؟ انت دلوقتى ضعفت ورجعت مثلا الشيطان هنا ونفسك برضو لأن النفس اماره ب السوء برضو هتقلك انت رجعت لنقطه الصفر تاني بعد ما بطلت خلااص كمل واستلم...لا ب العكس لازم غلط يبقا بعدها على طول ادخل اغتسل وطلع اصلي ركعتين أن ربنا يساعدني ويغفر لي وكل ما ترجع تصلي خلي كدا بينك وبين ربك حمد وشكر أن ربنا فاتحلك الباب دا وبترجع عشان ربنا يزيدك وترجع بدل المره الف وعود نفسك الشيطان عايزك تعمل سيئات صح ؟ ووقعك هو دلوقتى في سيئات بعدها على طول روح اعمل حسنات مضاعفه صلي وقراء قران فلوس السجائر لما تحس بضعف خد تمن العبه وروح حطه ف الجامع الصدقات تذهب السيئات وصلي اكتر واستغفر بعد كل ذنب ودعي وصدقني لو مشيت ب المبدء دا أن كل ما تغلط غلطه واحده تعمل قصدها 10 حاجات صح هيجي يوم ونفسك هتقرف تعمل اي حاجه غلط وهتلاقي نفسك بقيت تحسب تعمل كل حاجه صح وفتكر ديما أن احنا في الدنيا والدنيا دار اختبار ولازم منستسلمش

هبسطلك الموضوع بصوره واضحه السنن أو السنه وهي أن بنتبع أوامر النبي صلي الله عليه وسلم ودا الصح من جمهور العلم لان الاسلام يستمد من القرآن الكريم ال هو كلام الله تعالى والأحاديث النبوية وهو كلام النبي صلى الله عليه وسلم وال بيتبع كلام الله ورسوله يعتبر سني تمام كدا فهمنا حته السنه ... اما ب اختصار الشاعره والصوفيه والسلفي فا بيتفقو في بعض السنن ويختلفو في بعضها ودا طبعا غلط ومكنوش موجودين ايام النبي صلي الله عليه وسلم بل ظهرت الفرق دى واتقسمت بعد موت النبي صلى الله عليه وسلم

لو فرضنا أن دا مرض فعلا وبيسمو الانفصام بس لو جيتي تبصي للموضوع هتلاقي أن انتى كل ال عندك عباره عن تخيلات يعتبر جت لكل الناس قبل كدا الفرق بينك وبين اي حد جت له تخيلات إن هو متمسكش بيها وفعلا صدق أن دى تخيلات انما عقلك الباطن حب التخيلات لدرجه ان انتى بدل ما كنتى بتسمعي بس لا كمان كبرتي التخيل وبقيتي بتشفيهم فكره ان هما خمس شبان زى ما بتقولي مفكرتيش ول مره أن ليه هما خمسه ليه خمسه مش سته مثلا ول ليه مش اربعه الفكره أن انتى رابطه قصه حصلت في الفتره دى مع خيالك ونقلتي جزء من الواقع للخيال انتى اكتر واحده عارفه أن انتى بتفضلي رقم خمسه عشان كدا عقلك اختارلك أن هما خمس شبان لو عايزه تطلعي الفكره دى من دماغك ومتشفهمش على ما اعتقد أن انتى تقدري عادي بكل سهوله تحاولي متخليش نفسك فاضيه وفي أوقات فراغ كبيره وتفضلي قاعده تسرحي مع نفسك دا غلط جدا وكمان مينفعش تقعدي ف الضلمه وتفضلي صاحيه حولي تشغلي اوقات فراغك وكمان تبطلي قرأه روايات لان انا متاكد أن انتى بتقري روايات وبرضو لو عرفتي تروحي لدكتور يبقا افضل عشان تخدي علاج يساعدك على النشاط لان عقلك يعتبر بيلجأ للراحه عن طريق التخيل واكيد طبعا مش محتاج اقلك أن انتى لازم تصلي لو كنتى مش بتصلي وبس كدا وحاولي تقنعي امك أن انتى عادي تروحي لدكتور نفسي وعلي فكره الدكتور النفسي الفكره منه أن انتى هتحكي وحد هيناقشك في افكارك على أرض الواقع فا دي حاجه كويسه واخر نقطه أن انتى فعلا تقدري توقفي التخيلات دى عن طريق أن انتى تشغلي وقت فراغك وان انتى متخليش التخيل يسحبك وتفضلي تكملي القصه ف خيالك

الواتس دا مش معمول برقم شخصي تبعك يبقا الموضوع سهل شوف للخط متسجل باسمك أو بأسم حد من أهلك وروح بيه على الفرع التابع للخط زى اتصالات مثلا لو الخط اتصالات وطلب أن انت عايز تعمل خط جديد بنفس الرقم عشان التليفون والخط القديم وقع وسهل جدا وانت واقف هيسلمك خط جديد بالرقم بتاعك وحطه ف تليفون تاني وفتح منه الواتس بتاعك وتلقائيا الواتس هناك هيعمل تسجيل خروج ولو حاول يعمل هو تسجيل دخول مش هيعرف لأن الخط ال معاه بيبقا أتوقف خلاص وكل الرسايل هتبقا بتيجي على الخط الجديد بتاعك بس نصيحه حاول ترن على التليفون بتاعك لعل وعسى يطلع شخص كويس مثلا ويرجعلك التليفون لأن انت لو قفلت عليه الخط زى ما قلنا فوق هيبقا انت كدا بنسبه كبيره خسرت تليفونك الا بقا لو انت استعوضت ربنا في التليفون

قولا واحدًا مينفعش طبعا يبقى في تواصل بينك وبينه حتي لو كلام تافه انتي متزوجه وعندك اولاد حتي لو زوجك مش موجود برضو مينفعش هو لو عنده مشكله او حياته فيها اي حتي يقدر يشوف حد اكبر منه راجل زيه ويدور له على حل غير كدا اتأكدي مليون ف الميه أن هو عنده غرض تاني وبيخطط عشانه لو مش فارق معاكي نفسك اعملي حسابك لبناتك الاربعه ولجوزك اللي خلفتي منه الأربع بنات وفي الاول اعملي حساب لدينك نصيحه لوجه الله تجنبي الرد عليه هل مفيش قرايب تاني ف العيله غيرك عشان يرن عليكي انتى بس افتكري كويس أن انتو مش اطفال مراهقين عشان تخدو قرار غلط

يمكن سبب تكبير الخلافات أن بيبقا ل فترات كبيره بعيد وممكن بيبقا راجع منتظر احتواء منك مش خناق مثلا او كدا حولي تيجي ع نفسك مره مثلا وتتجنبي حدوث زعل او اي حاجه وتمتصي غضبه مثلا ومتكبريش الموضوع حولي مثلا تعمليلو مفاجأه ب اكله هو بيحبها مثلا في يوم رجوعه ( لو امكن ) انتى ال تقدري تقيمي ال حاجات ال بيحبها وتشوفي اي ال ممكن تعمليه على ما اعتقد لو شاف انك بتقدريه وبتهتمي بيه ف تلقائيا هينعكس على سلوكه وهيعملك ب نفس الأسلوب لان ساعتها هيتكسف أنه يعملك وحش لان لقي منك معامله حلوه وجربي يعنى الحياه ما هي إلا تجارب

طب محاولتش تسئل نفسك أو تسئلها اي الأسباب ال مخلياها تعند معاك ف كل حاجه يعنى مثلا هل ف اول الجواز كنتو كويسين جدا وبعد كدا بدء يظهر مشاكل ول هي من اول يوم وهي معاك ب الأسلوب دا هنفرض أن لا هي كانت كويسه جدا بس بعد ما حملت بقت كدا. يبقا لازم انت ال تحتويها هي اكيد مثلا تعبانه من الحمل مثلا في حاجه انت بقيت مقصر فيها متحسسهاش أن انت عايز منها حاجه معينه وخلاص انا شايف أن دا غلط المفروض انتو ال اتنين تبقو محتاجين بعض مش طرف واحد بس يبقا لازم كل واحد فيكو يشوف ازاي يسعد التاني يعنى هي مثلا بتقلك انا تعبانه وحاجات كتير ساعدها ي عم اقف جنبها خليها تحس ان انت معاها عشانها هي مش عشان عايز منها حقوق زوجيه بس القصد ال عايز (اوصلهولك) أن شوف فين المشاكل وحلها الاول احنا مش حيوانات وبعد ما تلاقي نفسك عملت كل حاجه ومش مقصر ف حاجه وهي ال بتستعبط مثلا يبقا على الأقل لما تاخد قرار هتبقا مرتاح وانت بتاخدو لانك عملت كل حاجه وبل ب العكس ممكن أهلها لما يلقوك عامل معاها كل حاجه كويسه هما ال يقفو ف صفك انت ال ف المشكله مش انا ف انت ادري ب حجم المشكله برضو لو المشكله مشكله حقوق زوجيه بس وتقدر تلم المشكله تعاله على نفسك ولم المشكله وصالحها وجبلها هديه مثلا ورجعها و زى ما قلتلك شوف اي المشاكل وصلحها قرب منها ومتطلبش منها حقوق زوجيه و الكلام دا لأنها هتبقا وقفا معاك ع مشكله هنفرض أن انت بتروح شغل الصبح وبتيجي بليل بس حاول كدا تنزل كانك رايح الشغل وتجيب مثلا هديه أو أكل او اي حاجه ف مقدرتك وتاخد اجازه اليوم دا وترجع البيت تقعد معاها تشفها بتعمل اي طول اليوم ال مخليها مضايقه ومخنوقه منك مثلا اعرف تفاصيل يومها صاحب أهلها وبدل ما هي ال تقلك انا عايزه اروح ل اهلي انت ال قلها مثلا ما ترني ع اهلك نعزمهم عندنا نهاردا ع الغدي ....انا مش عايش معاك ومعرفش حجم الضغط ال انت فيه وانا فاهمك ومقدرك بس بحاول افكرك بحلول يمكن انت مش واخد بالك منها ... اصل اسهل حاجه ممكن حد يقلهالك انك تطلق ومش عارف اي وكل واحد ي عم يروح ف حاله بس خراب البيوت مش سهل يعنى دا غير انك بتقول أن هي حامل يعنى مش هتبقي صفحه وتقفلت نهائيآ ولسه لما يكبر هيبقا نفقه ثابته للطفل وحاجات كتير فا متخليش لحظه غضب أو تقفل دماغك ع حاجه معينه وبعد كدا نقول دا انا كان ف ايدي اصلح ومصلحتش لا انت شوف اي ال ف مقدرتك زى ما قلتلك وبعد كدا لو مفيش نصيب يبقا بينك وبين نفسك انت حاولت متخربش بيتك والخيره فيما اختاره الله

هو يعتبر كان بينساها بيكي عشان متضحكيش على نفسك انا معرفش اعمركم اي بس هو مقلكليش برضو اي الأسباب ال خلتو انفصل هل مديات مثلا أنه مقدرش يتقدم لها ومش جاهز ؟؟؟؟ فا كل دى اسباب تخليه حتى لو دخل علاقه جديده مستحيل يرتبط لانه عارف اي ال مستنيه انا شايف أن كل واحد فيكو يركز ف حياته ولما يكلمك تبقي تفهمي منه أسبابه بس برضو متفرضيش نفسك عليه الحب والصداقات لما بتتطور بيبقا في الغالب نهايتها مأذيه ل طرف من الاتنين انا مش بعقدك بس دى حقيقه لان سنكم صغير

أولا موضوع محفظه فودافون كاش او اي محفظه على اي رقم لازم خط يكون متسجل ب اسمك يعنى لو معاكي خط مثلا بس متسجل ب اسم ولدك أو ولدتك عادي بتروحي معاهم الفرع ال هو مثلا فودافون او اتصالات أو أورانج على حسب نوع الخط وبتقللهم عايزه انقل ملكيه الخط بيخدو منك البطاقه وبطاقه الشخص ال مسجل ب اسمه الخط وخمس دقايق ب الكتير وبيبقا كدا الخط بقا ب اسمك او تشتري خط جديد وتسجليه ب اسمك وبتقللهم برضو في الفرع عايزه اعمل محفظه الكترونيه الموضوع مبيخدش 10 دقايق على بعض في نفس الفرع وبتفعليها وانتى موجودة هناك والموضوع سهل جداً متصعبيش على نفسك يعنى ثانيا بقا موضوع الشغل وان الجروب مش بيكبر وكدا تقدري انك مثلا تنزلي على جروبات فيس اعلانات ل شغلك يعنى مثلا شوفي جروبات على الفيس تكون ليها علاقه ب المجال ال انتى شغاله فيه ونزلي شغلك عليه وال يحب يتواصل معاكي تقدري ساعتها تنزلي للينك الجروب بتاعك وبالتالي الناس هتبدء تدخل الجروب أو برضو في فكره تانيه انك تعملي زى مسابقه للناس ال موجودين ف الجروب بتاعك أن مثلا ال هيدخل صحابه أو أهله هياخد خصم مثلا على المنتج ال انتى بتبعيه وشوفي انتى هتقدري مثلا تقللي في سعر اني حاجه من غير ما تخسري وهكذا ووحده وحده الدنيا بتكبر وشغلي دماغك في افكار تانيه برضو وربنا يرزقك أن شاء اللّه وستعيني بالله وربنا هيكرمك

طب وهل الكاميرات ال اتشالت دى بتسبب ليكي اذي ب اي شكل من الأشكال وعلى فكره انتي لو عملي الكاميرات في اتجاه املاكك يعنى بتصور باب بيتك مثلا او اي حاجه تابعه ليكي ملك ليكي فقط مستحيل يقدر يشلها ب قرار من الحكومه لأنها حمايه لممتلكاتك الا لو كانت الكمبيوتر بتجرح جزء من برا ممتلكاتك ول هي مثلا شقه جارك وعشان كدا هو قدر يجيب الحكومه ويشيل الكاميرات

هل تقصدي جارك مركب كاميرات ول انتي ال مركبه كاميرات ؟

كلام حضرتك غير مرتب دلوقتى انتى بتقولي مش عارفه هو عرفها منين ازاي لغايت دلوقتى متعرفيش هو عرفها ازاي مع أنك بتقولي ارغمك على الموافقه يعنى ارغمك على الموافقه على حاجه انتى متعرفهاش ول تعرفي أصلها؟؟؟ هنفرض كدا فعلا طب هل البنت سلوكها غير مهذب مش متربيه يعنى دي حاجات بتقليها ل ابنك بهدوء وأنه يركز وياخد باله وبالتالي تلقائيا هو من نفسه هيبعد عنها ول قصدك البنت كويسه ومفهاش اي حاجه بس هو سلوكها معاكم وحش بس لو كدا يبقا المفروض تصلحو الأخطاء دى بينكم تقعدو مع بعض كتير يبقا في ترابط وتكسرو حاجز التصادم دا وحضرتك بتقولي هي طبعانه فيه أو في فلوسه على ما اعتقد من كلامك ومن اسلوب ابنك باين أن انتو ال بتصرفو و انتو ال مجهزينه يعنى هو مشتراش حاجه من جيبه ول شقه ول حاجه يبقا انتو ساعتها تقدرو توقفوا كل دا كلامه هو غير عاقل دا لو فعلا البنت مش كويسه عمتآ انما لو البنت على خلق واختلاف ثقافه مثلا دى حاجة هو ال يوافق أو يرفض مش انتو انتو من حقككم بس توعوه لو النسب مش كويس أو البنت سلوكيتها مش كويسه غير كدا إذا كان اختلاف ثقافات أو بيئات أو طبعانه ففلوسه زى ما حضرتك بتقولي مفتكرش أنه مليونير يعنى عشان تطمع ففلوسه يبقا ف الجزء دا هو ال يختار بدون ما تخسري ابنك وتعملي مشاكل بينك وبينه التوعيه تبقا ب الاحتضان مش الهجر

مش وحش أن الواحد يفكر بس الوحش أن هو يفكر ف نص الكلام وميدورش على إجابات انتى بتقولي أن الله ممكن يكون خلق الناس والأرض عشان يتحدي اله اخر صح ؟؟ مع أن ربنا قال ( ما خلقت الانس والجن الا ليعبدون) يعنى لو كان في تحدي مع حد كان ربنا ذكره وكمان فكره ان في اله اخر او اكتر فا ربنا برضو قال ( قل هو الله احد الله الصمد لم يلد ولم يولد ولم يكن له كفوا احد) يعنى ربنا برضو قلنا الجواب ف القران أن لا مفيش غيره طب دلوقتى تمام مفيش غيره وهو خلقنا العباده فعلا طب ليه لما بدعي مثلا مبيتقبلش مني ؟؟؟ يبقا هل كدا هو مش موجود ؟ اكيد لا لان لو هو مش موجود طب احنا جينا منين ومين خلقنا زى مبدء كدا مين صنع السياره ؟ اكيد السياره مبقتش موجوده من نفسها كدا برضو احنا نفس النظام طب انتى بتقولي انا مش حبه ادخل الجنه وانتى تفضلي أن انتى متبقيش موجوده اصلا عارفه ليه انتى عايزه كدا ؟ عشان راحه وسكينه وسلام داخلي كدا زى مثلا حد مختفي طب هل انتى تعرفي الجنه دى هتبقا عمله ازاي ؟ طب هنبقا عيشين ازاي ؟ يعنى هنبقا بنتعب وصداع وكدا ؟ محدش يعرف لاكن الرسول صلى الله عليه وسلم قال عن الجنه(في الجنه ما لا عين رأت ولا أذن سمعت ولا خطر على قلب بشر) ودا يثبت أن مهما الإنسان اجتهد وتخيل اي ال ف الجنه او شكلها عامل ازاي فا مستحيل حد يتخيل حتى جزء بسيط صح لان النبي قال ولاخطر على قلب بشر وبكل بساطه احنه بشر فا مستحيل نعرف هل الجنه دى هتبقا حياه متعبه طب الراحه فيها هتبقا عامله ازاي ؟؟؟ كل دا مجهول وهتبقا مكافئه لل هيدخلها هيعرف اجوبه كل دا

بصي اهم حاجه تثقي في نفسك ومتبصيش ل حد ب الذات في الدراسه طريقه مذاكره الناس مختلفه عن بعض الدرجات الوحشه في الدروس مش مقياس فشل ب العكس كل دا تجارب عشان امتحان اخر السنه اعملي ال عليكي كويس ف المذاكره اغلطي عادي وصلحي غلطك وتذكري كويس (أن الله لا يضيع أجر من أحسن عملا) ف اعملي ال عليكي ذاكري وجتهدي على قد ما تقدري وقربي من ربنا ونتظمي في الصلاه والدعاء وخلي عندك يقين كبير أن ربنا هيحققلك ال نفسك فيه ول تستهليه والثانوية مش نهايه المطاف عشان تبقي عارف لسه الحياه كبيره جدآ ف اعملي ال عليكي وثقي ف قدراتك ومتقرنيش نفسك بحد وسيبي الباقي ل ربنا

اهم حاجه انك تتغير بجد سيبك من فكره انك بطلت اهم حاجه تغير دماغك من جوه ابعد تماماً عن الأفكار القديمه اشغل الأوقات الفاضيه ف يومه ب هوايه أو اي حاجه مش هقولك روح جيم و الشغل دا بس حاول تبعد أن شخصيتك القديمه ولو فعلاً عايز تعوض مراتك وطفلك الصغير هيتعوضو ب حاجه وحده انك تتغير للاحسن من كل حاجه ووقف حتي سجاير ومتقلش مقدرش عيب انت باين من كلامك انك انسان زكي وعاقل ف متضحكش على عقلك وتقول مقدرش ودي حاجه بسيطه مش عايز اقلك قرب ل ربنا و لدينك لأن دى حاجه بديهيه يعنى واكيد لازم تعمل كدا ومش محتاج اقلك ابعد عن اصدقاء السوء برضو دى حاجه كنا بنسمعها وحنا صغيرين من اهلينا ودي حقيقة الصاحب ساحب ي صحبي اهم حاجه انك متفكرش ف الماضي فكر ازاي تحسن من نفسك بس لو حسيت بملل ف حياتك ف اي وقت من الأوقات شوف الناس الطبيعية بتخرج من الملل ازاي وعمل زيهم متلجأش للحل السهل ال يدمر وصدقني مراتك هتنسي كل حاجه لما تشوفك اتحسنت بجد ورجعت الشخص ال حقيقي من نفسك وتأكد أن الفلوس مسيرها تيجي بس تجيلك وانت اب وزوج عاقل ومحترم المسئوليه مفتكرش أن انت محتاج نصيحه ل اي حاجه انت مريت بيها انت ناضج بما فيه الكفايه وعرفت نهايه كل طريق الدنيا بقت واضحه قدامك اختار حياتك صح وزي ما زمان جربت كل حاجه وحشه جه الوقت ال تجرب كل حاجه حلوه وصحيه وتعيش الحياه ال بجد بعيدا عن الوهم وعوض مراتك وطفلك ب حياه كويسه وأمنه والحياه الكويسه هنا مش بتتقاس ب الفلوس بتتقاس ب الطمأنينه والحب والثقه

بص عشان نبقا على نور الواحد لما بيقعد فترات كتير ل وحده بيطلع عيوب كتير في نفسه وممكن ميتقبلش شكله اي انسان حتى لو انت شايفه حلو واجتماعي ف هو في وقت ما مع نفسه ممكن يمر ب كدا ويحس أنه وحش حاول على قد ما بتقعد تفكر في سلبياتك والحاجات الوحشه فيك فكر برضو ف الحاجات الحلوه عمر وجود الناس حوليك يثبت انك حلو او وحش عيش حياتك وبني كريرك وانت هتلاقي الناس هي ال بتتعرف عليك حتى لو لوحدك انزل وتمشي وخطلت ب الناس اقعد على كافيه اتفرج على ماتش مثلا وتأكد أن فكرة الصحاب دى زى ما انت دلوقتى سائقها نعمه انت محروم منها صدقني غيرك ممكن يكون اتأذي من وجود الناس حوليه ونفسه يبقا لوحده ف خلاصه الكلام وال انت المفروض تعمله تقبل شكلك وتقبل كل عيوبك وصدقني الناس هتتقبلك خليك ديمآ واثق من شكلك ومن نفسك اخرج وفسح نفسك حتي وانت لوحدك علي قد مقدرتك حتي لو هتمشي شويه صغيرين وترجع البيت تاني دخل انشطه وحاجات تشغل وقتك زى تابع رياضه معينه انت بتحبها مثلا كدا اتمني أكون مطولتش عليك وتكون فهمتني

نصيحه حاول تطور من نفسك تطور اسلوبك وحياتك للاحسن وحاول تتعرف على اصدقاء جدد ونصيحه عامل الناس ب المثل ال يحبك حبه وال يهملك أهمله

دا طبع في الإنسان أنه يزهق لو الحاجه اتكررت كتير يعنى لو انتى بتحبي اكله مثلا وفضلتي تكليها متواصل كل شويه ل مده سنه مثلا هتلاقي نفسك كرهتيها مع الوقت أو بدأتي تستغني عنها واعرفي أن في يوم من الايام هيجي الشخص يقدر الحب الزياده دا ومن كلامك باين انك لسه صغيره ف السن على ما اعتقد يعنى لسه ف مدرسه تقريباً ف عيشي سنك اشغلي وقتك ب هواياتك أو حتي اخترعي هوايات ل نفسك ودي حاجه هتسعدك تخرجي جزء من كبت الحب الزياده ال عندك في انك تحبي حاجات كتير مش لازم الحاجات دى تكون أشخاص طوري من نفسك ومستواكي الفكري والتعليمي ووعدك انك هتكوني شخصيه محبوبه والناس هي ال هتبقا بتقدملك كل الحب وهيبقا نفسهم بس انك تكلميهم

الافضل والاحسن أن انتى تروحي ل اماكن دار الإفتاء ليهم فروع كتير جدا وعلى الأقل هتبقي بتناقشي الموضوع ب التفصيل فروع دار الإفتاء بتبقا ساعات في مدارس الأزهر أو بيبقا ليها مقرات على حسب المكان ال حضرتك ساكنه فيه تقدري تسئلي على أماكن دار الافتاء ال قريبه منك واكيد إن شاء الله هتلاقي تقدري تسئلي على الأماكن عن طريق النت وهتلاقي مقرات ليهم كتير وزي ما بقلك الافضل تخدي الرأي منهم مش من اي حد والسلام

وديه ل اي حد بيصلح اجهزه كمبيوتر عشان المشكله متكبرش