اهم حاجه انك تتغير بجد سيبك من فكره انك بطلت اهم حاجه تغير دماغك من جوه ابعد تماماً عن الأفكار القديمه اشغل الأوقات الفاضيه ف يومه ب هوايه أو اي حاجه مش هقولك روح جيم و الشغل دا بس حاول تبعد أن شخصيتك القديمه ولو فعلاً عايز تعوض مراتك وطفلك الصغير هيتعوضو ب حاجه وحده انك تتغير للاحسن من كل حاجه ووقف حتي سجاير ومتقلش مقدرش عيب انت باين من كلامك انك انسان زكي وعاقل ف متضحكش على عقلك وتقول مقدرش ودي حاجه بسيطه مش عايز اقلك قرب ل ربنا و لدينك لأن دى حاجه بديهيه يعنى واكيد لازم تعمل كدا ومش محتاج اقلك ابعد عن اصدقاء السوء برضو دى حاجه كنا بنسمعها وحنا صغيرين من اهلينا ودي حقيقة الصاحب ساحب ي صحبي اهم حاجه انك متفكرش ف الماضي فكر ازاي تحسن من نفسك بس لو حسيت بملل ف حياتك ف اي وقت من الأوقات شوف الناس الطبيعية بتخرج من الملل ازاي وعمل زيهم متلجأش للحل السهل ال يدمر وصدقني مراتك هتنسي كل حاجه لما تشوفك اتحسنت بجد ورجعت الشخص ال حقيقي من نفسك وتأكد أن الفلوس مسيرها تيجي بس تجيلك وانت اب وزوج عاقل ومحترم المسئوليه مفتكرش أن انت محتاج نصيحه ل اي حاجه انت مريت بيها انت ناضج بما فيه الكفايه وعرفت نهايه كل طريق الدنيا بقت واضحه قدامك اختار حياتك صح وزي ما زمان جربت كل حاجه وحشه جه الوقت ال تجرب كل حاجه حلوه وصحيه وتعيش الحياه ال بجد بعيدا عن الوهم وعوض مراتك وطفلك ب حياه كويسه وأمنه والحياه الكويسه هنا مش بتتقاس ب الفلوس بتتقاس ب الطمأنينه والحب والثقه
شكرا ليك يا غالي ع ردك . ربنا يقدرني على اني بس اردلها جزء من اي حاجة و صح طبعا الحياه الكويسة مش الفلوس بس كل حاجة بقت صعبة و دة طبيعي اصل اللي بيبني مش زي اللي بيهد . ربنا يهدي و يقوي الجميع
تم النشر الاثنين، ١٩ فبراير ٢٠٢٤
لعرض الإجابة في فدني اضغط هنا