مرتبط ببنت من عشر سنين كانت العلاقه بينا تمام وانا كان عندي مشاكل مع المخدرات و بطلت من ٤ سنين كنا بنسيب بعض و نرجع كتير بعد ما اتقدمت مرتين و اترفضت لما خرجت من المكان العلاجي اكتشفت ان كل ما كنا بنسيب بعض كانت بتعرف حد بحجه بدي لنفسي فرصه مع حد تاني مع اني مش مقتنع عديتها قلت برده انا ياما غلطت قريت فتحتها من ٦ شهور البنت بقت بجحه و مناطحه و عنديه و دايما حاسس ان في حاجه و اي حاجه بينا بتطلع للاهل و لو سالتها في اي حاجه كام سؤال تتعصب بحجه انك شاكك فيا و لما اعاتبها تجيب الغلط عندي اصل اسالتك مستفزه ... كل مكالمه مشاكل و متردد لا عارف اسيب و قلقان اكمل متلغبط لدرجه اني لسه مجبتش الشبكه ولما باجي اسيب بحس بذنب لانها بقت ٢٩ سنه ... اعمل ايه عشان انا مبقتش مركز ف حياتي و شكرا ليكم
هو اولا العلاقة من الاول كانت محرمة وربنا مش بيبارك في الحرام، حاول تقرب من ربنا اوي الفترة الجاية ويؤسفني اقول لحضرتك ان هي كده اصلا مش كويسة انها رضيت تكلم ولد وتبقى في علاقة معاه من ورا اهلها وكمان كل ما يبعدوا تعرف واحد تاني معاه! المهم ان هي كده لا تبحث عن الاسقرار هي عايزة علاقات مؤقتة وكلام ورغي والجو ده ف لا لقت العلاقة دخلت في الجد بدأت تبعد وتغير طريقتها عشان انت الي تفركش وكمان مبقتش عايزاك تعرف هي بتكلم مين ولا بتعمل ايه وبتفتعل المشاكل على حسب تعبيرك، حاول تبعد فترة وفكر بعقلك وعيد حساباتك وشوف هي عايزاك فعلا ولا لا.. ولو لقيت الاجابة لا ف انسحب فورا بدون تردد ولو على العمر الي انت متصايق عشانه ف هي نفسها بالنسبه ليها عادي كده كده بتكلم شباب ومش فارقه معاها اصلا ف اذا كان هي مش فارقلها يبقى حضرتك كمان لازم يبقى مش فارقلك!
تم النشر الثلاثاء، ١ أغسطس ٢٠٢٣
انا مش راح لومك لانه اللوم مش راح يفيد بشيء في حاجة فات وقتها وعدا عليها زمان لكن انصحك تجلسو ا مع بعض بكل وضووح وتسالها وتسالك ماهي الصفات اليي يتمناها كل واحد منكم في شريك حياته لما تسالك قلها انك الصفات الي كنت تظن انك لقيتها فيها ظهرت انه مافي منها صارحها يا اخي قلها انك مش لاقي الي دور عليه قلها اديت لنفسي وليك كام من فرصة من اجل ان يتصلح الموضوع هذا واوصل للاستقرار والرضا النفسي عن هدي العلاقة لكن ما وصلتش...واكد عليها لانه الموضوع يتعلق بباقي حياتك مع مين راح تعديها افضل من انك توقع في مشاكل طلاق وما اعرف مدامك شايف غلط بالموضوع وضح ليها الغلط واختار الانسب وربي يرزقك التوفيق والسداد في اتخاذ الراي الانسب ليكوليها ....
تم النشر الثلاثاء، ١ أغسطس ٢٠٢٣
طيب اولا انت خايف من ايه وحاسس بالنب ليه؟ يعني هو انتي معقول هتتجوز واحدة انت متردد اصلا من ناحيتها علشان حاسس بالذنب اتجاهها لانها بقت 29 سنة! يعني هل احنا بنتجوز الناس علشان صعبانين علينا؟ طيب ليه مش باصص لبعد كده ؟ ما ممكن تطلقوا بعد كده؟ هو ده مش باين ليك من كتر المشاكل والخناقات اللي بتشوفها دلوقت وعدم الاتفاقات؟ هتحس ب ايه وقتها ..؟ انت مش مضطر ابدا تكمل ف علاقة انت متضرر فيها .. ومش مضطر تكمل في علاقة علشان الطرف التاني صعبان عليك .. وهي كده كده مش كبيرة برضه .. لسه صغيرة ... مع العلم حتى لو كانت 40 كنت هقولك نفس الرد ... تاني حاجه هي ازاي اول ما تسيبوا بعض كانت بتعرف عليك ناس بحجة انها بتدى لنفسها فرصة ..؟ يعني ايه يعني اللي هو لو طلع حد كويس ايه المانع مثلا؟ اللي هو بشوف وبقارن مثلا؟ في الحقيقة انت محتاج تقيم علاقتك بيها بشكل كامل ... من الاول تاني وبدون دخول اي عواطف في الموضوع.
تم النشر الثلاثاء، ١ أغسطس ٢٠٢٣
انا مش راح لومك لانه اللوم مش راح يفيد بشيء في حاجة فات وقتها وعدا عليها زمان لكن انصحك تجلسو ا مع بعض بكل وضووح وتسالها وتسالك ماهي الصفات اليي يتمناها كل واحد منكم في شريك حياته لما تسالك قلها انك الصفات الي كنت تظن انك لقيتها فيها ظهرت انه مافي منها صارحها يا اخي قلها انك مش لاقي الي دور عليه قلها اديت لنفسي وليك كام من فرصة من اجل ان يتصلح الموضوع هذا واوصل للاستقرار والرضا النفسي عن هدي العلاقة لكن ما وصلتش...واكد عليها لانه الموضوع يتعلق بباقي حياتك مع مين راح تعديها افضل من انك توقع في مشاكل طلاق وما اعرف مدامك شايف غلط بالموضوع وضح ليها الغلط واختار الانسب وربي يرزقك التوفيق والسداد في اتخاذ الراي الانسب ليك وليها ....
تم النشر الثلاثاء، ١ أغسطس ٢٠٢٣
كمية عدم استقرار ...كفيلة تخليك مش مركز طبعا. كأنك فى غرفة العمليات وفاتح جسم المريض وبتشتغل فى اللوز والزايدة مع بعض. اقنعنى كده انك هتعرف تطلع من العمليتين بنجاح يرضيك ويخلى المريض يخف فعلا. السؤال هنا ...الارتباط ده اخره امتى وايه ؟ انت اصلا وضعك الحالى ايه ويسمح بأيه ؟ طيب عاوز حياتك المستقبلية عاملة ازاى؟
تم النشر الثلاثاء، ١ أغسطس ٢٠٢٣
اعتقد ان شعورها جاي من خزلانها معاك، الفترة الي بتقول عليها تخلي اي حد ييأس ويضعف، وبالنسبه للبجاحه ف دا لانها مض شايفاك بادر توصل لحاجه معاها ودا مضيعة وقت.. اعتقد الفتره الي بتقول عليها كليره جدا وكافيه تخلي اي اتنين يزهقو من بعض لان مفيش حاجه رسميه تربط العلاقه..
تم النشر الثلاثاء، ١ أغسطس ٢٠٢٣
اصلا لو بتحبكك بجد هيااا مش هتفكر بطريقةة دى
تم النشر الثلاثاء، ١ أغسطس ٢٠٢٣
طيب هوو انت شعوركك اتغير ولا زى ما هوا من نحيتهاا🙂💔
تم النشر الثلاثاء، ١ أغسطس ٢٠٢٣
مرتين و مش ارتباط اللي هو احنا اصحاب لحد ما احس حاجه بس هتفرق كام مره
تم النشر الثلاثاء، ١ أغسطس ٢٠٢٣
عملتهاا كام مرة طيب
تم النشر الثلاثاء، ١ أغسطس ٢٠٢٣
يعني عشان بسيبها و ارجع كتير ف ممكن لو حد معجب بيها تبدا تدي نفسها فرص انا رافض القصه دي لان ده مش مبداي بس ادتها عذر
تم النشر الثلاثاء، ١ أغسطس ٢٠٢٣
وجهةة نظركك ف الموضوع دا اى واى الى حابب تعملو
تم النشر الثلاثاء، ١ أغسطس ٢٠٢٣
ازاى تتعرف على حد يعنى
تم النشر الثلاثاء، ١ أغسطس ٢٠٢٣
لعرض السؤال في فدني اضغط هنا