إختيار بين مقررين فِ الكلية
السلام عليكم ورحمه الله وبركاته. في الغالب في كليه علوم يعني وده بنسبه 99% انا متخرجه من كليه علوم وكنت مكانك في يوم من الايام بس الحمد لله ما كانش عندي الحيره دي لان انا كنت بحب اي حاجه ليها علاقه بعلم الاحياء اللي هو البيولوجيا فكان قرار واضح وصريح جدا خليني اقول لك على حاجه مهمه قوي قوي لازم تعرفيها عن الدراسه الخاصه بالرياضيات الدراسه الخاصه بالرياضيات كليه حاجه واللي انت كنت بتبقي فرحانه انك بتحبيه لحد السنوي حاجه ثانيه خالص لان الدراسه الخاصه بالرياضيات اللي موجوده في الكليه انت بتخشي بقى في عمق النظريات اللي هي انت اصلا كنت بتاخذيها تحلي بيها في اعدادي وفي ثانوي فالموضوع مختلف تماما عشان كده انا عايزاكي تروحي تبصي على اي مقرر من بتاع الرياضيات يعني روحي المكتبه اللي هم بيكونوا بيبيعوا الملازم او اي حاجه وشوفي المقررات بتاعه سنه اولى وبتاعه سنه تانيه شوفي رياضه واحد عامله ازاي شوفي رياضه اثنين عامله ازاي الموضوع مش زي ثانوي نهائي انا هنا بوضحلك علشان انت تكوني فاهمه اللي انت بتختاري يعني مابينه وهو عامل ازاي ااا موضوع مش زي رياض يعني علمي رياضه وعلمي علوم في الثانوي خالص ده حاجه ثانيه طيب مساله انك بتقولي ان انا اخدها عشان تقويلي الرياضيات لا برده الموضوع هنا مختلف انت هنا مش هتكوني اشطر في الرياضيات لما تدرسيها اا الموضوع فيه طبعا جزء تميز كبير جدا الناس اللي عقلها بيقدر يتوغل في علوم الرياضيات طبعا طبعا بيكونوا سابقين اي حد ثاني ولكن الموضوع بيحتاج فعلا جهد وبيحتاج شغف لانه اا دي نماذج انا شفتها دخلوا في الرياضيات وبعدين احبطه جدا طيب دي نقطه انك تكوني عارفاها برده. ان مساله الرياضات لما هتدرسيها مش معنى كانها هتقولك الرياضيات لا انت هتكوني انت اللي مطلوب منك بدراستك للرياضيات في القسم في الكليه هتكوني بتاخذي القواعد الاساسيه عشان تورينا انت ابداعك انت الشخصي ازاي تطلعي من الرياضيات بقى وتروحي للنقطه الاهم في الموضوع ده كله هو انك هتستخدمي ده في ايه انت بعد ما تتميزى في الرياضيات وفي القسم في الكليه او هتتميزي في علوم الاحياء او علوم الارض او علوم الطبيعه عموما هتعملي بيها ايه يعني اللي هو الاهم انت هدفك من دراستك في الكليه دي. هتستخدميها ازاي في حياتك سواء بقى كشكل مهني او كشكل عام في حياتك هتعملي بيها ايه وهو ده اللي هيساعدك كثير جدا في الاختيار فضروري تشوفي دراستك للرياضيات هتبدا توجهك لانهي مجالات فتشوفي اذا كانت المجالات دي فعلا انت مهتمه بيها ولا لا وده اللي هيبقى بيشجعك طول الوقت انك تذاكري اكثر وتحسني من نفسك وتعرفي اكثر وحتى لو لا قدر الله في نفس الطريق تعرفي تكملي او على العكس لو رحتي برده لاي حاجه خاصه بعلوم الطبيعه هتبقي برده نفس الموضوع تبقي عارفه انك بتعملي ده عشان هدفك الاساسي اللي هو ما بعد الكليه فكري في كل الحاجات دي واتمنى ان انا اكون ساعدتك بالاجابه واساليني لو في اي حاجه لو انت فعلا في كليه علوم
تم النشر السبت، ٢٠ سبتمبر ٢٠٢٥
اسالي غيرك اللي دخل كلية زاي كليتك واستفادي من تجربته وعلي الفكرة الشغف والحب بيكون عامل زاي الانجذاب في أول الأمر ولكن بيكون ملل أو صعب بس حاولي تستفادي من التجربة واعمليها بطريقة منطقية شاملة ايه المميزات وايه العيوب عارفة هتكون اول سنة وممكن تقولي هتقفلني من القسم ولكن التفكير المنطقي هو الصح واهم حاجة سو القسم ده او ده لازم تعرفي تتحملي المسئولية ونتيجة قرارك ولكي حرية القرار في الاتجاهين اهم حاجة تحمل المسؤولية بالكامل وربنا يوفقك
تم النشر الاثنين، ٢٢ سبتمبر ٢٠٢٥
في كلامك في الفويس نوت ( س) ذكرتي كلمة رياضة فوق التسع مرات.. اعتقد انك مقررة 😊 بس عامة ده مستقبلك و انتي اكتر شخص عارف هو عايز ايه، مفيش حاجه سهلة و المستقبل و الدراسة محتاجين مجهود، ايا كان خيارك شيلي فكرة الاستسلام من دماغك و لما تختاري لازم تبذلي مجهود و تتحملي مسؤلية اختيارك ، مفيش شماعة و مفيش حد هياخد قرارات حياتية بالنيابة عنك ، اقولك.. فرصة تتعلمي تصلي صلاة الاستخارة جربي و صليها و ادعي بعدها ان ربنا ييسر لك الأمر و يسهل الاختيار الأفضل ليكي،
تم النشر الخميس، ١٨ سبتمبر ٢٠٢٥
وعليكم السلام ورحمة الله وبركاته يا عزيزتي، أولاً، أحب أشكرك على صراحتك ومشاركتك لهذه التفاصيل المهمة. اختيار المقرر في الكلية خطوة كبيرة ومؤثرة على تجربتك الدراسية وحماسك في التعلم، فمن الطبيعي تماماً أن تشعري بالتردد والقلق من الاختيار. لنقم بتفكيك الموقف مع بعض: اختيار المقرر الذي تجيدينه (العلوم): ميزة هذا الخيار أنك ستكونين قادرة على التفوق والتميز بسهولة أكثر، مما يعزز ثقتك بنفسك خلال دراستك. يمكنك بناء سكة ناجحة في هذا المجال، وخصوصاً إذا كنتِ تحبينه وتشعرين أنك تتقنينه. لكن لا تنسي أن ذكرك بأنك تخافين الملل يعني ربما تحتاجين إلى جانب محفز أو تحدي إضافي يصرف طاقتك لما هو جديد. اختيار المقرر الذي تحبينه وتشعرين بخوف منه (الرياضيات): هذه فرصة ذهبية لتحدي نفسك وكسر عوائق الضعف التي تشعرين بها، خاصة وإن كنت تستمتعين بحل مسائل الرياضيات وتشعرين أنها تفتح عقلك. إذا كانت الكلية ستوفر دعم جيد لها، فهذا سيكون عامل مساعد كبير للتعلم والتحسن. على الجانب الآخر، يمكن أن تشعري بالإحباط أو الضغط، خصوصاً في البداية، وهذا طبيعي. لكن ثقافة الإصرار والتحدي أمر رائع ويقوي شخصيتك ويزيد من مهاراتك. نصائح عملية لتقررّي: فكري في هدفك النهائي من الكلية ومن التخصص الذي تختاريه، هل يتماشى مع الرياضيات؟ أم مع العلوم؟ هل تحسينك في الرياضيات سيخدمك على المدى الطويل في دراستك أو مستقبلك المهني؟ تحدثي مع أساتذتك أو الطلاب الأكبر سنة، واسألي عن طبيعة المواد، ومستوى الصعوبة والدعم المقدم. فكري في جدولك ونمط دراستك، هل تفضلين تحدي جديد وخبرات مختلفة؟ أم تفضلين الاستفادة من نقاط قوتك؟ تذكري أن الله لا يضيع أجر المحسنين، فإما أن تنجحي إذا اخترت العلوم، أو تتطوري بشكل مذهل إذا اخترت الرياضيات. دعوة نفسية وروحية: استعيذي بالله من القلق، وسلّمي اختيارك لله بالدعاء: "اللهم لا سهل إلا ما جعلته سهلاً، وأنت تجعل الحزن إذا شئت سهلاً" هذه اللحظة فرصة لك لاختبار قوتك وثقتك بنفسك. ختاماً: إذا كان عقلك ميال للرياضيات والإثارة التي تشعرين بها عند حل المسائل، وأنت من داخلك تشعرين بأنها الأقرب لقلبك، فلا تترددي كثيراً! لكن كوني مستعدة للعمل بجد والاعتماد على دعم الكلية، وربما تنشئي خطة لمتابعة الرياضيات بشكل مكثف في بداية المقرر. أما إذا كنت تفضلين الأمان والاستفادة من نقاط قوتك، فاختيار العلوم أيضًا قرار موفق، خصوصاً إذا كانت تحبينها وستتألقين فيها. وأيوه، لا تنسي دائماً أن كل اختيار له فرص وتحديات، وأنت قادرة بإذن الله على النجاح والتفوق في أي منهما. إذا حبيتي، ممكن أرحّب لو سألتي خبراء من خلال صفحة الخبراء في فدني (https://www.fedni.net/experts) عشان تاخذي منهم نصائح أكثر وتفصيلية حسب تخصص كليتك. هل ترغبين أن أساعدك بوضع خطة للدراسة أو تنظيم وقتك حال قررتِ؟ أنا هنا دائماً معك! دمتِ متفائلة وقوية يا ذكية! 🌷✨
تم النشر الخميس، ١٨ سبتمبر ٢٠٢٥
سلام عليكم، مبدأيا حضرتك دي كلية ايه علوم مثلاً؟ ولا ايه؟ لان نوعية تخصص الكلية بشكل عام هوا اللي بيحدد احيانا ويسهل مجال الدراسة الأمثل لطبيعة المواد العلمية، ثانياً، طبعاً يفضل دراستك للمواد اللي بتحبيها دة هايخليكي تتميزي وتتفوقي وممكن تحضري ماسترز ودكتوراه في مجالك دة وتكوني ضمن اعضاء التدريس داخل الكلية او تتأهلي للسفر للخارج، ثالثاً، المواد اللي فيه رياضة وفيزياء مواد مهمة ودي اللي قايم عليها قوانين الطبيعة وقوانين الديناميكا الحركية للكائنات والالات وهاتكسبك مهارات ابداعية في التحليل والتفكير وحل المشكلات، كمان هاتأهلك انك لو حبيتي تدخللي مجالات التكنولوجيا والبرمجة والذكاء الاصطناعي اللي قائم عليه العالم كله وبيتدخل في جميع مجالات الحياة يسهلك ويأهلك تتعامللي مع دة بسهولة، وممكن تدرسي مجال تحليل البيانات وتشتغللي بارقام فلكية، في كل الحالات انتي كسبانة ودة بيعتمد على طولة بالك وحبك للعلم نفسه لانك لما بتدرسي بحب وبتنسي نفسك في الحاجة اللي بتتعلميها غير لما تدرسي علشان مجبرة او مش حاسة العلم دة تقومي قلقانة وتقل متعة التعلم ويقل الوقت المطلوب للتحصيل لهذا العلم.
تم النشر الثلاثاء، ٣٠ سبتمبر ٢٠٢٥
لا طبعا تفكيرك خاطئ ادخلي الحاجة اللي بتحبيها وهتبدعي فيها وعموما فرص عمل كيمياء وبيولوجي وعلوم الأرض والكلام دا افضل من رياضه بكتير
تم النشر الجمعة، ١٩ سبتمبر ٢٠٢٥
وعليكن السلام ورحمة الله وبركاته انا بحب الفزيا جدا بس الفزيا ضمن دراسة العلوم وحقيقي مش حاسه نفسي مايله لـ دراسة العلوم جاسه ان هحس بملل في دراستها وكده فـ مش حابة الموضوع شوية، لكن بقول اخد التجربة في حاجة جديدة بحيث اني احس بمتعه لاني بحب اتعلم دايما حجات جديدة واكتشف نفسي، كمان عندي ضعف في جانب الرياضة وشايفة ان الكلية هتحسنلي فيها خصوصا اني سألت الدُفعات اللي فاتت وحبيت الرياضة بس كلو بيقولي خشي الحاجة اللي انتي شاطرة فيها ونا مش حابة كده؟
تم النشر الثلاثاء، ٣٠ سبتمبر ٢٠٢٥
اختاري علوم وهتبقي كويسه ،سيبك من الرياضة طالما انت ضعيفة فيها،لا ادخلي الحاجه الي انت شاطره فيها
تم النشر السبت، ٢٠ سبتمبر ٢٠٢٥
استخير
تم النشر السبت، ٢٠ سبتمبر ٢٠٢٥
لعرض السؤال في فدني اضغط هنا