دلوقتي انا عندي مشكلة مش بعرف اخد قرار خالص ودلوقتي المفروض اقرر ادخل كلية ايه قدامي كذا خيار مش عارفة اختار حاجة منهم محتارة زراعة ولا تربية كيمستري ولا حقوق او تجارة انجلش او اداب علم نفس انا جاتلي تجارة انلجش بس المشكلة المصاريف خايفة مقدرش عليها قدام خصوصا ان جدتي هي اللي هتدفعلي ومحدش ضامن عمره وكل مسأل حد يقولي انتي ميولك ايه وانا مش عارفة انا حابة ايه او عايزة ايه
بصي انا ممكن ارشحلك حاجة بس على حسب شخصيتك... الشغل والدراسه مش مجرد اختيار دول جزء من شخصيتك يعني مثلا لو بتحبي التحليل والتفكير والتفاصيل ادخلي حقوق وهتبقي محاميه ناجحه... لو انتي عايزة مجالات كتير ادخلي أداب وفيها أقسام كتير جدا زي علم نفس لو بتحبيه وشوفي بقى تربيه وزراعه ولو حابه المحاسبه والجمع ما بين النظري والعملي وشغل البنوك ف ادخلي تجاره وبرضو ليها اقسام وعندك اداره اعمال لو بتحبي التنوع ف الشغل من التسويق والعقارات والمبيعات وال Hr وفي النهاية اتاكدي ان مش التخصص او المجال بتاعك اللي هينجحك الي فعلا هيفرق معاكي هوا ثقتك فنفسك واجتهادك وحبك للشيء وبالتوفيق يحبيبتي
تم النشر الاثنين، ٧ سبتمبر ٢٠٢٦
ابحثي عن كل كلية من اللي متاحين قدامك و شوفي مميزات و عيوب كل واحدة فيهم و لازم تكتبيهم في ورقة و بعد ما تخلصي ساعتها شوفي الأنسب معاكي كا وقت و فلوس و غيره و ادخلي فيه، و حاولي كمان تشوفي شغل ايَّن كان اونلاين زيي كا مصمم جرافيك او حتى اي مجال تاني او افلاين المهم يبقا عندك مصدر دخل.
تم النشر الاثنين، ٧ سبتمبر ٢٠٢٦
يا بنتي، اللي بتمرّي بيه طبيعي جدًا في المرحلة دي، كتير من البنات بيحسوا بنفس الحيرة لما ييجي وقت اختيار الكلية، خاصة لما يكون فيه ضغط مادي ومسؤولية على حد زي جدتك. مش عيب إنك لسه مش عارفة ميولك بالضبط، ده بيحصل لأننا بنكون لسه بنكتشف نفسنا، ومش لازم يكون عندك إجابة جاهزة من دلوقتي. ابدئي بخطوة عملية بسيطة: خدي ورقة واكتبي كل خيار من الخمسة دول، وحطي قدامه إيجابيات وسلبيات من ناحية المصاريف، فرص الشغل بعد التخرج، والمواد اللي هتدرسيها. مثلاً، تجارة إنجلش ممكن تفتحلك مجالات زي التسويق أو الإدارة، لكن لو المصاريف هتكون عبء، فكري في بدائل زي المنح الدراسية أو التقسيط لو متاح. أما علم النفس أو التربية كيمياء، فدول بيحتاجوا شغف بالناس أو بالتدريس، فاسألي نفسك: هل بتحبي تفهمي سلوك الناس وتساعديهم؟ ولا بتميلي للمواد العلمية زي الكيمياء؟ كمان، صلي صلاة الاستخارة وادعي ربنا ييسرلك الطريق اللي فيه خير، ده هيديكي راحة نفسية وهيساعدك تاخدي القرار بهدوء. خدي وقتك في التفكير بدون استعجال، وركزي على إن الكلية مش النهاية، لأن مهاراتك واجتهادك بعد كده هما اللي هيحددوا نجاحك. لو عايزة أفكار إضافية، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة تاخدي قرار مناسب، وهتكوني بخير إن شاء الله.
تم النشر الجمعة، ٤ سبتمبر ٢٠٢٦
انا نفس دفعتك حطيت الرغبات ومستنى اشوف هيطلعلى اى
تم النشر الأحد، ٦ سبتمبر ٢٠٢٦
هتبحثي عن كل كلية تعرفي معلومات عن كل واحده وعن شغل كل واحده في الآخر وشوفي اي اللي داخل مزاجك
تم النشر السبت، ٥ سبتمبر ٢٠٢٦
لعرض السؤال في فدني اضغط هنا