محتاجه بس أفاده أنا محتاره جدا بين ادبي وعلمي والحمد لله كويسه ف الاتنين خايفه من ادبي عشان كلياتها مش قد كدا وخايفه من علمي عشان صعبه ممكن حد يدلني طريقه أقرر بيها
السلام عليكم ي قمر انا ف تالته ثانوى حاليا وخلاص باقيلى شهر واخلص.. نصيحتي ليكى اختارى علمى احسن هتقولى طيب ما هو صعب ومين قالك ادبى سهل يعنى طيب تختاري علمى ليه أومال الاتنين صعبين عشان الكليات بتاعتها كويسه خالص وفيه مجالات كتير وصدقنى لم تتعودي ع الوضع هتلاقيه تمام انتى بس عشان لسه بعيده بتقولى صعب وكده وربنا يوفقك يارب + اوعى تنسى صلاه استخاره
تم النشر السبت، ١٤ يونيو ٢٠٢٥
لاء مين قال ادبى كلياتها مش احسن حاجه فيه السن وفيه اعلام وكمان اداب مش وحشه لو دخلتى اداب علم نفس وبقيتى ثيرابيست وتعملى ماچستير ودكتوراه وتبقى دكتوره نفسيه عادى من ادبى وبرضو مش بقول علمى وحش علمى كويس بس اكتر من 50% بيدخلوا معاهد مش كليات قمه قليل اللى بيدخل كليه حلوه
تم النشر الجمعة، ١٣ يونيو ٢٠٢٥
شوفي وانا قدك كنا بنختار حسب المواد الي بنفضلها يعني كنت مختارة علمي علوم عشان بحب الأحياء والكمياء وكدا وطالما انت بتحبي دا ودا فشوفي بجد شغفك لكلية ايه يعني نفسك تدخلي ايه وعلفكرة في كليات جميله اوي في أدبي ، ولو محتارة برضو لسه ليا صحاب دخلو علمي ولما لقو نفسهم مش حابين غيروا ودخلوا أدبي عادي تقريبا على ما اتذكر ان معاكي فترة تقدري تقرري فيها عادي وتغيري ، وتقدري تصلي استخارة برضو كل دي طرق ووالله كل الكليات حلوة وكلها مهمه مفيش واحدة نقدر نستغنا عنها يعني كل واحد وليه دور ومجال ومحدش احسن من التاني يعني هقولك مثال كان في شلة صحاب وكانوا شاطرين كلهم وما شاء الله عليهم بعد ماخلصوا ثانوي اكتشفوا انهم أغلبيتهم دخلوا طب وفي واحد دخل تجارة كانوا بيتريقوا عليه فالمهم هو خلص وجمع فلوس مخصوص وبنا مستشفى وجابهم يشتغلوا فيها انت متخيله يعني الي بيتريق على كليه معينه دا انسان غريب واقسم بالله عندنا الدكاترة والمحامين والضباط عندنا تشكيلة كليات في العيله ومحدش فكر يقلل من التاني لان كل واحد ليه دور بيفيد بيه التاني ومنقدرش نستغنى عن حد فيهم
تم النشر الجمعة، ١٣ يونيو ٢٠٢٥
مبدأيا كده شوفي من دلوقتي عايزه تدخلي كليه ايه لان دي الي هتحددلك طريقك... انما لو مفيش في بالك حاجه ممكن تجربي تدخلي علمي لكذا سبب منهم ان كلياتها كتير زي ما انتي قولتي ومنها انك هتاخدي حاجات تفيدك فيها زي ال science وكده وفي حاجات هتفيدك في الmath وكده برضو وانصح فيها ادبي انتي هتدخلي ادبي هتاخدي عربي صعب حبه وتاريخ وجغرافيا صعبين وعلم نفس واجتماع وفلسفه واحصاء وحاجات معقده كتير ومش هتستفادي منها حاجه هي اه مفيش فيها Mathematical equations اوي زي العلمي ودي الميزه لكن ولا هتستفادي من الي بتاخديه ولا هتروحي كليات كتير وفيه شويه حاجات معقده عشان كده بنصحك في العلمي ليها مستقبل وهتستفادي من الي بتاخديه وكمان المظهر بتاعك هيبقى شكله حلو في مصر الناس العلمي بيكون ليهم احترام اكتر من الادبي... عموما ده ملخص الحوار كله اتمنى اكون فيدتك بحاجه 😁✌🏻
تم النشر الجمعة، ١٣ يونيو ٢٠٢٥
مرحباً يا جَنَّة، أول شيء أحب أقول لكِ الحمد لله على أنكِ كويسة في الفرعين الأدبي والعلمي، وهذا بحد ذاته نعمة وفرصة ممتازة. بالنسبة للحيرة اللي بتحسيها بين الأدبي والعلمي، خلينا نحلل معاها خطوة بخطوة بحيث تساعدك تختاري بشكل واعي يناسبك: تعرفي على نفسك شو الأشياء اللي بتحبيها أكتر؟ الرياضيات والعلوم أو المواد الأدبية والاجتماعية؟ هل لديك ميول أكتر للتفكير المنطقي والتحليل أو التعبير الكتابي والإنساني؟ كيف تشعري لما تدرسي كل فرع؟ هل بتحسي بالراحة والحماس أو بالضغط والتعب؟ رياح سوق العمل والفرص المستقبلية صحيح إن كليات الأدبي قد تكون محدودة بعض الشيء لكن هناك فرص كثيرة لو اخترتي التخصص المناسب مثل الإعلام، اللغة، الترجمة، التعليم، القانون، الخدمة الاجتماعية… أما العلمي فهو يتطلب جهد أكثر لكنه يفتح مجالات مختلفة في الطب والهندسة والعلوم والتكنولوجيا. فكري في مدى استعدادك لبذل هذا المجهود وهل ترغبين في مجال يحتاج وقت وتركيز عالي. التربص والتجربة ممكن تحاولي تحضري دروس أو محتوى من كلا الفرعين، أو حتى تستشيري أشخاص يدرسون حالياً في المجالات اللي تهمك، لتعرفي واقع المذاكرة والدراسة والعمل. تخطيط مستقبلي متوازن أخيراً، لا تنسي إن قرار الدراسة هو خطوة مهمة ولكن مش النهاية، يمكن في المستقبل تغيّري وتحاولي تحصلي على دراسات عليا أو دبلومات تكميلية تفتح لك فرص جديدة. وأكثر حاجة أقولها لك: خليك واثقة بنفسك وبقدرتك على التعلم والتطوير مهما كان اختيارك. الطريق مش دايمًا سهل، لكن مع العزيمة والثقة بتوصلي لهدفك إن شاء الله. لو حابة، ممكن تستشيري خبراء في مجال التعليم والتوجيه المهني على منصة فدني، عندنا خبراء متخصصين ممكن يساعدوك بمشورتهم. كمان ممكن تبحثي في فدني عن تجارب أسئلة مشابهة لحد ما تلقي وجهة نظرك. هل تحبي أساعدك في تحديد ميولك بمزيد من الأسئلة أو أساعدك تعرفي مجالات محددة تناسب كل فرع؟ أنا معك خطوة بخطوة.
تم النشر الجمعة، ١٣ يونيو ٢٠٢٥
شوفي بتميلي لانهي اكتر.. الحفظ بالنسبالك اسهل واسرع من الفهم ولا العكس وعلي اساس ده تقدري تختاري
تم النشر الجمعة، ١٣ يونيو ٢٠٢٥
ادخلي ادبي احسن
تم النشر الجمعة، ١٣ يونيو ٢٠٢٥
شوفي طريقة تفتحي بها كتب العلمي شوفي أسماء الدروس لكل المواد وكثافة المنهج .. واسألي نفسك هل مستعدة لها؟
تم النشر الجمعة، ١٣ يونيو ٢٠٢٥
انا داخل تانية وعن نفسي مختار علمي علشان هو أيوة منهج شوية صعب بس لازم نتعب علشان ناخد حاجة نستحقها ❤️وانتي حرة وعلشان الفهم عندي سهل والحفظ صعب جدا
تم النشر الجمعة، ١٣ يونيو ٢٠٢٥
لعرض السؤال في فدني اضغط هنا