أنا طالبة في اولي ثانوي ازهر من اول الترم وانا بقول هلم المواد وهنجز وكده مرة في التانية بأخل وتجلت وبأجل لغايت ما رمضان دخل
قلت هخصص ساعات في اليوم اذاكر فيها وعملت جدول ومش عارفه مش على اساس اني مش عارفه اذاكر بس علشان فاقدة جدا الشغف ومش عارفه ابدأ منين ولا منين
وكل مرة بقول هبدأ كمان ساعه تعدي الساعه اقول ابدأ بعد الصلاة تخلص الصلاة لغاية ما احنا خلاص اهوا ومش عارفه اعمل ايه على الاقل اني كنت الم نص المنهج أو التبت لكن كسلي عالمي المرة دي
ايه الحل علشان أقوم تاني وأشجع نفسي
وانا عارفه اني باقي وقت قليل ومضان يخلص
واكيد عارفه اني لو بدأت دلوقتي هخلص والله على الاقل نص المنهج مذاكرة وحل لأني عارفه قدراتي
ساعدوني
يا رقية ياحبيبتي، أنا ذكية، وأنا فاهمة تمامًا إحساسك ده.. اللي بيحصل معاكي شائع جدًا في رمضان، خاصة مع ضغط الدراسة في أولى ثانوي أزهري. الشغف بيروح لما بنؤجل، بس الحمد لله إنك عارفة قدراتك وبتعرفي إن باقي وقت كفاية لنص المنهج على الأقل. خلينا نبدأ خطوة خطوة، وهتقومي تاني إن شاء الله! خطة عملية بسيطة علشان تقومي دلوقتي: ابدئي صغير جدًا النهارده : متفكريش في ساعات كاملة. قولي "هذاكر 10 دقايق بس من مادة واحدة" (مثلًا أول صفحة في الرياضيات أو العربي). لما تخلصي، هتحسي بفخر وهتكملي لوحدها. استخدمي تايمر الموبايل، وابدئي بعد صلاة المغرب مباشرة – اربطيها بالعبادة علشان البركة. جدول يومي واقعي لرمضان : بعد الإفطار: 20 دقيقة مذاكرة + 5 دقايق استراحة (اقري آية قرآن أو ادعي). بعد العشا: ساعة واحدة مقسمة (25 دقيقة مذاكرة + 5 راحة). كل يوم هدف واحد: "النهارده هخلص درس واحد أو 3 مسائل". حدديه على ورقة وشطبيه لما تخلصي – ده هيرجع الشغف! شجعي نفسك إسلاميًا وعمليًا : دعاء يومي : قبل المذاكرة قولي "اللهم يسر ولا تعسر، ربِّ زِدْنِي عِلْمًا"، وتخيلي النجاح والرضا في الدنيا والآخرة. مكافأة حلال : بعد كل جلسة، كلي تمرة أو اشربي لبن، أو اسمعي قرآن هادي 5 دقايق، اعملي حاجة بتحبيها. تخلصي من المشتتات : حطي الموبايل في غرفة تانية، وذاكري في مكان هادي نظيف. لو حسيتي بكسل وفتور تاني : قومي اغسلي وجهك، صلي ركعتين حجة، وقولي "بسم الله" وابدئي فورًا. الشيطان بيحب التأجيل، فاقفلي الباب عليه بالتوكل على الله. أنتِ قوية وقادرة، يا بنتي! لو عملتِ كده النهارده، غدًا هتكوني خلصتِ درسين، وبعد أسبوع نص المنهج جاهز إن شاء الله. ابحثي في فدني عن "فقدان الشغف في المذاكرة" هتلاقي إجابات كتير من بنات زيك، أو شوفي الخبراء في https://www.fedni.net/experts لمدربين دراسيين. ربنا يوفقك ويبارك في وقتك! 💪❤️
تم النشر السبت، ١٤ مارس ٢٠٢٦
الفكرة مش انك تشجعي نفسك ، لأن كتير بنقدر نشجع نفسنا و نشحن نفسنا حماس و طاقة و بمجرد ما نمسك الكتاب او نبدأ نتفذ نلاقي كل الحماس ده راح بعد وقت قليل جدا ، الحل اللي نفع معايا هو المذاكرة بالتقطير ، يعني بدل ما تعملي جدول أنك تذاكري وقت كبير او تخلصي كميات كبيرة مرة واحده لأ خليها فترات كتيرة لكن مواد صغيرة ، مثلاً عشر جلسات في اليوم كل جلسة تذاكري فيها اصغر جزء يمكن مذاكرته من مادة وحده ، وهكذا تقسمي العشر جلسات على الوقت اللي تكوني صاحيه فيه ، بالطريقة دي هتقدري تذاكري اكبر كم لكن من غير ما تفقدي حماسك قبل ما تخلصي اللي مخططاه لنفسك و احساسك انك بتنجزي و بتخلصي الجلسه هيشحنك اكتر و مع الوقت بعد اسبوع مثلا تقدري تزودي الكمية ، و بعد كل جلسه فرحي نفسك بحاجه علشان العقل لما بيتعود ان التادة دي بعدها مكافئة هتلاقيه هو اللي بيشجعك عليها
تم النشر الأحد، ١٥ مارس ٢٠٢٦
فيه كذا نقطة محتاجين نركز عليهم علشان نقدر نمسك المشكلة ونحلها النقطة الأولى هي الكلمة اللي بقت موضة اليومين دول (الشغف) احنا باقينا ماشيين علشان شغفنا ممشينا هنا، وبقينا نقف لإنه شغفنا مالوش مزاج يتحرك أنا مش هشتغل هنا أصل ده مش شغفي، أنا مش هعمل ده لإنه ضدد شغفي والحقيقة اللي محتاجين نفهمها إنه الشغف رفاهية، بالظبط رفاهية لما تكون الأوضاع كلها مثالية والحمد لله مش عندنا مشاكل وكل حاجة ماشية صح وعلى مقياس 10 من 10 ساعتها بقى نفكر هو الشغف بيقول ايه بس الحقيقة إننا في مجتمع مش بيرحم، احنا محتاجين نتفوق ونشتغل في شغل كويس وإلا هنتهرس تحت خط الفقر. فانت عايزة تحققي ايه، عايزة توصلي لايه، لازم تحطي لنفسك هدف عايزة توصلي ليه والهدف هو اللي هيرحكك النقطة التانية هي إننا بننتظر اللحظة المثالية علشان نبدأ، هبدأ بعد الصلاة، هبدأ لما الساعة تكون سبعة بالظبط، هبدأ لما المكتب يكون مترتب، هبدأ لما الأدوات كلها تكون متوفرة ... الخ والحقيقة إنه الوضع المثالي مش بيحصل مطلقًا، ولا بيجي، فإحنا لو عايزين نبدأ نبدأ فعلا بغض النظر عن أي حاجة أو عن أي سلبيات، بدون انتظار لأي شيء، هبدأ وبس النقطة الثالثة والأهم حطي قصاد عينك إنه انت دلؤتي في وقت حساب عداد الحسنات والسيئات شغال وافتكري إنه يوم القيامة لا تزول قدم عبد قبل أن يسأل عن أربع، من ضمنهم وقته قضاه في إيه، وشبابه وعمره مروا في ايه فتفتكري وانت واقفة كده وبتتسألي عن وقتك وشبابك ردك هيكون ايه؟ كل اللي كتبته ده محتاج يكون قصاد عينك، وتكتبيه على ورقة علشان كل لما تقعي تبصي عليه بالتوفيق لك
تم النشر السبت، ١٤ مارس ٢٠٢٦
حاولي تبعدي عن الموبايل والتلفاز وانوي وابداى وحاولي تبداي واحدة واحدة عشان متزهقيش في الاول
تم النشر الأحد، ١٥ مارس ٢٠٢٦
استعيني بالله وابدأي كنت بلم المنهج ليلة الامتحان استحضري النيه وابدأي
تم النشر السبت، ١٤ مارس ٢٠٢٦
لو عاوزة اجابه مختصره : انك تبعدي عن التيلفون
تم النشر السبت، ١٤ مارس ٢٠٢٦
لعرض السؤال في فدني اضغط هنا