سارة عادل شريف

اصبري شوية .. وممكن تاخدي فيتامينات تساعدك فيه دواء اسمه بانتوجار فيتامين بيحسن جدا

الميل للجنس الآخر ده ميل طبيعي المشكلة اننا ننجرف وراء المشاعر دي ونعمل تصرفات خاطئة طيب ليه ممكن تكوني بتفكري بشكل زايد ممكن يكون حرمان عاطفي بندور على السبب ونعالجه

من واقع اني مشخصة باضطراب ما بعد الصدمة النفسية وبتعالج من ٢٠١٨ لازم معالج نفسي والافضل طبيب ولازم سعي من قبلك للتحسن لازم حياة صحية جسديا ونفسيا من شرب مياه كافي رياضة عدد ساعات نوم كافية اكل صحي متوازن عبادة ونشاط فكري وذهني وحبذا لو نشاط يدوي وطبعا عمل أو شغل يدر مبلغ مالي وعلاقة واحد علر الاقل قوية وصحية سواء كانت صداقة او ارتباط ده باختصار شديد ..

هل عايش مع اهلك .. أو فيه مصدر دخل غير شغلك بيدخل لك فلوس .. لانه في الحالة دي مش عندك سبب قوي يدفعك تشتغل لانك ضامن انه اكلك وسكنك موجود لازم يكون فيه سبب قوي وقهري بتشتغل علشان في البداية طالما انك واصل للمرحلة دي من الشعور

بتذاكر اللي عليك بشكل دوري وبتراجع باستمرار وقادر تحل في اغلب اللي عليك بشكل معقول

ما بنقارنش الاطفال ببعض لانه كل واحد ليه قدرات مختلفة عن الاخر هي مش متأخرة كده والسن ده صغير على الحضانة خاصة انها مش بتتكلم كويس فلو اتأذت مش هتقدر تحكي لي بالظبط

محتاجة تروحي علاج نفسي قبل ما الموضوع يقلب مرضي ويبقى مش نضافة بس لكن وسواس قهري

أنت حكمت على العلاقة من جانب واحد وتجاهلتي جوانب كتير اوي ذكرتي بعضها في نهاية رسالتك وطول الوقت صوت العاطفة شغال عندك وصوت العقل مكتوم وواضح إنه في البداية كان الحال عند الطرف التاني بنفس الصورة ولكنه قدر يشغل صوت العقل في النهاية الخلاصة علشان ما اكنش بتكلم في الفاضي لو كانت الزواجة دي تمت كانت مشاكلها هتكون أكبر من مميزاتها ده إن مش انتهت في النص والمستوى المادي والاجتماعي مش دايمين .. ياما أغنياء افتقروا والعكس وحتى لو مش حصل يا ما اغنياء وولادهم تعليميا وماديا .... الخ فل الفل بس نفسيا ولا اي حاجة فهو مش سابك لانك وحشة او سيئة ... الخ ولا علشان اقل منه ماديا .. او اجتماعيا لانه فعليا في مجتمعنا ٩٠ في المية من الرجالة بيتزوجوا من اللي أقل منهم علشان الموازنة تظبط وميحسش هو إنه مراته احسن منه - وده مش صح بس حاصل- انما الفراق حصل لانه فيه نقاط غير مشتركة بينكم وفيه قصور في جهات كتير خدي وقتك في التعافي مارسي انشطة بتحبيها اثبتي نفسك في مجالات مختلفة وكل لما يجي لك شعور بالحزن على انه افترقتوا ورقة وقلم ورصي عيوبه قدامك علشان تذكري نفسك انه ما كنش يناسبك

ده دليل على حساسية الشخصية .. وده مش عيب اطلاقا الحل هو لفت نظر المقربين منك إنه السلوك بيضايقك .. واشتغلي على رفع نفسيتك وتقليل الهشاشة النفسية بحيث مش كل حاجة تأثر فيكي أو تهزك بسهولة

ده بيلعب بيكي وبيها .. ومش هياخد أي خطوة جدية فابعدي تماما عنه واعملي بلوكات

تطبيق papercopy ده تطبيق للناس اللي ليها في الرسم أو بيحتاجوا ينقلوا الباترون للتطريز أو يشفوا رسمة يلونوها بيثبت الشاشة بحيث ما تتحركش وانت بتشف وبيقوي الاضاءة جدا جدا .. تطبيق ادراك كورسات مجانية وفي مجالات مختلفة

وارد تكوني مريتي بموقف سيء في طفولتك أثر عليكي حتى لو مش فكراه .. ووارد يكون عدم الاستقرار أرهقك نفسيا .. والحل هو انك تتكلمي مع والدك واهلك بحيث يفهموا شعورك وابدأي فرغي مشاعرك في الكتابة بحيث تفضي اللي جواكي على الورق .. ولو حسيتي مش فيه نتيجة بعد كده ممكن تلجأي لمتخصص نفسي يساعدك اكتر

الحل في وقت الضغوط دي إننا ما نضغطش على نفسنا بشكل أكبر لإنه كل لما نضغط على نفسنا بنهرب منه .. فالحل إنك ترجع بالتدريج فلو كنت بتنزل كل يوم انزل مرتين أو تلاتة في الأسبوع .. ولو كنت بتنزل ساعتين تلاتة انزل ساعة .. بحيث جسمك يرجع بالتدريج يتقبل الرياضة

ما تلجئش أبدا لطريق الأدوية إلا باستشارة الأطباء علشان فيها خطورة النقطة التانية لو بتعمل الأنظمة الغذائية مع نفسك جرب تروح لطبيب تغذية علشان يساعدك لانه وارد يكون عندك مشكلة مسببة الوزن الزائد ومقللة قدرة جسمك على النزول

بإنه يذكر نفسه على الدوام بإنه إنسان يخطئ ويصيب يقع ويقف .. يفشل أحيانا وينجح أحيانا .. تقرأ قصص العلماء والعظماء الذين وصلوا لأهدافهم بعد فشل مليون مرة تحيط نفسك بصحبة تعينك على الوقوف بعد الوقوع تحط قائمة أهداف لنفسك .. وليكن تلت أهداف .. هدف قريب فأبعد فأبعد وتبدأ تحط خطة لتحقيق كل منهم وتقسم الخطة على مهام يومية بسيطة وتذكر وانت بتعمل كل ده إنه انت بشر ومحتاج ترفق بنفسك وتحط أهداف وخطوات على قدر استطاعتك

بتبلغ على تروكولر .. وممكن تنشر الرقم على الانترنت علشام الناس تحذر منه مش اعرف اذا كان التبليغ عن الرقم للشرطة ممكن يفيد او لا بس جرب تبلغ شرطة الانترنت

نوع من أنواع الهروب برضوا أنواع الهروب كتير وأظن إنه حلها هو يكون فيه خطة من بدري هادية وتراعي إنه نفسك بتميل للهروب وقت الضغط

هو ده غالبا كسوف وحياء بس بيقلب بتوتر وانت علشان تخفي توترك بتعملي ردود بشكل غير واعي يعني عامة الموضوع طبيعي بس لو تأثيره موقف حياتك ومعطل أمور مهمة اظن لازم تلجأي لمتخصص يساعدك تهندلي الأمور

هل نصحتيه يذهب لمختص يساعده على التعافي .. ثانيا بعيد عن اللي حصله هو بيعمل ذنب كبير جدا وهو التصوير وارسال صوره للغير .. هل برأيك ده يصلح زوج تأتمني نفسك عنده؟

حاسة بيكي اوي .. ربنا يهون عليكي تعبك .. مش عايزة اكتب كلام وبس فاسمحي لي اكتب لك نصيحة صغيرة فيه سلسلة على يوتيوب باسم التحرر من الماضي لعماد رشاد عثمان انا بدأت فيها ولحد دلؤتي مستفيدةمنها ابدأي فيها وإن شاء الله تكون ذا فائدة لك

ستجد العديد من دورات التواصل والذكاء العاطفي على موقع ادراك وجميعها مجانية تماما

أظن محتاجة تستشيري طبيب تغذية أو باطنة عامة لانه الاعراض اظن تحتاج فحص مفصل

لازم تكشفي عند دكتورة نساء علشان التخمينات دي والافكار دي هتضرها أكتر ما تفيدها

نقرأ سورة الكهف يوم الجمعة برضوا للوقاية من فتنته ده غير الاستعاذة من فتنة الدجال بعد التحيات في الصلاة

ابدأي بدوائرك القريبة .. عرفيهم انك هتشرحي ايه واعملي سعر بسيط بحيث تثبتي نفسك .. ممكن كمان تنزلي فيديوهات شرح ليكي على الانترنت يوتيوب بحيث تكون عينات مجانية ليكي وفرصة لفتح باب الدروس الاونلاين ليكي

الاعراض دي ما ينفعش تسكت عليها ولازم كشف سريع مش الاكتفاء بالسؤال هنا .. شفاك الله وعافاك

أول نصيحة ممكن أنصحها لك هو ممارسة الرياضة بشكل يومي حتى لو ساعة مشي في الشارع اضافة للاكل الصحي وشرب المياه بشكل كافي يوميا ده بيفرق في صحتك جدا سواء حاليا او مستقبلا المهارة التانية انك تتعلم مهارة تدر عليك دخل .. ولو مش قادر تحدد تعمل ايه .. فكر في المهارات اللي عندك واللي بتعرف تعمله وشوف تقدر ازاي تطوره وتدخر بيه فلوس فيه اختبار مجاني على النت اسمه اختبار ال ١٦ شخصية .. اعمله هيساعدك تفهم كتير عن نفسك ومهاراتك وتفضيلاتك من ضمن المهارات كمان المهمة القراءة لو ١٠ دقايق يوميا القراءة بتنمي العقل والفكر والخبرات من ضمن المهارات المهمة مهارة التدوين اليومي بتفرغ مشاعرك وبتساعدك ترتب افكارك الذكاء العاطفي مهم جدا في العلاقات والعمل هتلاقي كورس مجاني ليه على موقع إدراك ولو كتبت على جوجل ذكاء عاطفي تعلم هيطلع لك مصادر مجانية كتير ده اللي في بالي حاليا ولو محتاج شيء معين انا معاك

ممكن اعرف هددك بايه .. ما تقبليش ضغوط اهلك .. وعرفيهم بخوفك ورعبك منه .. ووريهم قصص البنات اللي ازواجهم قتلوهم رغم انه العلامات كانت ظاهرة في الخطوبة زيك كده طالما انت متأكدة من كلامك خوفيهم عليكي ووريهم وشاركيهم كل شيء بما فيه تهديده لك

طيب وقت ما يجيلك فكرة انك بتكره التعامل مع الستات ومش عايز تتزوج هات ورقة وقلم وابدأ اكتب الأسباب اللي مخلياك تشعر الشعور ده .. بحيث إنك تحلل سبب سبب وتفهموا وتعالجوا .. طول ما الفكرة في دماغك ومش بتتعالج او بتتفنط هتتحول لفكرة ممرضة

مش عايزة اكون بفتي بس هو اللي انت كاتباه ده اعراض الشخصية الحدية.. انا كنت زيك بالظبط وما زلت وبتعالج نفسيا من سنة ٢٠١٩ وكنت متشخصة اضطراب ما بعد الصدمة النفسية بس مؤخرا الاخصائية النفسية بعد ما ممريت بكذا شيء قالت انه فيه احتمالية كبيرة اكون بورد لاين او شخصية حدية فلما بدأت ابحث عرفت انه الوصف ينطبق عليا الشخصية الحدية ما عندهاش منطقة رمادية يا ابيض يا اسود والمشاعر عندها بتتغير في نفس اليوم بسرعة رهيبة لحظة مبسوط ولحظة حزين لحظة بيحبك ولحظة بيكرهك عقله شغال طول الوقت تفكير في كل شيء .. لو حد اتصرف تصرف عادي جدا هو مش بيشوفه عادي وبيفسره بشكل اعمق واصعب فمحتاجة تشاركي مع المعالج النفسي بتاعك الفكرة دي والاعراض بدقة علشان التشخيص يكون سليم وقولي له انه العلاج مش حاسة بنتيجته علشان يقدر يساعدك

طيب انت كلية ايه علشان نقدر نقترح افكار مناسبة والمفترض يكون عن ايه المشروع

خطوة خطوة بدون ضغط على نفسك مش طبيعي نفكر في حاجة هتحصل بعد تلت سنين .. الأصح إننا نركز على اللي احنا فيه دلؤتي وخاصة إنك ما شاء الله ناجح ومحقق حاجات جميلة. كون إنك جرافيك دزاين دي بحييك عليها لانك فكرت برة الصندوق وقررت تتعلم مهارة تدخلك ولو دخل بسيط بحيث تكون مستقل ماديا حتى لو اتخرجت واتاخرت في الشغل هيكون عندك شيء بتعمله لحد لما تلاقي فرصة مناسبة فلما تلاقي عقلك بيسوحك في المستقبل استعرص النجاحات اللي حققتها وانك ما شاء الله محقق حاجات كويسة النقطة التانية احنا في زمن الوظايف بقت كتير ومختلفة يعني مثلا خريجين صيدلة بقى دلؤتي جزء منهم مش بيشتغل الشغل العادي بل بيعملوا منتجات تجميل وعناية ويأسسوا براندات ناجحة خريجين طب بدأوا يتعلموا ترجمة طبية وكتابات مقالات طبية فيشتغلوا جنب شغلهم أو حتى بعيد عنهم تماما بنفس تخصصهم فأفكار الشغل بتكون كتير مش تحصرها في مج ال واحد .. وباذن الله ربنا يرزقك الاصلح والخير لك

لا مش ظلمتيه ده شخص مريض وخرجيه من حياتك قبل ما يدمرها بزيادة ونصيحة بلاش تدخلي علاقة بعده قبل ما تعالجي مشاكل التعلق وباقي نقاط الألم عندك بحيث تتعلمي ما لك وما عليك وتعرفي تفرقي بين الحب والتعلق وتقدري تتعافي من ماضيك الأليم

وأنا ببحث عن إزاي نتعافي من الماضي الأليم ولا نحوله إلى هوية لينا تأكل الأخضر واليابس وتحولنا من أشخاص بمشاعر مختلفة لبؤساء جرحى غارقين في الألم خرج أمامي سلسلة على يوتيوب لدكتور عماد رشاد عثمان باسم التحرر من الماضي .. وفعلا السلسلة قيمة وبتساعد كتير .. نصيحة اسمعيها هتفيدك

ما شاء الله شغلك جميل جدا الورقة اللي في الصورة دي تتعمل أقل شيء كتابة وتنسيق ب ٢٠ ج وده سعر قليل جدا ومفترض توصل ل ٢٥ كمان أقل من كده مش هتحس بأي عائد وهتكره الشغل مع الوقت ويكون تقيل عليك أنا بشتغل تايبست من ٨ سنين وعلى دراية بالاسعار بفضل الله نقطة تانية انا مش فاهمة ازاي الشغل مش بيتعدل بس عامة كنفا برو تقدر تعمل بيه نفس الشغل وفيه كورسات مجانية كتير تعلمك ازاي تستخدمه كذلك البوربوينت والوورد وبرضوا الفيديوهات المجانية كتير وعامة احنا مش بنسلم في حالة استخدام الوورد والباوربوينت الاصل قبل ما ناخد كل فلوسنا بالتوفيق لحضرتك وتحت امرك لو احتجت اي شيء تاني

المرء على دين خليله .. افتكرت هذه الكلمات وأنا بقرأ كلماتك، وسبحان الله مررت بنفس تجربتك وإن كان بشكل مختلف فيه أشخاص مش بيقدروا يفصلوا بين التعاطف مع مشكلة الآخرين وبين إنه يغوصوا جوة المشكلة لدرجة مرضية تؤثر فيهم ..ده غير عدم قدرتهم على قول كلمة لأ .. في الحالة دي هنصحك الانسحاب بالتدريج .. يعني لو يتكلميها في التليفون تلت ساعات يوميا قلليهم لساعتين وهكذا .. لو طبيعي بتردي عليها فورا لما بتتصل اجلي الرد شوية حلوين .. لو بتتقابلوا كتير قللي المقابلات بالتدريج الانسحاب التدريجي ده مش بيكون ضاغط ومش محسوس اوي وعلشان عقلك مش يسوحك ومشاعرك ترهقكك واحساس الذنب يزيد .. اشغلي نفسك في الاوقات اللي هتنسحبي فيها دي بأي انشطة بحيث ما تفكريش ولا تحسي بالذنب من ناحية تانية ابدأي ادخلي وسط ناس شبهك يسحبوكي وسطهم بحيث تلاقي صحبة تدعمك وتعوضك اخيرا اتعلمي تقولي لا للي مش مناسب .. اتعلمي تقولي مش قادرة اسمع مشاكل دلؤتي .. اتعلمي تردي على أد الرد فاللي قدامك يفهم انك مش عايزة تتكلمي وصدقيني انتي كده مش بتظلميها .. انت بعلاقتك بيها مش بس بتدمري حياتك ونفسيتك .. انت هتقصري في واجباتك بالتدريج مع زيادة ضغوطها النفسية

ازيك يا جميلة بصي هو موضوع الدروس مش بقى مقصور على الاوف لاين فيه ناس بتدي دلؤتي دروس أونلاين ومستقبلها أفضل حقيقة وكمان مكسبها ده في حالة لو حابة تمشي في مجال الدروس وعندك ملكة الشرح بالنسبة بقى للشغل عامة قبل ما تقرري عايزة تشتغلي لازم تكوني عارفة ايه مهاراتك وايه اللي بتعرفي تعمليه ثم ايه الشغل اللي محتاج اللي بتعرفي تعمليه ده فانت ايه مهاراتك الشخصية والعملية ومميزاتك؟

الانسحاب مباشرة دون محاولة الإصلاح أظن إنه شيء ممكن تندمي عليه مستقبلًا، جربي تقعدي معاه قعدة صفا وتفهمي منه ايه اللي مضايقه وتصارحيه إنت كمان باللي مضايقك، وتبحثي معاه لو فيه حلول للإصلاح، ولو انتم الإتنين مش قادرين تصلحوا اعرضي عليه تروحوا لاستشاري أسري يساعدكم على إصلاح علاقتكم والوصول لنقطة تواصل جيد بينكم الطلاق ده بنلجأ له بعد ما تغلق كل أبواب الإصلاح ونستنفذ كل الطرق، فحاولي الأول قبل الإنسحاب أو الانفصال لعل وعسى ربنا يكتب لكم الصلاح وادعي كتير وصلي على سيدنا محمد بنية تفريج همكما والصلح بينكما

يعني كل ده وبتسألي تبعدي ولا لأ ابعدي يا جميلة على طول لإنه الصاحب ساحب والله، وخاصة لو كان شخصيتك مش قوية أوي ومش هتقدري تغيري منها يبقى تبعدي فورًا، مع العلم إنه باين من كلامك إنكم ساكنين في منطقة الكل عارف بعضه فالصداقة بتاعتها ممكن تخرج عليكي سمعة مش كويسة برضوا ابعدي وبإذن الله ربنا يرزقك بصحبة صالحة

هو الموضوع مش كبير، بس لو انت مش قادر تطبق النصيحة اللي كتبها أ. مصطفى فممكن تجرب تروح لثيرابيست يساعدك على التخلص من العقدة بتاعت الماضي باذن الله فيه نقطة كمان بالنسبة للقعدة الشرعية في جواز الصالونات كتير من الأشخاص مش بيكون قادر يحدد هو هيتكلم في ايه فعلا، فالمفترض إنه تكون مجهز المحاور والنقاط اللي هتتكلم فيها مع اللي قصادك بحيث تعرف من الإجابات إنتم مناسبين أو لأ، والكلام لو اتفتح بس بيروح ويجي بإذن الله ممكن تسمع دورة البيت المسلم للبشمهندس أيمن عبد الرحيم هي دورة للتأهيل قبل الزواج وهو هيحيلك على دورة كمان مهمة تسمعها وبإذن الله الدورتين دول يساعدوك تحدد المحاور اللي هتتكلم فيها مع العروسة اللي هتتقدم لها بإذن الله رزقك الله بالزوجة الصالحة عاجلًا غير آجلًا وفي صحة وعافية

اتصلي بخط نجدة الطفل هما أكتر ناس يقدروا يساعدوكي في التوقيت الحالي ويحموكي ده رقمهم 16000

ومين قالك إنه عايش حياته عادي؟ هل انت عايشة معاه ٢٤ ساعة علشان تعرفي حياته فيها إيه؟ طيب لو افترضنا إنه كده هو مش فيه قيامة وحساب؟ هل هيقدر يدخل الجنة وهو ما سددش اللي عليه من حقوق العباد؟ طبعا إطلاقا ده يحصل يبقى اللي مفترض عليكي ايه؟ توكلي امرك لربنا .. وتركزي في التعافي من أذاه وفقط التوقف تماما عن مراقبته وانتظار الانتقام لانه للأسف ده مش بيساعد على التعافي. ده كده عامل زي اللي الشخص اللي كل لما الجرح يعمل قشرة يقوم شايلها فتنزف تاني التعافي محتاج نبعد تماما ونقطع كل السبل اللي بتجيب لنا أخباره ربنا يرزقك التعافي

الموضوع مالوش إجابة محددة، ولكن خلينا نقول إنه من ضمن الأسباب إنه الرجل بيكون استهلك كثيرا في سبيل بناء نفسه للوصول إلى الحالة المادية الكويسة، وأحيانا زوجته بتكون في الطريق ده اهملت نفسها شوية لأسباب كتير منها إنها بتوفر له أو مش عايزة تضغطه أو حتى كانت عليها ضغوط وأعباء كتير خلتها تنسى نفسها فالراجل لما بيوصل لمرحلة الهدوء والاستقرار المادي بيبدأ يلاحظ إنه كبر وما استمتعش بالحياة أو عنده رغبات تانية ومحتاج يلبيها وده بيزيد لما بيحس أو اللي حوليه بيحاولوا يحسسوه إنه كبر في السن ده مجرد تحليل وعرض لسبب من الأسباب مش شرط تكون كل الحالات كده، الأكيد إنه كل حالة بتكون ليها خصوصيتها التامة

لا دول اضطرابين مختلفين تماما في الأعراض وبالتالي العلاج لكل منهم بيكون مختلف، وعامة الطبيب النفسي هو الأقدر على تحديد أيا منهم هو الذي أصاب الشخص

فيه كذا نقطة محتاجين نركز عليهم علشان نقدر نمسك المشكلة ونحلها النقطة الأولى هي الكلمة اللي بقت موضة اليومين دول (الشغف) احنا باقينا ماشيين علشان شغفنا ممشينا هنا، وبقينا نقف لإنه شغفنا مالوش مزاج يتحرك أنا مش هشتغل هنا أصل ده مش شغفي، أنا مش هعمل ده لإنه ضدد شغفي والحقيقة اللي محتاجين نفهمها إنه الشغف رفاهية، بالظبط رفاهية لما تكون الأوضاع كلها مثالية والحمد لله مش عندنا مشاكل وكل حاجة ماشية صح وعلى مقياس 10 من 10 ساعتها بقى نفكر هو الشغف بيقول ايه بس الحقيقة إننا في مجتمع مش بيرحم، احنا محتاجين نتفوق ونشتغل في شغل كويس وإلا هنتهرس تحت خط الفقر. فانت عايزة تحققي ايه، عايزة توصلي لايه، لازم تحطي لنفسك هدف عايزة توصلي ليه والهدف هو اللي هيرحكك النقطة التانية هي إننا بننتظر اللحظة المثالية علشان نبدأ، هبدأ بعد الصلاة، هبدأ لما الساعة تكون سبعة بالظبط، هبدأ لما المكتب يكون مترتب، هبدأ لما الأدوات كلها تكون متوفرة ... الخ والحقيقة إنه الوضع المثالي مش بيحصل مطلقًا، ولا بيجي، فإحنا لو عايزين نبدأ نبدأ فعلا بغض النظر عن أي حاجة أو عن أي سلبيات، بدون انتظار لأي شيء، هبدأ وبس النقطة الثالثة والأهم حطي قصاد عينك إنه انت دلؤتي في وقت حساب عداد الحسنات والسيئات شغال وافتكري إنه يوم القيامة لا تزول قدم عبد قبل أن يسأل عن أربع، من ضمنهم وقته قضاه في إيه، وشبابه وعمره مروا في ايه فتفتكري وانت واقفة كده وبتتسألي عن وقتك وشبابك ردك هيكون ايه؟ كل اللي كتبته ده محتاج يكون قصاد عينك، وتكتبيه على ورقة علشان كل لما تقعي تبصي عليه بالتوفيق لك

عليكم السلام ورحمة الله وبركاته اعتذر عن التأخر في الرد أولًا بحييكي إنك قادرة تحددي المشكلة فين بالظبط، لإنه ده جزء كبير من الحل بإذن الله. الحقيقة إنه مربط الفرس موجود في كلامك ... (الريلز) واللي مع تكرار متابعتها لفترة طويلة بتصيب الدماغ بحاجة اسمها تعفن الدماغ .. وهي باختصار وبوضوح كل اللي انت قلتيه، عدم القدرة على القيام بأي شيء يتطلب تشغيل دماغ سيكة، ولا التركيز مع أي حاجة رتمها بطيء زي المحاضرات وقراءة الكتب والقرآن وما يشابههم فأول حل هنبدأ بيه هو إننا نبعد عن الريلز تمامًا. شيلي التطبيق اللي بتسمعيها عليه سواء فيس بوك أو تيك توك.. وطبعا الوقت بتاعك لازم تشغلي نفسك فيه بشيء ممتع ومفيد في نفس الوقت وإلا هيجيلك شعور بالملل والفتور وبالتالي مش هتتحملي وترجعي تاني لمشاهدتها وأنا عن تجربة باقترح إنه الشهر الأول تكون الأنشطة اللي هتمارسيها خفيفة وسهلة وممتعة علشان النفس بتكون لسه مش متعودة على الضغوط الفكرية .. فممكن نقول إنه لو بتحبي الرسم تجهزي كراستك وألوان إن شاء الله ألوان خشب وتبدأي ترسمي أي حاجة تخطر في بالك، لو مش بتعرفي ترسمي زي حالتي ابدأي دوري على النت عن طرق سهلة لرسم بعض الأشكال أنا مثلا بحب رسمة اسمها جلاكسي، وليها طرق مختلفة للرسم سواء بألوان الاكليرك أو الخشب أو حتى الشمع ممكن لو بتحبي ترسمي حيوانات تكتبي طريقة رسم كذا وهيطلع لك طرق مختلفة تتعلمي بيها أنا عن نفسي بحب الرسم الحر حتى لو هشخبط من الحاجات كمان اللي ممكن تمارسيها قراءة كتب خفيفة جدًا أو روايات بحيث القصص تجذبك وتخليكي تقدري تستمري في القراءة، من القصص الممتعة بالنسبة لي والمفيدة برضوا سلسلة قصص ما وراء الطبيعة للعظيم أحمد خالد توفيق ممكن تتعلمي نشاط يدوي بسيط زي التطريز فيه فيديوهات كتير على يوتيوب مجانية تعلمك التطريز من الصفر للاحتراف ممكن تنزلي صالة رياضية (جيم) وتمارسي الرياضة هناك منه تخرجي من البيت وتمارسي رياضة فيه أفكار كتير لأنشطة مختلفة تقدري تشغلي بيها نفسك يوميا بحيث ما تتفرجيش على الريلز لمدة 30 يوم كاملين وأهم نقطة انه هدفك ده يتكتب ويتعلق قدام عينك (مش عايزة اتفرج على الريلز لمدة 30 يوم) وتحطي خطة كاملة لل 30 يوم دول هتعملي ايه كل يوم وتعملي جدول كده لكل يوم تعلمي صح على اليوم اللي قدرتي تنهيه من غير ما تتفرجي على الريلز هتقعي في النص أكيد، ولكن الأهم إنه لما تقعي مش تيأسي وابدأي تاني يوم عادي جدًا، ما حدش بينجح من أول مرة، وبإذن الله هتقدري تعدي 30 يوم من غير ما تدخلي على الريلز تماما أو تشوفيها مجرد ما تتخلصي من مرض الريلز صدقيني كل حاجة هتتحسن بسلاسلة ويسر باذن الله أنا مش هكتر كلام أكتر من كده، وهستناكي ترجعي بعد 30 يوم تقولي لي تخلصت من الريلز بفضل الله، علشان ندخل على الخطوة التانية في طريق جعلك من المتفوقين والنوابغ بإذن الله

هو ليه علاقة تضطرنا نسيب شغلنا وأهدافنا؟!! ليه ما ينفعش نعمل ده وده .. ليه بنوقف حياتنا على شخص ونربط نفسنا بيه النقطة التانية شخص سابك علشان حد تكملي معاه ليه؟ وطالما مافيش رابط شرعي ليه بتتكلموا كل دي اسئلة محتاجة تقفي عندها كتير

نصيحة اجعلي أحد والديك يقوم برقيتك .. ظني أنه م أصابك من فتور وكره للدراسة حسد

التعلق المرضي هو ببساطة إنه حياتك كلها تكون واقفة على شخص واحد فقط .. او شيء ما سواء بقى الشخص ده مكمل في حياتك او لا وعلاج التعلق عن تجربة الانشغال قولا واحدا طول الوقت تكون مشغول .. اوجد لنفسك حياة واهتمامات وعلاقات .. ما تسيبش لحظة فاضية في يومك الا لما تشغلها .. هد جسمك بالتعب رياضة بقى شغل اي حاجة بحيث لما تيجي تنام تدلق من التعب زي ما بيقولوا ومع الايام هتلاقي تعلقك خف واحدة واحدة وبقى اللي متعلق بيه دي ولا حاجة تقريبا

اللعاب لا يفطر .. والنخامة فيها شك إن كان الأكثرية تميل إلى انها لا تفطر باذن الله https://www.islamweb.net/ar/fatwa/140053/حكم-بلع-البلغم-أثناء-الصيام