الموضوع مالوش إجابة محددة، ولكن خلينا نقول إنه من ضمن الأسباب إنه الرجل بيكون استهلك كثيرا في سبيل بناء نفسه للوصول إلى الحالة المادية الكويسة، وأحيانا زوجته بتكون في الطريق ده اهملت نفسها شوية لأسباب كتير منها إنها بتوفر له أو مش عايزة تضغطه أو حتى كانت عليها ضغوط وأعباء كتير خلتها تنسى نفسها فالراجل لما بيوصل لمرحلة الهدوء والاستقرار المادي بيبدأ يلاحظ إنه كبر وما استمتعش بالحياة أو عنده رغبات تانية ومحتاج يلبيها وده بيزيد لما بيحس أو اللي حوليه بيحاولوا يحسسوه إنه كبر في السن ده مجرد تحليل وعرض لسبب من الأسباب مش شرط تكون كل الحالات كده، الأكيد إنه كل حالة بتكون ليها خصوصيتها التامة
أنا هنا مش ببرر له ولكن بعرض السبب، وخلينا متفقين إنه اللي بتشيل شيلة مش شيلتها هي أول واحدة بتدفع التمن .. وفي نفس الوقت اللي بيواجه مشكلة زي النوع ده من الرجال من باب أولى يشارك شريكة حياته باللي حاصل والمشكلة اللي عنده بحيث يوصلوا لحل .. هي دايرة مش معروف فيها مين غلطان ومين صح ..
تم النشر الجمعة، ٢٧ مارس ٢٠٢٦
للاسف النوع دا موجود بس دا كدا راجل معندوش دم علشان مراته مش عايزة تضغط عليه وبتوفر ليه وخايفة علي مصلحته ومصلحة بيتها وعيالها يروح الباشا بدل ما يهتم بيها ويعوضوا السنين دي مع بعض يروح يتجوز عليها علشان يجدد طب والمسكينة اللي كانت معاه في رحلة الكفاح دي
تم النشر السبت، ١٤ مارس ٢٠٢٦
لعرض الإجابة في فدني اضغط هنا