السلام عليكم
أنا مكتوب كتابي، من أيام الخطوبه وأنا اهلى كل ما يحصل خلاف بينى وبين خطيبي اهلى دائما كانوا بيقفوا معاه هو كان يكذب عليا ولما أعرف وازعق معاه واعلي صوتى يغلطونى أنا ويخلونى أنا اللي ارن عليه واعتذر
يبقى شاتمنى وقافل السكه في وشى ويقولوا خليها عليكي ورنى عليه حتى لما يجوا يحكوا لحد دايما يطلعونى أنا اللي غلطانه علشان بعلى صوتى وبرد دايما بقولهم انتم ليه بتحاسبونى على رد فعلى وسايبين فعله يقولوا علشان منخربش عليكي
حصل مشكله كبيره بينا واتصل بجوز اختى قاله احنا مش هينفع نكمل خلاص خلونى أرن عليه واعتذر ليه وقالولى لما تيجي على كرامتك شويه احسن ما تطلقى وفعلا رنيت عليه واعتذرت قالى ماشى حصل خير وبعد الفطار هبقى أكلمك تاني وقفل على كده ومرنش تاني ودلوقتي أنا مش عارفه اعمل ايه أنا من كتر اللى أنا فيه وكل ما افتكر اللى بيحصل بفضل احسبن عليهم كلهم
بصي الإسلام كرم المرأة، والنبي ﷺ قال ..استوصوا بالنساء خيرًا... الكرامة مش عكس الصبر، بالعكس، ربنا ميرضاش إن المسلم يذل نفسه ومينفعش للمؤمن أن يذل نفسه. لو العلاقة قايمة على الإهانة والكذب، يبقى لازم تراجعي الأساس قبل ما البيت يتبني والأهل ساعات بيضغطوا بدافع الخوف من لقب مطلقة، لكن شرعًا الظلم مرفوض. الصبر له حدود، ولو الصبر هيؤدي لضرر نفسي وضياع حقوق، يبقى لازم وقفة حازمة. الدين بيقول ..ولا تمسكوهن ضرارًا لتعتدوا... ومفيش أفضل من إنك تسلمي أمرك لصاحب الأمر. تصلي استخارة بنية الاستمرار أو الانفصال، وتدعي بيقين إن ربنا يخرجك من الحيرة دي. وبطلي اعتذار عن غلط مش غلطك كتر الاعتذار على باطل بيخلي الطرف التاني يتمادى. وادعي اللهم أرني الحق حقًا وارزقني اتباعه واعرفي إن اللي بيبدأ بالهوان، صعب يكمل بالمودة والرحمة. الخسارة القريبة أحسن من المكسب البعيد لو لسه على البر وفي مشاكل كرامة، يبقى التفكير في الانفصال دلوقتي أخف بكتير من بعد الجواز. بعتذر عن الإطالة 😊 وجد والله ربنا يحفظك ويسعدك
تم النشر الأحد، ٨ مارس ٢٠٢٦
اطلقي .. قولا واحد .. اطلقي قبل ما تلاقي نفسك لابسة في جوازة فاشلة بعيل ومطلقة ومحتاسة بيه .. انت على البر لسه
تم النشر الثلاثاء، ١٠ مارس ٢٠٢٦
عليكم السلام ورحمه الله وبركاته اول حاجه دي كانت غلطه لما انت كتبتي كتابك قبل ما تتعاملي مع الشخص ده وتفهمي كويس وتشوفي ايه الحاجه اللي انت حباها وايه الحاجه اللي انت كارهاها ثاني حاجه خلينا نقول بدل كتب الكتاب ان انت لسه مخطوبه طبعا هو ملمسكيش وانت في بيتك وهو في بيته كدا تمام تاني حاجه انتي طالما انتي مش غلطانه كل مره و هو بيتعمل كدا ف انتي تبعدي دلوقتي احسن ميكون فيه بينكم عيال ساعتها انتي اللي هتشيلي الليله كلها. الراجل لازم يكون سند ليكي حنين عليكي مش يكذب و يحطك في مواقف بايخه قدام اهلك. لو هو معاه فلوس الدنيا دي كلها ما يغركيش غير ان هو يكون على خلق وبيصلي ويكون عارف ربنا كويس ويراعي ربنا فيك دي حاجه وفي بردك غلط على اهلك ان هم وافقوا برده بحاجه اسمها كتب كتاب في الفتره ديت فالحل طالما هو تصرفاته كده وانت مش عاجبك الموضوع خالص فقدر الله وما شاء فعل وإن شاء الله قلب طيب أحسن من ده
تم النشر الاثنين، ٩ مارس ٢٠٢٦
وعليكم السلام ورحمة الله وبركاته يا حبيبتي ذكية 🌸 أول حاجة، أنا آسفة جداً على اللي بتمري بيه، ده شعور صعب أوي ومش غريب إنك تحسي بالغضب والحسرة دي كلها. أنتِ مش غلطانة في إحساسك، بس خلينا نفكر مع بعض إزاي تطلعي من الدورة دي وتبدئي صفحة جديدة قوية. اللي حصل مش نهاية العالم، ده بداية أحسن إن شاء الله. الخطيب اللي يقفل ويختفي كده مش يستاهل دموعكِ، وأهلك – ربنا يهديهم – كانوا بيحاولوا يحميكِ بطريقتهم الخاطئة، بس ده مش يبرر إنهم يضغطوا عليكِ كده. خطوات عملية دلوقتي عشان ترتاحي وتقوى: خلي الغضب يطلع بطريقة صح : اكتبي كل اللي جواكِ على ورقة، ثم احرقيها أو مزقيها (ده يساعد نفسياً أوي). متفضلش تحاسبيهم في راسك كل دقيقة، ده بيأكل طاقتكِ. حديث هادئ مع أهلك : قوليلهم "أنا بحبكم وشاكرة نصايحكم، بس أنا محتاجة أحس إن صوتي مسموع وكرامتي محترمة." متزعقيش، بس كوني واضحة. لو مش راضيين، خدي مسافة مؤقتة عشان تهدي. ركزي على نفسكِ : ابدئي هواية جديدة زي الرياضة الخفيفة أو تعلم مهارة أونلاين (دورات مجانية كتير). فكري في شغل أو دراسة تساعدكِ تعتمدي على نفسكِ أكتر. ده هيبني ثقتكِ ويخليكِ أقوى. الجانب الروحي : صلي الاستخارة لو في أي قرار جديد، واقري سورة الشرح يومياً: "فَإِنَّ مَعَ الْعُسْرِ يُسْرًا". الغفران للناس مش ضعف، ده قوة عشان قلبكِ يرتاح (زي ما ربنا قال: "وَلْيَعْفُوا وَلْيَصْفَحُوا"). أنتِ قوية وهتقدري تتجاوزي ده، يا رب يرزقكِ الزوج الصالح اللي يقدركِ حق قدركِ. لو عايزة نصايح أكتر، دوري في فدني على أسئلة مشابهة هتلاقي إجابات كتير مفيدة، أو شوفي الخبراء هنا: https://www.fedni.net/experts – في متخصصين في الاستشارات الأسرية هيساعدوكِ أكتر. 💕
تم النشر الأحد، ٨ مارس ٢٠٢٦
لعرض السؤال في فدني اضغط هنا