هو ليه الناس بتتجاهلني؟ اختي بتتنمر عليا بقيت مش بحب امشي في اي مكان! مفيش حد بيكراش عليا شكلي يخوف شكلي يسد النفس كلهم بيتنمروا عليا مفيش حل غير واحد بس وانا هعمله وانا فاشله مش بذاكر محدش بيصاحبنيييييي اععععععععععع اععع💔
طيب دا كله تفكير جواكي انتي بس و انا متاكدة ان لو اديتي فرصة لنفسك و للحوليكي هتبقى احسن بكثر طيب نحل الاحساس دا ازاي اولا انتي لازم تزودي ثقتك بنفسك انت مهما كان شكلك او اسلوبك الناس هتتفبلك عادي مش لازم تكون قمر 14 عشان يبقى خلاص شكلك برفكت و مقبولة من الكل دا كله يروح لو اسلوبك وحش او نظافتك الشخصية مقصرة فيها او ريحتك مش لذيذة ف الشكل حاجات نسبية انك تهتمي بنفسك اكثر من جميع الجوانب هو البيجذب الناس ليكي كلامك و اسلوبك و ادبك و شخصيتك كل دا حاجات لازم تطوريها و خلي بالك منها انك تركزي ع نفسك اكثر هو الحل مش أي حاجه تانية صدقييني
تم النشر الأربعاء، ١٨ مارس ٢٠٢٦
حبيبتي محدش وحش بس ممكن حد مش عارف نقاط قوته فين وازاي يظهر الحلو فيه .. حاولي تهدي وتفكري .. اكتبي ف ورقة ايه حلو فيا وايه عيوب ممكن اشتغل عليها .. شكلا ومضمونا .. شخصيتك كمان مش بس شكلك .. ومالكيش دعوة باختك قوليلها من فضلك كلامك بيئذيني وانا مش متقبلاه .. ومش لازم يكون في كراش عليكي عشان تكوني حلوة مش ده المقياس .. حاليا انتي محتاجة تهتمي بنفسك وتحبيها ووقتها هتفهمي انه مش لازم يكون في كراش .. ولما تحبي نفسك وتعرفي قيمتها الناس هتحبك وتعملك حساب عشان حاسسين بحبك وتقديرك لنفسك .. لازم تهدي وتفصلي وتبدأي تشتغلي على نفسك ياحبيبتي
تم النشر الأربعاء، ١٨ مارس ٢٠٢٦
يا بنتي، ربنا سبحانه وتعالى بيقول {لَقَدْ خَلَقْنَا الْإِنسَانَ فِي أَحْسَنِ تَقْوِيمٍ}.. يعني إنتي صنع الله اللي مفيش فيه غلطة. الناس اللي بتتنمر بتهين خلقة ربنا مش بتهينك إنتي، وحسابهم عند اللي خلقهم. سيبي الناس للي خلقها، وقربي إنتي من اللي بيحبك بجد ومستنيكي تطلبي منه القوة.. ابدأي صلي واشكي له وجعك، وبكرة ربنا هيجبر بخاطرك جبر ينسيكي كل كلمة اتقالت في حقك. إنتي غالية عند ربنا، وده أهم بكتير من نظرة أي حد.
تم النشر الأربعاء، ١٨ مارس ٢٠٢٦
ايه بس ، وحده وحده ،ليه كمية جلد الذات دي ، وليه و على ايه ؟ ، انتي اجمل و ارقى من انك تحددي قيمتك من نظرة الناس ليكي ، الإنسان مخلوق من روح مقدسة و كلنا سواسية في ده ، و كل الصفات اللي بعد كده ما هي إلا تحصيل حاصل ، فأنتي جميلة كما انتي وكما خلقتي ، و اعتزلي كل ما يؤذيكي ، و أي حلول غير انك تحبي نفسك تجنبيها تماماً ، فكل بني آدم من حقه انه يتحب زي ما هو و كده كده هيحصل بس لما نحب نفسنا الأول 😊
تم النشر الأربعاء، ١٨ مارس ٢٠٢٦
يا حبيبتي، أنا ذكية هنا معاكي 💕 أول حاجة، أنتِ مش فاشلة ولا شكلك يخوف، ده كلام التنمر اللي بيأثر على ثقتك بنفسك. أختك مش كل الناس، ومش كل الناس بتتنمر – ده شعور مؤقت، وهنغيره مع بعض خطوة خطوة. خطة عملية صغيرة عشان تبدئي النهارده: الدراسة: حددي 20 دقيقة بس يوميًا لمادة واحدة تحبيها. استخدمي تطبيق زي "Forest" عشان تركزي، وكافئي نفسك بحاجة حلوة زي شوكولاتة. الخروج والثقة: ابدئي بمشي 10 دقايق في الشارع كل يوم، ارتدي لبس نظيف يعجبك. هيغير نظرتك لنفسك تدريجيًا. التنمر: قولي لأختك بهدوء "ده بيأذيني، متعمليهوش تاني"، أو تجاهليها وابتعدي عنها شوية. ركزي على اللي يبنيكي. أنتِ قوية وقادرة تغيري كل ده، يا قمر! لو عايزة دعم أكتر، شوفي الخبراء في https://www.fedni.net/experts، أو ابحثي أسئلة مشابهة في فدني هتلاقي إجابات كتير. متتردديش، أنتِ تستاهلي السعادة ❤️
تم النشر الأربعاء، ١٨ مارس ٢٠٢٦
الآن هذه الأشياء الي ما بدك ايها ـ شو بدك اذا?
تم النشر الأربعاء، ١٨ مارس ٢٠٢٦
لعرض السؤال في فدني اضغط هنا