كنت بحب واحد بقالي سبع سنين من تانيه اعدادي لحد تانيه جامعه هو كان خاين كتير اوي اوي وكنت كل مره بقفشو واقول لي بتعمل كده يقولي مش عارف المهم كان اول مره يخوني فيها كان ابن عمه هو للي قالي وانا كنت صغيره تقريبا تالته اعدادي أو أولي ثانوي المهم ابن عمه ده شدني ليه وارتبطنا 6شهور تقريبا بس انا كنت صغيره ومكنتش بحبه بعدين للي كنت بحبه ده رجعلي تاني وقالي أنا بحبك وهو مرتبط بيكي عشان يبوظ كل للي بينا المهم حصل مشاكل ورجعت تاني ل حبيبي وقعدنا لحد تانيه جامعه وجهه عشان يخش ف الجد بق امه جت عندنا وشافتني وكله تمام ووافقوا واحنا وافقنا وكان المفروض يوم الجمعه يجو لقيتو يوم الخميس بيكلمني وبيقولي أنا مش هينفع اكمل عشان اخويا عرف أن انتي كنتي بتكلمي ابن عمي بقولو انت كنت عارف بعدين انا صغيره هيحاسبني ع حاجه عملتها وانا صغيره قالي أنا قولتلو كتير وهو مش راضي وانا مش هخسر اخويا للي بياكلني وبيشربني وانا كنت جايبلك تليفون كنت هنفتحه لما نتخطب انا عايزه هاجي اخدك بكره ومن يومها وانا مدمره وهو عادي وكلمته كتير وقولتلوو اكلم اخوك وهو كان بيرفض اني أكلمه واخر مره كلمته كانت امبارح بقولو أنا هفضل ادعي ربنا يجعلك من نصيبي طول شهر رمضان وانت ع الأقل حارب عشاني ولو مره هل ف امل أننا نرجع قالي لا مفيش امل
اي الحل أو اشيلو من دماغي ازاي وهل هو كده كان بيحبني !!
ولا هو كده بتاع اخوه وأمه للي بياكلو
هو مش بيحبك والدليل إنه كان بيكلمك وانتِ طفله ! السن دا عارف كويس إنه هيكلمك يتسلى شويه وهتكبري وعلاقتكم هتنتهي بس اللي حصل إن العلاقه منتهتش, فضل يكلمك و يكلم غيرك وانتِ بتسامحيه عادي ومصدقاه لحد ما قرر ينهي العلاقه دي بحجه أخوه.. هو لو بيحبك بجد مكنش هيكلم ولا هيبص لغيرك .. كان هيتقدملك ويدخل البيت من بابه. أما دا كان بيتسلى وإنه مش قد مسؤوليه إنه يشيل نفسه ومعترف إن أخوه اللي بيصرف عليه وبيأكله و مسؤول من أهله لسه . انا مش معاكي في الرساله اللي بعتتيهاله إمبارح كدا مدياله قيمه أكبر من قيمته .. المفروض كنتي تبعتيله إن الظروف عرفتك إنه مش راجل ومش قد كلمته بدل ما يتقدملك بعد كل السنين دي بيهرب ! وإنك هتحمدي ربنا طول رمضان إنه فوقك وبعده عنك وتنهي أي وسيله تواصل معاه. يستوعب إنه هو اللي خسرك مش العكس. إنتِ أغلى من كدا إنسيه خالص وركزي في دراستك ونصيبك هيجيلك ( هيدخل البيت من بابه وهيكلم أهلك ) وقتها هتعرفي يعني إيه راجل فعلا ويعتمد عليه وقراراته من دماغه ..
تم النشر الثلاثاء، ١٢ مارس ٢٠٢٤
احيانا بنحب حد جدا ونفكر في كل يوم بس احيانا ربنا بيدينا اشارات ان الحد ده مش سيكون كويس في حياتنا وتفرحي ان الحد ده مبقاش ينتمي بحياتك وده كرم من عند ربنا انو لما اتقدم ربنا عمل حاجه مخلهوش يخدها جد اوي وكمان انتي بتقولي خانك اكتر من مره والي انتي عملتيه كان غلط وانتي صغيره بس ده يعرفن البلديات التي لا ترضي الله نهايتها لا ترضيك وعشان تنسي خدي كورسات اشتغلي طوري من نفسك ويكون لكي الكرير بتاعك وعوض ربنا مفيش أحسن منو
تم النشر الأربعاء، ١٣ مارس ٢٠٢٤
حتة عيل ولا يعرف حاجة عن الرجولة روحى صلى ركعتين شكر لله انه بيحبك وانه بعده عنك اهو المواقف العك بتاعت الخيانه والارتباط يمكن مكنتيش قادره تفهميها باسم الحب بس الحب من غير مسئولية يبقى لعب عيال ادعى وقولى الحمدلله ...ولا تفكرى فى اسمه حتى ...ومتدخليش فى اى قصص ارتباط وحب تانى ..اختبرى رجولة اللى قدامك الاول لو جه البيت وكان قد كلامه يبقى اهلا وسهلا ..لو غير كده يبقى من الصنف العيالى ده
تم النشر الثلاثاء، ١٢ مارس ٢٠٢٤
بصي يقمر انا مش بقولك نصيحه انا بفضفض معاكي عادي قبل اي حاجه مكنش ينفع تكلمي حد علي الفون والحب والكلام دا حرام صح ولا انا غلطانه متستعجليش علي رزقك نصيبك هايجيلك لحد البيت واديكي شوفتي اتخلي عنك اهو هو لو شاريكي وبحبك وعايزك هيعمل المستحيل عشانك بس بالحلال يعني لو بيحبك يجي يخبط علي باب بيتك مش يكلمك الأول واللي انتي عملتيه غلط انك كلمتي ابن عمو اللي حصل حصل وانسي الموضوع وقربي من ربنا وادعي كتير انو يقربلك الخير ويبعد عنك ولاد الحرام واستني ربنا هيعوضك بالاحسن منهم
تم النشر الثلاثاء، ١٢ مارس ٢٠٢٤
لعرض السؤال في فدني اضغط هنا